-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ ಫ್ಯಾಷನ್‌ ಸೀಸನ್‌ಗೆ ಲಗ್ಗೆ ಇಟ್ಟಿದೆ. ಹೌದು. ಈ ಬಾರಿಯ ಮಳೆಗಾಲದ ಫ್ಯಾಷನ್‌ (Monsoon Fashion 2024) ಈಗಾಗಲೇ ಎಂಟ್ರಿ ನೀಡಿದ್ದು, ಮುಂದಿನ ಎರಡ್ಮೂರು ತಿಂಗಳವರೆಗೆ 2024ರ ಮಾನ್ಸೂನ್‌ ಫ್ಯಾಷನ್‌ನ ಕಾರುಬಾರು ನಡೆಯಲಿದೆ. ಈ ಜಡಿ ಮಳೆಗಾಲದಲ್ಲಿ ಟ್ರೆಂಡಿಯಾಗಲಿರುವ ಡಿಸೈನರ್‌ವೇರ್ಸ್, ವೆಸ್ಟರ್ನ್‌ವೇರ್‌, ಲೇಯರ್‌ ಲುಕ್‌, ಸೀಸನ್‌ವೇರ್ಸ್, ಕಲರ್ಸ್ ಥೀಮ್‌ ಎಲ್ಲವೂ ನಿಧಾನಗತಿಯಲ್ಲಿ ಟ್ರೆಂಡಿಯಾಗಲಿರುವ ಮುನ್ಸೂಚನೆಗಳು ಕಾಣಿಸುತ್ತಿವೆ. ಅಂದಹಾಗೆ, ಯಾವ್ಯಾವ ಶೇಡ್‌ಗಳು ಈ ಮಾನ್ಸೂನ್‌ ಫ್ಯಾಷನ್‌ ಡ್ರೆಸ್‌ಕೋಡ್‌ಗಳಲ್ಲಿ ರಾರಾಜಿಸಬಹುದು? ಯಾವ ಬಗೆಯ ವಿನ್ಯಾಸಗಳು ಟ್ರೆಂಡಿಯಾಗಬಹುದು? ಎಂಬುದೆಲ್ಲರ ಕುರಿತಾಗಿ ಫ್ಯಾಷನಿಸ್ಟ್‌ಗಳು ಇಲ್ಲಿ ಭವಿಷ್ಯ ನುಡಿದಿದ್ದಾರೆ. ಈ ಕುರಿತಂತೆ ಇಲ್ಲಿದೆ ಸಂಕ್ಷೀಪ್ತ ಡಿಟೇಲ್ಸ್.

ಮಾನ್ಸೂನ್‌ ಫ್ಯಾಷನ್‌ಗೆ ಎಂಟ್ರಿ

“ಪ್ರತಿಬಾರಿಯಂತೆ ಈ ಬಾರಿಯೂ ಕೂಡ ಮಾನ್ಸೂನ್‌ ಸೀಸನ್‌ನಲ್ಲಿ, ಮಳೆಗಾಲಕ್ಕೆ ತಕ್ಕಂತಹ ಡ್ರೆಸ್‌ಕೋಡ್‌ಗಳ ಕಾನ್ಸೆಪ್ಟ್‌ ಬಿಡುಗಡೆಯಾಗಿದೆ. ರಾಷ್ಟ್ರೀಯ, ಅಂತರಾಷ್ಟ್ರೀಯ ಮಟ್ಟದ ಫ್ಯಾಷನಿಸ್ಟ್‌ಗಳು ಹಾಗೂ ಅಪರೆಲ್‌ ಇಂಡಸ್ಟ್ರೀಯ ತಜ್ಞರು ಈ ಸೀಸನ್‌ಗೆ ಬಿಡುಗಡೆಯಾಗುತ್ತಿರುವ ಉಡುಗೆ-ತೊಡುಗೆಗಳ ಸಂಕ್ಷೀಪ್ತ ವಿವರವನ್ನು ಬ್ಯೂಟಿ ಬ್ಲಾಗ್‌ಗಳಲ್ಲಿ ಹಾಗೂ ಫ್ಯಾಷನ್‌ ಸಂದರ್ಶನಗಳಲ್ಲಿ ಹಂಚಿಕೊಂಡಿದ್ದಾರೆ. ಅವರೆಲ್ಲರ ಪ್ರಕಾರ, ಎಂದಿನಂತೆ, ಭಾರತೀಯ ಫ್ಯಾಷನ್ ಪ್ರಿಯರಿಗೆ ಒಗ್ಗುವಂತ ಸ್ಟೈಲಿಶ್‌ ಡ್ರೆಸ್‌ಗಳು ಈ ಮಳೆಗಾಲಕ್ಕೆ ಎಂಟ್ರಿ ನೀಡಿವೆ” ಎನ್ನುತ್ತಾರೆ ಫ್ಯಾಷನಿಸ್ಟ್‌ ಧವನ್‌. ಇನ್ನು ಸ್ಟೈಲಿಸ್ಟ್ ರಾಮ್‌ ಪ್ರಕಾರ, ಮಾನ್ಸೂನ್‌ ಫ್ಯಾಷನ್‌ ಇದೀಗ ಗ್ಲಾಮರಸ್‌ ರಹಿತ ಎನ್ನುವ ಮಾತು ಸುಳ್ಳಾಗಿದೆ. ಈ ಡ್ರೆಸ್‌ಕೋಡ್‌ಗೂ ಗ್ಲಾಮರಸ್‌ ಟಚ್‌ ದೊರಕಿದೆ ಎನ್ನುತ್ತಾರೆ.

ಮಾನ್ಸೂನ್‌ ಫ್ಯಾಷನ್‌ನಲ್ಲಿ ಅಂತಹದ್ದೇನಿದೆ?

ಸಮ್ಮರ್‌ ಸ್ಪ್ರಿಂಗ್‌ಗೆ ಮಾತ್ರ ಸೀಮಿತವಾಗಿದ್ದ ಫ್ಲೋರಲ್‌ ಹಾಗೂ ಗಾರ್ಡನ್‌ ಪ್ರಿಂಟ್ಸ್ ಡ್ರೆಸ್‌ಗಳು ಈ ಸೀಸನ್‌ನಲ್ಲೂ ಮುಂದುವರೆಯಲಿವೆ. ಲಕ್ಷುರಿ ಜಂಪ್‌ಸೂಟ್‌ಗಳು, ಆಂಕೆಲ್‌ ಲೆಂಥ್‌ , ಹೈ ವೇಸ್ಟ್ ಪ್ಯಾಂಟ್ಸ್, ಶಾರ್ಟ್ ಸೂಟ್ಸ್, ಟ್ರಾಕ್‌ ಸ್ಟಾರ್‌ ಸ್ಟೈಲ್‌ ಡ್ರೆಸ್‌, ನೋ ಪ್ಯಾಂಟ್ಸ್ ಲುಕ್‌, ಬೋಹೋ, ಅಥ್ಲೆಟಿಕ್‌ ಲುಕ್‌, ಬಾಸ್‌ ಲೇಡಿ ಲುಕ್ಸ್, ಮ್ಯಾಕ್ಸಿ ಸ್ಕರ್ಟ್ಸ್, ವಾಟರ್‌ಪ್ರೂಫ್‌ ಬ್ರಿಥೆಬಲ್‌ ಗ್ಲಾಮರಸ್‌ ಡ್ರೆಸ್‌ಗಳು, ಲೇಯರ್‌ ಶೀರ್‌ ಡ್ರೆಸ್‌ಗಳು ಪ್ರಮುಖವಾಗಿ ಎಂಟ್ರಿ ನೀಡಿವೆ.

ಇದನ್ನೂ ಓದಿ: Twinning Fashion: ಪರ್ಫೆಕ್ಟ್ ಟ್ವಿನ್ನಿಂಗ್ ಫ್ಯಾಷನ್‌ಗೆ ಇಲ್ಲಿದೆ 5 ಐಡಿಯಾ!

ವಿನ್ಯಾಸಕ್ಕೆ ಒತ್ತು ನೀಡಿದ ಫ್ಯಾಷನ್‌

ಇನ್ನು, ರಫಲ್ಸ್, ವಿಂಟೇಜ್‌, ಕ್ರೊಚೆಟ್‌, ಪೊಂಚೋ ಡಿಸೈನ್‌ನ ಲೇಯರ್‌ ಲುಕ್‌ ಔಟ್‌ಫಿಟ್ಸ್, ಜಾಕೆಟ್‌ ಡ್ರೆಸ್‌, ಕೋಟ್‌ ಡ್ರೆಸ್‌ಗಳು ಡಿಫರೆಂಟ್‌ ಲುಕ್‌ನಲ್ಲಿ ಜೆನ್‌ ಜಿ ಹುಡುಗಿಯರಿಗೂ ಪ್ರಿಯವಾಗುವಂತಹ ಡಿಸೈನ್‌ನಲ್ಲಿ ಬಿಡುಗಡೆಗೊಂಡಿವೆ. ರಿಚ್‌ ರೆಡ್‌, ಮೆಟಾಲಿಕ್‌, ಗೋಲ್ಡನ್‌, ಯೆಲ್ಲೋ, ಸಿಲ್ವರ್‌, ಪರ್ಪಲ್‌, ಗ್ರೀನ್‌ನಂತಹ ಶೇಡ್‌ಗಳು ಮಳೆಗಾಲದ ಡ್ರೆಸ್‌ಗಳಲ್ಲಿ ಮೆಳೈಸಲಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ ರಿಂಕು ವರ್ಮಾ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪರ್ಫೆಕ್ಟ್ ಟ್ವಿನ್ನಿಂಗ್‌ ಫ್ಯಾಷನ್‌ಗೆ (Twinning Fashion) ಇಲ್ಲಿದೆ 5 ಸಿಂಪಲ್‌ ಐಡಿಯಾ. ಹೌದು, ಯಾರೇ ಟ್ವಿನ್ನಿಂಗ್‌ ಮಾಡಿದಾಗ ಅದನ್ನು ನೋಡಿದವರಿಗೆ ಈ ಫ್ಯಾಷನ್‌ ಮಾಡುವುದು ಸುಲಭ ಎಂದೆನಿಸಬಹುದು. ಆದರೆ, ಇದಕ್ಕೂ ಒಂದಿಷ್ಟು ಫ್ಯಾಷನ್‌ ಹಾಗೂ ಸ್ಟೈಲಿಂಗ್‌ ರೂಲ್ಸ್‌ಗಳಿವೆ. ಅವನ್ನು ಪಾಲಿಸಬೇಕಾಗುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು ಈ ಕುರಿತಂತೆ ಒಂದೈದು ಐಡಿಯಾ ನೀಡಿದ್ದಾರೆ.

ಒಂದೇ ಬಗೆಯ ಡ್ರೆಸ್ಕೋಡ್‌ ಆಯ್ಕೆ

ಟ್ವಿನ್ನಿಂಗ್‌ ಮಾಡಲು ಬಯಸುವ ಸಹೋದರಿಯರು, ಸ್ನೇಹಿತರು ಅಥವಾ ಯಾರೇ ಆಗಲಿ ಒಂದೇ ಬಗೆಯ ಡ್ರೆಸ್‌ ಕೋಡ್‌ ಆಯ್ಕೆ ಮಾಡಬೇಕು. ನೋಡಲು ಒಂದೇ ಶೈಲಿ ಹಾಗೂ ಬಣ್ಣದ್ದಾಗಿರಬೇಕು. ಡಿಸೈನ್‌ ಕೂಡ ಸೇಮ್‌ ಟು ಸೇಮ್‌ ಆಗಿದ್ದರಂತೂ, ಪರ್ಫೆಕ್ಟ್ ಟ್ವಿನ್ನಿಂಗ್‌ ಎಂದನಿಸಿಕೊಳ್ಳುವುದು.

ಟ್ವಿನ್ನಿಂಗ್‌ಗೆ ಮೇಕಪ್‌ ಸಾಥ್‌

ಒಂದೇ ಬಗೆಯ ಡ್ರೆಸ್‌ ಧರಿಸಿ ಟ್ವಿನ್ನಿಂಗ್‌ ಮಾಡಿದರೇ ಸಾಲದು. ಮುಖದ ಮೇಕಪ್‌ ಕೂಡ ಹೊಂದಬೇಕು. ಒಬ್ಬರು ಸಿಂಪಲ್‌ ಮೇಕಪ್‌ ಮತ್ತೊಬ್ಬರು ಮಿನೆರಲ್‌ ಮೇಕಪ್‌, ಇಲ್ಲವೇ ಗ್ರ್ಯಾಂಡ್‌ ಮೇಕಪ್‌ ಮಾಡಿದಲ್ಲಿ, ನೋಡುಗರಿಗೆ ಒಂದೇ ಬಗೆಯದ್ದಾಗಿ ಕಾಣದು. ವಿಭಿನ್ನವಾಗಿ ಕಾಣಿಸಬಹುದು. ಹಾಗಾಗಿ ಟ್ವಿನ್ನಿಂಗ್‌ ಮಾಡುವವರು ಒಂದೇ ಬಗೆಯ ಮೇಕಪ್ ಮಾಡುವುದು ಉತ್ತಮ. ಆಕರ್ಷಕವಾಗಿ ಕಾಣಿಸುವುದು.

ಹೇರ್‌ಸ್ಟೈಲ್‌ ಮ್ಯಾಚಿಂಗ್‌

ಡ್ರೆಸ್‌ಕೋಡ್‌, ಮೇಕಪ್‌ ಜೊತೆಜೊತೆಗೆ ಹೇರ್‌ಸ್ಟೈಲ್‌ ಕೂಡ ಇವೆಲ್ಲಕ್ಕೂ ಮ್ಯಾಚಿಂಗ್‌ ಆಗಬೇಕು. ಆಗ ಟ್ವಿನ್ನಿಂಗ್‌ ಕಾನ್ಸೆಪ್ಟ್ ಚೆನ್ನಾಗಿ ಕಾಣಿಸುವುದು. ಅದು ಯಾವುದೇ ಬಗೆಯ ಹೇರ್‌ಸ್ಟೈಲ್‌ ಆಗಬಹುದು. ಇಬ್ಬರದು ಸೇಮ್‌ ಟು ಸೇಮ್‌ ಹೇರ್‌ಸ್ಟೈಲ್‌ ಆಗಿದ್ದರೇ ಸಾಕು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಆಕ್ಸೆಸರೀಸ್‌ ಒಂದೇ ಬಗೆಯದ್ದಾಗಿರಲಿ

ಉಡುಪು, ಮೇಕಪ್‌, ಹೇರ್‌ಸ್ಟೈಲ್‌ ಇವೆಲ್ಲದರ ಜೊತೆಗೆ ಹೊಂದುವಂತೆ ಧರಿಸುವ ಆಕ್ಸೆಸರೀಸ್‌ ಆಯಾ ಡ್ರೆಸ್‌ಕೋಡ್‌ಗೆ ಸರಿಯಾದಲ್ಲಿ ಟ್ವಿನ್ನಿಂಗ್‌ಗೆ ಫುಲ್‌ ಮಾರ್ಕ್ಸ್ ದೊರೆತಂತೆ. ಸ್ಟೇಟ್‌ಮೆಂಟ್‌ ಜ್ಯುವೆಲರಿಗಳು ಈ ಟ್ವಿನ್ನಿಂಗ್‌ ಡ್ರೆಸ್‌ಕೋಡ್‌ಗೆ ಬೆಸ್ಟ್‌ ಜ್ಯುವೆಲರಿಗಳು ಎನ್ನುತ್ತಾರೆ ಡಿಸೈನರ್ಸ್.

ಫೋಟೋಶೂಟ್‌ಗೆ ತಕ್ಕಂತೆ ಪೋಸ್‌

ಟ್ವಿನ್ನಿಂಗ್‌ ಮಾಡುವವರು ಫ್ಯಾಷನೆಬಲ್‌ ಆಗಿ ಕಾಣಿಸಿಕೊಳ್ಳುವುದು ಮಾತ್ರ ಮುಖ್ಯವಲ್ಲ, ಅದರ ಜೊತೆಗೆ ಫೋಟೋಗಳಿಗೆ ಪೋಸ್‌ ನೀಡುವಾಗ ಇಬ್ಬರ ಮೇಕೋವರ್‌ನಿಂದಿಡಿದು ಧರಿಸಿದ ಡ್ರೆಸ್‌ ಹಾಗೂ ಎಲ್ಲವೂ ಒಂದೇ ಬಗೆಯದ್ದಾಗಿ ಬಿಂಬಿಸಲು, ಒಂದೇ ಬಗೆಯ ಪೋಸ್‌ ನೀಡುವುದು ಮುಖ್ಯ ಎಂಬುದು ಸ್ಟೈಲಿಸ್ಟ್ ರಿಂಕು ಅಭಿಪ್ರಾಯ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Floral Jumpsuit fashion: ಔಟಿಂಗ್‌ಗೆ ಪರ್ಫೆಕ್ಟ್ ಔಟ್‌ ಫಿಟ್‌ ಈ ಫ್ಲೋರಲ್‌ ಜಂಪ್‌ ಸೂಟ್‌!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮನೋಲ್ಲಾಸ ಹೆಚ್ಚಿಸುವಂತಹ ವೈವಿಧ್ಯಮಯ ಪ್ರಿಂಟ್ಸ್‌ನ ಫ್ಲೋರಲ್‌ ಜಂಪ್‌ಸೂಟ್‌ಗಳು (Floral Jumpsuit fashion) ಇದೀಗ ಕಾಲೇಜು ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ. ಈಗಾಗಲೇ ಫ್ಯಾಷನ್‌ನಲ್ಲಿ ಲೆಕ್ಕವಿಲ್ಲದಷ್ಟು ಬಗೆಯ ಜಂಪ್‌ಸೂಟ್‌ಗಳು ಲಗ್ಗೆ ಇಟ್ಟಿದ್ದು, ಅವುಗಳಲ್ಲಿ ನೋಡಲು ಲೈವ್ಲಿಯಾಗಿ ಬಿಂಬಿಸುವಂತಹ ವೆರೈಟಿ ಫ್ಲೋರಲ್‌ ಪ್ರಿಂಟ್ಸ್ನವು ಹೆಚ್ಚು ಬೇಡಿಕೆ ಸೃಷ್ಟಿಸಿಕೊಂಡಿವೆ.

ಆಕರ್ಷಕ ಫ್ಲೋರಲ್‌ ಜಂಪ್‌ಸೂಟ್ಸ್

“ಜಂಪ್‌ಸೂಟ್‌ ಎಂದಿಗೂ ಫ್ಯಾಷನ್‌ನಿಂದ ಆಚೆ ಹೋಗದ ಔಟ್‌ಫಿಟ್‌ಗಳು. ಇವುಗಳ ಒಂದಲ್ಲ ಒಂದು ಡಿಸೈನ್ಸ್ ಅಥವಾ ವಿಭಿನ್ನ ಪ್ರಿಂಟ್ಸ್‌ನಿಂದಾಗಿ ಆಗಾಗ್ಗೆ ಫ್ಯಾಷನ್‌ ಲೋಕದಲ್ಲಿ ಸುದ್ದಿ ಮಾಡುತ್ತಿರುತ್ತವೆ. ಸೆಲೆಬ್ರೆಟಿಗಳು ಕೂಡ ತಮ್ಮ ಔಟಿಂಗ್‌ನಲ್ಲಿ ಹಾಗೂ ರಿಲಾಕ್ಸೇಷನ್‌ ಸಮಯದಲ್ಲಿ ಹಾಗೂ ಮಕ್ಕಳೊಂದಿಗೆ ಟ್ವಿನ್ನಿಂಗ್‌ ಮಾಡುವ ಸಮಯದಲ್ಲಿ ಈ ಫ್ಲೋರಲ್‌ ಜಂಪ್‌ ಸೂಟ್‌ಗಳನ್ನು ಧರಿಸುವುದು ಕಂಡು ಬರುತ್ತಿದೆ. ಎಲ್ಲದಕ್ಕಿಂತ ಹೆಚ್ಚಾಗಿ ಈ ಮೊದಲು ಸೀಸನ್‌ಗೆ ತಕ್ಕಂತೆ ಬಿಡುಗಡೆಯಾಗುತ್ತಿದ್ದ ಈ ಜಂಪ್‌ಸೂಟ್‌ಗಳು ಇದೀಗ ಎಲ್ಲಾ ಸೀಸನ್‌ಗೂ ಮ್ಯಾಚ್‌ ಆಗುವಂತಹ ಡಿಸೈನ್‌ನಲ್ಲಿ ಬಿಡುಗಡೆಗೊಳ್ಳುತ್ತಿವೆ. ಅದರಲ್ಲೂ ಮಕ್ಕಳು ಹಾಗೂ ಯುವತಿಯರ ಅಭಿರುಚಿಗೆ ಹೊಂದುವಂತಹ ಕಲರ್ಸ್ ಹಾಗೂ ಪ್ರಿಂಟ್ಸ್‌ನಲ್ಲಿ ಬರುತ್ತಿರುವುದು ಟ್ರೆಂಡಿಯಾಗಲು ಕಾರಣವಾಗುತ್ತಿದೆ” ಎಂದು ಹೇಳುತ್ತಾರೆ ವೆಸ್ಟರ್ನ್ ಔಟ್‌ಫಿಟ್ಸ್ ಸ್ಟೈಲಿಸ್ಟ್ ಗಾನ. ಅವರ ಪ್ರಕಾರ, ಇವು ಧರಿಸುವವರಿಗೆ ಯಂಗ್‌ ಲುಕ್‌ ನೀಡುತ್ತವಂತೆ.

ಟ್ರೆಂಡಿಯಾಗಿರುವ ಫ್ಲೋರಲ್‌ ಜಂಪ್‌ಸೂಟ್‌ಗಳಿವು

ಮೊದಲೆಲ್ಲಾ ಕೇವಲ ವಿದೇಶೀ ಹೂವುಗಳ ಪ್ರಿಂಟ್ಸ್‌ನಲ್ಲಿ ಲಭ್ಯವಿದ್ದ ಇವು ಇದೀಗ ದೇಸಿ ಹೂವುಗಳ ಪ್ರಿಂಟ್ಸ್‌ನಲ್ಲೂ ಕಾಣಬಹುದು. ಲಿಲ್ಲಿ, ಆರ್ಕಿಡ್‌, ಟುಲಿಪ್‌, ಸೇವಂತಿ, ಸನ್‌ಫ್ಲವರ್ಸ್ ಬಂಚ್‌, ರೋಸ್‌ ಗಾರ್ಡನ್‌, ಬಟನ್‌ ರೋಸ್‌, ಕಲರ್‌ಫುಲ್‌ ರೋಸ್‌ ಹೀಗೆ ನಾನಾ ಹೂವುಗಳ ಚಿಕ್ಕ ಹಾಗೂ ದೊಡ್ಡ ಫ್ಲೋರಲ್‌ ಪ್ರಿಂಟ್ಸ್ ಇದೀಗ ಚಾಲ್ತಿಯಲ್ಲಿವೆ.

ಇದನ್ನೂ ಓದಿ: Mini Coins Jewel Fashion: ಹುಡುಗಿಯರನ್ನು ಸೆಳೆಯುತ್ತಿರುವ ಮಿನಿ ಕಾಯಿನ್ಸ್ ನೆಕ್ಲೇಸ್‌

ಫ್ಲೋರಲ್‌ ಜಂಪ್‌ಸೂಟ್‌ ಪ್ರಿಯರಿಗೆ 7 ಟಿಪ್ಸ್

• ಈ ಶೈಲಿಯ ಜಂಪ್‌ಸೂಟ್‌ ಧರಿಸುವಾಗ ಆದಷ್ಟೂ ಸೀಸನ್‌ಗೆ ಹೊಂದುವ ಫ್ಯಾಬ್ರಿಕ್‌ನದ್ದನ್ನು ಆಯ್ಕೆ ಮಾಡಬಹುದು. ಇದರಿಂದ ಕಂಫರ್ಟಬಲ್‌ ಫೀಲ್‌ ಆಗುತ್ತದೆ.
• ಹೈ ಹೀಲ್ಸ್ ಈ ಔಟ್‌ಫಿಟ್‌ನ ಸೌಂದರ್ಯ ಹೆಚ್ಚಿಸುತ್ತದೆ.
• ಆಕ್ಸೆಸರೀಸ್‌ ಧರಿಸುವ ಅಗತ್ಯವಿಲ್ಲ.
• ಸ್ಲಿವ್‌ಲೆಸ್‌ ಹಾಗೂ ಸ್ಲೀವ್‌ ಡಿಸೈನ್‌ ಇರುವಂತವು ದೊರೆಯುತ್ತವೆ.
• ಜಿಪ್‌ ಹಾಗೂ ಬಟನ್‌ನ ಫ್ಲೋರಲ್‌ ಜಂಪ್‌ಸೂಟ್‌ಗಳಲ್ಲಿ ಜಿಪ್‌ನದ್ದು ಬೆಸ್ಟ್. ಇವನ್ನು ಇನ್ನರ್‌ ಫ್ಯಾಷನ್‌ವೇರ್‌ ಮೇಲೆ ಧರಿಸಬಹುದು.
• ಒಮ್ಮೆ ಧರಿಸಿದರೇ ಇದನ್ನು ಸುಲಭವಾಗಿ ಬಿಚ್ಚಲು ಸಾಧ್ಯವಿಲ್ಲ.
• ಆದಷ್ಟೂ ದೊಗಲೆಯಾದ್ದನ್ನು ಆವಾಯ್ಡ್ ಮಾಡಿ. ಸ್ಲಿಮ್‌ ಫಿಟ್‌ ಆಕರ್ಷಕವಾಗಿ ಕಾಣಿಸುತ್ತದೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮೆನ್ಸ್ ಯೋಗ ಔಟ್‌ಫಿಟ್ಸ್‌ನಲ್ಲಿ (International Yoga Day 2024) ಸಿಂಪಲ್‌ ಹಾಗೂ ಆರಾಮದಾಯಕ ಎಂದೆನಿಸುವ ಔಟ್‌ಫಿಟ್ಸ್‌ಗಳು ಮಾತ್ರ ಈ ಸೀಸನ್‌ನಲ್ಲಿ ಬೇಡಿಕೆ ಸೃಷ್ಟಿಸಿಕೊಂಡಿವೆ. ಹೌದು. ಪುರುಷರು ಧರಿಸುವ ಯೋಗಾಭ್ಯಾಸದ ಔಟ್‌ಫಿಟ್ಸ್‌ಗಳು ಯುವತಿಯರ ಯೋಗ ಸೆಟ್‌ ಫ್ಯಾಷನ್‌ವೇರ್‌ಗಳಂತೆ ಟ್ರೆಂಡಿಯೂ ಆಗಿಲ್ಲ! ಫ್ಯಾಷೆನಬಲ್‌ ಕೂಡ ಇಲ್ಲ! ಬದಲಿಗೆ ನಾನಾ ಸಂದರ್ಭಗಳಿಗೆ ಧರಿಸಬಹುದಾಗಿದೆ.

ಆರಾಮದಾಯಕ ಉಡುಪುಗಳಿಗೆ ಪ್ರಾಮುಖ್ಯತೆ

“ಸಿಂಪಲ್‌ ಶಾರ್ಟ್ಸ್ ಕುರ್ತಾ-ಕಾಟನ್‌ ಪ್ಯಾಂಟ್‌ ಹೊರತುಪಡಿಸಿದಲ್ಲಿ, ಪುರುಷರಿಗೆ ನೋಡಲು ಸಿಂಪಲ್‌ ಲುಕ್‌ ನೀಡುವುದರೊಂದಿಗೆ ಕಂಫರ್ಟಬಲ್‌ ಫೀಲ್‌ ನೀಡುವಂತಹ ಕೆಲವು ವೆಸ್ಟರ್ನ್‌ ಔಟ್‌ಫಿಟ್‌ಗಳು ಯೋಗಾಭ್ಯಾಸದ ಪ್ರಾಕ್ಟೀಸ್‌ಗೆ ಸಾಥ್‌ ನೀಡುತ್ತಿವೆ. ಪುರುಷರು ಮೊದಲು ಪ್ರಾಮುಖ್ಯತೆ ನೀಡುವುದು ಆರಾಮದಾಯಕ ಉಡುಗೆಗಳಿಗೆ ಮಾತ್ರ. ಅದು ಯಾವುದೇ ದೊಡ್ಡ ಬ್ರಾಂಡ್‌ನದ್ದಾದರೂ ಸರಿಯೇ ಸಿಂಪಲ್‌ & ಕಂಫರ್ಟಬಲ್‌ ಎಂದೆನಿಸುವಂತಹ ಔಟ್‌ಫಿಟ್‌ಗಳು ಆಯ್ಕೆ ಅವರದ್ದಾಗಿರುತ್ತದೆ” ಎನ್ನುತ್ತಾರೆ ಮೆನ್ಸ್ ಸ್ಟೈಲಿಸ್ಟ್‌ಗಳು.

ಜಾಗರ್ಸ್ ಆಯ್ಕೆ

ಬಹುತೇಕ ಪುರುಷರು ತಮ್ಮ ಯೋಗಾಭ್ಯಾಸಕ್ಕೆ ಅತಿ ಸಾಮಾನ್ಯವಾಗಿ ಧರಿಸುವ ಜಾಗರ್ಸ್ ಸೆಟ್‌ಗಳನ್ನು ಧರಿಸುವುದು ಸಾಮಾನ್ಯವಾಗಿದೆ. ಇದಕ್ಕೆ ಪ್ರಮುಖ ಕಾರಣ, ಧರಿಸಿದಾಗ ಇವು ಆರಾಮದಾಯಕ ಎನಿಸುತ್ತವೆ. ಜೊತೆಗೆ ಬ್ರಿಥಬಲ್‌ ಫ್ಯಾಬ್ರಿಕ್‌ನಿಂದ ಇವು ಸಿದ್ಧಗೊಂಡಿರುವುದರಿಂದ ದೇಹವನ್ನು ಉಸಿರುಗಟ್ಟಿಸುವುದಿಲ್ಲ. ಹಾಗಾಗಿ ಅತಿ ಹೆಚ್ಚು ಪುರುಷರು ಇವನ್ನೇ ಚೂಸ್‌ ಮಾಡತೊಡಗಿದ್ದಾರೆ.

ಹುಡುಗರ ಆಯ್ಕೆಯಲ್ಲಿ ಬರ್ಮುಡಾ ಶಾರ್ಟ್ಸ್

ಇನ್ನು, ಕಾಲೇಜು ಯುವಕರು ಹಾಗೂ ಈ ಜನರೇಷನ್‌ನವರು ಯೋಗಾಭ್ಯಾಸಕ್ಕಾಗಿ ಆಯ್ಕೆ ಮಾಡಿಕೊಂಡಿರುವ ಔಟ್‌ಫಿಟ್‌ಗಳಲ್ಲಿ ಬರ್ಮುಡಾ ಶಾರ್ಟ್ಸ್ ಪ್ರಥಮ ಸ್ಥಾನ ಪಡೆದಿದೆ. ಇವು ಕಂಫರ್ಟಬಲ್‌ ಫೀಲ್‌ ನೀಡುವುದರೊಂದಿಗೆ ತಮ್ಮ ಜನರೇಷನ್‌ಗೆ ಮ್ಯಾಚ್‌ ಆಗುತ್ತವೆ ಎಂಬುದು ಅವರ ಯೋಚನೆಯಾಗಿದೆ ಎನ್ನುತ್ತಾರೆ ಯೋಗ ಎಕ್ಸ್‌ಫರ್ಟ್‌ ರಾಜ್‌ ವಿರಾಜ್‌. ಅವರ ಪ್ರಕಾರ, ಅವರವರ ವಯಸ್ಸಿಗೆ ತಕ್ಕಂತೆ ಇವುಗಳ ಆಯ್ಕೆಯಲ್ಲಿ ಬದಲಾವಣೆ ಕಾಣಬಹುದಂತೆ.

ಸ್ವೆಟ್‌ ಪ್ಯಾಂಟ್ಸ್–ಟೀ ಶರ್ಟ್ಸ್

ಸ್ವೆಟ್‌ ಪ್ಯಾಂಟ್ಸ್ ಹಾಗೂ ಕೊಂಚ ಲೂಸಾಗಿರುವ ಕಾಲರ್‌ ಇಲ್ಲದ ಟೀ ಶರ್ಟ್‌ಗಳನ್ನು ಕೂಡ ಅತಿ ಹೆಚ್ಚು ಪುರುಷರು ಯೋಗಾಭ್ಯಾಸಕ್ಕಾಗಿ ಧರಿಸುತ್ತಾರಂತೆ. ಇದಕ್ಕೆ ಕಾರಣವೂ ಇದೆ. ಈ ಔಟ್‌ಫಿಟ್‌ ಯೋಗ ಮಾತ್ರವಲ್ಲದೇ, ಇತರೇ ಸಮಯದಲ್ಲೂ ಧರಿಸಬಹುದು. ಟು ಇನ್‌ ವನ್‌ ಔಟ್‌ಫಿಟ್‌ಗಳಂತೆ ಬಳಬಹುದು ಹಾಗೂ ಮಿಕ್ಸ್‌ ಮ್ಯಾಚ್‌ ಕೂಡ ಮಾಡಬಹುದು. ಹಾಗಾಗಿ ಇವುಗಳ ಬಳಕೆ ಕೂಡ ಹೆಚ್ಚು ಎನ್ನುತ್ತಾರೆ ಸ್ಟೈಲಿಸ್ಟ್ ಧವನ್‌.

ಇದನ್ನೂ ಓದಿ: Yoga Fashion: ಯೋಗ ಕೋ-ಆರ್ಡ್ ಸೆಟ್‌ಗೆ ಸಿಕ್ತು ಗ್ಲಾಮರ್‌ ಟಚ್‌!

ಮೆನ್ಸ್ ಯೋಗ ಔಟ್‌ಫಿಟ್ಸ್ ಟಿಪ್ಸ್

• ಟೈಟ್‌ ಫಿಟ್‌ ಔಟ್‌ಫಿಟ್ಸ್ ಧರಿಸುವುದು ನಾಟ್‌ ಓಕೆ.
• ಫ್ಯಾಷನ್‌ಗಿಂತ ಕಂಫರ್ಟಬಲ್‌ ಆಗಿರುವುದು ಮುಖ್ಯ.
• ಈ ಔಟ್‌ಫಿಟ್‌ ಜೊತೆ ಆಕ್ಸೆಸರೀಸ್‌ ಧರಿಸಕೂಡದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )