ಹಣಕಾಸು ಸಚಿವೆ (Finance Minister) ನಿರ್ಮಲಾ ಸೀತಾರಾಮನ್‌ (Nirmala Sitharaman) ಅವರು ಜುಲೈ 23ರಂದು ಮಂಗಳವಾರ ಕೇಂದ್ರ ಬಜೆಟ್ 2024-25 (Union Budget 2024) ಅನ್ನು ಮಂಡಿಸುವ ಸಿದ್ಧತೆಯಲ್ಲಿದ್ದಾರೆ. ಲೋಕಸಭಾ ಚುನಾವಣೆ ಬಳಿಕ ಏರಿಕೆ ಹಾದಿಯಲ್ಲಿ ಜಿಗಿಯುತ್ತಿರುವ ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಬಜೆಟ್‌ ಮಂಡನೆ ದಿನ ಕೊಂಚ ತಲ್ಲಣ ಉಂಟು ಮಾಡಬಹುದಾ ಎಂಬ ಪ್ರಶ್ನೆ ಎದ್ದಿದೆ. ಆದರೆ ಆರ್ಥಿಕ ತಜ್ಞರು ಈ ಬಜೆಟ್ ಭಾರತೀಯ ಷೇರು ಮಾರುಕಟ್ಟೆಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ, ಎಂದಿನಂತೆ ಅದು ನಡೆಯುತ್ತದೆ ಎನ್ನುತ್ತಿದ್ದಾರೆ.

ಹೀಗಾಗಿ ಬಜೆಟ್ ಮಂಡನೆ ದಿನ ಷೇರು ಮಾರುಕಟ್ಟೆಯಲ್ಲಿ ಏನಾಗಬಹುದು ಎನ್ನುವ ಕುತೂಹಲ ಹೆಚ್ಚಾಗಿದೆ. ಈ ಬಗ್ಗೆ ಈ ಹಿಂದಿನ ಷೇರು ಮಾರುಕಟ್ಟೆ ಇತಿಹಾಸ ಏನು ಹೇಳುತ್ತದೆ ಎಂಬುದನ್ನು ನೋಡೋಣ. 2013ರಿಂದ ಬಜೆಟ್ ದಿನಗಳಲ್ಲಿ ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಆಗಿರುವ ಬದಲಾವಣೆಗಳು ಹೇಗಿತ್ತು ಎನ್ನುವ ಮಾಹಿತಿ ಇಲ್ಲಿದೆ.

2013ರ ಬಜೆಟ್

ಪ್ರಮುಖ ಅಂಶ: ಬಂಡವಾಳ ಹಿಂತೆಗೆತ ಮತ್ತು ಸ್ಪೆಕ್ಟ್ರಮ್ ಮಾರಾಟದಿಂದ ಹೆಚ್ಚಿನ ಆದಾಯ, ಮ್ಯೂಚುವಲ್ ಫಂಡ್ ಮತ್ತು ಈಕ್ವಿಟಿ ಫ್ಯೂಚರ್ಸ್ ವಹಿವಾಟುಗಳಿಗೆ ಸೆಕ್ಯುರಿಟೀಸ್ ಟ್ರಾನ್ಸಾಕ್ಷನ್ ತೆರಿಗೆಯಲ್ಲಿ ಕಡಿತ.
ಬಜೆಟ್‌ ಮಂಡನೆ ದಿನ: 2013ರ ಫೆಬ್ರವರಿ 28
ಇಂಟ್ರಾ-ಡೇ ಸ್ವಿಂಗ್: ಶೇ. 2.8

2014ರ ಮಧ್ಯಂತರ ಬಜೆಟ್

ಮಾರುಕಟ್ಟೆ ಪ್ರತಿಕ್ರಿಯೆ: ದೇಶೀಯ ಷೇರು ಮಾರುಕಟ್ಟೆಯಲ್ಲಿ ಶೇ. 0.5ರಷ್ಟು ಏರಿಕೆಯಾಗಿದೆ.
ಬಜೆಟ್‌ ಮಂಡನೆ ದಿನ: 2014ರ ಫೆಬ್ರವರಿ 17
ಇಂಟ್ರಾ-ಡೇ ಸ್ವಿಂಗ್: ಶೇ. 0.8

2014ರ ಪೂರ್ಣ ಬಜೆಟ್

ಮುಖ್ಯಾಂಶಗಳು: ಹೊಸದಾಗಿ ರಚನೆಯಾದ ನರೇಂದ್ರ ಮೋದಿ ಸರ್ಕಾರದ ಮೊದಲ ಬಜೆಟ್.
ಮಾರುಕಟ್ಟೆ ಪ್ರತಿಕ್ರಿಯೆ: ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಶೇ. 0.3ರಷ್ಟು ಇಳಿಕೆಯಾಗಿದೆ.
ಬಜೆಟ್‌ ಮಂಡನೆ ದಿನ: 2014ರ ಜುಲೈ 10
ಇಂಟ್ರಾ-ಡೇ ಸ್ವಿಂಗ್: ಶೇ. 3.2

2015ರ ಬಜೆಟ್

ಮುಖ್ಯಾಂಶಗಳು: ಆರೋಗ್ಯ ಕ್ಷೇತ್ರ, ವೈದ್ಯಕೀಯ ಶಿಕ್ಷಣ, ಸಂಸ್ಥೆಗಳ ಸ್ಥಾಪನೆ, ಸೌರ ವಿದ್ಯುತ್ ಯೋಜನೆಗಳು ಮತ್ತು ನಮಾಮಿ ಗಂಗೆ ಯೋಜನೆಗೆ 2,037 ಕೋಟಿ ರೂ.
ಮಾರುಕಟ್ಟೆ ಪ್ರತಿಕ್ರಿಯೆ: ಬಿಎಸ್‌ಇ ಸೆನ್ಸೆಕ್ಸ್ ಶೇ.0.5ರಷ್ಟು ಏರಿಕೆ ಕಂಡಿದೆ.
ಬಜೆಟ್‌ ಮಂಡನೆ ದಿನ: 2015ರ: ಫೆಬ್ರವರಿ 28
ಇಂಟ್ರಾ-ಡೇ ಸ್ವಿಂಗ್: ಶೇ. 2.3

2016ರ ಬಜೆಟ್

ಮುಖ್ಯಾಂಶಗಳು: 2022ರ ವೇಳೆಗೆ ರೈತರ ಆದಾಯವನ್ನು ದ್ವಿಗುಣಗೊಳಿಸುವ ಭರವಸೆ, ಗ್ರಾಮೀಣ ನೈರ್ಮಲ್ಯಕ್ಕಾಗಿ ಸ್ವಚ್ಛ ಭಾರತ ಅಭಿಯಾನಕ್ಕೆ 9,000 ಕೋಟಿ ಅನುದಾನ.
ಮಾರುಕಟ್ಟೆ ಪ್ರತಿಕ್ರಿಯೆ: ಷೇರು ಮಾರುಕಟ್ಟೆ ಶೇ. 0.7ರಷ್ಟು ಕುಸಿತ
ಬಜೆಟ್‌ ಮಂಡನೆ ದಿನ: 2016ರ ಫೆಬ್ರವರಿ 29
ಇಂಟ್ರಾ-ಡೇ ಸ್ವಿಂಗ್‌: ಶೇ. 3.8

2017ರ ಬಜೆಟ್

ಮುಖ್ಯಾಂಶಗಳು: 2.5 ಲಕ್ಷ ರೂ. ನಿಂದ 5 ಲಕ್ಷ ರೂ. ನಡುವಿನ ಆದಾಯ ಹೊಂದಿರುವ ವ್ಯಕ್ತಿಗಳಿಗೆ ಆದಾಯ ತೆರಿಗೆ ದರವನ್ನು ಶೇ. 5ಕ್ಕೆ ಕಡಿತಗೊಳಿಸಲಾಗಿದೆ.
ಮಾರುಕಟ್ಟೆ ಪ್ರತಿಕ್ರಿಯೆ: ಸೆನ್ಸೆಕ್ಸ್ ಶೇ.1.8ರಷ್ಟು ಏರಿಕೆಯಾಗಿದೆ.
ಬಜೆಟ್‌ ಮಂಡನೆ ದಿನ: 2017ರ ಫೆಬ್ರವರಿ 1
ಇಂಟ್ರಾ-ಡೇ ಸ್ವಿಂಗ್: ಶೇ. 2.1

2018ರ ಬಜೆಟ್

ಮುಖ್ಯಾಂಶಗಳು: ಉತ್ಪಾದನೆ, ಸೇವೆಗಳು ಮತ್ತು ರಫ್ತುಗಳೊಂದಿಗೆ ಶೇ.8ಕ್ಕಿಂತ ಹೆಚ್ಚಿನ ಬೆಳವಣಿಗೆಯತ್ತ ಹೆಜ್ಜೆ.
ಮಾರುಕಟ್ಟೆ ಪ್ರತಿಕ್ರಿಯೆ: ಭಾರತೀಯ ಷೇರು ಮಾರುಕಟ್ಟೆಯು ಶೇ. 0.2ರಷ್ಟು ಕುಸಿತ
ಬಜೆಟ್‌ ಮಂಡನೆ ದಿನ: 2018ರ ಫೆಬ್ರವರಿ 1
ಇಂಟ್ರಾ-ಡೇ ಸ್ವಿಂಗ್: ಶೇ. 2.1

2019ರ ಮಧ್ಯಂತರ ಬಜೆಟ್

ಮುಖ್ಯಾಂಶಗಳು: ರೈತರಿಗೆ ಪ್ರಮುಖ ಯೋಜನೆ, ಆದಾಯ ತೆರಿಗೆ ಕೊಡುಗೆ, ಸೆಕ್ಷನ್ 87A ಅಡಿಯಲ್ಲಿ ವಾರ್ಷಿಕ ಆದಾಯವನ್ನು 5 ಲಕ್ಷ ರೂ.ವರೆಗೆ ತೆರಿಗೆ ಮುಕ್ತಗೊಳಿಸಲು ರಿಯಾಯಿತಿಯನ್ನು ಹೆಚ್ಚಿಸಲಾಗಿದೆ.
ಮಾರುಕಟ್ಟೆ ಪ್ರತಿಕ್ರಿಯೆ: ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಶೇ. 0.6% ಏರಿಕೆ.
ಬಜೆಟ್‌ ಮಂಡನೆ ದಿನ: 2019ರ ಫೆಬ್ರವರಿ 1
ಇಂಟ್ರಾ-ಡೇ ಸ್ವಿಂಗ್: ಶೇ. 1.5

2019ರ ಪೂರ್ಣ ಬಜೆಟ್

ಮುಖ್ಯಾಂಶಗಳು: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮತ್ತು ಮೋದಿ 2.0 ಸರ್ಕಾರಕ್ಕೆ ಇದು ಮೊದಲ ಬಜೆಟ್.
ಮಾರುಕಟ್ಟೆ ಪ್ರತಿಕ್ರಿಯೆ: ಷೇರು ಮಾರುಕಟ್ಟೆ ಶೇ.1ರಷ್ಟು ಕುಸಿತ ಕಂಡಿದೆ.
ಬಜೆಟ್‌ ಮಂಡನೆ ದಿನ: 2019ರ ಜುಲೈ 5
ದಿನದ ವಹಿವಾಟು: ಶೇ. 1.5

2020ರ ಬಜೆಟ್

ಮುಖ್ಯಾಂಶಗಳು: ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ತೆರಿಗೆ ಹೆಚ್ಚಳ, ಚಿನ್ನದ ಮೇಲಿನ ಆಮದು ಸುಂಕ ಹೆಚ್ಚಳ, ಸೂಪರ್ ರಿಚ್‌ಗಳ ಮೇಲೆ ಹೆಚ್ಚುವರಿ ಸರ್ಚಾರ್ಜ್, ಹೆಚ್ಚಿನ ಮೌಲ್ಯದ ನಗದು ಹಿಂಪಡೆಯುವಿಕೆಯ ಮೇಲೆ ತೆರಿಗೆ, ಕಾರ್ಪೊರೇಟ್ ತೆರಿಗೆ ಕಡಿತ, ವಸತಿ ವಲಯ, ಸ್ಟಾರ್ಟ್‌ಅಪ್‌ಗಳು ಮತ್ತು ಎಲೆಕ್ಟ್ರಿಕ್ ವಾಹನಗಳಿಗೆ ತೆರಿಗೆ ಕಡಿತ.
ಮಾರುಕಟ್ಟೆ ಪ್ರತಿಕ್ರಿಯೆ: ಮಾರುಕಟ್ಟೆಯು ಶೇ. 2.4ರಷ್ಟು ಕುಸಿತ
ಬಜೆಟ್‌ ಮಂಡನೆ ದಿನ: 2020ರ ಫೆಬ್ರವರಿ 1
ದಿನದ ವಹಿವಾಟು: ಶೇ. 3.2

2021ರ ಬಜೆಟ್

ಮುಖ್ಯಾಂಶಗಳು: ಸಾಂಕ್ರಾಮಿಕ ರೋಗದ ಮಧ್ಯೆ ಭಾರತೀಯ ಆರ್ಥಿಕತೆಯನ್ನು ಪುನರುಜ್ಜೀವನಗೊಳಿಸುವ ದಿಟ್ಟ ಕ್ರಮಗಳು.
ಮಾರುಕಟ್ಟೆ ಪ್ರತಿಕ್ರಿಯೆ: ಷೇರು ಮಾರುಕಟ್ಟೆ ಶೇ. 4.7ರಷ್ಟು ಏರಿಕೆ
ಬಜೆಟ್‌ ಮಂಡನೆ ದಿನ: 2021ರ ಫೆಬ್ರವರಿ 1
ದಿನದ ವಹಿವಾಟು: ಶೇ. 4.9

2022ರ ಬಜೆಟ್

ಮುಖ್ಯಾಂಶಗಳು: ಮೂಲಸೌಕರ್ಯ ಅಭಿವೃದ್ಧಿ, ದೇಶೀಯ ರಕ್ಷಣಾ ವಲಯ, ಬಂಡವಾಳ ವೆಚ್ಚ ಹೆಚ್ಚಳದ ಮೇಲೆ ಕೇಂದ್ರೀಕರಣ
ಮಾರುಕಟ್ಟೆ ಪ್ರತಿಕ್ರಿಯೆ: ಷೇರು ಮಾರುಕಟ್ಟೆ ಶೇ. 1.4ರಷ್ಟು ಜಿಗಿತ.
ಬಜೆಟ್‌ ಮಂಡನೆ ದಿನ: 2022ರ ಫೆಬ್ರವರಿ 1
ಇಂಟ್ರಾ-ಡೇ ಸ್ವಿಂಗ್: ಶೇ. 1.4

2023ರ ಬಜೆಟ್

ಮುಖ್ಯಾಂಶಗಳು: ಹೊಸ ತೆರಿಗೆ ಪದ್ಧತಿಗೆ ಆದಾಯ ತೆರಿಗೆ ರಿಯಾಯಿತಿಯನ್ನು 7 ಲಕ್ಷ ರೂ.ಗೆ ಹೆಚ್ಚಿಸಲಾಗಿದೆ. ಹೊಸ ತೆರಿಗೆ ಪದ್ಧತಿಗೆ 50,000 ರೂ.ಗಳ ಪ್ರಮಾಣಿತ ಕಡಿತ.
ಮಾರುಕಟ್ಟೆ ಪ್ರತಿಕ್ರಿಯೆ: ಷೇರು ಮಾರುಕಟ್ಟೆಯು ಶೇ. 0.25ರಷ್ಟು ಕುಸಿತ
ಬಜೆಟ್‌ ಮಂಡನೆ ದಿನ: 2023ರ ಫೆಬ್ರವರಿ 1
ಇಂಟ್ರಾ-ಡೇ ಸ್ವಿಂಗ್: ಶೇ. 3.6

2024ರ ಮಧ್ಯಂತರ ಬಜೆಟ್

ಮುಖ್ಯಾಂಶಗಳು: ಲೋಕಸಭಾ ಚುನಾವಣೆಗೆ ಮುನ್ನ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಈ ಮಧ್ಯಂತರ ಬಜೆಟ್‌ ಪ್ರಸ್ತುತಪಡಿಸಿದರು.
ಮಾರುಕಟ್ಟೆ ಪ್ರತಿಕ್ರಿಯೆ: ಸ್ಟಾಕ್ ಮಾರುಕಟ್ಟೆ ಸೂಚ್ಯಂಕಗಳು ದಿನದಂದು ಕೆಳಮಟ್ಟಕ್ಕೆ ಕೊನೆಗೊಂಡಿವೆ.
ಬಜೆಟ್‌ ಮಂಡನೆ ದಿನ: 2024ರ ಫೆಬ್ರವರಿ 1
ಎಸ್ ಆಂಡ್ ಪಿಬಿಎಸ್‌ಇ ಸೆನ್ಸೆಕ್ಸ್: 106.81 ಪಾಯಿಂಟ್‌ಗಳ ಇಳಿಕೆಯೊಂದಿಗೆ 71,645.30 ಕ್ಕೆ ಕೊನೆಗೊಂಡಿತು.
ಎನ್‌ಎಸ್‌ಇ ನಿಫ್ಟಿ 50: 28.25 ಪಾಯಿಂಟ್‌ಗಳ ಇಳಿಕೆಯೊಂದಿಗೆ 21,697.45ಕ್ಕೆ ಸ್ಥಿರವಾಯಿತು.

ಇದನ್ನೂ ಓದಿ: Union Budget 2024: ಬಜೆಟ್‌ಗೂ ಮೊದಲು, ನಂತರ ಹೂಡಿಕೆ ಮಾಡುವುದು ಲಾಭವೇ? ತಜ್ಞರು ಹೇಳೋದಿಷ್ಟು

ಕೇಂದ್ರ ಬಜೆಟ್ 2024 ಮಂಡನೆಗೆ ಮುಂಚಿತವಾಗಿ ನಿಫ್ಟಿ ಮತ್ತು ಸೆನ್ಸೆಕ್ಸ್‌ನಲ್ಲಿನ ವೇಗವು ಕೊಂಚ ನಿಧಾನವಾಗಿದೆ. ಸಾಮಾನ್ಯ ತೆರಿಗೆದಾರರು, ಹೂಡಿಕೆದಾರರು, ಕೈಗಾರಿಕೆಗಳು, ರೈತರು, ಮಹಿಳೆಯರು ಮತ್ತು ಎಫ್‌ಎಂಸಿಜಿ, ರಿಯಲ್ ಎಸ್ಟೇಟ್ ಮತ್ತು ತಂತ್ರಜ್ಞಾನದಂತಹ ಪ್ರಮುಖ ಉದ್ಯಮ ವಲಯಗಳು ಸೇರಿದಂತೆ ವಿವಿಧ ಶ್ರೇಣಿಯ ಮಧ್ಯಸ್ಥಗಾರರ ಅಗತ್ಯತೆಗಳು ಮತ್ತು ನಿರೀಕ್ಷೆಗಳನ್ನು ಬಜೆಟ್ ಮೇಲೆ ಹೆಚ್ಚಾಗಿದೆ. ಪ್ರಸ್ತುತ ಬಿಎಸ್‌ಇ ಸೆನ್ಸೆಕ್ಸ್ ಮತ್ತು ಎನ್‌ಎಸ್‌ಇ ನಿಫ್ಟಿ ತಮ್ಮ ದಾಖಲೆಯ ಉನ್ನತ ಮಟ್ಟದಲ್ಲಿ ವಹಿವಾಟು ನಡೆಸುತ್ತಿವೆ. ಹಾಗಾಗಿ ಈ ಬಾರಿಯ ಕೇಂದ್ರ ಬಜೆಟ್‌ ಕುತೂಹಲ ಮೂಡಿಸಿದೆ.

ನವದೆಹಲಿ: ವೈದ್ಯಕೀಯ ಕೋರ್ಸ್‌ಗಳ ಪ್ರವೇಶಾತಿಗಾಗಿ ನಡೆದ ನೀಟ್‌ ಯುಜಿ (NEET UG 2024) ಪರೀಕ್ಷೆಯ ಅಕ್ರಮ ಪ್ರಕರಣವು ದೇಶಾದ್ಯಂತ ಸುದ್ದಿಯಾಗಿರುವ ಬೆನ್ನಲ್ಲೇ, ಮಹಾರಾಷ್ಟ್ರ ಕೇಡರ್‌ನ ಐಎಎಸ್‌ ಟ್ರೈನಿ ಅಧಿಕಾರಿ ಪೂಜಾ ಖೇಡ್ಕರ್‌ ಅವರು ನಕಲಿ ದಾಖಲೆ ಸೃಷ್ಟಿಸಿ, ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರುವುದು ಕೂಡ ಅಷ್ಟೇ ಸದ್ದು ಮಾಡುತ್ತಿದೆ. ಇದರಿಂದಾಗಿ ಕೇಂದ್ರ ಲೋಕಸೇವಾ ಆಯೋಗದ (UPSC) ವಿರುದ್ಧ ಆರೋಪಗಳು ಕೇಳಿಬರುತ್ತಿವೆ. ಇದರ ಬೆನ್ನಲ್ಲೇ, ಯುಪಿಎಸ್‌ಸಿ ಅಧ್ಯಕ್ಷ ಸ್ಥಾನಕ್ಕೆ ಮನೋಜ್‌ ಸೋನಿ (Manoj Soni) ರಾಜೀನಾಮೆ ನೀಡಿದ್ದಾರೆ.

ಮನೋಜ್‌ ಸೋನಿ ಅವರು ರಾಜೀನಾಮೆ ಸಲ್ಲಿಸಿದ್ದು, ಇದುವರೆಗೆ ಅವರ ರಾಜೀನಾಮೆಯನ್ನು ಅಂಗೀಕಾರ ಆಗಿಲ್ಲ ಎಂಬುದಾಗಿ ಕೇಂದ್ರ ಸಿಬ್ಬಂದಿ ಮತ್ತು ತರಬೇತಿ ಇಲಾಖೆಯ ಮೂಲಗಳು ತಿಳಿಸಿವೆ ಎಂಬುದಾಗಿ ಎಎನ್‌ಐ ಸುದ್ದಿಸಂಸ್ಥೆಯು ತಿಳಿಸಿದೆ. 2023ರ ಮೇ 16ರಂದು ಯುಪಿಎಸ್‌ಸಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿರುವ ಮನೋಜ್‌ ಸೋನಿ ಅವರ ಅಧಿಕಾರದ ಅವಧಿಯು 2029ರವರೆಗೆ ಇದೆ. 2017ರಿಂದಲೂ ಇವರು ಯುಪಿಎಸ್‌ಸಿ ಸದಸ್ಯರೂ ಆಗಿದ್ದರು. ಈಗ ವೈಯಕ್ತಿಕ ಕಾರಣಗಳನ್ನು ನೀಡಿ ರಾಜೀನಾಮೆ ನೀಡಿದ್ದಾರೆ.

UPSC chairman Manoj Soni resigns citing "personal reasons" five years before term ends

Read @ANI Story | https://t.co/UBasUBwqtr#UPSC #ManojSoni #UPSCChairman pic.twitter.com/Av0x1DwhD0

— ANI Digital (@ani_digital) July 20, 2024

ಮನೋಜ್‌ ಸೋನಿ ಅವರು ಪ್ರಧಾನಿ ನರೇಂದ್ರ ಮೋದಿ ಅವರ ಆಪ್ತರೂ ಆಗಿದ್ದಾರೆ. ಮೋದಿ ಅವರು ಗುಜರಾತ್‌ ಸಿಎಂ ಆಗಿದ್ದಾಗ ವಡೋದರಾದಲ್ಲಿರುವ ಎಂಎಸ್‌ ವಿಶ್ವವಿದ್ಯಾಲಯದ ಕುಲಪತಿಯನ್ನಾಗಿ ಮನೋಜ್‌ ಸೋನಿ ಅವರನ್ನು ನೇಮಿಸಲಾಗಿತ್ತು. ಆಗ ಮನೋಜ್‌ ಸೋನಿ ಅವರಿಗೆ 40 ವರ್ಷ ವಯಸ್ಸು. ಆ ಮೂಲಕ ಅವರು ದೇಶದ ಅತಿ ಕಿರಿಯ ವಯಸ್ಸಿನ ಕುಲಪತಿ ಎಂಬ ಖ್ಯಾತಿಗೂ ಭಾಜನರಾಗಿದ್ದರು. ಕಳೆದ ತಿಂಗಳೇ ಮನೋಜ್‌ ಸೋನಿ ಅವರು ರಾಜೀನಾಮೆ ನೀಡಿದ್ದಾರೆ ಎಂದು ತಿಳಿದುಬಂದಿದೆ.

ಮಹಾರಾಷ್ಟ್ರ ಕೇಡರ್‌ನ ಐಎಎಸ್‌ ಅಧಿಕಾರಿ, ಅತಿಯಾದ ದರ್ಪ, ನಕಲಿ ದಾಖಲೆ ಸೃಷ್ಟಿಯಿಂದಲೇ ದೇಶಾದ್ಯಂತ ಗಮನ ಸೆಳೆದಿರುವ ಟ್ರೈನಿ ಅಧಿಕಾರಿ ಪೂಜಾ ಖೇಡ್ಕರ್‌ ಅವರ ಕಳ್ಳಾಟಗಳು ಬಗೆದಷ್ಟೂ ಹೊರ ಬರುತ್ತಿವೆ. ಅವರು ಅಂಗವೈಕಲ್ಯ ಪ್ರಮಾಣಪತ್ರ ವನ್ನು ಪಡೆಯಲು ಸುಳ್ಳು ವಿಳಾಸ ಮತ್ತು ನಕಲಿ ಪಡಿತರ ಚೀಟಿಯನ್ನು ಬಳಸಿದ್ದಾರೆ ಎನ್ನುವ ಮಾಹಿತಿ ಬಹಿರಂಗಗೊಂಡಿದೆ. ಯಪಿಎಸ್‌ಸಿಯು ಇವರ ವಿರುದ್ಧ ಎಫ್‌ಐಆರ್‌ ದಾಖಲಿಸಿದೆ. ಆದರೆ, ಯುಪಿಎಸ್‌ಸಿ ನೇಮಕಾತಿಯಲ್ಲೂ ಅಕ್ರಮ ನಡೆದಿದೆ ಎಂಬ ಆರೋಪಗಳು ಕೇಳಿಬಂದಿವೆ. ಇದರ ಹಿನ್ನೆಲೆಯಲ್ಲಿಯೇ ಮನೋಜ್‌ ಸೋನಿ ಅವರು ರಾಜೀನಾಮೆ ನೀಡಿದ್ದಾರೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಇದನ್ನೂ ಓದಿ: NEET UG 2024 Result: ಕ್ಷೇತ್ರವಾರು ನೀಟ್‌ ಪರೀಕ್ಷಾ ಫಲಿತಾಂಶ ಪ್ರಕಟ

ಲಖನೌ:ಲೋಕಸಭೆ ಚುನಾವಣೆ(Lok Sabha Election)ಯಲ್ಲಿ ಹೀನಾಯ ಸೋಲಿನ ಬಳಿಕ ಉತ್ತರಪ್ರದೇಶದಲ್ಲಿ ರಾಜಕೀಯ ಬಿಕ್ಕಟ್ಟು ದಿನೇ ದಿನೇ ಹೆಚ್ಚಾಗುತ್ತಿದೆ. ಸಿಎಂ ಯೋಗಿ ಆದಿತ್ಯಾನಾಥ್‌(Yogi Adityanath) ಮತ್ತು ಡಿಸಿಎಂ ಕೇಶವ್‌ ಪ್ರಸಾದ್‌ ಮೌರ್ಯ(Keshav Prasad Mourya) ನಡುವಿನ ಭಿನ್ನಮತದ ಬೆನ್ನಲ್ಲೇ ಉತ್ತರಪ್ರದೇಶ ಮಂಗಳಮುಖಿಯರ ಕಲ್ಯಾಣ ಮಂಡಳಿಯ ಉಪಾಧ್ಯಕ್ಷೆ, ಯೋಗಿ ಸರ್ಕಾರದ ಸಚಿವೆ(UP Minister Resigns) ಸೋನಮ್‌ ಚಿಶ್ಟಿ (Sonam Chishti) ತಮ್ಮ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದಾರೆ. ತಮ್ಮ ಇಲಾಖೆಯಲ್ಲಿ ಎಗ್ಗಿಲ್ಲದೇ ಭ್ರಷ್ಟಾಚಾರ ನಡೆಯುತ್ತಿದೆ ಮತ್ತು ಅಧಿಕಾರಿಗಳು ತಮ್ಮ ಮಾತು ಕೇಳುತ್ತಿಲ್ಲ ಹೀಗಾಗಿ ರಾಜೀನಾಮೆ ಸಲ್ಲಿಸುತ್ತಿರುವುದಾಗಿ ಹೇಳಿದ್ದಾರೆ.

ರಾಜ್ಯಪಾಲರಾದ ಆನಂದಿಬೆನ್ ಪಟೇಲ್ ಅವರಿಗೆ ಸಲ್ಲಿಸಿದ ರಾಜೀನಾಮೆ ಪತ್ರದಲ್ಲಿ ಸೋನಂ ಕಿನ್ನರ್ ಎಂದೇ ಖ್ಯಾತರಾಗಿರುವ ಚಿಶ್ಟಿ ಅವರು ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿಯ ಸೋಲಿನ ಹೊಣೆಯನ್ನು ಹೊತ್ತುಕೊಂಡು ತಮ್ಮ ಆತ್ಮಸಾಕ್ಷಿಗೆ ಘಾಸಿಯಾಗಿರುವ ಕಾರಣ ರಾಜೀನಾಮೆ ನೀಡುವುದಾಗಿ ತಿಳಿಸಿದ್ದಾರೆ.

Sonam Chishti, a minister of state with the rank of minister in Uttar Pradesh government, resigned

Sonam Chishti made serious allegations that a big scam took place in the work done from the funds allocated for transgenders pic.twitter.com/99lHzk5EiT

— The National Bulletin (@TheNationalBul1) July 20, 2024

“ವಿವಿಧ ಜಿಲ್ಲೆಗಳು/ಲೋಕಸಭಾ ಸ್ಥಾನಗಳಲ್ಲಿ ಭಾರತೀಯ ಜನತಾ ಪಕ್ಷದ ಸೋಲು ಮತ್ತು ಕಾರ್ಯಕ್ಷಮತೆಯ ಜವಾಬ್ದಾರಿಯನ್ನು ನಾನು ತೆಗೆದುಕೊಳ್ಳುತ್ತೇನೆ ಮತ್ತು ನಾನು MoS ಆಗಿ ಪಕ್ಷವನ್ನು ಬಲಪಡಿಸುವಲ್ಲಿ ವಿಫಲಳಾಗಿದ್ದೇನೆ. ನಾನು ರಾಜೀನಾಮೆ ನೀಡುತ್ತಿದ್ದೇನೆ. ಇದರ ನಂತರ, ನಾನು ಬಿಜೆಪಿಯ ಸಂಘಟನೆಯನ್ನು ಬಲಪಡಿಸಲು ಕೆಲಸ ಮಾಡುವುದನ್ನು ಮುಂದುವರಿಸುತ್ತೇನೆ ಮತ್ತು ಯುಪಿ ಬಿಜೆಪಿ ನನಗೆ ನೀಡುವ ಯಾವುದೇ ಜವಾಬ್ದಾರಿಯನ್ನು ಪೂರೈಸುತ್ತೇನೆ ಎಂದು ಬರೆದಿದ್ದಾರೆ.

ನನ್ನ ಇಲಾಖೆಯಲ್ಲಿ ದೊಡ್ಡ ಮಟ್ಟದಲ್ಲಿ ಭ್ರಷ್ಟಾಚಾರ ನಡೆದಿರುವ ಕಾರಣ ನಾನು ರಾಜೀನಾಮೆ ನೀಡಿದ್ದೇನೆ. ನನ್ನ ಇಲಾಖೆಗೆ ಬಜೆಟ್ ಮಂಜೂರು ಮಾಡಿದಾಗ, ನನ್ನ ಒಪ್ಪಿಗೆಯಿಲ್ಲದೆ ಕೆಲವು ಕಾರ್ಯಗಳು ನಡೆದಿವೆ. ನನ್ನ ಆಡಳಿತ ಮಂಡಳಿಯಲ್ಲಿ ಸಿಬ್ಬಂದಿ ಇಲ್ಲ,’’ ಎಂದು ಹೇಳಿದರು.

“ಅಖಿಲೇಶ್ ಯಾದವ್ ಆಡಳಿತದಲ್ಲಿ ನನಗೆ ಮನೆ ಮಂಜೂರು ಮಾಡಲಾಗಿತ್ತು ಆದರೆ ಅದರ ನಿರ್ವಹಣೆಗೆ ತಗಲುವ ವೆಚ್ಚಕ್ಕೆ ಭಾರಿ ಬಿಲ್ ನೀಡಲಾಯಿತು. ನನಗೆ ಸರ್ಕಾರದಿಂದ ಮನೆ ಮಂಜೂರು ಮಾಡುವಾಗ, ಅದರ ನಿರ್ವಹಣೆಗೆ ಸರ್ಕಾರವೇ ವೆಚ್ಚವನ್ನು ಭರಿಸಬೇಕು ಎಂದು ಹೇಳಲಾಗಿತ್ತು. ಸರ್ಕಾರದ ಎಸ್ಟೇಟ್ ಇಲಾಖೆಯು ಸಮಾಜ ಕಲ್ಯಾಣ ಇಲಾಖೆ ವೆಚ್ಚವನ್ನು ಭರಿಸುವುದಾಗಿ ಹೇಳುತ್ತಿದೆ ಆದರೆ ಸಮಾಜ ಕಲ್ಯಾಣ ಇಲಾಖೆಯು ಯೋಗಿಜಿ (ಯೋಗಿ ಆದಿತ್ಯನಾಥ್ ಅವರ ಮುಖ್ಯಮಂತ್ರಿ ಕಚೇರಿ ಭರಿಸಲಿದೆ ಎಂದು ಹೇಳುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಇದನ್ನೂ ಓದಿ:Vinod Dondale: ಕನ್ನಡ ಕಿರುತೆರೆಯ ಖ್ಯಾತ ನಿರ್ದೇಶಕ ವಿನೋದ್ ದೊಂಡಾಲೆ ಆತ್ಮಹತ್ಯೆಗೆ ಶರಣು

ಬೆಂಗಳೂರು: ಉತ್ತರಪ್ರದೇಶದಲ್ಲಿ ಸಿಎಂ ಯೋಗಿ ಆದಿತ್ಯನಾಥ್​ ಕನ್ವರ್ ಯಾತ್ರೆ ಸಾಗುವ ದಾರಿಯಲ್ಲಿರುವ ಅಂಗಡಿಗಳ ಹೆಸರನ್ನು ಪ್ರದರ್ಶನ ಮಾಡಬೇಕು ಎಂದು ಆದೇಶ ಮಾಡಿರುವ ವಿಚಾರದ ಬಗ್ಗೆ ನಟ ಸೋನು ಸೂದ್ (Sonu Sood) ನೀಡಿರುವ ಹೇಳಿಕೆ ವಿವಾದಕ್ಕೆ ಕಾರಣವಾಗಿದೆ. ಈ ವಿಚಾರದಲ್ಲಿ ನಟಿ ಹಾಗೂ ಸಂಸದೆ ಕಂಗನಾ ರಣಾವತ್​ ಹಾಗೂ ಸೋನು ಸೂದ್​​ ಸೋಶಿಯಲ್ ಮೀಡಿಯಾದಲ್ಲಿ ಗಲಾಟೆ ಮಾಡಿಕೊಂಡಿದ್ದಾರೆ.

ಕನ್ವರ್ ಯಾತ್ರೆಯ ವಾರ್ಷಿಕ ತೀರ್ಥಯಾತ್ರೆಯನ್ನು ಶಿವನ ಭಕ್ತರು ಭಕ್ತಿಯಿಂದ ಆಚರಿಸುತ್ತಾರೆ. ಯಾತ್ರಾ ಮಾರ್ಗದಲ್ಲಿರುವ ಆಹಾರ ಮಳಿಗೆಯರುವ ತಮ್ಮ ಹೆಸರುಗಳನ್ನು ಪ್ರದರ್ಶಿಸುವಂತೆ ಯುಪಿ ಸರ್ಕಾರ ಆದೇಶ ನೀಡಿತ್ತು. ಮೊದಲಿಗೆ, ಈ ಆದೇಶವು ಮುಜಾಫರ್ ನಗರ ಪ್ರದೇಶಕ್ಕೆ ಮಾತ್ರ ಅನ್ವಯಿಸುತ್ತಿತ್ತು, ಈಗ ಇಡೀ ಯುಪಿ ಮತ್ತು ಉತ್ತರಾಖಂಡ ರಾಜ್ಯವು ಅಂಗಡಿ ಮಾಲೀಕರು ಮತ್ತು ಮಾರಾಟಗಾರರಿಗೆ ನಿಜವಾದ ಹೆಸರುಗಳು ಮತ್ತು ಪರವಾನಗಿಗಳ ಪ್ರದರ್ಶನ ಮಾಡುವಂತೆ ಹೇಳಿದೆ.

ಈ ಬಗ್ಗೆ ನಟ ಸೋನು ಸೂದ್ ಅವರ ಕಾಮೆಂಟ್​ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹಿಂದೂಗಳನ್ನು ಕೆರಳಿಸಿತು. ಈ ಚರ್ಚೆಯು ಧರ್ಮ, ಸಾರ್ವಜನಿಕ ಆರೋಗ್ಯ ಮತ್ತು ಜಾತ್ಯತೀತತೆ ಕುರಿತು ಚರ್ಚೆಗೆ ಕಾರಣವಾಯಿತು.

ಧರ್ಮದ ಮೇಲೆ ಮಾನವೀಯತೆ: ಸೋನು ಸೂದ್

There should be only one name plate on every shop : “HUMANITY” 🇮🇳

— sonu sood (@SonuSood) July 19, 2024

ನಟ ಸೋನು ಸೂದ್ ಕನ್ವರ್ ಯಾತ್ರೆ ಕುರಿತ ನಿರ್ದೇಶನದ ಬಗ್ಗೆ ಹೇಳಿಕೆ ನೀಡಿ ಮೊದಲ ವಿವಾದ ಹುಟ್ಟುಹಾಕಿದರು. ಭಾರತೀಯರು ಮಾನವೀಯತೆಯೊಂದಿಗೆ ಮಾತ್ರ ಗುರುತಿಸಿಕೊಳ್ಳಬೇಕು ಎಂದು ಅವರು ಎಕ್ಸ್​ನಲ್ಲಿ ಸಲಹೆ ನೀಡಿದರು. ಪ್ರತಿ ಅಂಗಡಿಯ ಮುಂದೆ “ಮಾನವೀಯತೆ” ಎಂದು ನಾಮಫಲಕ ಹಾಕಬೇಕು. ಆಹಾರ ಮಾರಾಟಗಾರರು ತಮ್ಮ ಹೆಸರುಗಳನ್ನು ಪ್ರದರ್ಶಿಸುವ ಸರ್ಕಾರದ ನಿರ್ಧಾರವು ಅನಗತ್ಯ ಮತ್ತು ಸಮಾಜ ವಿಭಜಕ ಎಂದು ಹೇಳಿದ್ದರು.

ಸೋನು ಸೂದ್ ಹೇಳಿಕೆಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಯಿತು. ಕೆಲವರು ಅವರನ್ನು “ಜಾತ್ಯತೀತ” ಭಾವನೆಯನ್ನು ಶ್ಲಾಘಿಸಿದರೆ, ಇನ್ನುಳಿದವರು ಅವರನ್ನು ಖಂಡಿಸಿದರು. ಮಾನವೀಯ ಕೆಲಸವನ್ನು ಮಾತ್ರ ಮಾಡಿ. ಧರ್ಮದ ವಿಚಾರದಲ್ಲ ಮೂಗು ತೂರಿಸಬೇಡಿ ಎಂದು ಬೈದರು. ದೇಶದ ನಾನಾ ಭಾಗಗಳಲ್ಲಿ ಆಹಾರ ಮಾರಾಟಗಾರರು ನಡೆಸುವ ಕುಕೃತ್ಯಗಳನ್ನು ವಿಡಿಯೊ ಸಮೇತ ನೀಡಿ ಸೋನು ಅವರನ್ನು ತರಾಟೆಗೆ ತೆಗೆದುಕೊಂಡರು.

ಕಂಗಾನಾ ಪ್ರತಿಕ್ರಿಯೆ ಏನು?

Agree, Halal should be replaced with “ HUMANITY” https://t.co/EqbGml2Yew

— Kangana Ranaut (@KanganaTeam) July 19, 2024

ಸೋನು ಸೂದ್ ಹೇಳಿಕೆಗೆ ನಟಿ ಕಂಗನಾ ರಣಾವತ್​ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ್ದಾರೆ. “ಮಾನವೀಯತೆ” ಏಕೈಕ ಆಧಾರವಾಗಿದ್ದರೆ, ಯಾವುದೇ ಅಂಗಡಿಗೆ “ಹಲಾಲ್” ಮಾರಾಟ ಮಾಡಲು ಅನುಮತಿಸಬಾರದು . ಹಲಾಲ್​ ಬೋರ್ಡ್​ ಬದಲು ಮಾನವೀಯತೆ ಬೋರ್ಡ್​ ಇರಲಿ ಎಂದು ಹೇಳಿಕೆ ಕೊಟ್ಟರು. ಧಾರ್ಮಿಕ ಆಧಾರದ ಮೇಲೆ ತಾರತಮ್ಯ ಮಾಡಲು ತಮ್ಮ ಆಹಾರವನ್ನು ಹಲಾಲ್​ ಎಂದು ಲೇಬಲ್ ಮಾಡುತ್ತವೆ ಎಂದು ಕಂಗನಾ ತಿರುಗೇಟು ಕೊಟ್ಟಿದ್ದಾರೆ.

ಇದನ್ನೂ ಓದಿ: Harbhajan Singh: ಧೋನಿ-ರಿಜ್ವಾನ್ ನಡುವೆ ಹೋಲಿಕೆ ಮಾಡಿದ ಪಾಕ್ ಪತ್ರಕರ್ತನಿಗೆ ಚಳಿ ಬಿಡಿಸಿದ ಹರ್ಭಜನ್

ಸೋನು ಸೂದ್ ಅವರ ಮೊದಲ ಕಾಮೆಂಟ್ ಆನ್ ಲೈನ್ ನಲ್ಲಿ ಬಿರುಗಾಳಿ ಎಬ್ಬಿಸಿತು. ಆಹಾರ ಮಾರಾಟಗಾರರು ಉಗುಳುವಂತಹ ಅಶುದ್ಧ ಅಭ್ಯಾಸಗಳಲ್ಲಿ ತೊಡಗಿರುವುದನ್ನು ತೋರಿಸುವ ವಿವಿಧ ವಿಡಿಯೊಗಳನ್ನು ಸೋನು ಸೂದ್ ಅವರಿಗೆ ಟ್ಯಾಗ್ ಮಾಡಿದ್ದಾರೆ. ಕನ್ವರ್ ಯಾತ್ರಾರ್ಥಿಗಳು ಸೇವಿಸುವ ಆಹಾರದ ಶುದ್ಧತೆ ಕಾಪಾಡಿಕೊಳ್ಳುವುದು ಅಗತ್ಯ ಎಂದು ಹೇಳಿದ್ದಾರೆ.

ಅನಗತ್ಯವಾಗಿ ರಾಮನನ್ನು ಎಳೆದು ತಂದ ಸೋನು ಸೂದ್

हमारे श्री राम जी ने शबरी के झूठे बेर खाए थे तो मैं क्यों नहीं खा सकता
हिंसा को अहिंसा से पराजित किया जा सकता है मेरे भाई🤍
बस मानवता बरकरार रहनी चाहिए ।

जय श्री राम🚩 https://t.co/uljActwMrR

— sonu sood (@SonuSood) July 20, 2024

ತಮ್ಮ ನಿಲುವನ್ನು ಸಮರ್ಥಿಸಿಕೊಳ್ಳುವ ಪ್ರಯತ್ನದಲ್ಲಿ ಸೋನು ಸೂದ್ ಎರಡನೇ ಕಾಮೆಂಟ್ ಕಳುಹಿಸಿದ್ದಾರೆ. ಭಗವಾನ್ ರಾಮ ತಮ್ಮ ಭಕ್ತಿ ಶಬರಿಯಿಂದ ಹಣ್ಣನ್ನು ಸ್ವೀಕರಿಸಿದ ಉದಾಹರಣೆಯನ್ನು ಅವರು ಉಲ್ಲೇಖಿಸಿದ್ದಾರೆ. ಭಗವಾನ್ ರಾಮನಿಗೆ ಶಬರಿ ಹಣ್ಣುಗಳನ್ನು ನೀಡುವ ವೇಳೆ ಕಚ್ಚಿ ನೋಡಿದ್ದರು ಎಂದು ಕಾಮೆಂಟ್ ಮಾಡುವ ಮೂಲಕ ಆಹಾರದ ಮೇಲೆ ಉಗುಳುವ ಕುಕೃತ್ಯವನ್ನು ಸಮರ್ಥಿಸಿಕೊಂಡಿದ್ದರು. ಅಲ್ಲದೇ ಆಹಾರದ ವಿಚಾರದಲ್ಲಿ ಸಹಿಷ್ಣುಗಳಾಗಬೇಕು ಎಂದು ಸಲಹೆ ನೀಡಿದರು.

Next you know Sonu ji will direct his own Ramayana based on his own personal findings about God and religion. Wah kya baat hai Bollywood se ek aur Ramayana 👌 https://t.co/s1bWOer4Rp

— Kangana Ranaut (@KanganaTeam) July 20, 2024

ಶ್ರೀರಾಮನ ಹೆಸರನ್ನು ಅನಗತ್ಯವಾಗಿ ಎಳೆದು ತಂದ ಬಗ್ಗೆ ಸೋನು ಸೂದ್​ಗೆ ಮತ್ತೆ ನೆಟ್ಟಿಗರು ತಪರಾಕಿ ಕೊಟ್ಟರು. ಮುಂದೆ ಸೋನು ಜಿ ಅವರು ದೇವರು ಮತ್ತು ಧರ್ಮದ ಬಗ್ಗೆ ತಮ್ಮ ವೈಯಕ್ತಿಕ ಸಂಶೋಧನೆಗಳ ಆಧಾರದ ಮೇಲೆ ತಮ್ಮದೇ ಆದ ರಾಮಾಯಣವನ್ನು ನಿರ್ದೇಶಿಸಲಿದ್ದಾರೆ. ಬಾಲಿವುಡ್​ನಲ್ಲಿ ಮತ್ತೊಂದು ರಾಮಾಯಣ ಬರಲಿದೆ ಎಂದು ಕಂಗಾನಾ ರಣಾವತ್​ ಮತ್ತೊಂದು ಬಾರಿ ಹೇಳಿದರು.