ನವದೆಹಲಿ: 17ನೇ ಲೋಕಸಭೆಯ (17th Lok Sabha) ಕೊನೆಯ ಅಧಿವೇಶನದಲ್ಲಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಅವರು, ಎಲ್ಲ ಸಂಸದರು (MPs) ಹಾಗೂ ಸ್ಪೀಕರ್ (Lok Sabha Speaker) ಅವರಿಗೆ ಅಭಿನಂದನೆ ಸಲ್ಲಿಸಿದರು. ಈ ಅವಧಿಯಲ್ಲಿ ಕೊರೊನಾ ಮಹಾ ಮಾರಿಯ ಮಧ್ಯೆಯೂ ಸದನವನ್ನು ಅಚ್ಚುಕಟ್ಟಾಗಿ ಮುನ್ನಡೆಸಿದರು ಎಂದು ಸ್ಪೀಕರ್ ಅವರನ್ನು ಹಾಡಿ ಹೊಗಳಿದರು. ಅಲ್ಲದೇ, 17ನೇ ಲೋಕಸಭೆಯು ಅನೇಕ ಮಹತ್ವದ ಕಾನೂನುಗಳನ್ನು ಜಾರಿಗೆ ತಂದಿದೆ, ಅನೇಕ ಪ್ರಮುಖ ನಿರ್ಣಯಗಳನ್ನು ತೆಗೆದುಕೊಂಡಿದೆ. ಈ ಪೈಕಿ, ದೇಶಕ್ಕೆ ಒಂದೇ ಸಂವಿಧಾನ ಇರಬೇಕು (Single Constitution) ಎಂಬ ಬಹು ಪೀಳಿಗೆಯ ನಿರೀಕ್ಷೆಯನ್ನು ಸಾಬೀತು ಮಾಡಲಾಯಿತು. ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡುವ ಆರ್ಟಿಕಲ್ 370 ರದ್ದು ಮಾಡುವ ಬಹು ಮುಖ್ಯ ನಿರ್ಣಯವನ್ನು ಈ ಲೋಕಸಭೆ ಕೈಗೊಂಡಿದೆ ಎಂದು ಮೋದಿ ಅವರು ಹೇಳಿದರು.

ಸಂಸದ ನಿಧಿ ಬಿಟ್ಟು ಕೊಟ್ಟ ಸದಸ್ಯರು

ಕೊರೊನಾ ಸಮಯದಲ್ಲಿ ಸಂಸದರು ತಮ್ಮ ನಿಧಿಯನ್ನು ಬಿಟ್ಟುಕೊಡುವಂತೆ ವಿನಂತಿ ಮಾಡಲಾಯಿತು. ಎಲ್ಲ ಸಂಸದರು ಸಂಸದ ನಿಧಿಯನ್ನು ಬಿಟ್ಟುಕೊಟ್ಟರು. ದೇಶವಾಸಿಗಳಿಗೆ ಸಕಾರಾತ್ಮಕ ಸಂದೇಶ ಸಾರಲು ಸಂಸದರು ತಮ್ಮ ವೇತನದಲ್ಲಿ ಶೇ.30ರಷ್ಟು ಕಡಿತಗೊಳಿಸಲು ನಿರ್ಣಯ ಮಾಡಿದರು. ಇದರಿಂದ ದೇಶಕ್ಕೆ ವಿಶ್ವಾಸವಾಯಿತು. ನಾವು ಎಲ್ಲರೂ ಮಾಧ್ಯಮಗಳಲ್ಲಿ ಬೈಗಳು ತಿಂದಿದ್ದೇವೆ. ಕ್ಯಾಂಟೀನ್‌ನಲ್ಲಿ ದರವನ್ನು ಏರಿಸಿದರು. ಇದಕ್ಕೆ ಸಂಸದರು ಯಾವುದೇ ವಿರೋಧ ವ್ಯಕ್ತ ಮಾಡಲಿಲ್ಲ ಎಂದು ಹೇಳಿದರು.

ಸಂಸತ್ತಿನಲ್ಲಿ ಪ್ರಧಾನಿ ಮೋದಿ ಭಾಷಣ ಇಲ್ಲಿದೆ

ಸ್ವತಂತ್ರ ಭಾರತದ ಮೊದಲ ಕ್ಷಣವನ್ನು ನೆನಪಿಡಲು ಹೊಸ ಸಂಸತ್ತಿನಲ್ಲಿ ಸೆಂಗೋಲ್ ಅವರನ್ನು ಪ್ರತಿಷ್ಠಾಪಿಸಲಾಯಿತು. ಇದು ನಿಮ್ಮ(ಸ್ಪೀಕರ್) ನೇತೃತ್ವದಲ್ಲಿ ನಡೆಯಿತು. ಮುಂಬರುವ ಪೀಳಿಗೆಗೆ ಇದು ಪ್ರೇರಣೆ ನೀಡಲಿದೆ ಎಂದು ಹೇಳಿದರು.

ಭಾರತಕ್ಕೆ ಜಿ20 ಅಧ್ಯಕ್ಷತೆಯ ಅವಕಾಶ

ಜಿ20 ಅಧ್ಯಕ್ಷತೆಯು ಭಾರತಕ್ಕೆ ದೊರೆಯಿತು. ಭಾರತಕ್ಕೆ ಬಹಳ ಸಮ್ಮಾನ ದೊರೆಯಿತು. ಎಲ್ಲ ರಾಜ್ಯಗಳು ತಮ್ಮದೇ ಆದ ರೀತಿಯಲ್ಲಿ ವಿಶ್ವದ ಮುಂದೆ ಭಾರತದ ಸಾಮರ್ಥ್ಯವನ್ನು, ತಮ್ಮ ರಾಜ್ಯದ ಗುರುತನ್ನು ಪ್ರಸ್ತುತಪಡಿಸಿದರು. ಅನೇಕ ದೇಶಗಳ ಸ್ಪೀಕರ್ ಅವರು ಇಲ್ಲಿಗೆ ಬಂದರು, ದೇಶದ ಮಹಾನ್ ಪರಂಪರೆಯ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದರು. ಪ್ರಜಾಪ್ರಭುತ್ವದ ಮೌಲ್ಯಗಳನ್ನು ನೀವು ಸ್ಪೀಕರ್ ಸಮಾವೇಶದ ಮುಂದೆ ತೆರೆದಿಟ್ಟಿದ್ದೀರಿ ಎಂದು ಪ್ರಧಾನಿ ಮೋದಿ ಹೇಳಿದರು.

ಪೇಪರ್ ಲೆಸ್ ಸಂಸತ್

ಸಂಸತ್ ಲೈಬ್ರರಿಯನ್ನು ಯಾರು ಬಳಸುತ್ತಾರೋ ಗೊತ್ತಿಲ್ಲ. ನೀವು ಅದರ ಬಾಗಿಲನ್ನು ಸಾಮಾನ್ಯ ವ್ಯಕ್ತಿಗೆ ತೆರಿದಿರಿ. ದೊಡ್ಡ ಕೆಲಸವನ್ನು ಮಾಡಿದ್ದೀರಿ. ನಿಮಗೆ ಅಭಿನಂದನೆ. ಪೇಪರ್ ಲೆಸ್ ಪಾರ್ಲಿಮೆಂಟ್ ಮಾಡಿದ್ದೀರಿ. ನೀವು ಆಧುನಿಕ ತಂತ್ರಜ್ಞಾವನ್ನು ಬಳಸಿದ್ದೀರಿ. ಆರಂಭದಲ್ಲಿ ಕೆಲವರಿಗೆ ತೊಂದರೆಯಾಯಿತು. ಆದರೆ, ಈಗ ಎಲ್ಲರೂ ಅದಕ್ಕೆ ಹೊಂದಾಣಿಕೆಯಾಗುತ್ತಿದ್ದಾರೆ. ಇದು ನಿಮ್ಮ ಅತ್ಯುತ್ತಮ ಕೆಲಸವಾಗಿದೆ. ಸಂಸದರು ಮತ್ತು ನಿಮ್ಮ ಪ್ರಯತ್ನದಿಂದಾಗಿ 17ನೇ ಲೋಕಸಭೆ ಉತ್ಪಾದಕತೆಯು ಶೇ.90ರಷ್ಟಿದೆ. ನಾವು ಸಂಕಲ್ಪದೊಂದಿಗೆ 18ನೇ ಲೋಕಸಭೆಯನ್ನು ಆರಂಭಿಸೋಣ. ಶೇ.100ರಷ್ಟು ಉತ್ಪಾದಕತೆಯನ್ನು ನಿರೀಕ್ಷಿಸೋಣ. ಈ ಎಲ್ಲ ಯಶಸ್ಸಿಗೆ ಸಂಸದರು, ಸಂಸದ ನಾಯಕರಿಗೆ ಅಭಿನಂದನೆ ಸಲ್ಲಿಸುತ್ತೇನೆ ಎಂದು ಮೋದಿ ಅವರು ಹೇಳಿದರು.

ಬದಲಾವಣೆಯತ್ತ ದೇಶ

75 ವರ್ಷದ ಬಳಿಕ ನಮ್ಮ ಸದನವು ಮಹತ್ವದ ಕೆಲಸಗಳಿಗೆ ನೇತೃತ್ವವನ್ನು ವಹಿಸಿದೆ. ಅಮೃತಕಾಲವನ್ನು ದೇಶವನ್ನು ಸಂಭ್ರಮಿಸಿದೆ. ಇದರಲ್ಲಿ ಸಂಸತ್ ಮತ್ತು ಸಂಸದರ ದೊಡ್ಡ ಪಾತ್ರವಿದೆ. ಸಂವಿಧಾನ ಜಾರಿಯಾಗಿರುವ 75 ವರ್ಷವಾಗಿದೆ. ಇದು ಕೂಡ ಈ ಸದನದ ಗೌರವವಾಗಿದೆ. ಈ ಅವಧಿಯಲ್ಲಿ ಬಹಳಷ್ಟು ಸುಧಾರಣೆಗಳಾಗಿವೆ. 21ನೇ ಶತಮಾನವು ಭಾರತದ್ದಾಗಿದೆ. ದೊಡ್ಡ ಬದಲಾವಣೆಯತ್ತ ದೇಶ ಮುಂದುವರಿಯುತ್ತಿದೆ. ಇದರಲ್ಲಿ ಸದನದ ಎಲ್ಲರೂ ಮಾರ್ಗದರ್ಶ ಮಾಡಿದ್ದಾರೆ. ನಮ್ಮ ಅನೇಕ ಪೀಳಿಗೆಯು ನಿರೀಕ್ಷಿಸಿದ್ದ ಅನೇಕ ಕೆಲಸವು ಈ 17ನೇ ಲೋಕಸಭೆಯು ಮಾಡಿದೆ.

ಒಂದೇ ಸಂವಿಧಾನ ನಿರೀಕ್ಷೆ ಈಡೇರಿತು

ಅನೇಕ ಪೀಳಿಗೆಯು ಒಂದು ಸಂವಿಧಾನವನ್ನು ಎದುರು ನೋಡುತ್ತಿತ್ತು. ಈ ಸದನವು ವಿಧಿ 370 ರದ್ದು ಮಾಡಿ, ಸಂವಿಧಾನದ ಪೂರ್ಣ ಪ್ರಮಾಣವನ್ನು ಪ್ರಕಟಿಸಿತು. ಸಂವಿಧಾನದ ನಿರ್ಮಾಣ ಮಾಡಿದ ವ್ಯಕ್ತಿಗಳ ಆತ್ಮವು ನನಗೆ ಖಂಡಿತ ಆಶೀರ್ವಾದ ನೀಡುತ್ತವೆ ಎಂದು ಹೇಳಿದರು. ಕಾಶ್ಮೀರ ಜನರನ್ನು ಸಾಮಾಜಿಕ ನ್ಯಾಯದಿಂದ ವಂಚಿತ ಮಾಡಲಾಗಿತ್ತು. ಅವರಿಗೆ ಸಾಮಾಜಿಕ ನ್ಯಾಯವನ್ನು ಒದಗಿಸಿದ್ದೇವೆ. ಆತಂಕವಾದ ದೇಶದ ಮೇಲೆ ಹಲ್ಲೆ ಮಾಡುತ್ತಿತ್ತು. ದೇಶದ ಅನೇಕ ವೀರ, ಧೈರ್ಯವಂತರು ಬಲಿಯಾಗುತ್ತಿದ್ದರು. ಈ ಸದನವು ಭಯೋತ್ಪಾದನೆ ವಿರುದ್ಧ ಕಾನೂನು ಮಾಡಿದೆ. ಇದಿರಂದ ಉಗ್ರ ಚಟುವಟಿಕೆಗೆ ಕಡಿಮೆಯಾಗಿದೆ. ಭಾರತವನ್ನು ಉಗ್ರ ಮುಕ್ತ ಮಾಡುವ ದಿನಗಳು ದೂರವಿಲ್ಲ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.

ನಾರಿ ಶಕ್ತಿ ವಂದನ್ ಅಧಿನಿಯಮ್, ತ್ರಿವಳಿ ತಲಾಕ್

ಹೊಸ ಸಂಸತ್ ಪ್ರಾರಂಭವು ಭಾರತದ ಮೂಲಭೂತವು ಸಂಕಲ್ಪದೊಂದಿಗೆ ನಡೆಯಿತು. ನಾರಿಶಕ್ತಿ ವಂದನ್ ಅಧಿನಿಯಮ ಮೂಲಕವೇ ಆರಂಭವಾಯಿತು. ಹೊಸ ಸಂಸತ್ತಿನ ಬಗ್ಗೆ ಮಾತು ಬಂದಾಗ, ಮಹಿಳಾ ಮೀಸಲು ಬಗ್ಗೆ ಪ್ರಸ್ತಾಪ ಆಗೇ ಆಗುತ್ತದೆ. ಮುಂಬರುವ ದಿನಗಳಲ್ಲಿ ಈ ಸದನದಲ್ಲಿ ನಮ್ಮ ಸಹೋದರಿಯರು, ತಾಯಿಂದರ ಇಲ್ಲಿ ಇರಲಿದ್ದಾರೆ ಎಂದು ಹೇಳಿದರು. ತ್ರಿವಳಿ ತಲಾಕ್‌ನಿಂದ ನಮ್ಮ ಮುಸ್ಲಿಮ್ ಮಹಿಳೆಯರು ಸಂಕಟಪಡುತ್ತಿದ್ದರು. ತ್ರಿವಳಿ ತಲಾಖ್ ನಿಷೇಧವನ್ನು ಈ 17ನೇ ಲೋಕಸಭೆ ಕೈಗೊಂಡಿದೆ. ಇದರೊಂದಿಗೆ ಮಹಿಳೆಯರಿಗೆ ನ್ಯಾಯ ದೊರಕಿಸಿಕೊಡುವ ಪ್ರಯತ್ನವನ್ನು ಮಾಡಲಾಗಿದೆ.

ಮುಂದಿನ 25 ವರ್ಷದಲ್ಲಿ ವಿಕಸಿತ ಭಾರತ

ಮುಂದಿನ 25 ವರ್ಷಗಳು ಮಹತ್ವದ್ದಾಗಿವೆ. ರಾಜಕಾರಣದ ನಡುವೆ ದೇಶದ ನಿರೀಕ್ಷೆ, ಸಂಕಲ್ಪ, ಕನಸುಗಳಿವೆ. ದೇಶವು ತನ್ನ ಉದ್ದೇಶಿತ ಗುರಿಯನ್ನು ಈಡೇರಿಸಿಕೊಳ್ಳಲಿದೆ. ಗಾಂಧಿ ಅವರು ದಂಡಿ ಸತ್ಯಾಗ್ರಹ ಮಾಡಿದ್ದರು. ಆದರೆ, ಇದರ ಪರಿಣಾಮ ಬಗ್ಗೆ ಯಾರಿಗೂ ಗೊತ್ತಿರಲಿಲ್ಲ. ಅದು ಚಿಕ್ಕ ಘಟನೆಯಾದರೂ, 1947ರಲ್ಲಿ ಅದು ಸ್ವಾತಂತ್ರ್ಯ ಹೋರಾಟಕ್ಕೆ ಹೊಸ ಚೇತನವನ್ನು ನೀಡಿತು. ಅದೇ ರೀತಿ, ಈಗ ಕೈಗೊಂಡ ನಿರ್ಣಯಗಳು 25 ವರ್ಷದಲ್ಲಿ ನಾವು ವಿಕಸಿತ ಭಾರತವನ್ನು ನೋಡಲು ನೆರವು ನೀಡಲಿವೆ ಎಂದು ಪ್ರಧಾನಿ ಮೋದಿ ಹೇಳಿದರು.

ಈ ಸುದ್ದಿಯನ್ನೂ ಓದಿ: Narendra Modi: ‘ಇಂಥ ಅವಕಾಶ ಮತ್ತೆ ಸಿಗಲಾರದು….’ ಖರ್ಗೆ ಕಾಲೆಳೆದ ಪ್ರಧಾನಿ ನರೇಂದ್ರ ಮೋದಿ

Related Topics:Ayodhya Ram MandirBudget SessionlatestPM Narendra Modi

Up Next

Ram Mandir : ಇಲ್ಲಿದೆ ನೋಡಿ ಬಾಲ ರಾಮನ ಕಣ್ಣಿಗೆ ಜೀವಕಳೆ ನೀಡಿದ್ದ ಬಂಗಾರದ ಉಳಿ, ಬೆಳ್ಳಿ ಸುತ್ತಿಗೆಯ ಚಿತ್ರ

Don't Miss

RBI Caution : ಮೋಸಗಾರರಿದ್ದಾರೆ; ಕೆವೈಸಿ ಅಪ್​ಡೇಟ್ ಹೆಸರಲ್ಲಿ ಕರೆ ಬಂದರೆ ಎಚ್ಚರ ವಹಿಸಿ ಎಂದ ಆರ್​ಬಿಐ