ಮುಂಬೈ: ಬಾಲಿವುಡ್‌ ನಟ ಅಮಿತಾಭ್‌ ಬಚ್ಚನ್‌ ನಡೆಸಿಕೊಡುವ ಖ್ಯಾತ ಕೌನ್‌ ಬನೇಗಾ ಕರೋಡ್‌ಪತಿ (Kaun Banega Crorepati 15) ಶೋನಲ್ಲಿ ಪಂಜಾಬ್‌ನ ಜಸ್‌ಕರಣ್‌ ಸಿಂಗ್‌ ಅವರು ಒಂದು ಕೋಟಿ ರೂ. ಗೆಲ್ಲುವ ಮೂಲಕ 15ನೇ ಸೀಸನ್‌ನಲ್ಲಿ ಕೋಟಿ ರೂ. ಗೆದ್ದ ಮೊದಲ ಆಟಗಾರ ಎನಿಸಿದ್ದಾರೆ. ಆದರೆ, ಅವರು 7 ಕೋಟಿ ರೂ. ಮೌಲ್ಯದ ಪ್ರಶ್ನೆಗೆ ಉತ್ತರಿಸಲಾಗದೆ, ಕ್ವಿಟ್‌ ಆದ ಕಾರಣ ಅವರು ಒಂದು ಕೋಟಿ ರೂ.ಗೆ ತೃಪ್ತಿಪಡಬೇಕಾಯಿತು.

ಪ್ರಶ್ನೆ ಹೀಗಿದೆ

“ಪದ್ಮಪುರಾಣದ ಪ್ರಕಾರ, ಈ ಕೆಳಗಿನ ಯಾವ ರಾಜನು ಜಿಂಕೆಯ ಶಾಪದಿಂದಾಗಿ 100 ವರ್ಷ ಹುಲಿಯಾಗಿ ಬದುಕಿದ” ಎಂಬುದು 7 ಕೋಟಿ ರೂ.ಗೆ ಕೇಳಿದ ಪ್ರಶ್ನೆಯಾಗಿತ್ತು. ಕ್ಷೇಮಧೃತಿ, ಧರ್ಮದತ್ತ, ಮಿತಧ್ವಜ ಹಾಗೂ ಪ್ರಭಂಜನ ಎಂಬ ಆಯ್ಕೆಗಳನ್ನು ನೀಡಲಾಗಿತ್ತು. ಆದರೆ, ಈ ಪ್ರಶ್ನೆಗೆ ಸರಿಯಾದ ಉತ್ತರ ಗೊತ್ತಿರದ ಕಾರಣ ಜಸ್‌ಕರಣ್‌ ಸಿಂಗ್‌ ಅವರು ಆಟವನ್ನು ಕ್ವಿಟ್‌ ಮಾಡಬೇಕಾಯಿತು. ಅಂದಹಾಗೆ ಇದಕ್ಕೆ ಸರಿಯಾದ ಉತ್ತರ ಪ್ರಭಂಜನ.

ರಾಜಸ್ಥಾನದ ಖಾಲ್ರಾ ನಿವಾಸಿಯಾದ, ಕೇವಲ 21 ವರ್ಷದ, ಯುಪಿಎಸ್‌ಸಿಗೆ ಸಿದ್ಧತೆ ನಡೆಸಿರುವ ಜಸ್‌ಕರಣ್‌ ಸಿಂಗ್‌ ಅವರು ಒಂದು ಕೋಟಿ ರೂ. ಗೆಲ್ಲುವ ಮೂಲಕ ಈ ಸೀಸನ್‌ನ ಮೊದಲ ಕೋಟ್ಯಧೀಶರೆನಿಸಿದ್ದಾರೆ. ಏಳು ಕೋಟಿ ರೂಪಾಯಿ ಪ್ರಶ್ನೆಯ ಕೌನ್‌ ಬನೇಗಾ ಕರೋಡ್‌ಪತಿ ಶೋ ಸೆಪ್ಟೆಂಬರ್‌ 4 ಹಾಗೂ ಸೆಪ್ಟೆಂಬರ್‌ 5ರಂದು ಪ್ರಸಾರವಾಗಿದೆ.

ಇದನ್ನೂ ಓದಿ: Amitabh Bachchan: ಭಾರತ್ ಮಾತಾ ಕಿ ಜೈ ಎಂದು ಅಮಿತಾಭ್ ಬಚ್ಚನ್ ಪೋಸ್ಟ್ ಮಾಡಿದ್ದೇಕೆ?‌

ಕೌನ್‌ ಬನೇಗಾ ಕರೋಡ್‌ಪತಿ ಶೋ ಸೋನಿ ಟಿವಿಯಲ್ಲಿ ಪ್ರಸಾರವಾಗುತ್ತಿದೆ. 15 ಸೀಸನ್‌ಗಳನ್ನೂ ಅಮಿತಾಭ್‌ ಬಚ್ಚನ್‌ ಅವರೇ ನಡೆಸುಕೊಂಡು ಬರುತ್ತಿದ್ದು, ಭಾರತ ಮಾತ್ರವಲ್ಲ ವಿದೇಶದಲ್ಲೂ ಶೋ ಖ್ಯಾತಿ ಗಳಿಸಿದೆ. ಬಡವರು, ಪ್ರತಿಭಾವಂತರು, ಸೆಲೆಬ್ರಿಟಿಗಳು ಕೂಡ ಶೋನಲ್ಲಿ ಭಾಗವಹಿಸಿದ್ದಾರೆ. ಕನ್ನಡದಲ್ಲೂ ಇದೇ ಮಾದರಿಯ ಶೋ, “ಕನ್ನಡದ ಕೋಟ್ಯಧಿಪತಿ” ಹಲವು ಸಿಸನ್‌ಗಳಲ್ಲಿ ಪ್ರಸಾರವಾಗಿದೆ.

ಬೆಂಗಳೂರು: ಹತ್ತಾರು ವಾಹಿನಿಗಳಲ್ಲಿ ಪ್ರಸಾರವಾಗುವ ಸೂಪರ್‌- ಡೂಪರ್‌ ಧಾರಾವಾಹಿಗಳ (Kannada Serials) ಮಧ್ಯೆ ಪೈಪೋಟಿಗೆ ನಿಂತು ಪ್ರೇಕ್ಷಕರ ಮನಗೆದ್ದು ಯಶಸ್ವಿ 200 ಸಂಚಿಕೆಗಳನ್ನು ‘ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ’ ಧಾರಾವಾಹಿ (Udho Udho Sri Renuka Yellamma) ಪೂರೈಸಿದೆ.

ಕನ್ನಡ ಕಿರುತೆರೆ ವೀಕ್ಷಕರಿಗೆ ಪುರಾಣ, ಆಧ್ಯಾತ್ಮ ಮತ್ತು ಮೌಲ್ಯಾಧಾರಿತ ಕತೆಗಳನ್ನು ಕನ್ನಡದ ಸ್ಟಾರ್‌ ಸುವರ್ಣ ವಾಹಿನಿ ನೀಡುತ್ತಾ ಬಂದಿದೆ. ಸದ್ಯ ಸ್ಟಾರ್‌ ಸುವರ್ಣದಲ್ಲಿ ಪ್ರಸಾರವಾಗುತ್ತಿರುವ “ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ” ಧಾರಾವಾಹಿ 200 ಸಂಚಿಕೆಗಳ ಸಂಭ್ರಮದಲ್ಲಿದೆ. ಅಪ್ಪಟ ಕನ್ನಡ ಮಣ್ಣಿನ ಪೌರಾಣಿಕ ಕಥಾವಸ್ತುವನ್ನಿಟ್ಟುಕೊಂಡು ಶುರುವಾದ ಈ ಧಾರಾವಾಹಿ ಆರಂಭದಿಂದಲೂ ಕಿರುತೆರೆಯಲ್ಲಿ ಹೊಸ ಸಂಚಲನವನ್ನು ಮೂಡಿಸಿತ್ತು.

ಇದನ್ನೂ ಓದಿ: Bombat Bhojana: ʻಬೊಂಬಾಟ್ ಭೋಜನʼದಲ್ಲಿ ಕೃಷ್ಣ ಜನ್ಮಾಷ್ಟಮಿ ಹಬ್ಬದ ವಿಶೇಷ ಅತಿಥಿ ಪುಟಾಣಿ ಶಾಲ್ಮಲಿ!

ಅತೀ ಹೆಚ್ಚು ರೇಟಿಂಗ್‌ ಕಬಳಿಸಿರುವ ಧಾರಾವಾಹಿ

ಸ್ಟಾರ್ ಸುವರ್ಣ ವಾಹಿನಿಯ ಇತಿಹಾಸದಲ್ಲಿ ಆರಂಭದಿಂದಲೇ ಅತೀ ಹೆಚ್ಚು ರೇಟಿಂಗ್ ಪಡೆದು ಮುನ್ನುಗ್ಗುತ್ತಿರುವ ಹೆಗ್ಗಳಿಕೆಗೆ ‘ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ’ ಧಾರಾವಾಹಿ ಪಾತ್ರವಾಗಿದೆ. ಇನ್ನು ರೇಣುಕಾ ದೇವಿಯ ಪವಾಡಗಳನ್ನು ತಿಳಿಯುವ ಸಲುವಾಗಿ ಸಾವಿರಾರು ಜನರು ಪ್ರತಿದಿನ ಈ ಧಾರಾವಾಹಿಯನ್ನು ಮಿಸ್ ಮಾಡದೇ ನೋಡುತ್ತಿದ್ದಾರೆ.

ವಿಶಿಷ್ಟ ವಸ್ತ್ರ ವಿನ್ಯಾಸಕ್ಕೆ ಮನಸೋತ ಪ್ರೇಕ್ಷಕರು

ಈ ಧಾರಾವಾಹಿಯು ಹಲವು ರೀತಿಯಲ್ಲಿ ವಿಶೇಷವಾಗಿದ್ದು ಕನ್ನಡ ಕಿರುತೆರೆಯಲ್ಲಿ ಮೊದಲ ಬಾರಿಗೆ ಪೌರಾಣಿಕ ಧಾರಾವಾಹಿಯೊಂದು ಸಂಪೂರ್ಣವಾಗಿ ಕರ್ನಾಟಕದಲ್ಲಿ ಚಿತ್ರೀಕರಣಗೊಂಡಿರುವುದು. ಎಷ್ಟೋ ಜನರ ಪರಿಶ್ರಮದಿಂದ ಎಲ್ಲಾ ರೀತಿಯಲ್ಲಿ ಸಂಶೋಧನೆ ನಡೆಸಿ ವಿಶೇಷವಾದ ಸೆಟ್‌ಗಳನ್ನು ಬೆಂಗಳೂರಿನಲ್ಲಿ ಹಾಕಲಾಗಿದೆ. ಧಾರಾವಾಹಿಯು ಅದ್ಭುತವಾಗಿ ಕಾಣಿಸಲು ವಿಶಿಷ್ಟ ರೀತಿಯಲ್ಲಿ ವಸ್ತ್ರವಿನ್ಯಾಸ ಹಾಗೂ ವಸ್ತ್ರಾಭರಣ ಮಾಡಲಾಗಿದ್ದು ನೋಡುಗರಿಗೆ ಮನೋಲ್ಲಾಸ ನೀಡುತ್ತಿದೆ.

ಮಕ್ಕಳ ನಟನೆಗೆ ತಲೆಬಾಗಿದ ಅಭಿಮಾನಿ ದೇವರುಗಳು

ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ ಧಾರಾವಾಹಿಯು ಸೋಮ-ಶನಿ ರಾತ್ರಿ 8.30ಕ್ಕೆ ಪ್ರಸಾರವಾಗುತ್ತದೆ. ರೇಣುಕಾ ಹಾಗು ಎಲ್ಲಮ್ಮ ಪಾತ್ರಕ್ಕೆ ಜೀವ ತುಂಬಿದ ಮಕ್ಕಳು ಅದ್ಭುತವಾಗಿ ನಟಿಸಿ ಜನಾಭಿಮಾನಿಗಳ ಮನಗೆದ್ದು ಮನೆಮಾತಾಗಿದ್ದಾರೆ. ಕನ್ನಡ ಮಣ್ಣಿನ ಕತೆಯನ್ನು ಪ್ರೇಕ್ಷಕರು ಮೆಚ್ಚಿಕೊಂಡಿದ್ದಾರೆ. ಇದೀಗ ಧಾರಾವಾಹಿಯು 200 ಸಂಚಿಕೆಗಳನ್ನು ಯಶಸ್ವಿಯಾಗಿ ಪೂರೈಸಿ ಮುನ್ನುಗ್ಗುತ್ತಿದೆ.

ಇನ್ನಷ್ಟು ಕಿರುತರೆ ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ

ನರಹಂತಕ, ಆನೆಗಳ ದಂತಚೋರ ವೀರಪ್ಪನ್‌ ಕರ್ನಾಟಕ ಹಾಗೂ ತಮಿಳುನಾಡನ್ನು ಬೆಚ್ಚಿ ಬೀಳಿಸಿದ ವ್ಯಕ್ತಿ. ಕುಕೃತ್ಯಗಳ ಮೇಲೆ ಕುಕೃತ್ಯಗಳನ್ನು ಎಸೆದು ಪುಂಡು ರಾಜನಂತೆ ಮೆರೆದಿದ್ದ ವೀರಪ್ಪನ್‌ ಬಗ್ಗೆ ಈಗಾಗಲೇ ಹಲವಾರು ಸಿನಿಮಾಗಳು ಬಿಡುಗಡೆಯಾಗಿವೆ. ಹಲವಾರು ಸಾಕ್ಷ್ಯಚಿತ್ರಗಳನ್ನೂ ಕೂಡ ನಾವು ಕಂಡಿದ್ದಾಗಿದೆ. ಇದೀಗ ಹೊಸದಾಗಿ ನೆಟ್‌ಫ್ಲಿಕ್ಸ್‌ನಲ್ಲಿ ವೀರಪ್ಪನ್‌ ಬಗ್ಗೆ ಸಾಕ್ಷ್ಯಚಿತ್ರದ ರೀತಿಯ ಸೀರಿಸ್‌ (The Hunt For Veerappan) ಆ.4ರಂದು ಬಿಡುಗಡೆಯಾಗಿದೆ.

ನಿರ್ದೇಶಕ ಸೆಲ್ವಮಣಿ ಅವರ ನಿರ್ದೇಶನದಲ್ಲಿ ʼದಿ ಹಂಟ್‌ ಫಾರ್‌ ವೀರಪ್ಪನ್‌ʼ ಸೀರಿಸ್‌ ಮೂಡಿಬಂದಿದೆ. ಒಟ್ಟು ನಾಲ್ಕು ಸಂಚಿಕೆಗಳಲ್ಲಿ ಸೀರಿಸ್‌ ಅನ್ನು ಬಿಡುಗಡೆ ಮಾಡಲಾಗಿದೆ. ಮೊದಲನೇ ಸಂಚಿಕೆಯಲ್ಲಿ ವೀರಪ್ಪನ್‌ನ ಪತ್ನಿ ಮುತ್ತುಲಕ್ಷ್ಮಿ ಅವರಿಂದಲೇ ಮಾತನಾಡಿಸಲಾಗಿದೆ. ಅವರ ಬಾಯಿಯಲ್ಲೇ ವೀರಪ್ಪನ್‌ ಜೀವನದ ಬಗ್ಗೆ ಹೇಳಿಸಲಾಗಿದೆ. ಅದರಲ್ಲಿ ಮುತ್ತುಲಕ್ಷ್ಮಿ ತಮ್ಮ ಪತಿ ವೀರಪ್ಪನ್‌ನನ್ನು ಹೆಗಲಲ್ಲಿ ದೊಡ್ಡ ಬಂದೂಕು ಇಟ್ಟುಕೊಂಡು ಗ್ಯಾಂಗ್‌ ಕಟ್ಟಿಕೊಂಡು ಬರುತ್ತಿದ್ದ ವೀರ ಎನ್ನುವ ರೀತಿಯಲ್ಲಿ ಬಿಂಬಿಸಿದ್ದಾರೆ.

ಇದನ್ನೂ ಓದಿ: Viral News : ಬಾನೆಟ್​ ಮೇಲೆ ಕುಳಿತು ಜಾಲಿ ರೈಡ್​; ಯೂಟ್ಯೂಬರ್​ ಗೌರಿಯ ಥಾರ್​ ಪೊಲೀಸ್​ ವಶಕ್ಕೆ!
ಹಾಗೆಯೇ ವೀರಪ್ಪನ್‌ ಯಾವ ರೀತಿಯಲ್ಲಿ ಅವರ ಗುಂಪಿನಲ್ಲಿ ನಾಯಕನಾಗಿ ಬೆಳೆಯುತ್ತ ಹೋದ ಎನ್ನುವ ವಿಚಾರವನ್ನು ಹಲವಾರು ಪೊಲೀಸ್‌ ಅಧಿಕಾರಿಗಳು ಮತ್ತು ಪತ್ರಕರ್ತರ ಬಾಯಿಯಿಂದ ವಿವರಣೆ ಕೊಡಿಸಲಾಗಿದೆ.
ಎರಡನೇ ಎಪಿಸೋಡ್‌ನಲ್ಲಿ ವೀರಪ್ಪನ್‌ ಸ್ಪೆಷಲ್‌ ಟಾಸ್ಕ್‌ ಫೋರ್ಸ್‌ಗಳಿಗೆ ಯಾವ ರೀತಿಯಲ್ಲಿ ಸವಾಲಾಗತೊಡಗಿದ ಎನ್ನುವುದನ್ನು ತೋರಿಸಲಾಗಿದೆ. ಆತನಿಂದ ನಡೆಯುವ ಕೊಲೆಪಾತಗಳ ಬಗ್ಗೆ ವಿವರಣೆ ನೀಡಲಾಗಿದೆ. ಆತನ ಬಗ್ಗೆ ಆದ ವರದಿಗಳನ್ನೆಲ್ಲ ತೋರಿಸಲಾಗಿದೆ. ಹಾಗೆಯೇ ಈ ಹಿಂದೆ ಅವನ ಗ್ಯಾಂಗ್‌ನಲ್ಲಿದ್ದವರು, ಪೊಲೀಸ್‌ ಅಧಿಕಾರಿ ಟೈಗರ್‌ ಅಶೋಕ್‌ ಕುಮಾರ್‌, ಮುತ್ತುಲಕ್ಷ್ಮಿ ಮತ್ತು ವೀರಪ್ಪನ್‌ನ ಊರಾಗಿದ್ದ ಗೋಪಿನಾಥಂನ ಗ್ರಾಮಸ್ಥರಲ್ಲಿ ಕೆಲವರು ವೀರಪ್ಪನ್‌ ಬಗ್ಗೆ ಹಂಚಿಕೊಂಡ ನೆನಪುಗಳಲ್ಲಿ ಈ ಎಪಿಸೋಡ್‌ನಲ್ಲಿ ತೋರಿಸಿಕೊಡಲಾಗಿದೆ.

ನಂತರ ನಿರ್ದೇಶಕ ಸೆಲ್ವಮಣಿ ಅವರು ವೀರಪ್ಪನ್‌ ಪ್ರಕರಣಕ್ಕೆ ಹೊಸ ತಿರುವು ನೀಡುತ್ತಾ ಹೋಗುತ್ತಾರೆ. ಮುತ್ತುಲಕ್ಷ್ಮಿ ಅವರ ಬಾಯಿಯಲ್ಲಿ ಕರ್ನಾಟಕ ಪೊಲೀಸರು ತಮ್ಮನ್ನು ಬಂಧಿಸಿ ದೈಹಿಕ, ಮಾನಸಿಕ ಹಿಂಸೆ ನೀಡಿದ ಕುರಿತಾಗಿ ವಿವರಣೆ ಪಡೆಯಲಾಗುತ್ತದೆ. ಒಬ್ಬ ವ್ಯಕ್ತಿಯನ್ನು ಹಿಡಿಯುವಲ್ಲಿ ಪೊಲೀಸರು ಅಸಮರ್ಥರಾದ ಬಗ್ಗೆ, ಹಾಗೆಯೇ ಆತನ ಬೇಡಿಕೆಗಳನ್ನು ಪೂರೈಸಲು ಅಸಮರ್ಥರಾದ ಬಗ್ಗೆ ಪ್ರಶ್ನಿಸಲಾಗುತ್ತದೆ. ವರನಟ ಡಾ. ರಾಜ್‌ಕುಮಾರ್‌ ಅವರನ್ನು ಅಪಹರಣ ಮಾಡಿ ನಂತರ ಬಿಡುಗಡೆ ಮಾಡಿದ ಬಗ್ಗೆಯೂ ತೋರಿಸಲಾಗುತ್ತದೆ. ಆದರೆ ಎಲ್ಲಿಯೂ ಕೂಡ ರಾಜ್‌ಕುಮಾರ್‌ ಕುಟುಂಬದಿಂದ ಪ್ರತಿಕ್ರಿಯೆ ಪಡೆಯುವ ಪ್ರಯತ್ನವನ್ನು ಸೆಲ್ವಮಣಿ ಅವರು ಮಾಡಿಲ್ಲ. ವೀರಪ್ಪನ್‌ಗೆ ಸಂಬಂಧಿಸಿದ ಎಲ್ಲರನ್ನೂ ಮಾತನಾಡಿಸಿ ಅವರಿಂದಲೇ ನಿರೂಪಣೆ ಪಡೆದಾಗ ಕಥೆಯ ಮುಖ್ಯ ಘಟನೆಗಳಲ್ಲಿ ಒಂದಾದ ರಾಜ್‌ಕುಮಾರ್‌ ಅಪಹರಣಕ್ಕೆ ಸಂಬಂಧಿಸಿದಂತೆ ಅವರ ಕುಟುಂಬದಿಂದ ವಿವರಣೆ ಪಡೆಯದಿರುವುದು ಅಪೂರ್ಣ ಎನಿಸುತ್ತದೆ.

ಇದನ್ನೂ ಓದಿ: Viral News : ಇವರ ಬಳಿ ಇದೆ 38 ವಿಮಾನ, 300 ಕಾರು, 52 ಬೋಟ್‌!
ಪೂರ್ತಿ ಸೀರಿಸ್‌ನಲ್ಲಿ ಒಟ್ಟಾರೆಯಾಗಿ ವೀರಪ್ಪನ್‌ ಬಾಲ್ಯದಿಂದ ಆತನ ಎನ್‌ಕೌಂಟರ್‌ವರೆಗಿನ ವಿಚಾರಗಳನ್ನು ತೆರೆದಿಡುತ್ತಾ ಸಾಗಲಾಗಿದೆ. ಆತನನ್ನು ಹಿಡಿಯಲು ಭಾರತದಲ್ಲಿ ಈವರೆಗಿನ ಪಾತಕಿ ಸೆರೆ ಕಾರ್ಯಾಚರಣೆಯ ಅತಿ ದೊಡ್ಡ ಮೊತ್ತವನ್ನು ಖರ್ಚು ಮಾಡಲಾಯಿತು ಎನ್ನುವುದನ್ನೂ ತೋರಿಸುತ್ತದೆ ಈ ಸರಣಿ. ದಶಕಗಳ ಕಾಲ ಆತನಿಗಾಗಿ ಮಾಡಿದ ಹುಡುಕಾಟದ ಬಗ್ಗೆಯೂ ಮಾಹಿತಿ ನೀಡಲಾಗಿದೆ. ಆತನಿಂದಾಗಿ ಬಂಧನಕ್ಕೊಳಗಾದ ಮತ್ತು ಸಾವಿಗೀಡಾದ ಎಷ್ಟೋ ಕುಟುಂಬಗಳ ಬಗ್ಗೆ ವಿವರಣೆ ನೀಡಲಾಗಿದೆ. ಹಾಗೆಯೇ ಇನ್ನೂ ಬೆಳಕಿಗೆ ಬರದೆ ಉಳಿದುಕೊಂಡಿರುವ ನೋವಿನ ಬಗ್ಗೆಯೂ ಪರಿಚಯ ನೀಡಲಾಗಿದೆ.

ಒಟ್ಟಿನಲ್ಲಿ ನೋಡಿದರೆ ಈ ಹಿಂದೆ ವೀರಪ್ಪನ್‌ ಬಗ್ಗೆ ಬಂದಂತಹ ಸಿನಿಮಾಗಳು ಮತ್ತು ಸಾಕ್ಷ್ಯಚಿತ್ರಗಳಿಗಿಂತ ಈ ಸೀರಿಸ್‌ ವಿಭಿನ್ನವಾಗಿದೆ ಎನ್ನಬಹುದು. ಇಲ್ಲಿ ವೀರಪ್ಪನ್‌ ಒಬ್ಬ ನರಹಂತಹ ಎಂದು ತೋರಿಸುವ ಜತೆಯಲ್ಲಿ ಆತ ಒಬ್ಬ ʼಹೀರೊʼ ಕೂಡ ಹೌದು ಎಂದು ಬಿಂಬಿಸಲಾಗಿದೆ. ವೀರಪ್ಪನ್‌ ಕತೆ ಹೇಳುವ ಭರದಲ್ಲಿ ಆತನ ದುಸ್ಸಾಹಸವನ್ನು ವಿಜ್ರಂಭಿಸಿದ್ದು ಸರಿ ಅನಿಸುವುದೇ ಇಲ್ಲ.

ಮುಂಬೈ: ಹಿಂದಿ ಬಿಗ್‌ಬಾಸ್‌ನ ಮಾಜಿ ಸ್ಪರ್ಧಿ ರಾಹುಲ್‌ ಮಹಾಜನ್‌ (Rahul Mahajan) ಆಗಾಗ ಖಾಸಗಿ ವಿಚಾರಗಳಿಂದ ಸುದ್ದಿಯಾಗುವ ವ್ಯಕ್ತಿ. ಈಗಾಗಲೇ ಇಬ್ಬರು ಪತ್ನಿಯರಿಂದ ವಿಚ್ಛೇದನ ಪಡೆದಿರುವ ರಾಹುಲ್‌ ಇದೀಗ ಮೂರನೇ ಪತ್ನಿಯೊಂದಿಗಿನ ದಾಂಪತ್ಯಕ್ಕೂ ಅಂತ್ಯ ಹಾಡಿದ್ದಾರೆ. ಅವರು ಪತ್ನಿ ನಟಾಲಿಯಾ ಇಲಿನಾ ಜತೆಗೆ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿರುವುದಾಗಿ ವರದಿಯಾಗಿದೆ.

ಈ ಬಗ್ಗೆ ಖಾಸಗಿ ಮಾಧ್ಯಮ ಸಂಸ್ಥೆಯೊಂದು ವರದಿ ಮಾಡಿದೆ. ವರದಿಯ ಪ್ರಕಾರ ರಾಹುಲ್‌ ಮತ್ತು ನಟಾಲಿಯಾ ಮದುವೆಯಾದಾಗಿನಿಂದಲೂ ಇಬ್ಬರ ಮಧ್ಯೆ ಭಿನ್ನಾಭಿಪ್ರಾಯಗಳು ಇದ್ದವು. ಅವರಿಬ್ಬರು ದಾಂಪತ್ಯವನ್ನು ಉಳಿಸಿಕೊಳ್ಳಲೆಂದು ಸಾಕಷ್ಟು ಪ್ರಯತ್ನಗಳು ಮಾಡಿದ್ದರು. ಆದರೆ ಅದು ಸಾಧ್ಯವಾಗದ ಹಿನ್ನೆಲೆ ದಂಪತಿ ಕಳೆದ ವರ್ಷವೇ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: Self Harming :ಖಾಸಗಿ ವಿಡಿಯೊ ವೈರಲ್‌; ಮನನೊಂದು ವಿದ್ಯಾರ್ಥಿಗಳು ಆತ್ಮಹತ್ಯೆ
ಮೂರನೇ ಬಾರಿಗೆ ವಿಚ್ಛೇದನ ಎದುರಿಸುತ್ತಿರುವ ರಾಹುಲ್‌ ಅವರು ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸುವ ಸಮಯದಲ್ಲಿ ಸಾಕಷ್ಟು ಕುಗ್ಗಿದ್ದರು. ಮನಸ್ಸಿಗೆ ನೋವುಂಟು ಮಾಡಿಕೊಂಡಿದ್ದ ಅವರು ಇತ್ತೀಚೆಗೆ ಸಾಮಾನ್ಯ ಜೀವನಕ್ಕೆ ಮರಳುತ್ತಿದ್ದಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ನ್ಯಾಯಾಲಯದಿಂದ ವಿಚ್ಛೇದನ ಸಿಕ್ಕಿದೆಯೋ ಇಲ್ಲವೋ ಎನ್ನುವುದರ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಈ ಬಗ್ಗೆ ಯಾವುದೇ ಮಾತನ್ನು ಆಡದಿರಲು ರಾಹುಲ್‌ ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಹಿಂದೆ ಸ್ಟಾರ್‌ ಪ್ಲಸ್‌ ವಾಹಿನಿಯಲ್ಲಿ ಪತಿಯೊಂದಿಗೆ ಭಾಗವಹಿಸಿದ್ದ ನಟಾಲಿಯಾ ಅವರು, ರಾಹುಲ್‌ ಅವರು ಹಿಂದಿನ ಮದುವೆಗಳ ಬಗ್ಗೆ ಮಾತನಾಡಿದ್ದರು. “ಅವುಗಳನ್ನು ಮದುವೆ ಎನ್ನುವುದಕ್ಕಿಂತ ಸಣ್ಣ ಸಮಯದ ರಿಲೇಶನ್‌ಶಿಪ್‌ ಎಂದು ಹೇಳಬಹುದು. ಮದುವೆ ಎನ್ನುವುದು ತುಂಬ ಆಳವಾದ ಸಂಬಂಧವಾಗಿರುತ್ತದೆ. ಆ ರೀತಿಯ ಸಂಬಂಧ ರಾಹುಲ್‌ಗೆ ಇರಲೇ ಇಲ್ಲವಾದ್ದರಿಂದ ನಾನು ಅದರ ಬಗ್ಗೆ ಯೋಚಿಸುವುದೂ ಇಲ್ಲ” ಎಂದು ಹೇಳಿದ್ದರು.

ಇದನ್ನೂ ಓದಿ: Kidney Stones: ಕಿಡ್ನಿ ಕಲ್ಲಿನ ಬಗ್ಗೆ ನಾವು ಈ ವಿಷಯ ತಿಳಿದಿರಬೇಕು
ರಾಹುಲ್‌ ಅವರು 2006ರಲ್ಲಿ ಶ್ವೇತಾ ಸಿಂಗ್‌ ಅವರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. 2008ರಲ್ಲಿ ಆ ದಾಂಪತ್ಯ ಮುರಿದುಬಿದ್ದಿತ್ತು. ಅದಾದ ನಂತರ ಅವರು ಮ್ಯಾಟ್ರಿಮೋನಿ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿ ಅಲ್ಲಿ ಡಿಂಪಿ ಗಂಗೂಲಿ ಹೆಸರಿನ ಯುವತಿಯನ್ನು ಪ್ರೀತಿಸಿದ್ದರು. ಅವರ ಮದುವೆ 2010ರಲ್ಲಿ ನಡೆದು, ಆ ದಾಂಪತ್ಯ 2015ರಲ್ಲಿ ಅಂತ್ಯವಾಗಿತ್ತು. ನಂತರ ಅವರು 2018ರಲ್ಲಿ ನಟಾಲಿಯಾ ಅವರನ್ನು ವಿವಾಹವಾಗಿದ್ದರು.

ಈ ರೀತಿಯ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ಕಿಸಿ.