Raja Marga Column : ಗಾತಾ ರಹೇ ಮೇರಾ ದಿಲ್; ಲತಾ ಮಂಗೇಶ್ಕರ್ ಮಧುರ ಧ್ವನಿ ಎಂದೆಂದೂ ಅಮರ - Vistara News

ಸ್ಫೂರ್ತಿ ಕತೆ

Raja Marga Column : ಗಾತಾ ರಹೇ ಮೇರಾ ದಿಲ್; ಲತಾ ಮಂಗೇಶ್ಕರ್ ಮಧುರ ಧ್ವನಿ ಎಂದೆಂದೂ ಅಮರ

Raja Marga Column : ಲತಾ ಮಂಗೇಶ್ಕರ್‌ ಇಹದ ಬದುಕಿಸಿ 2024ರ ಫೆಬ್ರವರಿ 6ಕ್ಕೆ ಎರಡು ವರ್ಷ. ಆದರೆ, ಅವರ ಸ್ವರ ಮಾಧುರ್ಯ ಮಾತ್ರ ಇನ್ನೆರಡು ಶತಮಾನ ಕಳೆದರೂ ಜೀವಂತವಾಗಿರುತ್ತದೆ. ಕಷ್ಟ, ನೋವುಗಳ ನಡುವೆ ಹಠವನ್ನು ಕಾಪಾಡಿಕೊಂಡು ಗೆದ್ದ ಗಟ್ಟಿಗಿತ್ತಿ ಆಕೆ.

VISTARANEWS.COM


on

Raja Marga Column Lata Mangeshkar
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo
RAJAMARGA Rajendra Bhat

Raja Marga Column : ಸ್ವರ ಸಾಮ್ರಾಜ್ಞಿ ಲತಾ ಮಂಗೇಶ್ಕರ್ (Lata Mangeshkar) ಫೆಬ್ರುವರಿ 6, 2021ರಂದು ಸ್ವರ ಲೀನ ಆಗಿದ್ದಾರೆ. ಲೆಜೆಂಡ್ ಎಂದಿಗೂ ಸಾಯುವುದಿಲ್ಲ! ಅವರು ತಾನು ಹಾಡಿದ 36 ಭಾಷೆಗಳ 50,000 ಹಾಡುಗಳ ಮೂಲಕ ನಮ್ಮ ಮನಸ್ಸಿನಲ್ಲಿ, ಭಾವನೆಗಳಲ್ಲಿ ಜೀವಂತ ಆಗಿರುತ್ತಾರೆ. ಎಲ್ಲಿಯವರೆಗೆ ಭಾರತೀಯ ಸಂಗೀತವು ಇರುತ್ತದೆಯೋ ಅಲ್ಲಿಯವರೆಗೆ ಲತಾ ನಮ್ಮ ಹೃದಯದಲ್ಲಿ ಜೀವಂತ (Ever live in our Heart) ಆಗಿ ಇರುತ್ತಾರೆ. ಲತಾ ಮಂಗೇಶ್ಕರ್‌ ಹಾಡುಗಳನ್ನು ಅವರು ಹಾಡಿದ ಹಾಗೆ ಹಾಡುವ ಶ್ರೇಯಾ ಘೋಷಾಲ್ (Shreya Ghoshal) ಅಂತಹ ಪ್ರತಿಭಾವಂತ ಗಾಯಕರು ಈಗ ಬಂದಿದ್ದಾರೆ. ಆದರೆ ಲೆಜೆಂಡ್ ಇಸ್ ಆಲ್ವೇಸ್ ಎ ಲೆಜೆಂಡ್ (Legend is Always a Legend)! ಲತಾಗೆ ಹೋಲಿಕೆ ಇಲ್ಲ!

ಲತಾ‌ ಮಂಗೇಶ್ಕರ್ ಬಗ್ಗೆ ಕನ್ನಡದಲ್ಲಿ ವಸಂತ್ ನಾಡಿಗೇರ ಅವರು ಬರೆದಿರುವ “ಹಾಡು ಹಕ್ಕಿಯ ಹೃದಯ ಗೀತೆ” ಪುಸ್ತಕವನ್ನು ಹಲವು ಬಾರಿ ಓದಿ ಎದೆಯ ಮೇಲೆ ಒರಗಿಸಿ ಆಕೆಯ ಹಾಡುಗಳನ್ನು ಇಯರ್ ಫೋನ್ ಬಳಸಿ ಕೇಳುತ್ತಾ ಹಾಗೇ ಮಲಗಿದ್ದೇನೆ. ಆಗೆಲ್ಲ ಗಾಢವಾದ ನಿದ್ರೆ! ಅಮ್ಮನ ಕಾಲ ಮೇಲೆ ತಲೆ ಇಟ್ಟು ಮಲಗಿದ ಅನುಭೂತಿ. ಅದು ಲತಾ ಮಂಗೇಷ್ಕರ್ ಅವರ ಸಂಗೀತದ ಪವರ್! ಆಕೆಯ ಜೇನು ದನಿಯಲ್ಲಿ ಇರುವ ಕಶಿಷ್, ವೈವಿಧ್ಯತೆ ಮತ್ತು ಮಾಧುರ್ಯಗಳು ಬೇರೆ ಯಾವ ಗಾಯಕರಲ್ಲಿ ಕೂಡ ಇಲ್ಲ ಅನ್ನುವುದು ನನ್ನ ಅಭಿಪ್ರಾಯ. ಇದು ಇಡೀ ಭಾರತದ ಅಭಿಪ್ರಾಯ ಕೂಡ ಹೌದು!

ಸಂಗೀತಗಾರರ ಕುಟುಂಬದಿಂದಲೇ ಬಂದ ಲತಾ ತನ್ನ ತಂದೆಯಿಂದ ಸಂಗೀತದ ಬಳುವಳಿ ಪಡೆದವರು. ತಂದೆ ಪ್ರಸಿದ್ಧ ನಾಟಕ ನಿರ್ದೇಶಕ ಮತ್ತು ಸಂಗೀತಗಾರರಾದ ದೀನಾನಾಥ್ ಮಂಗೇಷ್ಕರ್ ಅವರು ತೀರಿ ಹೋದಾಗ ಲತಾ ಅವರಿಗೆ ಕೇವಲ 13 ವರ್ಷ!

Raja Marga Column Lata Mangeshkar

ಮುಂದೆ ತಾಯಿ ಹಾಗೂ ತನ್ನ ಬೆನ್ನ ಹಿಂದೆ ಬಂದ ಮೂವರು ತಂಗಿಯಂದಿರು (ಆಶಾ, ಮೀನಾ, ಉಷಾ) ಮತ್ತು ತಮ್ಮ (ಹೃದಯನಾಥ) ಇವರಿಗೆ ತಮ್ಮ ಬದುಕನ್ನು ಕಟ್ಟಿಕೊಡಲು ನೆರವಿಗೆ ನಿಂತ ಆಕೆ ಶಾಲೆಗೇ ಹೋಗಲಿಲ್ಲ! ಈ ಹೊಣೆಗಳ ನಡುವೆ ಲತಾ ಮದುವೆಯನ್ನೇ ಮರೆತರು.

ತನ್ನ ಪ್ರೀತಿಯನ್ನು ಹೃದಯದ ಒಳಗೆ ಮುಚ್ಚಿ ಇಟ್ಟು ಲತಾ ತನ್ನ ಎಲ್ಲ ನೋವು, ಸಂತಸ, ಖುಷಿ, ಸಿಟ್ಟು, ನಿರಾಶೆಗಳನ್ನು ತನ್ನ ಹಾಡುಗಳ ಮೂಲಕ ಹೊರಹಾಕಿದರು. ಆತ್ಯಂತ ಕ್ಲಿಷ್ಟವಾದ ಸ್ವರ ಸಂಯೋಜನೆಯ ಶಾಸ್ತ್ರೀಯ ಹಾಡುಗಳನ್ನು ಕೂಡ ಆಕೆ ಅತ್ಯಂತ ಲೀಲಾಜಾಲವಾಗಿ ಹಾಡುತ್ತಾ ಹೋದಂತೆ ಸೃಷ್ಟಿಸುವ ಮೇರು ಮಾಧುರ್ಯದ ಪರಾಕಾಷ್ಠೆ, ಅನನ್ಯ ಭಾವಸ್ಪರ್ಶ, ಸಂಗೀತದ ಅಲೆಗಳು ಮತ್ತು ನಾದ ಸೌಖ್ಯ ಬೇರೆ ಯಾರಲ್ಲಿ ಕೂಡ ದೊರೆಯಲು ಸಾಧ್ಯವಿಲ್ಲ. ಅದು ಲತಾ ತಾಕತ್ತು! ಆಕೆಯ ದೈವದತ್ತವಾದ ಹಕೀಕತ್ತು!

Raja Marga Column Lata Mangeshkar

Raja Marga Column: ಲತಾ ದುರಹಂಕಾರದ ಹೆಣ್ಣೇ?

ಹೊರಗಿಂದ ನೋಡುವಾಗ ಆಕೆ ನಮಗೆ ದುರಹಂಕಾರದ ಹೆಣ್ಣಾಗಿಯೇ ಕಂಡು ಬರುತ್ತಾರೆ. ಆಕೆ ಪದೇಪದೆ ಸಿಟ್ಟು ಮಾಡಿಕೊಳ್ಳುವುದು, ಸಿಟ್ಟು ಬಂದಾಗ ಯಾರನ್ನು ಕೂಡ ಕ್ಯಾರೇ ಅನ್ನದೆ ಝಾಡಿಸುವುದು, ರಫೀ ಅಂತಹ ಗಾಯಕರ ಜೊತೆಗೆ ವರ್ಷಗಟ್ಟಲೆ ಮಾತು ಬಿಡುವುದು, ಇಂಥವರ ಜೊತೆಗೆ ತಾನು ಹಾಡುವುದಿಲ್ಲ ಎಂದು ಭಾರೀ ಧಿಮಾಕು ತೋರಿಸುವುದು, ಪದೇಪದೆ ತನ್ನ ಹಠವನ್ನು ತಾನೇ ಪ್ರೂವ್ ಮಾಡಿಕೊಳ್ಳಲು ಹೊರಡುವುದು, ರವೀಂದ್ರ ಜೈನ್ ಅವರಂಥ ಸಂಗೀತ ನಿರ್ದೇಶಕರನ್ನು ಬೈದು ಅಪಮಾನ ಮಾಡುವುದು…ಹೀಗೆ ಲತಾ ಅವರ ಸಿಟ್ಟಿನ ಮುಖಗಳು ಒಂದೆಡೆ.

ಆದರೆ ನನಗೆ ಪ್ರಶಸ್ತಿಗಳು ಸಾಕು, ಇನ್ನು ಉದಯೋನ್ಮುಖ ಗಾಯಕರಿಗೆ ಕೊಡಿ ಎಂದು ರಾಷ್ಟೀಯ ಜ್ಯೂರಿಗಳಿಗೆ ಅನ್ನುವುದು, ಚಾರಿಟಿ ಶೋಗಳಿಗೆ ಕರೆ ಬಂದಾಗ ಒಂದು ರೂಪಾಯಿ ಸಂಭಾವನೆಯನ್ನೂ ಪಡೆಯದೆ ಹೋಗಿ ಹಾಡಿ ಬರುವುದು, ಸಂಗೀತ ನಿರ್ದೇಶಕರು ಎಷ್ಟು ಬಾರಿ ರಿಟೇಕ್ ಹೇಳಿದರೂ ಒಂದಿಷ್ಟು ಬೇಸರವನ್ನು ಮಾಡದೆ ಮತ್ತೆ ರಿಹರ್ಸಲ್ ಮಾಡಿ ಹಾಡುವುದು, ಇತ್ತೀಚಿನ ಹತ್ತು ಹಲವು ಯುವ ಗಾಯಕರ ಜೊತೆಗೆ ಒಂದಿಷ್ಟು ಇಗೋ ಇಲ್ಲದೆ ಯುಗಳ ಹಾಡುಗಳನ್ನು ಹಾಡುವುದು…ಇವೆಲ್ಲವೂ ಲತಾ ಅವರ ಇನ್ನೊಂದು ಮಾನವೀಯ ಮುಖ. ಅದೇ ಅವರ ನಿಜವಾದ ಐಡೆಂಟಿಟಿ.

Raja Marga Column Lata Mangeshkar

ಇದೆಲ್ಲದರ ಜೊತೆಗೆ ಶ್ರೇಷ್ಠ ಗಾಯಕಿ ಆಗಿ ಆಕೆಯ ಶ್ರದ್ಧೆ, ಭಕ್ತಿ, ಪರಿಶ್ರಮ ಮತ್ತು ಪ್ರತಿಭೆ ಇವುಗಳಿಗೆ ಆಕೆಗೆ ಆಕೆಯೇ ಸಮ! ಭಾರತಕ್ಕೆ ಇನ್ನೊಬ್ಬರು ಲತಾ ಮಂಗೇಶ್ಕರ್ ದೊರೆಯಲು ಸಾಧ್ಯವೇ ಇಲ್ಲ!

ನಿಮ್ಮ ಹಿಂದಿ ಭಾಷೆ ಶುದ್ಧ ಇಲ್ಲ, ಅದರಲ್ಲಿ ಮರಾಠಿ ಭಾಷೆ ಎಸೆಂಟ್ ಇದೆ ಎಂದು ನಟ ದಿಲೀಪ್ ಕುಮಾರ್ ಆಕೆಯನ್ನು ಸಣ್ಣದಾಗಿ ಅಣಕಿಸಿದಾಗ ಮನೆ ಪಾಠಕ್ಕೆ ಒಬ್ಬ ಮೇಷ್ಟ್ರನ್ನು ನೇಮಕ ಮಾಡಿ ಹಠ ಹಿಡಿದು ಹಿಂದಿ ಮತ್ತು ಅರೇಬಿಕ್ ಭಾಷೆ ಕಲಿತವರು ಲತಾ. ಆಕೆಯ ಹಠ ಸಾಧನೆಗೆ ನೂರಾರು ಉಲ್ಲೇಖಗಳು ನಿಮಗೆ ವಸಂತ್ ನಾಡಿಗೇರ ಅವರ ಕನ್ನಡ ಪುಸ್ತಕದಲ್ಲಿ ಸಿಗುತ್ತವೆ.

ಸಂಗೀತದ ಬಗ್ಗೆ ಆಕೆಗೆ ಇದ್ದ ಶ್ರದ್ಧೆ ಮತ್ತು ಬದ್ದತೆಗಳು ಅದು ಎಲ್ಲ ಉಪಮೆಗಳನ್ನು ಮೀರಿದ್ದು! ಪ್ರತಿಯೊಂದು ಪದ್ಯವನ್ನು ಪೂರ್ಣವಾಗಿ ಅಭ್ಯಾಸ ಮಾಡಿ ಅದರ ರಾಗ, ತಾಳ ಮತ್ತು ಸ್ವರ ಸಂಚಾರ ಎಲ್ಲವನ್ನೂ ಕೇಳಿ ತಿಳಿದು, ತುಂಬ ರಿಹರ್ಸಲ್ ಮಾಡಿ ಹಾಡಲು ನಿಂತರೆ ಆಕೆಯ ಶ್ರೀಮಂತ ಕಂಠದಲ್ಲಿ ದೇವಿ ಸರಸ್ವತಿಯ ಆವಾಹನೆಯೇ ಆಗುತ್ತಿತ್ತು. ಅದರಿಂದಾಗಿ ಆಕೆಯ ಎಲ್ಲ ಹಾಡುಗಳು ಕೂಡ ಅಮರತ್ವ ಪಡೆದವು. ಆಕೆಯ ಎಲ್ಲ ಹಾಡುಗಳ ದೈವಿಕ ಪ್ರಭಾವಕ್ಕೆ ಈ ಶಕ್ತಿಗಳು ಕಾರಣ.

Raja Marga Column Lata Mangeshkar

ಗೋವಾದಲ್ಲಿ ಇರುವ ಮಂಗೇಶಿ ದೇವಳದ ಭಕ್ತರಾದ ಆಕೆಗೆ ಸಂಗೀತವೇ ಉಪಾಸನೆ! ಸಂಗೀತವೇ ದೇವರು! ತನ್ನ ನಿಜ ಜೀವನದಲ್ಲಿ ಹಠಕ್ಕೆ ಬಿದ್ದ ಹಾಗೆ ಬಂಗಾರದ ಚಪ್ಪಲಿಯನ್ನು ಹಾಕಿಕೊಂಡು ಓಡಾಡುತ್ತಿದ್ದ ಲತಾ ವೇದಿಕೆಯಲ್ಲಿ ಅಥವಾ ರೆಕಾರ್ಡಿಂಗ್ ಸ್ಟುಡಿಯೋದಲ್ಲಿ ನಿಂತು ಹಾಡುವಾಗ ಚಪ್ಪಲಿ ಹಾಕುತ್ತಿರಲಿಲ್ಲ. ಇಡೀ ಜೀವಮಾನದಲ್ಲಿ ಐಸ್ ಕ್ರೀಮ್, ಜ್ಯೂಸ್, ಬಾಳೆಹಣ್ಣು ತಿಂದದ್ದೆ ಇಲ್ಲ. ಸಂಗೀತವು ತನಗೆ ದೇವರು ಕೊಟ್ಟ ಅತೀ ದೊಡ್ಡದಾದ ವರ, ತಾನು ಹುಟ್ಟಿದ್ಡೇ ಹಾಡಲು ಎಂದು ಅವರು ಎಲ್ಲ ಕಡೆ ಹೇಳುತ್ತಿದ್ದರು ಮತ್ತು ಅದನ್ನು ಗಾಢವಾಗಿ ನಂಬಿದ್ದರು.

1963ರಲ್ಲಿ ಭಾರತ ಚೀನಾ ಯುದ್ಧ ಆದಾಗ ಭಾರತ ಅತೀ ದೊಡ್ಡ ಸಂಖ್ಯೆಯ ಸೈನಿಕರನ್ನು ಕಳೆದುಕೊಂಡಿತು. ಆಗ ತುಂಬಾ ನೊಂದ ಬಹು ಪ್ರಸಿದ್ಧ ಕವಿ ಪ್ರದೀಪ್ ಅವರು ಸೈನಿಕರನ್ನು ಕುರಿತು ‘ಏ ಮೇರೆ ವತನ್ ಕೆ ಲೋಗೋ’ ಎಂಬ ಗೀತೆಯನ್ನು ಬರೆದರು. ಅದಕ್ಕೆ ಸಿ.ರಾಮಚಂದ್ರ ಅವರು ಸಂಗೀತದ ಸಂಯೋಜನೆಯನ್ನು ಮಾಡಿ ಅದನ್ನು ಲತಾ ಗಣರಾಜ್ಯದಂದು ಸೈನಿಕರ ಮುಂದೆ ಹಾಡಿದರು. ‘ನನಗೆ ಆ ಹಾಡು ಕಣ್ಣೀರು ತರಿಸಿತು’ ಎಂದು ಪ್ರಧಾನಿ ನೆಹರೂ ಅದೇ ವೇದಿಕೆಯಲ್ಲಿ ಹೇಳಿದರು. ಮುಂದೆ ಲತಾ ಅದೇ ಹಾಡನ್ನು ಸಾವಿರಾರು ದೇಶ ವಿದೇಶಗಳ ವೇದಿಕೆಯಲ್ಲಿ ಹಾಡಿದ್ದಾರೆ. ಇಂತಹ ಸಾವಿರಾರು ಅಮರ ಗೀತೆಗಳು ಅವರ ಕಂಠದಿಂದ ಮೂಡಿಬಂದಿವೆ.

Raja Marga Column Lata Mangeshkar Asha Bhosle

ಆಕೆಗೆ ಕನಿಷ್ಠ ನಾಲ್ಕು ದಶಕಗಳ ಕಾಲ ತಂಗಿ ಆಶಾ ಭೋಸ್ಲೆ ಬಿಟ್ಟರೆ ಬೇರೆ ಸ್ಪರ್ಧಿಯೇ ಇರಲಿಲ್ಲ.

ಅದು ಶಾಸ್ತ್ರೀಯ ಹಾಡು, ಜಾನಪದ ಹಾಡು, ಪಾಶ್ಚಾತ್ಯ ಹಾಡು, ಟುಮ್ರಿ, ಗಝಲ್, ಮುಜ್ರಾ, ಭಜನ್, ಅಭಂಗ, ಐಟಂ ಡಾನ್ಸ್ ಹಾಡು, ಅಣಕಿಸುವ ಹಾಡು, ದೇಶಭಕ್ತಿಯ ಹಾಡು, ಮೀರಾ ಭಜನ್, ಮರಾಠಿ ಅಭಂಗ, ಪ್ರಣಯ ಗೀತೆ, ಗರ್ಭಾ ಹಾಡು, ವಿರಹ ಗೀತೆ, ಶೋಕ ಗೀತೆ….. ಅದು ಯಾವ ಹಾಡು ಇದ್ದರೂ ಅವುಗಳನ್ನು ಅಷ್ಟೇ ಶ್ರದ್ಧೆ ಮತ್ತು ತನ್ಮಯತೆಯಿಂದ ಹಾಡಿ ಅವುಗಳಿಗೆ ಒಂದು ದೈವಿಕ ಸ್ಪರ್ಶ ನೀಡುವುದು ಲತಾ ಮಂಗೇಷ್ಕರ್ ವಿಶೇಷತೆ.

ಅದರ ಜೊತೆಗೆ ಬೇರೆ ಬೇರೆ ನಾಯಕಿಯರ ಧ್ವನಿಗಳನ್ನು ಚಂದವಾಗಿ ಅನುಕರಣೆ ಮಾಡಿ ಅವರದ್ದೇ ಧ್ವನಿಯಲ್ಲಿ ಹಾಡುವುದು ಅವರ ಇನ್ನೊಂದು ಪ್ರತಿಭೆ!

ಉದಿತ್ ನಾರಾಯಣ್, ಕುಮಾರ್ ಸಾನು, ಆರ್ಜಿತ್ ಸಿಂಗ್ ಮೊದಲಾದ ಯುವ ಗಾಯಕರ ಜೊತೆಗೆ ಯಾವ ಇಗೋ ಕೂಡ ಕಟ್ಟಿಕೊಳ್ಳದೆ ಯುಗಳ ಗೀತೆ ಹಾಡಿರುವುದು ಆಕೆಯ ಇನ್ನೊಂದು ಸನ್ನಡತೆ! ಲತಾ ಅವರನ್ನು ಪ್ರೀತಿ ಮಾಡಲು ಇಂಥ ನೂರಾರು ಕಾರಣಗಳು ನಮಗೆ ದೊರೆಯುತ್ತವೆ. ಅದರ ಜೊತೆಗೆ ಅವರಲ್ಲಿ ಕೊನೆಯತನಕ ಇದ್ದ ಮುಗ್ಧತೆ ಆಕೆಯನ್ನು ತುಂಬಾ ಮಹಾ ಅನ್ನಿಸುವಂತೆ ಮಾಡುತ್ತವೆ. ಅವರ ಮೇರು ವ್ಯಕ್ತಿತ್ವದ ಪರಿಚಯ ಮಾಡಲು ಅಂತಹ ನೂರಾರು ಘಟನೆಗಳು ನಾಡಿಗೇರ ಅವರ ಪುಸ್ತಕದಲ್ಲಿ ಇವೆ.

Raja Marga Lata Mangeshkar Vasanta Nagiger

ನಾನಿಂದು ಆಕೆಗೆ ಶೃದ್ಧಾಂಜಲಿ ಕೊಡಲು ಹೋಗುವುದಿಲ್ಲ. ನಾನು ಮೊದಲೇ ಹೇಳಿದ ಹಾಗೆ ಲೆಜೆಂಡ್ಸ್ ಎಂದಿಗೂ ಸಾಯುವುದಿಲ್ಲ!

ಅವರು ಹಾಡಿದ 50,000 ಅದ್ಭುತ ಹಾಡುಗಳಲ್ಲಿ ನಾನು ತುಂಬಾ ಇಷ್ಟ ಪಟ್ಟ, ನನಗೆ ತುಂಬಾ ಭಾವ ಸ್ಪರ್ಶಗಳನ್ನು ಕೊಟ್ಟ 25 ಹಾಡುಗಳನ್ನು ಇಲ್ಲಿ ಪರಿಚಯ ಮಾಡುವುದರ ಮೂಲಕ ಆಕೆಯನ್ನು ನೆನಪು ಮಾಡುತ್ತೇನೆ.

1) ರಸಿಕ್ ಬಲಮಾ (ಚೋರಿ ಚೋರಿ)
2) ಜ್ಯೋತಿ ಕಲಶ ಝಲಕೆ (ಭಾಬೀ ಕಿ ಚೂಡಿಯ)
3) ಮೋ ಹೆ ಭೂಲ್ ಗಯೆ ಸಾವರಿಯಾ (ಬೈಜು ಬಾವ್ರ)
4) ಯೆ ಜಿಂದಗಿ ಉಸೀಕಿ ಹೈ (ಅನಾರ್ಕಲಿ)
5) ತುಜೆ ದೇಖಾ ತೋ ಯೇ (DDLJ)

6) ಪ್ಯಾರ್ ಕಿಯಾ ತೋ ಡರನಾ ಕ್ಯಾ (ಮೊಗಲ್ ಎ ಅಜಂ)
7) ಆಯೆಗ ಆಯೆಗ ಆಯೇಗಾ ಆನೆವಾಲ (ಮಹಲ್)
8) ಆಜಾ ರೆ ಪರದೇಶಿ (ಮಧುಮತಿ)
9) ಲಗ್ ಜಾ ಗಲೆ (ವೋ ಕೌನ್ ತೀ)
10) ಸಜನಾ ಬರ್ಖ ಬಹಾರ್ ( ಪರಖ್)

11) ಐಸಾ ದೇಶ್ ಹೈ ಮೇರಾ (ವೀರ್ ಝರ)
12) ಅಲ್ಲಾ ತೆರೋ ನಾಮ್ (ಹಮ್ ದೋನೋ)
13) ಸತ್ಯಂ ಶಿವಂ ಸುಂದರಂ (ಶೀರ್ಷಿಕೆ ಗೀತೆ)
14) ಆಜ್ ಫಿರ್ ಜೀನೆ ಕೀ ತಮನ್ನಾ ಹೈ (ಗೈಡ್)
15) ರೈನಾ ಬೀತ್ ಜಾಯೆ ( ಅಮರ್ ಪ್ರೇಮ್)

16) ದಿಲ್ ಹೂಂ ಹೂಂ ಕರೆ (ರುಡಾಲಿ)
17) ಯಾರಾ ಸಿಲಿ ಸೀಲಿ (ಲೇಕಿನ್)
18) ಜಿಯಾ ಜಲೆ ಜಾನ್ ಜಲೇ (ದಿಲ್ ಸೆ)
19) ಲುಕಾ ಚುಪ್ಪಿ (ರಂಗ್ ದೇ ಬಸಂತಿ)
20) ಇಕ್ ಪ್ಯಾರ್ ಕೀ ನಗಮ ಹೈ (ಶೋರ್)

21) ಚಲ್ತೇ ಚಲ್ತೇ (ಪಾಕೀಜಾ)
22) ಮನ್ ಕ್ಯುನ್ ಬೇಹಕ (ಉತ್ಸವ)
23) ಅಜೀಬ್ ದಾಸತಾನ್ ಹೈ (ದಿಲ್ ಅಪನಾ ಔರ್ ಪ್ರೀತ್ ಪರಾಯ)
24) ಪಿಯಾ ಬಿನಾ ಪಿಯಾ ಬಿನಾ (ಅಭಿಮಾನ್)
25) ಆಜಾ ರೆ ಪರದೇಶಿ (ಮಧುಮತಿ).

ಇದನ್ನೂ ಓದಿ : Raja Marga Column : ಹರೆಯದ ಮಕ್ಕಳನ್ನು ಸಂಭಾಳಿಸೋದು ಹೇಗೆ? ಇಲ್ಲಿದೆ 33 ಟಿಪ್ಸ್!

ಲತಾ ಅಂದರೆ ಇಷ್ಟೇ ಅಲ್ಲ! ಆಕೆಯ ಪ್ರತಿಭೆಗಳು ಎಲ್ಲಾ ಸೀಮೆಗಳನ್ನು ಮೀರಿದ್ದು! ಎಲ್ಲಾ ಧರ್ಮ, ಬಾಷೆ, ನಾಡು, ರಾಷ್ಟ್ರಗಳನ್ನು ಮೀರಿದ್ದು! ಎಲ್ಲಾ ಉಪಮೆ, ರೂಪಕಗಳು, ಅಲಂಕಾರ ಎಲ್ಲವನ್ನೂ ಮೀರಿದ್ದು. ಅತೀ ಹೆಚ್ಚು ರಾಷ್ಟ್ರಗಳ ವೇದಿಕೆಗಳಲ್ಲಿ ಹಾಡಿದ ಒಬ್ಬ ಭಾರತೀಯ ಗಾಯಕಿ ಇದ್ದರೆ ಅದು ಲತಾ ಮಂಗೇಶ್ಕರ್ ಮಾತ್ರ! ಈ ಅರ್ಥದಲ್ಲಿ ಆಕೆ ಭಾರತದ ನಿಜವಾದ ಸಾಂಸ್ಕೃತಿಕ ರಾಯಭಾರಿ!

ಅಂದ ಹಾಗೆ ಆಕೆ ಕನ್ನಡದಲ್ಲಿ ಕೂಡ ಎರಡು ಹಾಡುಗಳನ್ನು ಹಾಡಿದ್ದಾರೆ. ಅದರಲ್ಲಿ ಸಂಗೊಳ್ಳಿ ರಾಯಣ್ಣ ಸಿನಿಮಾದಲ್ಲಿ ಆಕೆ ಹಾಡಿದ ಬೆಳ್ಳನೆ ಬೆಳಗಾಯಿತು ಹಾಡು ನಿಜಕ್ಕೂ ಚುಂಬಕ ಶಕ್ತಿ ಹೊಂದಿದೆ.

ಸಂಗೀತಕ್ಕೆ ಒಬ್ಬರೇ ಲತಾ! ಇನ್ನೊಬ್ಬ ಲತಾ ಹುಟ್ಟಿ ಬರಲು ಸಾಧ್ಯವೆ ಇಲ್ಲ!

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಸ್ಫೂರ್ತಿ ಕತೆ

Raja Marga Column : ಅಪವಾದ ಎಲ್ಲರಿಗುಂಟು ಈ ಲೋಕದ ದೃಷ್ಟಿಯಲಿ; ಗೆಲ್ಲೋದು ಹೇಗೆ?

Raja Marga Column : ಅಪವಾದ ಮತ್ತು ಅಪಮಾನಗಳಿಲ್ಲದ ವ್ಯಕ್ತಿಗಳಿಲ್ಲ. ಯಾರು ಅದನ್ನು ಮೆಟ್ಟಿ ನಿಂತು ಮುನ್ನುಗ್ಗುತ್ತಾರೋ ಅವರು ಗೆಲ್ಲುತ್ತಾರೆ. ಹಾಗಿದ್ದರೆ ಇದನ್ನು ಮೆಟ್ಟಿ ನಿಲ್ಲುವುದು ಹೇಗೆ? ಇಲ್ಲಿದೆ ಆಪ್ತ ಸಲಹೆ

VISTARANEWS.COM


on

Raja Marga Column depressed
Koo
RAJAMARGA

Raja Marga Column : ನನ್ನ ಸ್ನೇಹಿತರೊಬ್ಬರು ತುಂಬಾನೆ ಡಿಪ್ರೆಸ್ (Friend in Depression) ಆಗಿದ್ದರು. ಅವರು ಹೇಳುವ ಪ್ರಕಾರ ಅವರಿಗೆ ಸಾಯುವಷ್ಟು ಅಪಮಾನ (Faced Insult) ಆಗಿತ್ತು. ಅವರು ತುಂಬಾ ನಂಬಿದ್ದ ವ್ಯಕ್ತಿಗಳು ಒಟ್ಟಾಗಿ ಅವರ ಮೇಲೆ ಬಹಳ ದೊಡ್ಡ ಆರೋಪ ಹೊರಿಸಿ ಪೊಲೀಸ್ ಕಂಪ್ಲೇಂಟ್ ಕೊಟ್ಟಿದ್ದರು. ಅವರ ಇಡೀ ಜೀವನದಲ್ಲಿ ಪೊಲೀಸ್ ಸ್ಟೇಷನ್ (Police station) ಮೆಟ್ಟಿಲು ಏರದಿದ್ದ ಅವರು ಈಗ ಅಲ್ಲಿಗೆ ಹೋಗಿ ವಿಚಾರಣೆ ಎದುರಿಸಬೇಕಾಗಿತ್ತು. ನನ್ನ ಯಾವ ತಪ್ಪೂ ಇಲ್ಲ ಎಂದವರು ಹೇಳಿದರು.

ಅವರ ನೋವು ಏನೆಂದರೆ ಅವರು ಯಾರನ್ನು ತುಂಬಾ ನಂಬಿದ್ದರೋ, ಯಾರು ಅವರಿಂದ ಹೆಚ್ಚು ಪ್ರಯೋಜನ ಪಡೆದಿದ್ದರೋ ಅವರು ಬೆನ್ನ ಹಿಂದೆ ಚೂರಿ ಹಾಕಿದ್ದಾರೆ. ನಂಬಿಕೆ ದ್ರೋಹ ಮಾಡಿದ್ದಾರೆ ಅನ್ನೋದು ಅವರ ಅಳಲು. ಅವರು ನನ್ನ ಮುಂದೆ ಕೂತು ಕಣ್ಣೀರು ಸುರಿಸಿ ಅವರ ಮನಸನ್ನು ಹಗುರ ಮಾಡಿಕೊಂಡರು. ನಾನು ಅವರನ್ನು ತಡೆಯಲಿಲ್ಲ. ಹಲವು ಬಾರಿ ಆತ್ಮಹತ್ಯೆಯನ್ನು ಮಾಡಿಕೊಳ್ಳುವ ಯೋಚನೆ ಕೂಡ ಬಂದಿತ್ತು ಎಂದರು. ಅವರ ಮಾತು ಪೂರ್ತಿ ಮುಗಿಯುವತನಕ ನಾನು ಮಾತಾಡಲಿಲ್ಲ.

Raja Marga Column : ಅಪವಾದಗಳು ಎಂಬ ಅಗ್ನಿ ದಿವ್ಯಗಳು

ಇದು ಪ್ರತಿಯೊಬ್ಬರ ಬದುಕಿನಲ್ಲಿಯೂ ಬರುವ ಒಂದು ಮಾನಸಿಕ ಸ್ಥಿತಿ. ಅವರ ದುಃಖಕ್ಕೆ ಪ್ರಮುಖ ಕಾರಣ ಅಂದರೆ…

facing accusations

1. ಅವರು ತಪ್ಪು ವ್ಯಕ್ತಿಗಳನ್ನು ನಂಬಿದ್ದು ಮತ್ತು ಅವರನ್ನು ಭಾರಿ ಬೆಳೆಸಿದ್ದು.
2. ಪ್ರಾಕ್ಟಿಕಲ್ ಆಗಿ ಯೋಚನೆ ಮಾಡದೆ ಭಾವನಾತ್ಮಕ ಆಗಿ ಯೋಚನೆ ಮಾಡಿದ್ದು.
3. ತನ್ನ ಬಗ್ಗೆ ಒಳ್ಳೆಯ ಭಾವನೆ ಹೊಂದಿರುವ ವ್ಯಕ್ತಿಗಳನ್ನು ನಿರ್ಲಕ್ಷ್ಯ ಮಾಡಿದ್ದು.
4. ಇಂತಹ ಸೂಕ್ಷ್ಮ ವಿಷಯಗಳನ್ನು ತನ್ನ ಕುಟುಂಬದ ಜೊತೆಗೆ ಗುಟ್ಟು ಮಾಡಿದ್ದು. ಅವರ ನಿಜವಾದ ಸಮಸ್ಯೆಗಳು ಅವರ ಹೆಂಡತಿಗೂ ಗೊತ್ತಿರಲಿಲ್ಲ.
5. ತಾನು ತುಂಬಾ ಕ್ಲೀನ್ ಇಮೇಜ್ ವ್ಯಕ್ತಿ ಎಂದು ಗಾಢವಾಗಿ ನಂಬುತ್ತ ಬಂದದ್ದು. (ಅದು ತಪ್ಪಲ್ಲ)

depression

6. ತನ್ನದೇ ಬಲೆಯಲ್ಲಿ ತಾನೇ ಸಿಲುಕಿ ಒದ್ದಾಡುವ ಜೇಡದ ಹಾಗೆ ಉಸಿರುಗಟ್ಟಿ ಹೋದದ್ದು.
7. ಸಮಸ್ಯೆಗಳಿಂದ ಹೊರಬರಲು ಒಂದಿಷ್ಟೂ ಪ್ರಯತ್ನ ಮಾಡದೆ ಆ ಸಮಸ್ಯೆಯೇ ದೊಡ್ಡದು ಎಂದು ಭಾವಿಸಿದ್ದು.
8. ಯಾವುದಾದರೂ ಒಬ್ಬ ಒಳ್ಳೆಯ ನ್ಯಾಯವಾದಿಯನ್ನು ಸಂಪರ್ಕ ಮಾಡಿ ಕಾನೂನು ರಕ್ಷಣೆ ಪಡೆಯದೆ ಹೋದದ್ದು.
9. ನನಗೆ ಹೇಳಿದ ಹಾಗೆ ಹತ್ತಾರು ಮಂದಿಗೆ ಅವರ ಸ್ಟೋರಿ ಹೇಳಿ ಕಣ್ಣೀರು ಹಾಕಿ ಸಿಂಪಥಿ ಪಡೆಯಲು ಪ್ರಯತ್ನ ಮಾಡಿದ್ದು.
10. ಪೊಲೀಸ್ ಸ್ಟೇಷನ್‌ಗೆ ಹೋಗುವುದು ಮತ್ತು ವಿಚಾರಣೆ ಎದುರಿಸುವುದು ಅಪಮಾನ ಎಂದು ತಪ್ಪು ಯೋಚನೆಯನ್ನು ಮಾಡಿದ್ದು.

ಕೆಲವರು ಇರೋದೇ ಹೀಗೆ!

ಅವರು ಸಮಸ್ಯೆಯ ಒಳಗೇ ಕೂತು ಪರಿಹಾರ ಹುಡುಕುತ್ತಾರೆ. ಯಾವುದೇ ಸಮಸ್ಯೆಗೆ ಪರಿಹಾರ ದೊರೆಯಬೇಕು ಅಂತಾದರೆ ಆ ಸಮಸ್ಯೆಯಿಂದ ಹೊರಗೆ ನಿಂತು ಪರಿಹಾರ ಹುಡುಕಬೇಕು. ತನ್ನ ಮೇಲೆ ನಂಬಿಕೆ ಇಟ್ಟು ಯಾರು ನಮ್ಮ ಜೊತೆಗೆ ನಿಲ್ಲುತ್ತಾರೋ ಅವರ ಬೆಂಬಲ ಪಡೆಯಬೇಕು. ತನಗೆ ನೈತಿಕ ಬೆಂಬಲ ಕೊಡುವ ವ್ಯಕ್ತಿಗಳ ಪಟ್ಟಿ ಮಾಡಿ ಅವರ ಜೊತೆಗೆ ಹೆಚ್ಚು ಮನಸು ಬಿಚ್ಚಿ ಮಾತಾಡಬೇಕು. ಮುಖ್ಯವಾಗಿ ತನ್ನ ಕುಟುಂಬದ ವಿಶ್ವಾಸವನ್ನು ಹೆಚ್ಚು ಉಪಯೋಗ ಮಾಡಬೇಕು. ಹೆಂಡತಿಯ ಜೊತೆಗೆ ಇಂತಹ ಸಂಗತಿ ಗುಟ್ಟು ಮಾಡಬಾರದು.

ಯಾವುದೇ ಸಮಸ್ಯೆಯ ಪರಿಹಾರಕ್ಕೆ ಹಲವು ಮಾರ್ಗಗಳು ಇರುತ್ತವೆ. ಅವುಗಳನ್ನು ಪಟ್ಟಿ ಮಾಡಿ ಅವುಗಳಲ್ಲಿ ಕಡಿಮೆ ರಿಸ್ಕ್ ಇರುವ ಮಾರ್ಗವನ್ನು ಮತ್ತು ಕ್ಷಿಪ್ರವಾಗಿ ಪರಿಹಾರವನ್ನು ಕೊಡುವ ಮಾರ್ಗವನ್ನು ಆರಿಸಿಕೊಂಡರೆ ಇಂತಹ ಸಾವಿರ ಸಮಸ್ಯೆ ಬಂದರೂ ಗೆಲ್ಲುವುದು ಖಚಿತ.

ಇದನ್ನೂ ಓದಿ : Raja Marga Column : ಮಕ್ಕಳಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸಲು ಇಲ್ಲಿದೆ 10 ಸೂತ್ರ

Raja Marga Column accusations

ನಾನು ಅವರಿಗೆ ಹೇಳಿದ ಸಾಂತ್ವನದ ಮಾತುಗಳು

1. ಅಪವಾದಗಳು ರಾಮಾಯಣದಲ್ಲಿ ಶ್ರೀರಾಮನನ್ನು ಕೂಡ ಬಿಡಲಿಲ್ಲ. ಹರಿಶ್ಚಂದ್ರ ಕೂಡ ಅದಕ್ಕೆ ಹೊರತಲ್ಲ. ಈಶ್ವರ ದೇವರ ಕೈಗೆ ಬ್ರಹ್ಮ ಕಪಾಲ ಅಂಟಿಕೊಂಡು ಭಿಕ್ಷೆ ಬೇಡುವುದು ತಪ್ಪಲಿಲ್ಲ.
2. ಈ ಅಪವಾದಗಳು ನಮ್ಮನ್ನು ಟೆಸ್ಟ್ ಮಾಡಲು ಬರುತ್ತವೆ. ನಿಮ್ಮನ್ನು ಮುಳುಗಿಸಲು ಅಲ್ಲ. ವಿಲ್ ಪವರ್ ಸ್ಟ್ರಾಂಗ್ ಮಾಡಿಕೊಂಡರೆ ಗೆಲ್ಲುವುದು ಖಚಿತ.
3. ಖ್ಯಾತ ಹಾಸ್ಯ ಸಾಹಿತಿ ಬೀಚಿ ಹೇಳಿದ ಹಾಗೆ ಸಮಸ್ಯೆಗಳು ಅಂದರೆ ಸಿಟಿ ಬಸ್ಸುಗಳು ಹಾಗೆ. ಬಂದರೆ ಹಿಂದೆ ಹಿಂದೆ ಬರ್ತಾ ಇರುತ್ತವೆ. ಇಲ್ಲಾಂದರೆ ಬರೋದೇ ಇಲ್ಲ!
4. ಅಪವಾದಗಳು ತಾತ್ಕಾಲಿಕ. ಮೋಡ ಮುಸುಕಿದ ಸೂರ್ಯನ ಹಾಗೆ. ಆ ಮೋಡಗಳು ಕರಗಿ ಹೋಗಿ ಹೊರಬಂದ ಸೂರ್ಯ ಇನ್ನಷ್ಟು ಬೆಳಗುತ್ತಾನೆ.
5. ಜೀವನದ ಯಾವುದೇ ಘಟ್ಟದಲ್ಲಿಯೂ ನಮ್ಮನ್ನು ಪ್ರೀತಿಸುವವರ ಸಂಖ್ಯೆಯು ನಮ್ಮನ್ನು ದ್ವೇಷ ಮಾಡುವವರ ಸಂಖ್ಯೆಗಿಂತ ಹೆಚ್ಚಾಗಿರುತ್ತದೆ.

pains are like clouds

6. ಅಪವಾದಗಳನ್ನು ಗೆದ್ದುಬಂದ ನಂತರ ನಾವು ಮೊದಲಿಗಿಂತ ಹೆಚ್ಚು ಸ್ಟ್ರಾಂಗ್ ಆಗಿರುತ್ತೇವೆ.
7. ನಿಮ್ಮ ಆತ್ಮವಿಶ್ವಾಸ ಮತ್ತು ತಾಳ್ಮೆ ನಿಮ್ಮನ್ನು ಸದಾ ಗೆಲ್ಲಿಸುತ್ತದೆ. ದುಡುಕು ನಿರ್ಧಾರ ತೆಗೆದುಕೊಳ್ಳುವ ಮುನ್ನ ನೂರು ಬಾರಿ ಯೋಚಿಸಿ.
8. ಯಾರನ್ನು ನಂಬಬೇಕು, ಯಾರನ್ನು ಎಷ್ಟು ನಂಬಬೇಕು, ಯಾರನ್ನು ನಿಮ್ಮ ಭಾವನಾ ವಲಯದ ಒಳಗೆ ತೆಗೆದುಕೊಳ್ಳಬೇಕು ಎಂದು ನಿರ್ಧರಿಸುವವರು ನೀವೇ! ತಪ್ಪು ವ್ಯಕ್ತಿಗಳು ನಮಗೆ ಜೀವನ ಪಾಠ ಕಲಿಸುತ್ತಾರೆ.

9. ಕಾನೂನು ಯಾವಾಗಲೂ ಸಂತ್ರಸ್ತರಿಗೆ ರಕ್ಷಣೆ ಕೊಡುತ್ತದೆ ಮತ್ತು ಸತ್ಯದ ಪರವಾಗಿ ಇರುತ್ತದೆ. ಮಳೆ ಬಂದಾಗ ಮಳೆ ಬಂತಲ್ಲ ಎಂದು ದುಃಖ ಪಡುವುದಲ್ಲ. ಕೊಡೆ ಬಿಡಿಸಿ ಮುನ್ನಡೆಯಬೇಕು.

10. ಜಗತ್ತಿನ ಯಾವ ಪುರಾಣಗಳಲ್ಲಿಯೂ ಕೊನೆಗೆ ಗೆದ್ದದ್ದು ಒಳ್ಳೆಯತನ. ರಾಮಾಯಣದಲ್ಲಿ ಗೆದ್ದವನು ರಾಮ. ರಾವಣ ಅಲ್ಲ. ಮಹಾಭಾರತದಲ್ಲಿ ಗೆದ್ದವರು ಪಾಂಡವರು.ಕೌರವರು ಅಲ್ಲ.

pains and hugs

ಭರತ ವಾಕ್ಯ

ನೀವು ನಾನು ಹೇಳಿದ ಅಂಶಗಳನ್ನು ಅಪ್ಲೈ ಮಾಡಿ ಗೆದ್ದು ಬನ್ನಿ ಎಂದು ಅವರನ್ನು ಬೀಳ್ಕೊಟ್ಟೆ. ಎರಡು ದಿನಗಳ ನಂತರ ಇವತ್ತು ಬೆಳಿಗ್ಗೆ ಅವರದೇ ಕಾಲ್ ಬಂತು. ಅವರ ಧ್ವನಿಯಲ್ಲಿ ಗೆದ್ದ ಖುಷಿ ಇತ್ತು. ನಾನು ಆ ಕೇಸನ್ನು ಗೆದ್ದೆ ಸರ್ ಎಂದರು. ಅವರಿಗೆ ಅಭಿನಂದನೆ ಹೇಳಿ ಫೋನ್ ಇಟ್ಟೆ.

Continue Reading

ಸ್ಫೂರ್ತಿ ಕತೆ

Raja Marga Column : ಮಕ್ಕಳಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸಲು ಇಲ್ಲಿದೆ 10 ಸೂತ್ರ

Raja Marga Column : ಫೆ. 28 ರಾಷ್ಟ್ರೀಯ ವಿಜ್ಞಾನ ದಿನ. ಮಕ್ಕಳಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸಬೇಕು ಎನ್ನುವ ಸಂಕಲ್ಪ ಮಾಡುವ ದಿನ. ಹಾಗಿದ್ದರೆ ಅದನ್ನು ಬೆಳೆಸುವ ಆಯಾಮಗಳೇನು?

VISTARANEWS.COM


on

Raja Marga Column National science day
Koo
RAJAMARGA Rajendra Bhat

Raja Marga Column : ಇಂದು (ಫೆಬ್ರುವರಿ 28) ರಾಷ್ಟ್ರೀಯ ವಿಜ್ಞಾನ ದಿನ. ಭಾರತೀಯರು ಹೆಮ್ಮೆ ಪಡಬೇಕಾದ ದಿನ. ಭಾರತರತ್ನ ಡಾ. ಸಿ.ವಿ ರಾಮನ್ ಅವರು ತಮ್ಮ ಶ್ರೇಷ್ಠವಾದ ಸಂಶೋಧನೆಯಾದ ರಾಮನ್ ಪರಿಣಾಮವನ್ನು (Raman Effect) ಜಗತ್ತಿಗೆ ತೋರಿಸಿಕೊಟ್ಟ ದಿನ. ಮುಂದೆ ಅದೇ ಸಂಶೋಧನೆಯು ನೊಬೆಲ್ ಪುರಸ್ಕಾರವನ್ನು ಪಡೆಯಿತು ಅನ್ನುವುದು ಭಾರತದ ಹೆಮ್ಮೆ.

Raja Marga Column : ಮಕ್ಕಳಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸುವುದು ಹೇಗೆ?

ವೈಜ್ಞಾನಿಕ ಮನೋಭಾವವನ್ನು (Scientific Attitude) ಮಕ್ಕಳಲ್ಲಿ ಬೆಳೆಸಬೇಕು ಅನ್ನುವುದು ಈ ದಿನದ ಸಂಕಲ್ಪ. ಅದು ನಮ್ಮೆಲ್ಲರ ಯೋಚನಾ ವಿಧಾನವನ್ನು ಅವಲಂಬಿಸಿಕೊಂಡಿದೆ. ಅದರ ಕೆಲವು ಆಯಾಮಗಳು ಇಲ್ಲಿವೆ.

Raja Marga Column National science day

1. ಪ್ರಶ್ನಿಸುವುದು ಮತ್ತು ಉತ್ತರ ಕಂಡುಕೊಳ್ಳುವುದು (Questioning and finding Answer)

ಮಕ್ಕಳಲ್ಲಿ ವೈಜ್ಞಾನಿಕವಾಗಿ ಪ್ರಶ್ನಿಸುವ ಮನೋಭಾವವನ್ನು ಬೆಳೆಸುವುದು ಅತ್ಯಂತ ಮುಖ್ಯ. ಅದರಲ್ಲಿಯೂ ಯಾಕೆ ಮತ್ತು ಹೇಗೆ ಎಂಬ ಪ್ರಶ್ನೆಗಳು ಹೆಚ್ಚು ಜ್ಞಾನವನ್ನು ಕೊಡುತ್ತವೆ. ಪ್ರಶ್ನೆ ಮಾಡಿ ಅಲ್ಲಿಗೆ ಬಿಟ್ಟರೆ ಜ್ಞಾನ ದೊರೆಯುವುದಿಲ್ಲ. ಉತ್ತರವನ್ನು ಪಡೆಯುವ ತನಕ ವಿರಮಿಸಬಾರದು ಎನ್ನುವುದು ಮುಖ್ಯ. ಪ್ರಶ್ನೆಗಳನ್ನು ಕೇಳುವುದರಿಂದ ಮಕ್ಕಳ ಬಲ ಮೆದುಳು ಚುರುಕಾಗುತ್ತದೆ ಮತ್ತು ಮಕ್ಕಳು ಹೆಚ್ಚು ಕ್ರಿಯೇಟಿವ್ ಆಗುತ್ತಾರೆ.

Raja Marga Column National science day2

2. ತಾರ್ಕಿಕ ಮತ್ತು ಕ್ರಮಬದ್ಧವಾದ ಯೋಚನೆ (Logical thinking and Reasoning)

ಮಕ್ಕಳ ಮೆದುಳು ಲಾಜಿಕಲ್ ಯೋಚನೆ ಮಾಡುವುದು ತುಂಬಾ ಮುಖ್ಯ. ಅನ್ವೇಷಣೆಯ ಪ್ರತೀ ಹಂತವನ್ನು ಬರೆದಿಟ್ಟು, ಅದಕ್ಕೆ ಕಾರಣವನ್ನು ಕೊಟ್ಟು ಮುನ್ನಡೆಯುವುದು ತುಂಬಾ ಮುಖ್ಯ. ಹಂತ ಹಂತವಾಗಿ ಮತ್ತು ತರ್ಕಬದ್ಧವಾಗಿ ಯೋಚನೆ ಮಾಡುವಂತೆ ಮಕ್ಕಳ ಮೆದುಳಿಗೆ ತರಬೇತು ಕೊಟ್ಟರೆ ಮಕ್ಕಳು ಅಸಾಧ್ಯವಾದದ್ದನ್ನು ಸಾಧಿಸುತ್ತಾರೆ. ಪ್ರಯೋಗಾತ್ಮಕ ಫಲಿತಾಂಶಗಳನ್ನು ದಾಖಲಿಸಲು ಮಕ್ಕಳು ಕಲಿಯುವುದು ಅಗತ್ಯ.

Raja Marga Column National science day Logical Reasoning

3. ವೀಕ್ಷಣಾ ಪ್ರವೃತ್ತಿ (Observation)

ಪ್ರಕೃತಿಯು ಅನೂಹ್ಯ ರಹಸ್ಯಗಳ ಮೂಟೆ. ನಮ್ಮ ಸುತ್ತಲೂ ಇರುವ ಹಲವು ಜೀವಿಗಳು, ಹಕ್ಕಿಗಳು, ಸಸ್ಯಗಳು, ಕೀಟಗಳು, ಸರೀಸೃಪಗಳು, ಇರುವೆಗಳು, ಚಿಟ್ಟೆಗಳು…… ಹೀಗೆ ಎಲ್ಲವನ್ನೂ ಗಮನಿಸುತ್ತಾ ಹೋದ ಹಾಗೆ ಮಗುವಿನ ಜ್ಞಾನವು ವಿಕಸಿತ ಆಗುತ್ತದೆ. ಆ ವೀಕ್ಷಣೆಗಳು ಮುಂದಿನ ಮಹಾ ಸಂಶೋಧನೆಗಳಿಗೆ ನಾಂದಿ ಹಾಡಿದ ನೂರಾರು ನಿದರ್ಶನಗಳು ಇವೆ.

Raja Marga Column National science day observations

4 ಸಂಶೋಧನಾ ಪ್ರವೃತ್ತಿ(Inventions)

ಆರಂಭದಿಂದಲೂ ಮನುಷ್ಯನ ಸಹಜ ಪ್ರವೃತ್ತಿ ಅಂದರೆ ಸಂಶೋಧನೆ. ಪ್ರಕೃತಿಯ ಒಂದೊಂದೇ ರಹಸ್ಯಗಳನ್ನು ಮಾನವನು ಬೇಧಿಸುತ್ತ ಮುಂದುವರಿದಂತೆ ಹೊಸ ಆವಿಷ್ಕಾರಗಳು ಹುಟ್ಟು ಪಡೆದವು. ಕಾಡಿನ ಗುಹೆಗಳಲ್ಲಿ ಬದುಕುತ್ತಿದ್ದ ಮನುಷ್ಯನು ಇಂದು ನಾಗರೀಕತೆಯ ಕಡೆಗೆ ಮುಖ ಮಾಡಲು ಕಾರಣ ಆದದ್ದು ಅದೇ ಅನ್ವೇಷಣಾ ಪ್ರವೃತ್ತಿಯಿಂದ.

Raja Marga Column National science day inventions

5. ಸಮಸ್ಯೆ ಬಿಡಿಸುವ ವಿಧಾನ (Problem Solving Method)

ನಮ್ಮ ದೈನಂದಿನ ಜೀವನದಲ್ಲಿ ಸಮಸ್ಯೆಗಳು ಬಂದಾಗ ಅವುಗಳಿಗೆ ಬೆನ್ನು ಹಾಕದೆ ಸಮಸ್ಯೆಗೆ ಪರಿಹಾರ ಹುಡುಕಲು ಹೊರಟದ್ದು ನಿಜಕ್ಕೂ ಅದ್ಭುತ. ತನ್ನ ದ್ವೀಪವಾಸಿಗಳು ಸಮುದ್ರದ ಬದಿಯಲ್ಲಿ ದೀಪದ ಬೆಳಕಿನಲ್ಲಿ ಕಷ್ಟ ಪಡುವುದನ್ನು ಕಂಡು ಥಾಮಸ್ ಆಲ್ವಾ ಎಡಿಸನನ ನಿದ್ರೆ ಹಾರಿಹೋಗಿತ್ತು. ಆ ಸಮಸ್ಯೆಗೆ ಪರಿಹಾರ ಹುಡುಕಲು ಆತ ಮಾಡಿದ ಹೋರಾಟವೇ ಬಲ್ಬಿನ ಅನ್ವೇಷಣೆ. ವಿಜ್ಞಾನದ ಹೆಚ್ಚಿನ ಸಂಶೋಧನೆಗಳು ಆಗಿರುವುದು ಈ ಸಮಸ್ಯಾಪೂರಣ ವಿಧಾನದಿಂದ. ಹೌದಲ್ಲ. ಯೋಚನೆ ಮಾಡಿ.

Raja Marga Column National science day problem Solving

6. ಸೃಜನಶೀಲ ಯೋಚನೆ (Creative Thinking)

ತಾನು ಬೇರೆಯವರಿಗಿಂತ ಭಿನ್ನವಾಗಿ ಮತ್ತು ಅನನ್ಯವಾಗಿ ಯೋಚನೆ ಮಾಡಲು ಹೊರಡುವುದೇ ಸೃಜನಶೀಲ ಮನೋಭಾವ. ಇದು ಕೂಡ ಬಲ ಮೆದುಳಿನ ಚಮತ್ಕಾರ. If NECCESSITY is the mother of inventions then CREATIVITY is the father.

Raja Marga Column National science day Creative Thinking

7. ಉನ್ನತೀಕರಣ (Improvisation)

ಮಾನವ ಮೆದುಳಿನ ಅದ್ಭುತ ಸಾಮರ್ಥ್ಯ ಎಂದರೆ ಪರಿಪೂರ್ಣತೆಯ ಕಡೆಗೆ ಹೋಗುವುದು. ಅದರ ಫಲಿತಾಂಶಗಳು ಪ್ರತೀ ಹಂತದಲ್ಲಿ ಉನ್ನತೀಕರಣವನ್ನು ಪಡೆಯುತ್ತಾ ಮುಂದೆ ಹೋಗುತ್ತವೆ. ಉದಾಹರಣೆಗೆ ಚಾರ್ಲ್ಸ್ ಬ್ಯಾಬೇಜ್ ಜಗತ್ತಿನ ಮೊದಲ ಕಂಪ್ಯೂಟರ್ ಕಂಡುಹಿಡಿದಾಗ ಅದು ದೊಡ್ಡ ಕಟ್ಟಡದಷ್ಟು ದೊಡ್ಡದಿತ್ತು. ಮುಂದೆ ಟೇಬಲ್ ಟಾಪ್, ಲಾಪ್ ಟಾಪ್, ಪಾಮ್ ಟಾಪ್, ಫಿಂಗರ್ ಟಾಪ್….. ಹೀಗೆ ಉನ್ನತೀಕರಣ ಆಗುತ್ತಾ ಹೋಯಿತು. ಎಡಿಸನ್ ಮೊದಲ ಬಲ್ಬ್ ಕಂಡುಹಿಡಿದಾಗ ಕಾರ್ಬನ್ ಫಿಲಮೆಂಟ್ ಇತ್ತು. ಮುಂದೆ ಟಂಗ್‌ಸ್ಟನ್‌ ಫಿಲಮೆಂಟ್‌ ಬಂತು. ಮುಂದೆ CFL ಇತ್ಯಾದಿ ಬಂದವು.

Raja Marga Column National science day Improvisations

8. ಜ್ಞಾನದ ವಿಕಾಸ (Knowledge Explode)

ನೂರು ವರ್ಷಗಳ ಹಿಂದೆ ಜ್ಞಾನ ವಿಕಾಸವಾಗಲು ದಶಕಗಳೇ ಬೇಕಾದವು. ನಂತರ ಪ್ರತೀ ವರ್ಷಕ್ಕೊಮ್ಮೆ ಜ್ಞಾನವು ಡಬಲ್ ಆಯಿತು. ಈಗ ಪ್ರತೀ ದಿನವೂ ಜಗತ್ತಿನ ಜ್ಞಾನವು ಡಬ್ಬಲ್ ಆಗ್ತಾ ಇದೆ ಎಂದರೆ ನೀವು, ನಾವು ನಂಬಲೇಬೇಕು. ಇದಕ್ಕೆ ಕಾರಣ ಮಾನವನ ಜ್ಞಾನತೃಷೆ ಮತ್ತು ಮೆದುಳಿನ ಅದ್ಭುತವಾದ ವಿಕಾಸ.

9. ಮೌಢ್ಯ ಮತ್ತು ಅಂಧಶೃದ್ಧೆಗಳ ವಿರುದ್ಧ ಹೋರಾಟ

ಶತಮಾನಗಳಿಂದ ಜಗತ್ತನ್ನು ಆವರಿಸಿದ್ದ ಮೌಢ್ಯಗಳ ವಿರುದ್ಧ ವಿಜ್ಞಾನವು ಭಾರಿ ಹೋರಾಟವನ್ನು ಆರಂಭ ಮಾಡಿತು. ಅದುವರೆಗಿನ ನಂಬಿಕೆಗಳಿಗೆ ಸಾಕ್ಷಿ ಹುಡುಕುತ್ತ ಮುಂದೆ ಹೋದಂತೆ ಎಷ್ಟೋ ನಂಬಿಕೆಗಳಿಗೆ ಆಧಾರ ಸಿಗದೆ ಅವುಗಳು ಮೌಢ್ಯಗಳಾಗಿ ಬದಲಾದವು. ಉದಾಹರಣೆಗೆ ಸಹಸ್ರಮಾನಗಳಿಂದ ಜಗತ್ತನ್ನು ಆಳುತ್ತಿದ್ದ ಭೂಮಿಯೇ ಸೌರವ್ಯೂಹದ ಕೇಂದ್ರ ಎಂಬ ನಂಬಿಕೆ ಸುಳ್ಳು ಎಂದು ಸಾಬೀತಾದಾಗ ಸೂರ್ಯನೇ ಸೌರವ್ಯೂಹದ ಕೇಂದ್ರ ಎಂಬ ಸಿದ್ಧಾಂತವು ಮುನ್ನೆಲೆಗೆ ಬಂದಿತು. ಮುಂದೆ ಗೊತ್ತಿಲ್ಲ!

ಇದನ್ನೂ ಓದಿ : Raja Marga Column : ಗಝಲ್ ಕೀ ಮಿಟಾಸ್ ಪಂಕಜ್ ಉಧಾಸ್ ; ಹಾಡು ನಿಲ್ಲಿಸಿದ ಗಝಲ್‌ ಸಾಮ್ರಾಟ

Raja Marga Column National science day Blis

10. ಆತ್ಮಾನಂದದ ಅನ್ವೇಷಣೆ (Invention of BLISS)

ವೈಜ್ಞಾನಿಕ ಸಂಶೋಧನೆಗಳು ಮಾನವನ ಬದುಕನ್ನು ಹೆಚ್ಚು ಸಂಭ್ರಮ ಮತ್ತು ಸಂತಸದಾಯಕವಾಗಿ ಮಾಡಿವೆ ಎನ್ನುವುದು ನಮ್ಮ ಕಣ್ಣ ಮುಂದಿದೆ. ಮಹಾಮಾರಿ ರೋಗಗಳಿಗೆ ಲಸಿಕೆ ಕಂಡು ಹಿಡಿದದ್ದು, ಮಾನವನ
ತ್ರಾಸದಾಯಕವಾದ ಕೆಲಸಗಳನ್ನು ನೂರಾರು ಯಂತ್ರಗಳ ಮೂಲಕ ಆರಾಮದಾಯಕ ಮಾಡಿದ್ದು ವಿಜ್ಞಾನದ ಕೊಡುಗೆ ಹೌದಲ್ಲ. ಆದ್ದರಿಂದ ನಮ್ಮೊಳಗಿನ ಸಂತೋಷವನ್ನು ಹುಡುಕುವುದೇ ವೈಜ್ಞಾನಿಕ ಸಂಶೋಧನೆಯ ಉದ್ದೇಶ.

ನಮ್ಮ ಮುಂದಿನ ಜನಾಂಗವಾದ ಮಕ್ಕಳು ಈ ವೈಜ್ಞಾನಿಕ ಮನೋಭಾವವನ್ನು ಮೈಗೂಡಿಸಲಿ ಅನ್ನುವುದೇ ಇಂದಿನ ವಿಜ್ಞಾನ ದಿನದ ಸಂಕಲ್ಪ.

Continue Reading

ಸ್ಫೂರ್ತಿ ಕತೆ

Raja Marga Column : ಗಝಲ್ ಕೀ ಮಿಟಾಸ್ ಪಂಕಜ್ ಉಧಾಸ್ ; ಹಾಡು ನಿಲ್ಲಿಸಿದ ಗಝಲ್‌ ಸಾಮ್ರಾಟ

Raja Marga Column : ಪಂಕಜ್‌ ಉಧಾಸ್‌ ಎಂಬ ಮಾಧುರ್ಯ ಧ್ವನಿ ನಿಂತು ಹೋಗಿದೆ. ಪ್ರೇಮಿಗಳಿಗೆ ಉತ್ತೇಜನ ನೀಡುವ ಮತ್ತು ವಿರಹಿಗಳಿಗೆ ಸಾಂತ್ವನ ನೀಡುವ ಶಕ್ತಿ ಹೊಂದಿದ್ದ ಹಾಡುಗಳ ಅಮರ ಗಾಯಕ ಪಂಕಜ್‌ ಉಧಾಸ್‌ ಇನ್ನಿಲ್ಲ.

VISTARANEWS.COM


on

Raja Marga Column Pankaj Udhas no more
Koo

Raja Marga Column : ಭಾರತದಲ್ಲಿ ಗಝಲ್ ದೊರೆ (Gazhal King) ಎಂದು ಕರೆಸಿಕೊಂಡವರು ಜಗಜಿತ್ ಸಿಂಗ್. ಆದರೆ ಗಝಲ್ ಜಗತ್ತಿನಲ್ಲಿ ಮಾಧುರ್ಯದ ಅಲೆಗಳ ಮೂಲಕ ಗೆದ್ದವರು ಪಂಕಜ್ ಉಧಾಸ್ (Pankaj Udhas). ಅವರು ಸಿನಿಮಾ ಹಾಡುಗಳನ್ನು ಹೆಚ್ಚು ಹಾಡಿದ್ದು ಇಲ್ಲ (Indian playback singer). ಆದರೆ ಹಾಡಿದ್ದೆಲ್ಲವೂ ಸೂಪರ್ ಹಿಟ್ ಆಗಿವೆ ಅನ್ನುವುದು ನಿಜಕ್ಕೂ ಗ್ರೇಟ್. ಅಂತಹ ಪಂಕಜ್ ಉಧಾಸ್ ಈ ಸೋಮವಾರ ನಮ್ಮನ್ನು ಆಗಲಿದ್ದಾರೆ. 72 ವರ್ಷದ ಅವರ ನಿರ್ಗಮನದಿಂದ ಗಝಲ್ ಜಗತ್ತಿನಲ್ಲಿ ಒಂದು ದೊಡ್ಡ ಶೂನ್ಯ ಕ್ರಿಯೇಟ್ ಆಗಿದೆ. ಆ ಸ್ಥಾನವನ್ನು ತುಂಬುವ ಇನ್ನೊಬ್ಬ ಗಝಲ್ ಗಾಯಕ ಸದ್ಯಕ್ಕಿಲ್ಲ ಅನ್ನುವುದೇ ಒಂದು ವಿಷಾದ ಯೋಗ.

Raja Marga Column Pankaj Udhas

Raja Marga Column : ಸಂಗೀತದ ಪರಂಪರೆಯಿಂದ ಬಂದವರು ಪಂಕಜ್

ಗುಜರಾತ್ ರಾಜ್ಯದ ಜೇಟ್ಪೂರ ಎಂಬ ನಗರದಿಂದ ಬಂದ ಪಂಕಜ್ ಅತ್ಯಂತ ಶ್ರೀಮಂತ ಕುಟುಂಬದ ಹಿನ್ನೆಲೆಯವರು. ಅವರ ಅಜ್ಜ ಭಾವನಗರ ರಾಜ್ಯದ ದಿವಾನರಾಗಿ ಸೇವೆ ಸಲ್ಲಿಸಿದವರು. ಪಂಕಜ್ ಅವರ ಅಣ್ಣಂದಿರಾದ ಮನಹರ್ ಉಧಾಸ್ ಮತ್ತು ನಿರ್ಮಲ್ ಉಧಾಸ್ ಕೂಡ ಗಾಯಕರಾಗಿ ಜನಪ್ರಿಯರಾಗಿದ್ದವರು. ಮುಂದೆ ಮುಂಬೈಗೆ ಬಂದ ಆ ಕುಟುಂಬ ಸಂಗೀತಕ್ಕೆ ತನ್ನನ್ನು ಸಮರ್ಪಣೆ ಮಾಡಿಕೊಂಡಿತು. ಪಂಕಜ್ ಗ್ವಾಲಿಯರ್ ಘರಾಣೆಯ ಗುರುಗಳಿಂದ ಹಿಂದೂಸ್ಥಾನಿ ಸಂಗೀತವನ್ನು ಕಲಿತರು. ಅದರ ಜೊತೆಗೆ ಹಾರ್ಮೋನಿಯಂ, ವಯಲಿನ್, ತಬಲಾ, ಗಿಟಾರ್, ಪಿಯಾನೋ ಎಲ್ಲವನ್ನೂ ಕಲಿತು ಒಬ್ಬ ಪರಿಪೂರ್ಣ ಸಂಗೀತ ಕಲಾವಿದರಾದರು.

ಇದನ್ನೂ ಓದಿ : Raja Marga Column : ಬದುಕಿನ ಅಗ್ನಿ ಪರೀಕ್ಷೆಗಳೇ ನಮ್ಮನ್ನು ಸ್ಟ್ರಾಂಗ್‌ ಮಾಡೋ ಶಕ್ತಿಗಳು

ನೂರಾರು ಸಂಗೀತ ಆಲ್ಬಮ್‌ ಗಳು

1980ರಲ್ಲಿ ಅವರು ಹೊರತಂದ ಆಹತ್ ಎಂಬ ಆಲ್ಬಂ ಮೂಲಕ ಅವರು ಭಾರೀ ಕೀರ್ತಿ ಪಡೆದರು. ಅವರ ಹೆಚ್ಚಿನ ಹಾಡುಗಳಿಗೆ ಅವರೇ ಸಂಗೀತ ಸಂಯೋಜನೆ ಮಾಡಿದರು. ಅವರ ಧ್ವನಿಯಲ್ಲಿ ವೈವಿಧ್ಯತೆ ಕಡಿಮೆ ಇದ್ದರೂ ಒಂದು ಮಾಧುರ್ಯದ ಸಿಗ್ನೇಚರ್ ಇತ್ತು. ಪ್ರೇಮಿಗಳಿಗೆ ಉತ್ತೇಜನ ನೀಡುವ ಮತ್ತು ವಿರಹಿಗಳಿಗೆ ಸಾಂತ್ವನ ನೀಡುವ ಶಕ್ತಿ ಅವರ ಹಾಡುಗಳಿಗೆ ಇದ್ದವು. ಮುಂದೆ ಅವರು ನೂರಾರು ಆಲ್ಬಂ ಹೊರತಂದರು. ನಶಾ, ಮುಕರಾರ್, ತರನ್ನಮ್, ನಯಾಬ್, ಖಜಾನಾ, ಶಗುಫ್ತ, ಆಶಿಯಾನ ಅವರ ಅತ್ಯಂತ ಜನಪ್ರಿಯ ಸಂಗೀತ ಆಲ್ಬಂಗಳು. ಅವರು ಗಝಲ್ ಮತ್ತು ಪ್ರೇಮಗೀತೆ ಎರಡನ್ನೂ ತುಂಬಾ ಅದ್ಭುತವಾಗಿ ಹಾಡಿದರು. ದೇಶ ವಿದೇಶಗಳಲ್ಲಿ ಸ್ಟೇಜ್ ಶೋಗಳನ್ನು ನೀಡಿದರು. ಒಂದು ವರ್ಷ ಅಮೆರಿಕದಲ್ಲಿ ಇದ್ದುಕೊಂಡು ಸಾವಿರಾರು ಅಭಿಮಾನಿಗಳನ್ನು ಪಡೆದರು.

ಚಿಟ್ಟಿ ಆಯಿ ಹೈ ಆಯಿ ಹೈ

1983ರಲ್ಲೀ ಹೊರಬಂದ ನಾಮ್ ಸಿನಿಮಾದಲ್ಲಿ ಅವರು ಹಾಡಿದ ‘ಚಿಟ್ಟಿ ಆಯಿ ಹೈ’ ಹಾಡು ಸೂಪರ್ ಹಿಟ್ ಆಯಿತು. ಅದು ಎವರ್ ಗ್ರೀನ್ ಹಾಡು. ಅದರ ಬೆನ್ನಿಗೆ ಬಂದ ಬಾಜಿಗರ್ ಸಿನಿಮಾದ ‘ಚೂಪಾನಾ ಭೀ ನಹೀಂ ಆತಾ’ ಹಾಡು, ಮೈನ್ ಖಿಲಾಡಿ ತೂ ಅನಾರಿ ಸಿನಿಮಾದ ‘ಹಾತೋ ಪೇ ತೇರಾ ನಾಮ್’ ಮಾಧುರ್ಯದ ಶಿಖರವಾದ ಹಾಡುಗಳು. ಸಾಜನ್ ಸಿನಿಮಾದ ‘ಜಿಯೆ ತೋ ಜಿಯೇ ಕೈಸೇ ‘ ಹಾಡು ಮತ್ತು ಮೋಹರಾ ಸಿನಿಮಾದ ‘ ನಾ ಕಝರೆ ಕೀ ಧಾರ್ ‘ ಘಾಯಲ್ ಸಿನಿಮಾದ ‘ಮಾಹಿಯ ತೇರಿ ಕಸಮ್ ‘ ಹಾಡುಗಳಿಗೆ ಶರಣಾಗದ ಸಂಗೀತ ಪ್ರೇಮಿಗಳೇ ಇಲ್ಲ. ಸಿನಿಮಾಗಳಲ್ಲಿ ಅವರು ಹಾಡಿದ್ದು ಕಡಿಮೆ. ಆದರೆ ಅಷ್ಟೂ ಹಾಡುಗಳು ಸೂಪರ್ ಹಿಟ್ ಆದವು ಎಂಬಲ್ಲಿಗೆ ಅವರು ಮಾಧುರ್ಯದ ಅಲೆಗಳನ್ನು ಸೃಷ್ಟಿ ಮಾಡಿದರು.

Raja Marga Column Pankaj udhas

ಚಾಂದಿನಿ ರಾತ್ ಮೇ, ಔರ್ ಆಹಿಸ್ಥಾ ಕೀಜಿಯೆ, ಏಕ್ ತರಫ್ ಉಸ್ಕ ಘರ್, ತೋಡಿ ತೋಡಿ ಪಿಯಾ ಕರೇ ಅವರ ಅತ್ಯಂತ ಜನಪ್ರಿಯ ಹಾಡುಗಳು. ಅವರು ಹಾರ್ಮೋನಿಯಂ ನುಡಿಸುತ್ತಾ ವೇದಿಕೆಗಳಲ್ಲಿ ಹಾಡಲು ತೊಡಗಿದರೆ ಪ್ರೇಕ್ಷಕರು ಕಣ್ಣು ಮುಚ್ಚಿ ಭಾವತೀವ್ರತೆಯ ಅನುಭವ ಮಾಡುತ್ತಿದ್ದರು.

ಅವರು ಎಲ್ಲ ವೇದಿಕೆಗಳಲ್ಲಿ ಚಿಟ್ಟಿ ಆಯಿ ಹೈ ಮತ್ತು ನಾ ಕಜರೆ ಕೀ ಧಾರ್ ಹಾಡುಗಳನ್ನು ಹಾಡದೆ ಅಭಿಮಾನಿಗಳು ಅವರನ್ನು ಕೆಳಗೆ ಇಳಿಯಲು ಬಿಡುತ್ತಿರಲಿಲ್ಲ!

ಇದನ್ನೂ ಓದಿ : Raja Marga Column : ನಾವು ಬೆಳೆಯಬೇಕಾಗಿರುವುದು ಹೊರಗಿನಿಂದ ಅಲ್ಲ, ಒಳಗಿನಿಂದ! ಇಲ್ಲಿದೆ 12 ಸೂತ್ರ

ಕನ್ನಡದಲ್ಲಿಯೂ ಹಾಡಿದರು

ಭಾರತದ ಹೆಚ್ಚಿನ ಭಾಷೆಗಳಲ್ಲಿ ಅವರು ಹಾಡಿದ್ದಾರೆ. ಅವರ ಬಂಗಾಲಿ ಭಾಷೆಯ ಆಲ್ಬಂ ತುಂಬಾ ಜನಪ್ರಿಯ ಆಗಿದೆ. ಅಂತಹ ಪಂಕಜ್ ಉಧಾಸ್ ಅವರನ್ನು ‘ಸ್ಪರ್ಶ’ ಸಿನಿಮಾದ ಮೂಲಕ ಹಂಸಲೇಖ ಕನ್ನಡಕ್ಕೂ ಕರೆತಂದರು. ಅದು ಕಿಚ್ಚ ಸುದೀಪ್ ಅವರ ಮೊದಲ ಸಿನೆಮಾ ಆಗಿತ್ತು.

ಅದರಲ್ಲಿ ಅವರು ಅತ್ಯಂತ ಭಾವಪೂರ್ಣವಾಗಿ ಹಾಡಿರುವ ‘ಚಂದಕ್ಕಿಂತ ಚಂದ ನೀನೇ ಸುಂದರ’ ಮತ್ತು ‘ಬರೆಯದ ಮೌನದ ಕವಿತೆ ಹಾಡಾಯಿತುʼ ಅವರ ಮಾಧುರ್ಯದ ಸಿಗ್ನೇಚರ್ ಹಾಡುಗಳು. ಅವರು ನೂರಾರು ಸ್ಟೇಜ್ ಶೋಗಳನ್ನು ಕರ್ನಾಟಕದಲ್ಲಿಯೂ ನೀಡಿದ್ದಾರೆ. ಅವರು ತಮ್ಮ ಸಂಗೀತ ಯಾತ್ರೆಯ 25ನೆಯ ಹಾಗೂ 50ನೆಯ ವರ್ಷಗಳ ಆಚರಣೆಯನ್ನು ಹಲವು ಚಾರಿಟಿ ಶೋಗಳ ಮೂಲಕ ಮಾಡಿ ಕ್ಯಾನ್ಸರ್ ರೋಗಿಗಳಿಗೆ ನೆರವಾದದ್ದನ್ನು ಮರೆಯಲು ಸಾಧ್ಯವೇ ಇಲ್ಲ.

ಅವರಿಗೆ ಭಾರತ ಸರಕಾರದ ಪದ್ಮಶ್ರೀ ಪ್ರಶಸ್ತಿ, ಇಂದಿರಾ ಪ್ರಿಯದರ್ಶಿನಿ ಪ್ರಶಸ್ತಿ, ಗಝಲ್ ವಿಭಾಗದಲ್ಲಿ ಸೈಗಲ್
ರಾಷ್ಟ್ರಪ್ರಶಸ್ತಿಗಳು ದೊರೆತಿವೆ. ಅಂತಹ ಸಂಗೀತ ಮಾಂತ್ರಿಕ ನಿನ್ನೆ (ಫೆಬ್ರುವರಿ 26) ನಮ್ಮನ್ನು ಅಗಲಿದ್ದಾರೆ. ಅವರಿಗೆ ನಮ್ಮ ಭಾವಪೂರ್ಣ ಶೃದ್ಧಾಂಜಲಿ.

Continue Reading

ಸ್ಫೂರ್ತಿ ಕತೆ

Raja Marga Column : ನಾವು ಬೆಳೆಯಬೇಕಾಗಿರುವುದು ಹೊರಗಿನಿಂದ ಅಲ್ಲ, ಒಳಗಿನಿಂದ! ಇಲ್ಲಿದೆ 12 ಸೂತ್ರ

Raja Marga Column : ನಾವು ಬೆಳೆಯಬೇಕು ಎಂಬ ಬಯಕೆ ಎಲ್ಲರಿಗೂ ಇರುತ್ತದೆ. ಆದರೆ, ಹೇಗೆ? ಬೆಳವಣಿಗೆ ಎಂದರೆ ಏನು? ಅದು ಹಣ, ಅಂತಸ್ತಿನಿಂದಲೋ, ಒಳಗಿನ ಶಕ್ತಿಯಿಂದಲೋ ಎಂಬ ಗೊಂದಲವಿರುತ್ತದೆ. ಇಲ್ಲಿ ಬೆಳವಣಿಗೆ ಅಂದರೇನು ಎಂದು ವಿವರಿಸಲಾಗಿದೆ.

VISTARANEWS.COM


on

Raja Marga Column lion and Cat
Koo
RAJAMARGA Rajendra Bhat

ಸ್ವಯಮೇವ ಮೃಗೇಂದ್ರತಾ ಅಂದರೇನು?
ಕಾಡಿನಲ್ಲಿ ಸಿಂಹಕ್ಕೆ ಯಾರೂ ಪಟ್ಟಾಭಿಷೇಕ ಮಾಡುವುದಿಲ್ಲ. ಯಾರೂ ಕಿರೀಟ ಧಾರಣೆ ಮಾಡುವುದಿಲ್ಲ. ಸಿಂಹವು ತನ್ನ ಸ್ವಯಂ ಸಾಮರ್ಥ್ಯಗಳನ್ನು (Self Empowerment) ಉದ್ದೀಪನ ಮಾಡಿಕೊಂಡು ‘ಮೃಗಗಳ ರಾಜ’ (King of Animals) ಎಂದು ಕರೆಸಿಕೊಳ್ಳುತ್ತದೆ – ಹೀಗೆ ಹೇಳುತ್ತದೆ ಒಂದು ಸಂಸ್ಕೃತದ ಸುಭಾಷಿತ. ಸಿಂಹವು ತನ್ನ ಗತ್ತು, ಗೈರತ್ತು, ಗಾಂಭೀರ್ಯ, ನಡಿಗೆ ಮತ್ತು ನೋಟಗಳಿಂದ ಕಾಡಿನ ರಾಜ ಎಂದು ಕರೆಸಿಕೊಳ್ಳುತ್ತದೆ. ನಾವೂ ನಮ್ಮ ಸಾಮರ್ಥ್ಯಗಳ ಅರಿವು ಮೂಡಿಸಿಕೊಂಡರೆ ಖಂಡಿತವಾಗಿ ಸಿಂಹಸದೃಶ ವ್ಯಕ್ತಿತ್ವವನ್ನು (Personality like a lion) ಪಡೆಯಬಹುದು. ಇಂಥ ಸಿಂಹ ಸದೃಶ ವ್ಯಕ್ತಿತ್ವವನ್ನು ಪಡೆಯಲು ಇಲ್ಲಿವೆ ಅತ್ಯಂತ ಸರಳವಾದ 12 ಹಂತಗಳು. ಇವುಗಳನ್ನು ಬಳಸಿಕೊಂಡು ಎತ್ತರಕ್ಕೆ, ಆಳಕ್ಕೆ ಮತ್ತು ವಿಸ್ತಾರವಾಗಿ ಬೆಳೆಯಿರಿ (Raja Marga Column).

Raja Marga Column : 1. ನಿಮ್ಮ ಸಾಮರ್ಥ್ಯಗಳನ್ನು ಅರಿಯಿರಿ (Strengths)

ನಮ್ಮ ಸಾಮರ್ಥ್ಯಗಳನ್ನು ನಾವು ಅರ್ಥ ಮಾಡಿಕೊಳ್ಳುವುದು ತುಂಬಾ ಮುಖ್ಯ. ನೀವು ಯಾವ ಕೆಲಸವನ್ನು ಚೆನ್ನಾಗಿ ಮಾಡುತ್ತೀರಿ ಅನ್ನುವುದು ಎಲ್ಲರಿಗಿಂತ ಮೊದಲು ನಿಮಗೆ ಗೊತ್ತಿರಬೇಕು. ನೀವು ಯಾವ ಕ್ಷೇತ್ರದಲ್ಲಿ ಬೆಳೆಯಲು ಸಾಧ್ಯ ಇದೆ ಅನ್ನುವುದು ನಿಮಗೆ ಆದಷ್ಟು ಬೇಗ ಗೊತ್ತಾಗಬೇಕು.

Raja Marga Column : 2. ನಿಮ್ಮ ಪರಿಮಿತಿಯನ್ನು ಒಪ್ಪಿಕೊಳ್ಳಿ (Limits)

ಯಾವುದನ್ನು ನೀವು ಮಾಡಲು ಸಾಧ್ಯ ಇಲ್ಲ ಎಂಬುದನ್ನು ನೀವು ಒಪ್ಪಿಕೊಳ್ಳುವುದು ತುಂಬಾ ಮುಖ್ಯ. ಯಾವುದೇ ವ್ಯಕ್ತಿಯು ಎಲ್ಲ ಕ್ಷೇತ್ರಗಳನ್ನೂ ಆವರಿಸಿಕೊಳ್ಳುವುದು ಸಾಧ್ಯವೇ ಇಲ್ಲ. ಯಾವುದು ನನ್ನಿಂದ ಸಾಧ್ಯವಿಲ್ಲ ಎಂದು ಗೊತ್ತಾದರೆ ನಮ್ಮ ಸಮಯ, ನಮ್ಮ ಶ್ರಮ, ನಮ್ಮ ಎನರ್ಜಿ ಉಳಿಯುತ್ತದೆ.

3. ನಮ್ಮ ವಿಧಿ ಮತ್ತು ನಿಷೇಧಗಳು (Do’s and Don’ts)

ಸಮಾಜ ನಮಗೆ ವಿಧಿಸಿದ ವಿಧಿ (Do’s) ಮತ್ತು ನಿಷೇಧಗಳನ್ನು (Don’ts) ನಾವು ಅಷ್ಟು ಬೇಗ ಮೀರುವುದು ಕಷ್ಟ. ಇವುಗಳನ್ನು ಸಾಂಪ್ರದಾಯಿಕ ಮೌಲ್ಯಗಳು ಅನ್ನುತ್ತೇವೆ. ಈ ವಿಧಿ ಮತ್ತು ನಿಷೇಧಗಳು ನಮ್ಮನ್ನು ಯಾವಾಗಲೂ ಗೆಲುವಿನ ಕಡೆಗೆ ಮುನ್ನಡೆಸುತ್ತವೆ.

Self empowerment

4. ನಿರಂತರ ಅಧ್ಯಯನ (Knowledge Gain)

ಇಂದು ಜ್ಞಾನವನ್ನು ಸಂಪಾದನೆ ಮಾಡಲು ಹೆಚ್ಚು ಅವಕಾಶಗಳು ಇವೆ. ಪುಸ್ತಕಗಳು ನಮಗೆ ಅಪಾರವಾದ ಜ್ಞಾನವನ್ನು ಕೊಡುತ್ತವೆ. ಇಂದು ಗೂಗಲ್, ವಿಕಿಪೀಡಿಯ ಮೂಲಕ ಕೂಡ ಹೆಚ್ಚು ಜ್ಞಾನ ಸಂಪಾದನೆ ಸಾಧ್ಯ ಆಗುತ್ತದೆ. ಏನಿದ್ದರೂ ನಾವು ಸಂಪಾದನೆ ಮಾಡಿದ ಜ್ಞಾನ ನಿರಂತರ ಹೊರಮುಖವಾಗಿ ಹರಿಯಲು ತೊಡಗಿದರೆ ಮಾತ್ರ ಆ ಜ್ಞಾನವು ನಮಗೆ ಒಂದು ಪ್ರಬಲ ಅಸ್ತ್ರ ಆದೀತು.

5. ನಮ್ಮ ಕೌಶಲಗಳು (Skills)

ಸ್ವ ಸಬಲೀಕರಣ ಎಂದು ನಾವು ಹೊರಡುವಾಗ ಇಂದು ಜ್ಞಾನವನ್ನು ಕೌಶಲಗಳು ಮೀರಿಸುತ್ತವೆ. ಅದರಲ್ಲಿ ಕೂಡ ಸಂವಹನ ಕೌಶಲ, ನಿರೂಪಣಾ ಕೌಶಲ, ವಿವಿಧ ಭಾಷಾ ಕೌಶಲಗಳು, ಯಾಂತ್ರಿಕ ಕೌಶಲಗಳು ಇಂದು ಜಗತ್ತನ್ನು ಆಳುತ್ತಿವೆ. ಅದರಲ್ಲಿಯೂ ಸಂವಹನ ಕೌಶಲವನ್ನು (Communication) ಕೌಶಲಗಳ ರಾಜ ಎಂದು ಕರೆಯುತ್ತಾರೆ.

6. ನಿಮ್ಮ ಸಂಬಂಧಗಳು (Relations)

ನಮ್ಮ ಸಂಬಂಧಗಳಲ್ಲಿ ಕೆಲವು ಸಂಬಂಧಗಳು ಕೇವಲ ಆಫಿಷಿಯಲ್ ಆಗಿರುತ್ತವೆ. ಇನ್ನೂ ಕೆಲವು ಕ್ಯಾಶುವಲ್ ಆಗಿರುತ್ತವೆ. ಕೆಲವೇ ಕೆಲವು ಸಂಬಂಧಗಳು ಭಾವನಾತ್ಮಕ ಆಗಿರುತ್ತವೆ. ನಮ್ಮ ಭಾವನೆಗಳ ಅತ್ಯಂತ ಒಳಗಿನ ವರ್ತುಲದಲ್ಲಿ ಕುಳಿತು ನಮಗೆ ಕನೆಕ್ಟ್ ಆದವರು ನಮಗೆ ಪಾಸಿಟಿವ್ ಎನರ್ಜಿ ಕೊಡುತ್ತಾರೆ.

7. ನಮ್ಮ ನಂಬಿಕೆಗಳು (Faiths)

ನಮ್ಮಲ್ಲಿ ಮುಖ್ಯವಾಗಿ ಎರಡು ವಿಧವಾದ ನಂಬಿಕೆಗಳು ಇರುತ್ತವೆ. ಒಂದು ನಮ್ಮ ಮೇಲೆ ಬೇರೆಯವರು ಆರೋಪಿಸಿರುವುದು (Induced). ಇನ್ನೊಂದು ನಾವಾಗಿ ಒಪ್ಪಿಕೊಂಡದ್ದು (Self accepted). ಅದರಲ್ಲಿ ನಾವು ಅರಿವಿನ ಮೂಲಕ ಒಪ್ಪಿಕೊಂಡ ನಂಬಿಕೆಗಳು ನಮಗೆ ದಾರಿದೀಪ ಆಗುತ್ತವೆ.

8. ನಮ್ಮ ನಿರ್ಧಾರಗಳು (Decisions)

ಗೊಂದಲದ ಮನಸ್ಸಿನವರು (Fluctuating minds) ನಿರ್ಧಾರ ತೆಗೆದುಕೊಳ್ಳಲು ಸೋಲುತ್ತಾರೆ. ಆದರೆ ಗಟ್ಟಿ ಇಚ್ಛಾಶಕ್ತಿ ಇರುವವರು ಸರಿಯಾದ ಸಂದರ್ಭದಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಳ್ಳುತ್ತಾರೆ ಮತ್ತು ಆ ನಿರ್ಧಾರವನ್ನು ಉಳಿಸಿಕೊಳ್ಳುತ್ತಾರೆ. ತುಂಬಾ ಭಾವನಾತ್ಮಕ ಸಂದರ್ಭಗಳಲ್ಲಿ ನಾವು ತೆಗೆದುಕೊಳ್ಳುವ ನಿರ್ಧಾರಗಳು ಸೋಲುತ್ತವೆ ಅನ್ನುತ್ತದೆ ನನ್ನ ಅನುಭವ.

9. ನಮ್ಮ ಮಾರ್ಗದರ್ಶಕರು (Mentors)

ಜೀವನದ ಯಾವುದೇ ಹಂತದಲ್ಲಿ ಕೂಡ ನಮಗೆ ಮಾರ್ಗದರ್ಶಕರು ಬೇಕು. ಎಲ್ಲಾ ಹಂತಗಳಲ್ಲಿ ತಪ್ಪು ಮಾಡಿ ಕಲಿಯುವ ಕಲಿಕೆ ಒಳ್ಳೆಯದಲ್ಲ. ಹದಿಹರೆಯದಲ್ಲಿ ನಾವು ಹೆಚ್ಚು ಸೆಲ್ಫ್ ಎಕ್ಸ್‌ಪರಿಮೆಂಟ್ ಮಾಡಲು ಹೊರಡುತ್ತೇವೆ. ಆಗ ಸಹಜವಾದ ತಪ್ಪುಗಳು ನಡೆಯುತ್ತವೆ. ಆಗ ನಾವು ಹೆಚ್ಚು ಮೆಂಟರ್‌ಗಳ ಅಭಿಪ್ರಾಯಗಳನ್ನು ಮುಕ್ತವಾಗಿ ಸ್ವೀಕಾರ ಮಾಡಿ ಅನುಷ್ಟಾನ ಮಾಡಿಕೊಂಡರೆ ಗಟ್ಟಿಯಾಗುತ್ತಾ ಹೋಗುತ್ತೇವೆ.

10. ನಮ್ಮ ಸ್ಮಾರ್ಟ್ ಗುರಿಗಳು (Smart Goals)

ನಮ್ಮ ಯಶಸ್ಸಿನ ಪ್ರಯಾಣದಲ್ಲಿ ಮೈಲುಗಲ್ಲುಗಳಾಗಿ ನಿಲ್ಲುವುದು ನಮ್ಮ SMART ಆದ ಗುರಿಗಳು. S ಅಂದರೆ Specific, M ಅಂದರೆ Measurable, A ಅಂದರೆ Achievable, R ಅಂದರೆ Realistic , T ಅಂದರೆ Time Bound. ಅದರಲ್ಲಿ ಕೂಡ ಅಲ್ಪ ಕಾಲೀನ ಮತ್ತು ದೀರ್ಘ ಕಾಲೀನ ಎಂಬ ಎರಡು ವಿಧವಾದ ಗುರಿಗಳು ಇವೆ. ಗುರಿಗಳನ್ನು ಬರೆದಿಟ್ಟರೆ ಅವುಗಳನ್ನು ಸುಲಭದಲ್ಲಿ ತಲುಪಲು ಆಗುತ್ತದೆ.

Self empowerment

11. ನಮ್ಮ ಮಾನಸಿಕ ಸ್ಥಿತಿ (Mindset)

ಸೋಲು ಅಥವಾ ಗೆಲುವನ್ನು ನಾವು ಹೇಗೆ ಸ್ವೀಕಾರ ಮಾಡುತ್ತೇವೆ ಅನ್ನುವುದು ನಮ್ಮ ಯಶಸ್ಸಿನ ಖಚಿತವಾದ ಅಂಶ. ಗೆಲುವು ನಮಗೆ ಅಹಂ ಕೊಡಬಹುದು. ಆದರೆ ಸೋಲು ನಮಗೆ ಅನುಭವವನ್ನು ಕೊಟ್ಟು ಒಳಗಿಂದ ಸ್ಟ್ರಾಂಗ್ ಮಾಡುತ್ತದೆ. ನಮ್ಮ ಯಾವುದೇ ಬೆಳವಣಿಗೆ ಒಳಗಿನಿಂದ ಹೊರಗೆ ಆಗಬೇಕು. ನಾವು ಬದುಕನ್ನು ಹೇಗೆ ನೋಡುತ್ತೇವೆ ಅನ್ನೋದರ ಮೇಲೆ ನಮ್ಮ ಯಶಸ್ಸು ಅಡಗಿದೆ.

12. ಆತ್ಮಜಾಗೃತಿ (Self Realisation)

ನಾನೇನು? ನನ್ನ ಜೀವನದ ಉದ್ದೇಶ ಏನು? ಅನ್ನುವುದನ್ನು ನಾವು ಆದಷ್ಟು ಬೇಗ ಅರ್ಥ ಮಾಡಿಕೊಳ್ಳಬೇಕು ಎಂದು ಸ್ವಾಮಿ ವಿವೇಕಾನಂದರು ಹೇಳುತ್ತಾರೆ. ಅಮೆರಿಕಾದ ಸರ್ವಧರ್ಮ ಸಭೆಯಲ್ಲಿ ಭಾಷಣ ಮಾಡಿದ ನಂತರ ವಿವೇಕಾನಂದರ ಬದುಕಿನಲ್ಲಿ ಆದ ತಿರುವು ನಾವು ನೋಡಿದ್ದೇವೆ. ಅದಕ್ಕೆ ಕಾರಣ ಅವರಲ್ಲಿ ಆಗಿದ್ದ ಆತ್ಮಜಾಗೃತಿ. ಈ ಹಂತಕ್ಕೆ ತಲುಪಿದ ನಂತರ ನಾವು ಐಕಾನ್ ಆಗುತ್ತೇವೆ. ಅಲ್ಲಿಂದ ನಮ್ಮನ್ನು ಸೋಲಿಸಲು ಯಾರಿಗೂ ಸಾಧ್ಯ ಆಗುವುದಿಲ್ಲ.

Self empowerment

ಇದನ್ನೂ ಓದಿ: Raja Marga Column : ಹತ್ಯಾರೋಂ ಕಾ ಜವಾಬ್‌… ಶಾಸ್ತ್ರೀಜಿ ಗುಡುಗಿಗೆ ಪಾಕಿಸ್ತಾನ ನಡುಗಿತ್ತು!

ಭರತವಾಕ್ಯ

ನಾವು ಇವತ್ತು ಏನಾಗಿದ್ದೇವೆಯೋ ಅದಕ್ಕೆ ಕಾರಣ ನಮ್ಮ ಯೋಚನೆಗಳು ಮತ್ತು ಭಾವನೆಗಳು. ಇವೆರಡನ್ನೂ ಸರಿ ಮಾಡಿಕೊಂಡರೆ ನಮ್ಮ ಬದುಕು ತುಂಬಾ ಸುಂದರವಾಗುತ್ತದೆ. ಅಲ್ಲವೇ?

Continue Reading
Advertisement
Lakshmi Hebbalkar Handicapped
ಬೆಂಗಳೂರು3 mins ago

Lakshmi Hebbalkar : ವಿಕಲಚೇತನರ ಸಮಸ್ಯೆಗಳಿಗೆ ಸ್ಥಳದಲ್ಲೇ ಪರಿಹಾರ ನೀಡಿದ ಸಚಿವೆ ಹೆಬ್ಬಾಳ್ಕರ್

FSL Report
ಪ್ರಮುಖ ಸುದ್ದಿ10 mins ago

Sedition Case : ವಿಧಾನಸೌಧದಲ್ಲಿ ಪಾಕ್​ ಜಿಂದಾಬಾದ್​ ಕೇಸ್​​ನ ಎಫ್​ಎಸ್​​ಎಲ್​ ವರದಿ ಸಲ್ಲಿಕೆ

Russia Ukraine War
ವಿದೇಶ18 mins ago

Russia Ukraine War: ರಷ್ಯಾ ಸೇನೆಯಲ್ಲಿರುವ ಭಾರತೀಯರು ಶೀಘ್ರ ತಾಯ್ನಾಡಿಗೆ; ವಿದೇಶಾಂಗ ಸಚಿವಾಲಯದ ಭರವಸೆ

Modi GDP
ಪ್ರಮುಖ ಸುದ್ದಿ1 hour ago

GDP Growth : ಜಿಡಿಪಿಯ ಭರ್ಜರಿ ಏರಿಕೆಗೆ ಮೋದಿ ಸಂತಸ; ಏನಂದ್ರು ಅವರು?

2nd PU Exam from tomorrow what are the conditions
ಶಿಕ್ಷಣ1 hour ago

2nd PU Exam: ನಾಳೆಯಿಂದ ರಾಜ್ಯಾದ್ಯಂತ ದ್ವಿತೀಯ ಪಿಯು ಪರೀಕ್ಷೆ; ವಿದ್ಯಾರ್ಥಿಗಳಿಗೆ ಇಲ್ಲಿದೆ ಕಂಡಿಷನ್!

insurance
ಮನಿ-ಗೈಡ್1 hour ago

Money Guide: ಸಾಮಾನ್ಯ ವಿಮೆ v/s ಜೀವ ವಿಮೆ; ಯಾವುದು ಉತ್ತಮ? ನಿಮಗೆ ತಿಳಿದಿರಲೇಬೇಕಾದ ಮಾಹಿತಿ ಇಲ್ಲಿದೆ

Budget session Siddaramaiah
ವಿಧಾನಮಂಡಲ ಅಧಿವೇಶನ1 hour ago

Budget Session : ಬಿಜೆಪಿಯ ಜೈ ಶ್ರೀರಾಮ್‌ VS ಸಿದ್ದರಾಮಯ್ಯರ ಜೈ ಸೀತಾರಾಮ್‌!

Nitasha Kaul
ದೇಶ2 hours ago

Nitasha Kaul : ಬ್ರಿಟನ್​ ಲೇಖಕಿಯನ್ನು ಏರ್​ಪೋರ್ಟ್​​ನಿಂದಲೇ ವಾಪಸ್​ ಕಳಿಸಿದ್ದಕ್ಕೆ ಕಾರಣ ಕೊಟ್ಟ ಕೇಂದ್ರ ಸರ್ಕಾರ

Siddaramaiah plan behind accepting Caste Census Report Sunil Kumar reveals reason
ರಾಜಕೀಯ2 hours ago

‌Caste Census Report: ಜಾತಿ ಗಣತಿ ಸ್ವೀಕಾರದ ಹಿಂದೆ ಸಿದ್ದರಾಮಯ್ಯ ಪ್ಲ್ಯಾನ್‌ ಏನು? ಕಾರಣ ಬಿಚ್ಚಿಟ್ಟಿದ್ದಾರೆ ಸುನಿಲ್‌ ಕುಮಾರ್!

Rowdy sheeter kidnaps cricket bookie
ಕ್ರಿಕೆಟ್2 hours ago

WPL 2024 : ಮಹಿಳಾ ಐಪಿಎಲ್‌ನಲ್ಲಿ ಬೆಟ್ಟಿಂಗ್ ಕಟ್ಟಿದ ಬುಕ್ಕಿಯೇ ಕಿಡ್ನ್ಯಾಪ್‌!

Sharmitha Gowda in bikini
ಕಿರುತೆರೆ5 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ5 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ4 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ3 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ5 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ4 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ3 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ3 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ6 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

dina bhavishya read your daily horoscope predictions for February 28 2024
ಭವಿಷ್ಯ16 hours ago

Dina Bhavishya: ಇಂದು 12 ರಾಶಿಯವರ ಲಕ್ಕಿ ನಂಬರ್‌ ಏನು? ಯಾರಿಗೆ ಧನ ಲಾಭ?

Dina Bhavishya
ಭವಿಷ್ಯ2 days ago

Dina Bhavishya : ಈ ರಾಶಿಯವರು ಇಂದು ದೊಡ್ಡದೊಂದು ಸಮಸ್ಯೆಯಿಂದ ಮುಕ್ತಿ ಪಡೆಯುವಿರಿ

Rajya Sabha election Pakistan Zindabad slogans raised inside Vidhana Soudha by Nasir Hussain supporters
ರಾಜಕೀಯ2 days ago

ವಿಧಾನಸೌಧದೊಳಗೇ ಪಾಕಿಸ್ತಾನ ಜಿಂದಾಬಾದ್‌ ಘೋಷಣೆ; ನಾಸಿರ್‌ ಹುಸೇನ್‌ ಬೆಂಬಲಿಗ ದೇಶದ್ರೋಹಿಗಳ ಉದ್ಧಟತನ

Ghar Wapsi ST Somashekhar and Shivaram Hebbar to quit BJP
ರಾಜಕೀಯ2 days ago

Ghar Wapsi: ಎಸ್‌.ಟಿ. ಸೋಮಶೇಖರ್‌, ಶಿವರಾಂ ಹೆಬ್ಬಾರ್‌ ಬಿಜೆಪಿಗೆ ಗುಡ್‌ ಬೈ? ಇಂದೇ ರಾಜೀನಾಮೆ?

Rajyasabha Elections 42 Congress MLAs contacted by JDS candidate says DK Shivakumar
ರಾಜಕೀಯ2 days ago

Rajya sabha Election: ಕಾಂಗ್ರೆಸ್‌ನ 42 ಶಾಸಕರನ್ನು ಸಂಪರ್ಕ ಮಾಡಿದ್ದಾರೆ: ಡಿ.ಕೆ. ಶಿವಕುಮಾರ್

read your daily horoscope predictions for february 27 2024
ಭವಿಷ್ಯ3 days ago

Dina Bhavishya : ಇಂದು ಆಪ್ತರಿಂದಲೇ ಈ ರಾಶಿಯವರಿಗೆ ಕಂಟಕ!

Crowd mistakes Arabic words as Quran Verses on the kurta and Pak Women mobbed
ವಿದೇಶ3 days ago

Pak Woman: ಕುರ್ತಾ ಮೇಲಿನ ಅರೇಬಿಕ್ ಪದಗಳನ್ನು ತಪ್ಪಾಗಿ ತಿಳಿದು ಮಹಿಳೆ ಮೇಲೆ ಹಲ್ಲೆಗೆ ಯತ್ನ

read your daily horoscope predictions for february 26 2024
ಭವಿಷ್ಯ4 days ago

Dina Bhavishya : ಈ ಮೂರು ರಾಶಿಯವರು ಇಂದು ಹೂಡಿಕೆ ವ್ಯವಹಾರದಲ್ಲಿ ತೊಡುಗುವುದು ಬೇಡ

Dina Bhavishya
ಭವಿಷ್ಯ5 days ago

Dina Bhavishya : ಈ ರಾಶಿಯವರು ಆಪ್ತರೊಂದಿಗೆ ಗೌಪ್ಯ ವಿಷಯವನ್ನು ಹೇಳುವಾಗ ಎಚ್ಚರ!

Video Viral Student falls under school bus He escaped with minor injuries
ವೈರಲ್ ನ್ಯೂಸ್5 days ago

Video Viral: ಸ್ಕೂಲ್ ಬಸ್‌ನಡಿ ಬಿದ್ದ ವಿದ್ಯಾರ್ಥಿ; ಪಾರಾಗಿದ್ದೇ ಪವಾಡ!

ಟ್ರೆಂಡಿಂಗ್‌