Byju's Debt: ಸಿಬ್ಬಂದಿ ಸಂಬಳಕ್ಕಾಗಿ ಮನೆ ಅಡವಿಟ್ಟ ಬೈಜೂಸ್ ಕಂಪನಿ ಮಾಲಿಕ! - Vistara News

ತಂತ್ರಜ್ಞಾನ

Byju’s Debt: ಸಿಬ್ಬಂದಿ ಸಂಬಳಕ್ಕಾಗಿ ಮನೆ ಅಡವಿಟ್ಟ ಬೈಜೂಸ್ ಕಂಪನಿ ಮಾಲಿಕ!

ಕೊರೊನಾ ಸಾಂಕ್ರಾಮಿಕದ ಸಂದರ್ಭದಲ್ಲಿ ಆನ್‌ಲೈನ್‌ ಕಲಿಕೆಯ ರಂಗದಲ್ಲಿ ಭಾರಿ ಯಶಸ್ಸು ಸಾಧಿಸಿದ್ದ ಕಂಪನಿ, ಕಳೆದ ಒಂದು ವರ್ಷದಲ್ಲಿ ಸಾಲದ ಹೊರೆಯಲ್ಲಿ (Byju’s Debt) ಮುಳುಗಿದೆ.

VISTARANEWS.COM


on

Layoffs: Another 1000 layoffs at Baijus
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ಬೆಂಗಳೂರು: ತಂತ್ರಜ್ಞಾನ ಕಲಿಕೆ ವೇದಿಕೆ ಸ್ಟಾರ್ಟಪ್ (startup) ಬೈಜೂಸ್‌ನ (Byju’s) ಸಂಸ್ಥಾಪಕ ಬೈಜು ರವೀಂದ್ರನ್ (Byju Raveendran) ಅವರು ತಮ್ಮ ಉದ್ಯೋಗಿಗಳಿಗೆ ಸಂಬಳ ನೀಡಲು ಹಣವನ್ನು ಸಂಗ್ರಹಿಸಲು ತಮ್ಮ ಮನೆ ಮತ್ತು ಅವರ ಕುಟುಂಬ ಸದಸ್ಯರ ಮನೆಗಳನ್ನು ಅಡವಿಟ್ಟಿದ್ದಾರೆ ಎಂದು ತಿಳಿದುಬಂದಿದೆ.‌ ಸದ್ಯ ಬೈಜೂಸ್‌ ಸಾಲದ ಸುಳಿಯಲ್ಲಿ (Byju’s Debt) ತತ್ತರಿಸುತ್ತಿದೆ.

ಅಡವಿಟ್ಟ ಆಸ್ತಿಗಳಲ್ಲಿ ಅವರ ಕುಟುಂಬದ ಒಡೆತನದ ಎರಡು ಮನೆಗಳು ಮತ್ತು ಬೆಂಗಳೂರಿನಲ್ಲಿ ನಿರ್ಮಾಣ ಹಂತದಲ್ಲಿರುವ ವಿಲ್ಲಾ ಇವೆ. $12 ಮಿಲಿಯ (₹100.07 ಕೋಟಿ) ಸಾಲಕ್ಕೆ ಅಡವಾಗಿ ಇವುಗಳನ್ನು ನೀಡಲಾಗಿದೆ. ಈ ಹಣವು Byju’s ಮಾಲೀಕತ್ವ ಹೊಂದಿರುವ ಕಂಪನಿಯಾದ ಥಿಂಕ್ ಅಂಡ್ ಲರ್ನ್ (Think and Learn) ಪ್ರೈವೇಟ್‌ನಲ್ಲಿರುವ 15,000 ಉದ್ಯೋಗಿಗಳಿಗೆ ಸಂಬಳ ಪಾವತಿಸಲು ರವೀಂದ್ರನ್‌ಗೆ ಸಹಾಯ ಮಾಡಲಿದೆ.

ಕಳೆದ ತಿಂಗಳು ಕಂಪನಿಯು (tech firm) 2022ರ ತನ್ನ ಲೆಕ್ಕಪರಿಶೋಧನೆಯ ಫಲಿತಾಂಶಗಳನ್ನು ವರದಿ ಮಾಡಿತ್ತು. 2022ರ ಮಾರ್ಚ್ 31ಕ್ಕೆ ಕೊನೆಗೊಂಡ ವರ್ಷಕ್ಕೆ ಅದರ ಪ್ರಮುಖ ಆನ್‌ಲೈನ್ ಶಿಕ್ಷಣ ವ್ಯವಹಾರದಲ್ಲಿ 6% ಅಂದರೆ 24 ಶತಕೋಟಿ ರೂಪಾಯಿ ನಷ್ಟವಾಗಿತ್ತು.

ಜಾರಿ ನಿರ್ದೇಶನಾಲಯ ಬಿಸಿ

ಕಳೆದ ತಿಂಗಳು, ಜಾರಿ ನಿರ್ದೇಶನಾಲಯವು (Enforcement Directorate) ಬೈಜು ರವೀಂದ್ರನ್ ಮತ್ತು ಥಿಂಕ್ ಅಂಡ್ ಲರ್ನ್ ಪ್ರೈವೇಟ್ ಲಿಮಿಟೆಡ್‌ಗೆ ₹9,362 ಕೋಟಿ ಮೊತ್ತದ ವಿದೇಶಿ ವಿನಿಮಯ ಉಲ್ಲಂಘನೆಯ ಆರೋಪದ ಮೇಲೆ, ಸರ್ಕಾರಕ್ಕೆ ಆದಾಯದ ನಷ್ಟವನ್ನು ಉಂಟುಮಾಡಿದ್ದಕ್ಕಾಗಿ ಶೋಕಾಸ್ ನೋಟಿಸ್ ಜಾರಿ ಮಾಡಿತ್ತು.

ರವೀಂದ್ರನ್ ಒಳಗೊಂಡಂತೆ ಥಿಂಕ್ ಅಂಡ್ ಲರ್ನ್ ಸಂಸ್ಥೆ “ಭಾರತದ ಹೊರಗೆ ಮಾಡಿದ ಮುಂಗಡ ಹಣ ವಿನಿಮಯದ ಬಗ್ಗೆ ದಾಖಲೆಗಳನ್ನು ಸಲ್ಲಿಸಲು ವಿಫಲವಾಗಿದೆ. ಭಾರತದ ಹೊರಗೆ ಮಾಡಿದ ರಫ್ತುಗಳ ಆದಾಯವನ್ನು ಅರಿತುಕೊಳ್ಳಲು ವಿಫಲವಾಗಿದ್ದು, ದಾಖಲೆಗಳನ್ನು ವಿಳಂಬಗೊಳಿಸುವ ಮೂಲಕ ಫೆಮಾದ ನಿಬಂಧನೆಗಳನ್ನು ಉಲ್ಲಂಘಿಸಿದ್ದಾರೆ” ಎಂದು ತನಿಖಾ ಸಂಸ್ಥೆ ಇಡಿ ಆರೋಪಿಸಿದೆ. ಕಂಪನಿಗೆ ಪಡೆದ ಹೂಡಿಕೆ (ಎಫ್‌ಡಿಐ), ಭಾರತದ ಹೊರಗೆ ಕಂಪನಿಯು ಮಾಡಿದ ಪಾವತಿಗಳ ಕುರಿತು ದಾಖಲೆಗಳನ್ನು ಸಲ್ಲಿಸಲು ಸಂಸ್ಥೆ ವಿಫಲವಾಗಿದೆ ಹಾಗೂ ಕಂಪನಿಗೆ ಸ್ವೀಕರಿಸಿದ ಎಫ್‌ಡಿಐಗೆ ಸಂಬಂಧಿಸಿದ ಷೇರುಗಳನ್ನು ಹಂಚಿಕೆ ಮಾಡಲು ವಿಫಲವಾಗಿದೆ.

ನೋಟೀಸ್‌ಗೆ ಪ್ರತಿಕ್ರಿಯಿಸಿರುವ ಬೈಜೂಸ್, “ನೋಟೀಸ್‌ನಲ್ಲಿ ಬಂದಿರುವ ಪ್ರಶ್ನೆಗಳು ಕೇವಲ ತಾಂತ್ರಿಕ ಸ್ವರೂಪದಲ್ಲಿವೆ. ಕಂಪನಿಯು ಎಲ್ಲಾ ಎಫ್‌ಡಿಐಗೆ ಅಗತ್ಯವಾದ ದಾಖಲೆಗಳನ್ನು ಸಲ್ಲಿಸಿದೆ. ಕಾನೂನಿನ ಅರ್ಹತಾ ಮಾನದಂಡಗಳಿಗೆ ಅನುಗುಣವಾಗಿ ಸ್ವೀಕರಿಸಲ್ಪಟ್ಟಿದೆ. ತೆರಿಗೆ ಪಾವತಿ ಮಾಡಿದೆ. ಎಫ್‌ಡಿಐ ಸಂಬಂಧಿತ ಷೇರುಗಳನ್ನು ನಿಗದಿತ ಸಮಯದೊಳಗೆ ವಿತರಿಸಿದೆ” ಎಂದು ಹೇಳಿದೆ.

ಕಳೆದ ಸೆಪ್ಟೆಂಬರ್‌ನಲ್ಲಿ ಕಂಪನಿಯ ಆಡಿಟರ್‌ ಹಾಗೂ ಮೂವರು ಬೋರ್ಡ್‌ ಸದಸ್ಯರು ಸಂಸ್ಥೆ ತೊರೆದಿದ್ದರು. ಕೊರೊನಾ ಸಾಂಕ್ರಾಮಿಕದ ಸಂದರ್ಭದಲ್ಲಿ ಆನ್‌ಲೈನ್‌ ಕಲಿಕೆಯ ರಂಗದಲ್ಲಿ ಭಾರಿ ಯಶಸ್ಸು ಸಾಧಿಸಿದ್ದ ಕಂಪನಿ, ಕಳೆದ ಒಂದು ವರ್ಷದಲ್ಲಿ ಸಾಲದ ಹೊರೆಯಲ್ಲಿ ಮುಳುಗಿದೆ. ಒಂದೆರಡು ತಿಂಗಳ ಹಿಂದೆ ಸುಮಾರು 400 ಸಿಬ್ಬಂದಿಯನ್ನು ಸಂಸ್ಥೆ ಉದ್ಯೋಗದಿಂದ ತೆಗೆದಿತ್ತು.

ಇದನ್ನೂ ಓದಿ: BYJU’s Debt: ಹೆಚ್ಚಿದ ಸಾಲದ ಸುಳಿ; ಬೈಜೂಸ್‌ ಅಂಗಸಂಸ್ಥೆ ಈಗ ಸಾಲ ಕೊಟ್ಟವರ ಪಾಲು!

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ತಂತ್ರಜ್ಞಾನ

SBI Debit Card: ಎಸ್‌ಬಿಐ ಕಾರ್ಡ್‌ ಕಳೆದುಕೊಂಡಿದ್ದೀರಾ? ಕಾರ್ಡ್ ಬ್ಲಾಕ್ ಮಾಡಲು ಹೀಗೆ ಮಾಡಿ…

SBI Debit Card: ಎಸ್‌ಬಿಐ ಡೆಬಿಟ್ ಕಾರ್ಡ್ ಅತ್ಯಂತ ಉಪಯುಕ್ತ ಸಾಧನವಾಗಿದೆ. ಈ ಕಾರ್ಡ್‌ ಕಳೆದು ಹೋದರೆ, ನೀವು ಮಾಡಬೇಕಾದ ಮೊದಲ ಕೆಲಸ, ಅದನ್ನು ಬ್ಲಾಕ್ ಮಾಡುವುದು ಎಂಬುದು ತಿಳಿಯಿರಿ.

VISTARANEWS.COM


on

How to block SBI Debit card? Fallow these steps
Koo

ನವದೆಹಲಿ: ಡೆಬಿಟ್ ಕಾರ್ಡ್(Debit Card). ಇದು ಆಧುನಿಕ ಜಗತ್ತಿನ ಅಚ್ಚರಿ. ನಿಮ್ಮ ಖಾತೆಯೊಂದಿಗೆ ಕನೆಕ್ಟ್ ಆಗಿರುವ ಈ ಕಾರ್ಡ್ ಮೂಲಕ ಹಣವನ್ನು ವಿತ್‌ಡ್ರಾ ಮಾಡಿಕೊಳ್ಳಬಹುದು. ಡೆಬಿಟ್ ಕಾರ್ಡ್‌ಗಳು ಪಾವತಿ ಕಾರ್ಡ್‌ಗಳಾಗಿ (Payments) ಕಾರ್ಯನಿರ್ವಹಿಸುತ್ತವೆ, ವ್ಯಕ್ತಿಗಳು ತಮ್ಮ ಬ್ಯಾಂಕ್ ಖಾತೆಗಳಿಂದ ನೇರವಾಗಿ ಖರೀದಿಗಳನ್ನು ಮಾಡಲು ಮತ್ತು ಹಣವನ್ನು ಹಿಂಪಡೆಯಲು ಅನುವು ಮಾಡಿಕೊಡುತ್ತದೆ. ಆ ಕಾರ್ಡ್‌ಗಳ ದುರ್ಬಳಕೆಯನ್ನು ತಪ್ಪಿಸಲು ಪಿಐಎನ್ ಆಧಾರಿತ ದೃಢೀಕರಣ (PIN-based authentication) ವ್ಯವಸ್ಥೆ ಇರುತ್ತದೆ. ಆದರೆ, ಕೆಲವೊಮ್ಮೆ ನಾವು ಈ ಕಾರ್ಡ್ ಕಳೆದುಕೊಳ್ಳಬಹುದು. ಎಲ್ಲೋ ಇಟ್ಟು ಮರೆಯಬಹುದು. ಅಂಥ ಸಂದರ್ಭದಲ್ಲಿ ಕಾರ್ಡ್‌ ದುರ್ಬಳಕೆಯನ್ನು ತಪ್ಪಿಸಲು ಹಲವು ಮಾರ್ಗಗಳಿವೆ. ಕಾರ್ಡ್ ನಿಷ್ಕ್ರಿಯಗೊಳಿಸಲು ತಕ್ಷಣವೇ ಬ್ಯಾಂಕ್‌ಗೆ ಸೂಚಿಸಬೇಕಾಗುತ್ತದೆ. ಬ್ಯಾಂಕಿನ ಸಹಾಯವಾಣಿ ಸಂಖ್ಯೆಯನ್ನು ಸಂಪರ್ಕಿಸುವ ಮೂಲಕ ಈ ಕೆಲಸವನ್ನು ಮಾಡಬಹುದು. ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಕಾರ್ಡ್ (SBI Debit Card) ಅನ್ನು ಕಳೆದುಕೊಂಡಿದ್ದರೆ, ನೆಟ್ ಬ್ಯಾಂಕಿಂಗ್ ಅಥವಾ ಎಸ್ಸೆಮ್ಮೆಸ್ ಸೇವೆಯನ್ನು ನಿಷ್ಕ್ರಿಯಗೊಳಿಸುವಿಕೆಯನ್ನು (SBI Card Deactivation) ಪ್ರಾರಂಭಿಸಲು ಮತ್ತು ಕಾರ್ಡ್ ಅನ್ನು ನಿರ್ಬಂಧಿಸಲು ಬಳಸಿಕೊಳ್ಳಬಹುದು.

ಎಸ್‌ಬಿಐ ಕಾರ್ಡ್ ನಿಷ್ಕ್ರಿಯಗೊಳಿಸಲು ಇರುವ ಅತ್ಯಂತ ಸುಲಭದ ಮಾರ್ಗ ಎಂದರೆ, ಎಸ್‌ಬಿಐನ 1800 11 2211 ಅಥವಾ 1800 425 3800 ಟೋಲ್ ಫ್ರೀ ನಂಬರ್‌ಗೆ ಕರೆ ಮಾಡಿ ಕಾರ್ಡ್ ಬ್ಲಾಕ್ ಮಾಡಿಸಬಹುದು. ಇದಲ್ಲದೇ ಇನ್ನು ಕೆಲವು ಮಾರ್ಗಗಳ ಮೂಲಕ ಕಾರ್ಡ್ ಬ್ಲಾಕ್ ಮಾಡಿಸಬಹುದು. ತಿಳಿದುಕೊಳ್ಳೋಣ ಬನ್ನಿ.

ಇಂಟರ್ನೆಟ್ ಬ್ಯಾಂಕಿಂಗ್ ಮೂಲಕ…..

ಎಸ್‌ಬಿಐ ಅಧಿಕೃತ onlinesbi.com ವೆಬ್‌ಸೈಟ್‌ಗೆ ಭೇಟಿ ನೀಡಿ. ಮುಖಪುಟದಲ್ಲಿರುವ ಇ-ಸರ್ವೀಸ್ ಸೆಕ್ಷನ್‌ಗೆ ಹೋಗಿ, ಎಟಿಎಂ ಕಾರ್ಡ್ ಸರ್ವಿಸ್ ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ಬಳಿಕ ಬ್ಲಾಕ್ ಎಟಿಎಂ ಕಾರ್ಡ್ ಆಪ್ಷನ್ ಆಯ್ಕೆ ಮಾಡಿಕೊಳ್ಳಿ. ನೀವು ನಿರ್ಬಂಧಿಸಲು ಬಯಸುವ ಎಟಿಎಂ ಕಮ್ ಡೆಬಿಟ್ ಕಾರ್ಡ್‌ಗೆ ಲಿಂಕ್ ಮಾಡಲಾದ ಖಾತೆಯನ್ನು ಆಯ್ಕೆಮಾಡಿ.

ಆಗ ನಿರ್ಬಂಧಿಸಲಾದ ಮತ್ತು ಸಕ್ರಿಯವಾಗಿರುವ ಎಲ್ಲಾ ಕಾರ್ಡ್‌ಗಳ ಪಟ್ಟಿಯನ್ನು ನೀವು ನೋಡಲು ಸಾಧ್ಯವಾಗುತ್ತದೆ. ಪಟ್ಟಿಯು ಡೆಬಿಟ್ ಕಾರ್ಡ್‌ನ ಮೊದಲ ಮತ್ತು ಕೊನೆಯ ನಾಲ್ಕು ಅಂಕಿಗಳನ್ನು ತೋರಿಸುತ್ತದೆ. ನೀವು ಬ್ಲಾಕ್ ಮಾಡಬೇಕೆನ್ನುವ ಕಾರ್ಡ್ ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ ಮತ್ತು ಅದಕ್ಕೆ ಕಾರಣವನ್ನು ನಮೂದಿಸಿ, ಸಬ್‌ಮಿಟ್ ಬಟನ್ ಮೇಲೆ ಕ್ಲಿಕ್ ಮಾಡಬೇಕು. ಅಧಿಕೃತ ಒಪ್ಪಿಗೆಯನ್ನು ನೀಡುವ ಮೊದಲು ಅಗತ್ಯವಿರುವ ಎಲ್ಲ ಮಾಹಿತಿಯನ್ನು ದೃಢಿಕರಿಸಿಕೊಳ್ಳಬೇಕಾಗುತ್ತದೆ.

ಬಳಿಕ ರಿಕ್ವೆಸ್ಟ್ ಮೋಡ್ ಆಯ್ಕೆ ಮಾಡಿಕೊಳ್ಳಬೇಕು ಮತ್ತು ಒಟಿಪಿ ನಂಬರ್‌ ಅಥವಾ ಪ್ರೊಫೈಲ್ ಪಾಸ್ವರ್ಡ್ ಬಳಸಿಕೊಳ್ಳಬೇಕು. ಈ ಎರಡರಲ್ಲಿ ಯಾವುದಾದರೂ ಒಂದನ್ನು ಬಳಸಿಕೊಂಡು, ಕನ್ಫರ್ಮ್ ಆಪ್ಷನ್ ಮೇಲೆ ಕ್ಲಿಕ್ ಮಾಡಿ. ಆಗ ಎಸ್‌ಬಿಐ ಕಾರ್ಡ್ ಬ್ಲಾಕ್ ಆದರೆ ಖಾತೆದಾರರಿಗೆ ಟಿಕೆಟ್ ನಂಬರ್ ಅನ್ನು ಎಸ್ಸೆಮ್ಮೆಸ್ ಮೂಲಕ ದೊರೆಯುತ್ತದೆ.

ಎಸ್ಸೆಮ್ಮೆಸ್ ಮೂಲಕ ಎಸ್‌ಬಿಐ ಡೆಬಿಟ್ ಕಾರ್ಡ್ ಬ್ಲಾಕ್ ಮಾಡುವುದು……..

ಎಸ್ಸೆಮ್ಮೆಸ್‌ ರೈಟಿಂಗ್ ಸ್ಪೇಸ್ ತೆರೆಯಿರಿ. BLOCK XXXX(XXXX ಜಾಗದಲ್ಲಿ ನಿಮ್ಮ ಡೆಬಿಟ್ ಕಾರ್ಡ್‌ನ ಕೊನೆಯ ನಾಲ್ಕು ಡಿಜಿಟ್) ನಮೂದಿಸಬೇಕಾಗುತ್ತದೆ ಮತ್ತು ಆ ಸಂದೇಶವನ್ನು 567676 ನಂಬರ್‌ಗೆ ಕಳುಹಿಸಿ.

ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಯನ್ನು ಬಳಸಿ ಮಾತ್ರ ಈ ಸೇವೆಯನ್ನು ಪಡೆಯಬಹುದು. ಬ್ಯಾಂಕ್ ಎಸ್ಸೆಮ್ಮೆಸ್ ಸ್ವೀಕರಿಸಿದ ನಂತರ, ನೀವು ದೃಢೀಕರಣವನ್ನು ಸ್ವೀಕರಿಸುತ್ತೀರಿ. ಎಸ್ಸೆಮ್ಮೆಸ್ ಅಧಿಸೂಚನೆಯು ನಿಮ್ಮ ಟಿಕೆಟ್ ಸಂಖ್ಯೆ, ನಿರ್ಬಂಧಿಸುವ ಸಮಯ ಮತ್ತು ನಿರ್ಬಂಧಿಸುವ ದಿನಾಂಕವನ್ನು ನಮೂದಿಸುತ್ತದೆ.

ಎಲ್ಲಕ್ಕಿಂತ ಹೆಚ್ಚು ಉಪಯುಕ್ತ ಸಲಹೆ ಎಂದರೆ, ನಿಮ್ಮ ಎಸ್‌ಬಿಐ ಡೆಬಿಟ್ ಕಾರ್ಡ್ ಅಥವಾ ಇನ್ನಾವುದೇ ಬ್ಯಾಂಕಿನ ಡೆಬಿಟ್ ಕಾರ್ಡ್ ಕಳೆದುಕೊಳ್ಳದಂತೆ ನೋಡಿಕೊಳ್ಳುವುದು. ಅಲ್ಲದೇ, ಪಿನ್‌ ನಂಬರ್ ಯಾರೊಂದಿಗೂ ಹಂಚಿಕೊಳ್ಳಬಾರದು. ಇದರಿಂದ ನಿಮ್ಮ ಖಾತೆ ಸುರಕ್ಷಿತವಾಗಿರುತ್ತದೆ.

ಈ ಸುದ್ದಿಯನ್ನೂ ಓದಿ: Cyber Crime: 700 ಕೋಟಿ ರೂ. ಸೈಬರ್ ವಂಚನೆ ಜಾಲ ಭೇದಿಸಿದ ಹೈದ್ರಾಬಾದ್ ಪೊಲೀಸ್, ಉಗ್ರರಿಗೆ ದುಡ್ಡು ರವಾನೆ!

Continue Reading

ಆಟೋಮೊಬೈಲ್

Affordable Bikes in India : ಕಡಿಮೆ ಬೆಲೆಗೆ ದೊರೆಯುವ ಭಾರತದ ಟಾಪ್ 5 ಬೈಕ್​ಗಳು ಇವು

Affordable Bikes in India : ಕಡಿಮೆ ಬೆಲೆಯ ಬೈಕ್​ಗಳು ದ್ವಿಚಕ್ರ ವಾಹನ ಮಾರಾಟದಲ್ಲಿ ಸುಮಾರು ಮೂರನೇ ಒಂದು ಭಾಗದಷ್ಟು ಪಾಲು ಪಡೆದುಕೊಂಡಿದೆ. ಗ್ರಾಮೀಣ ಪ್ರದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುತ್ತಿದೆ.

VISTARANEWS.COM


on

Motorcycle
Koo

ಬೆಂಗಳೂರು : ಭಾರತದಲ್ಲಿ ಕಡಿಮೆ ಬೆಲೆಯ ಮೋಟಾರ್​ ಸೈಕಲ್​ಗಳಿಗೆ ಹೆಚ್ಚು ಬೇಡಿಕೆ (Affordable Bikes in India). ಅದರಲ್ಲೂ ಗ್ರಾಮೀಣ ಪ್ರದೇಶದಲ್ಲಿ ಕಡಿಮೆ ಬೆಲೆಯ ಅತಿ ಹೆಚ್ಚು ಮಾರಾಟವಾಗುತ್ತದೆ. ಕಡಿಮೆ ಬೆಲೆ ಹಾಗೂ ಅತಿ ಕಡಿಮೆ ನಿರ್ವಹಣಾ ವೆಚ್ಚ ಕಾರಣಗಳಿಗೆ ಈ ಮಾದರಿಯ ಬೈಕ್​ಗಳಿಗೆ ಅತಿ ಹೆಚ್ಚು ಬೇಡಿಕೆ ಇರುತ್ತದೆ. ಭಾರತದಲ್ಲಿ ಪ್ರಸ್ತುತ ಮಾರಾಟವಾಗುತ್ತಿರುವ ಟಾಪ್ 5 ಅತ್ಯಂತ ಕೈಗೆಟುಕುವ ಬೈಕುಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ.

ಇಲ್ಲಿ ಕೊಟ್ಟಿರುವ ಪಟ್ಟಿಯುವ ಮುಂಬಯಿಯ ಎಕ್ಸ್​ಶೋ ರೂಮ್ ಬೆಲೆಯಾಗಿದೆ. ಹೀಗಾಗಿ ಎಲ್ಲ ಕಡೆಯೂ ಇದೇ ಬೆಲೆ ಎಂದು ಹೇಳಲಾಗುವುದಿಲ್ಲ. ನಗರದಿಂದ ನಗರಕ್ಕೆ ಹಾಗೂ ರಾಜ್ಯಕ್ಕೆ ವ್ಯತ್ಯಾಸವಾಗುತ್ತದೆ. ಅಂದ ಈ ಪಟ್ಟಿಯಲ್ಲಿರುವ ಹೋಂಡಾ ಶೈನ್​ 100 ಈ ಸೆಗ್ಮೆಂಟ್​ಗೆ ಹೊಸ ಸೇರ್ಪಡೆ. ಜತೆಗೆ ಇದರ ಎಕ್ಸ್ ಶೂರೂಮ್ ಬೆಲೆ ಮುಂಬಯಿಯದ್ದು ಮಾತ್ರ ಲಭ್ಯವಿದೆ. ಹೀಗಾಗಿ ಉಳಿದ ಬೆಲೆಯನ್ನು ಅದೇ ನಗರಕ್ಕೆ ಹೋಲಿಕೆ ಮಾಡಲಾಗಿದೆ.

ಬಜಾಜ್ ಪ್ಲಾಟಿನಾ 100- 67,808 ರೂ.

ಪ್ಲಾಟಿನಾ 100 ಬಜಾಜ್ ಕಂಪನಿಯ ಅತ್ಯಂತ ಕೈಗೆಟುಕುವ ಮಾದರಿಯಾಗಿದೆ. ಭಾರತದ ಮಾರುಕಟ್ಟೆಯಲ್ಲಿ ಅತ್ಯಂತ ಕೈಗೆಟುಕುವ ಮೋಟಾರ್ ಸೈಕಲ್ ಇದು. ಬಜಾಜ್ ನ ಸಿಗ್ನೇಚರ್ ಡಿಟಿಎಸ್-ಐ ತಂತ್ರಜ್ಞಾನವನ್ನು ಹೊಂದಿರುವ 102 ಸಿಸಿ ಮೋಟರ್ ನಿಂದ ಇದರಲ್ಲಿದೆ. ಫ್ಯೂಯಲ್-ಇಂಜೆಕ್ಷನ್ ವ್ಯವಸ್ಥೆ ಪಡೆಯದ ಏಕೈಕ ಬೈಕ್ ಕೂಡ ಹೌದು. ಬದಲಿಗೆ ಇದು ಬಜಾಜ್ ನ ಇ-ಕಾರ್ಬ್ ಅನ್ನು ಹೊಂದಿದೆ. ಈ ಎಂಜಿನ್ 7.9 ಬಿ ಹೆಚ್ ಪಿ ಪವರ್ ಮತ್ತು 8.3 ಎನ್ ಎಂ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಈ ಸೆಗ್ ಮೆಂಟಿನಲ್ಲಿ ಪ್ಲಾಟಿನಾದ ವಿಶಿಷ್ಟ ಲಕ್ಷಣವೆಂದರೆ ಅದರ ಎಲ್ ಇಡಿ ಡೇ ರನ್ನಿಂಗ್ ಲೈಟ್​.

ಹೋಂಡಾ ಶೈನ್ 100- 64,900 ರೂ.

ಕಡಿಮೆ ಬೆಲೆಯ ಬೈಕ್​ ಪಟ್ಟಿಗೆ ಹೊಸದಾಗಿ ಸೇರ್ಪಡೆಗೊಂಡ ಬೈಕ್​ ಹೋಂಡಾ ಶೈನ್ 100. ಹೋಂಡಾ ಶೈನ್ 100 ಬೈಕ್ ಸೀರಿಸ್​ನ ಅತ್ಯಂತ ಸರಳ ಬೈಕ್ ಇದಾಗಿದೆ. ಆಟೋ ಚೋಕ್ ಸಿಸ್ಟಂ ಮತ್ತು ಸೈಡ್ ಸ್ಟ್ಯಾಂಡ್ ಎಂಜಿನ್ ಕಟ್ ಆಫ್ ಫೀಚರ್​ ಹೊಂದಿದೆ. ಇದು ಈ ಸೆಗ್ಮೆಂಟ್​ನಲ್ಲಿ ಒಬಿಡಿ -2 ಎ ಕಾಂಪ್ಲೈಂಟ್ ಮತ್ತು ಇ 20 ಹೊಂದಿಕೆಯಾಗುವ ಏಕೈಕ ಮೋಟಾರ್ ಸೈಕಲ್. ಇದು​​ 7.61 ಬಿಹೆಚ್ ಪಿ, 8.05 ಎನ್ಎಂ ಟಾಕ್​ ಬಿಡುಗಡೆ ಮಾಡುವ 99.7 ಸಿಸಿ ಎಂಜಿನ್ ಹೊಂದಿದೆ. ಇದು ಎಲೆಕ್ಟ್ರಿಕ್ ಸ್ಟಾರ್ಟರ್ ಅನ್ನು ಹೊಂದಿದೆ. ಇದು ದೇಶದ ಅತ್ಯಂತ ಕೈಗೆಟುಕುವ ಸೆಲ್ಫ್-ಸ್ಟಾರ್ಟ್ ಮೋಟಾರ್ ಸೈಕಲ್ ಆಗಿದೆ.

ಇದನ್ನೂ ಓದಿ : Hyundai Creta : ಭಾರತದಲ್ಲಿ 10 ಲಕ್ಷ ದಾಟಿದ ಹ್ಯುಂಡೈ ಕ್ರೆಟಾ ಮಾರಾಟ

ಟಿವಿಎಸ್ ಸ್ಪೋರ್ಟ್- 61,500 ರಿಂದ 69,873 ರೂ.

ಎಂಜಿನ್ ವಿಚಾರಕ್ಕೆ ಬಂದಾಗ 109.7 ಸಿಸಿ ಎಂಜಿನ್ ಸೆಗ್ಮೆಂಟ್​ನ ಇತರ ಬೈಕುಗಳಿಗಿಂತ ಸ್ವಲ್ಪ ಹೆಚ್ಚಿನ ಶಕ್ತಿ ಹೊಂದಿದೆ. ಟಿವಿಎಸ್ ಸ್ಪೋರ್ಟ್ ಇನ್ನೂ ದೇಶದ ಮೂರನೇ ಅತ್ಯಂತ ಕೈಗೆಟುಕುವ ಮೋಟಾರ್ ಸೈಕಲ್​. ಕಿಕ್ ಸ್ಟಾರ್ಟರ್ ನೊಂದಿಗೆ ಬರುವ ಮೂಲ ಮಾದರಿಯನ್ನು ಇದು ಹೊಂದಿದೆ. ಅದೇ ರೀತಿ ಸೆಲ್ಫ್-ಸ್ಟಾರ್ಟ್ ಆವೃತ್ತಿಗಳು 69,873 ರೂ.ಗಳವರೆಗೆ ಬೆಲೆ ಹೊಂದಿದೆ. ಇದು 8.3 ಬಿಹೆಚ್ ಪಿ ಮತ್ತು 8.7 ಎನ್ಎಂ ಟಾರ್ಕ್​ ಬಿಡುಗಡೆ ಮಾಡುತ್ತದೆ.

ಹೀರೋ ಎಚ್ಎಫ್ ಡೀಲಕ್ಸ್ 59,998 ರಿಂದ 68,768 ರೂ.

    100 ಸಿಸಿ ಸೆಗ್ಮೆಂಟ್​ನಲ್ಲಿ ಮಾರುಕಟ್ಟೆ ನಾಯಕ ಹೀರೋ ಮೋಟೊಕಾರ್ಪ್. ಕಂಪನಿಗೆ ಈ ಪ್ರಖ್ಯಾತಿ ಉಳಿಸಿಕೊಳ್ಳುವುದಕ್ಕೆ ಸಹಾಯ ಮಾಡುವ ಬೈಕುಗಳಲ್ಲಿ ಎಚ್ ಎಫ್ ಡೀಲಕ್ಸ್ ಕೂಡ ಒಂದು ಇದರಲ್ಲಿ 97 ಸಿಸಿ ‘ಸ್ಲೋಪರ್’ ಎಂಜಿನ್ ಇದೆ. ಈಗ ಹೀರೋನ ಐ 3 ಎಸ್ ಸ್ಟಾಪ್-ಸ್ಟಾರ್ಟ್ ತಂತ್ರಜ್ಞಾನವನ್ನು ಈ ಬೈಕ್​ಗೆ ಅಳವಡಿಸಲಾಗಿದೆ. ಟಿವಿಎಸ್ ಸ್ಪೋರ್ಟ್ ನಂತೆ, ಬೇಸ್​ಮಾಡೆಲ್​ಗಳಲ್ಲಿ ಕಿಕ್​ ಸ್ಟಾರ್ಟ್​ ಸೌಕರ್ಯ ಇದ್ದರೆ ಟಾಪ್ ಎಂಡ್​ ಬೈಕ್​ನ್ಲಿ ಎಲೆಕ್ಟ್ರಿಕ್ ಸ್ಟಾರ್ಟರ್ ಇದೆ.

    ಹೀರೋ ಎಚ್ಎಫ್ 100 59,068 ರೂ.

    ಸರಳತೆಯಿಂದಾಗಿ ಹೀರೋ ಹೆಚ್ ಎಫ್ 100 ಬೈಕ್ ಪ್ರಸ್ತುತ ಭಾರತದಲ್ಲಿ ಮಾರಾಟವಾಗುತ್ತಿರುವ ಅತ್ಯಂತ ಕೈಗೆಟುಕುವ ಬೈಕ್ ಆಗಿದೆ. ಇದು ಎಚ್ ಎಫ್ ಡೀಲಕ್ಸ್ ನಂತೆಯೇ 97 ಸಿಸಿ ಎಂಜಿನ್ ಅನ್ನು ಹೊಂದಿದೆ. 8 ಬಿಹೆಚ್ ಪಿ ಮತ್ತು 8.05 ಎನ್ಎಂ ಟಾರ್ಕ್​ ಬಿಡುಗಡೆ ಮಾಡುತ್ತದೆ. ಐ 3 ಎಸ್ ಸ್ಟಾಪ್-ಸ್ಟಾರ್ಟ್ ತಂತ್ರಜ್ಞಾನ ಇದರಲ್ಲಿ ಇಲ್ಲ. ಇದು ಕೇವಲ ಕಿಕ್-ಸ್ಟಾರ್ಟರ್ ನೊಂದಿಗೆ ಕೇವಲ ಒಂದೇ ಒಂದು ವೇರಿಯೆಂಟ್​ನಲ್ಲಿ ಲಭ್ಯ.

    Continue Reading

    ದೇಶ

    Aadhaar Card: 5 ವರ್ಷದೊಳಗಿನ ಮಕ್ಕಳಿಗೆ ಬಾಲ್‌ ಆಧಾರ್‌; ಮಾಡಿಸುವುದು ಹೇಗೆ? ಇಲ್ಲಿದೆ ಮಾಹಿತಿ

    Aadhaar Card: ದೇಶದಲ್ಲಿ ಆಧಾರ್‌ ಕಾರ್ಡ್‌ ಅನ್ನು ಪ್ರಮುಖ ದಾಖಲೆಯಾಗಿ ಪರಿಗಣಿಸಲಾಗುತ್ತದೆ. 5 ವರ್ಷದೊಳಗಿನ ಮಕ್ಕಳಿಗೆ ಬಾಲ್‌ ಆಧಾರ್‌ ಕಾರ್ಡ್‌ ಒದಗಿಸಲಾಗುತ್ತದೆ. ಇದನ್ನು ಮಾಡಿಸುವ ವಿಧಾನದ ವಿವರ ಇಲ್ಲಿದೆ.

    VISTARANEWS.COM


    on

    baal aadhar
    Koo

    ಬೆಂಗಳೂರು: ದೇಶದಲ್ಲಿ ಆಧಾರ್‌ ಕಾರ್ಡ್‌ (Aadhaar Card) ಅನ್ನು ಪ್ರಮುಖ ದಾಖಲೆಯಾಗಿ ಪರಿಗಣಿಸಲಾಗುತ್ತದೆ. ಸರ್ಕಾರಿ ಸೌಲಭ್ಯಗಳನ್ನು ಪಡೆಯುವುದರಿಂದ ಹಿಡಿದು ಬ್ಯಾಂಕ್‌ ವ್ಯವಹಾರಗಳವರೆಗೆ ಆಧಾರ್‌ ಕಾರ್ಡ್‌ ಬೇಕೇ ಬೇಕು. ಹೀಗಾಗಿ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (Unique Identification Authority of India) ನೀಡುವ ಈ 12 ಅಂಕಿಯ ಗುರುತಿನ ಸಂಖ್ಯೆ ಬಹಳಷ್ಟು ಪ್ರಾಮುಖ್ಯತೆ ಹೊಂದಿದೆ. ಇದು ಹೆಸರು, ವಿಳಾಸ, ಛಾಯಾಚಿತ್ರ, ಬೆರಳಚ್ಚುಗಳನ್ನು ಒಳಗೊಂಡಿದ್ದು, ಜನಸಂಖ್ಯಾ ಮತ್ತು ಬಯೋಮೆಟ್ರಿಕ್ ಮಾಹಿತಿಗೆ ಲಿಂಕ್ ಮಾಡಲಾಗುತ್ತದೆ. ಅಲ್ಲದೆ ಆಧಾರ್ ದೇಶಾದ್ಯಂತ ಗುರುತು ಮತ್ತು ವಿಳಾಸದ ಪುರಾವೆಯಾಗಿ ಕಾರ್ಯನಿರ್ವಹಿಸುತ್ತದೆ.

    ಬಾಲ್‌ ಆಧಾರ್‌

    ಆಧಾರ್ ಕಾರ್ಡ್‌ ಅನ್ನು 5 ವರ್ಷಕ್ಕಿಂತ ಚಿಕ್ಕ ಮಕ್ಕಳಿಗೂ ಒದಗಿಸಲಾಗುತ್ತದೆ. ಚಿಕ್ಕ ವಯಸ್ಸಿನಿಂದಲೇ ಮಕ್ಕಳು ಸರ್ಕಾರಿ ಯೋಜನೆ ಮತ್ತು ಸೇವೆಗಳ ಪ್ರಯೋಜನವನ್ನು ಪಡೆಯಲು ಅನುಕೂಲವಾಗುವಂತೆ ಇದನ್ನು ಜಾರಿಗೊಳಿಸಲಾಗಿದೆ. 2018 ಯುಐಡಿಎಐ ಮೊದಲ ಬಾರಿಗೆ ʼಬಾಲ್‌ ಆಧಾರ್‌ʼ (Baal Aadhaar) ಕಾರ್ಡ್‌ ಅನ್ನು ಪರಿಚಯಿಸಿತ್ತು. ಇದನ್ನು ವಿಶೇಷವಾಗಿ 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ನೀಡಲಾಗುತ್ತದೆ. ಸಾಮಾನ್ಯವಾಗಿ ಕಂಡು ಬರುವ ಬಿಳಿ ಬಣ್ಣದ ಆಧಾರ್‌ ಕಾರ್ಡ್‌ಗಿಂತ ಭಿನ್ನವಾಗಿ ನೀಲಿ ಬಣ್ಣದಲ್ಲಿ ಈ ಬಾಲ ಆಧಾರ್‌ ಕಾರ್ಡ್‌ ಅನ್ನು ವಿನ್ಯಾಸಗೊಳಿಸಲಾಗಿದೆ. ಇದರಲ್ಲಿಯೂ 12 ಅಂಕಿಯ ವಿಶಿಷ್ಟ ಸಂಖ್ಯೆಗಳಿರುತ್ತವೆ.

    5 ವರ್ಷದೊಳಗಿನ ಮಕ್ಕಳಿಗೆ ಆಧಾರ್‌ ಕಾರ್ಡ್‌ ಮಾಡಿಸುವಾಗ ಯಾವುದೇ ಬಯೋಮೆಟ್ರಿಕ್‌ಗಳನ್ನು ತೆಗೆದುಕೊಳ್ಳಲಾಗುವುದಿಲ್ಲ. ಅಂದರೆ ಫಿಂಗರ್‌ ಪ್ರಿಂಟ್‌ ಒದಗಿಸಬೇಕಾಗಿಲ್ಲ. ಮಗು 5 ವರ್ಷ ಪೂರೈಸಿದ ಬಳಿಕ ಬಯೋ ಮೆಟ್ರಿಕ್‌ ಒದಗಿಸಿ ಹೊಸ ಆಧಾರ್ ಕಾರ್ಡ್‌ ಪಡೆಯಬೇಕು. ಆದರೆ ಅವಾಗಲೂ ಇದೇ ನಂಬರ್ ಮುಂದುವರಿಯುತ್ತದೆ. ಕಾರ್ಡ್ ಮಾತ್ರ ಬದಲಾಗುತ್ತದೆ.

    ಬಾಲ ಆಧಾರ್‌ ಪಡೆಯುವುದು ಹೇಗೆ?

    • ಯುಐಡಿಎಐನ ಅಧಿಕೃತ ವೆಬ್‌ಸೈಟ್‌ https://uidai.gov.in/ಗೆ ಭೇಟಿ ನೀಡಿ.
    • ಮೈ ಆಧಾರ್‌ ಆಯ್ಕೆ ಮೇಲೆ ಕ್ಲಿಕ್ ಮಾಡಿ.
    • ಪೋಷಕರ ಫೋನ್ ಸಂಖ್ಯೆ ಮತ್ತು ಇತರ ಅಗತ್ಯ ಮಾಹಿತಿಯೊಂದಿಗೆ ಮಗುವಿನ ವಿವರಗಳನ್ನು ನಮೂದಿಸಿ.
    • ಬಾಲ ಆಧಾರ್ ಕಾರ್ಡ್ ಅನ್ನು ನೋಂದಾಯಿಸಲು ಅನುಕೂಲಕರ ಅಪಾಯಿಂಟ್‌ಮೆಂಟ್ ಸ್ಲಾಟ್ ಆಯ್ಕೆ ಮಾಡಿ.
    • ನೋಂದಣಿ ಪ್ರಕ್ರಿಯೆಗಾಗಿ ಹತ್ತಿರದ ದಾಖಲಾತಿ ಕೇಂದ್ರದಲ್ಲಿ ಅಪಾಯಿಂಟ್‌ಮೆಂಟ್ ಕಾಯ್ದಿರಿಸಿ.
    • ಅಪಾಯಿಂಟ್‌ಮೆಂಟ್ ಕಾಯ್ದಿರಿಸಿದ ದಿನಾಂಕದಂದು ಮಗುವಿನೊಂದಿಗೆ, ಅಗತ್ಯ ದಾಖಲೆಗಳೊಂದಿಗೆ ದಾಖಲಾತಿ ಕೇಂದ್ರಕ್ಕೆ ಭೇಟಿ ನೀಡಿ.
    • ಇಲ್ಲಿ ನಿಮ್ಮ ಮಗುವಿನ ಫೋಟೊ ತೆಗೆಯಲಾಗುತ್ತದೆ.
    • ಇದಾಗಿ 60 ದಿನಗಳೊಳಗೆ ನಿಮ್ಮ ಮಗುವಿಗೆ ಬಾಲ ಆಧಾರ್ ಕಾರ್ಡ್ ದೊರೆಯುತ್ತದೆ.

    ಇದನ್ನೂ ಓದಿ: Aadhaar Card: ಇನ್ನು ಮುಂದೆ ಆಧಾರ್‌ ಕಾರ್ಡ್‌ ಮಾಡಿಸುವುದು ಅಷ್ಟು ಸುಲಭವಲ್ಲ! ಕಠಿಣ ನಿಯಮ

    ಬಾಲ ಆಧಾರ್‌ ಕಾರ್ಡ್‌ ಪಡೆಯಲು ಅಗತ್ಯವಾದ ದಾಖಲೆಗಳು

    • ಮಗುವಿನ ಬರ್ತ್‌ ಸರ್ಟಿಫಿಕೆಟ್‌ ಅಥವಾ ಆಸ್ಪತ್ರೆಯಿಂದ ಡಿಸ್‌ಚಾರ್ಜ್‌ ಆದ ದಾಖಲೆ.
    • ಪೋಷಕರ ಆಧಾರ್‌ ಕಾರ್ಡ್‌.

    ಗಮನಿಸಿ, ಶಾಲೆಗಳ ದಾಖಲಾತಿ ಸೇರಿದಂತೆ ವಿವಿಧ ಕಡೆ ಈ ಬಾಲ ಆಧಾರ್‌ ಕಡ್ಡಾಯವಾಗಿರುವುದರಿಂದ ಕೂಡಲೇ ಮಾಡಿಸಿಕೊಳ್ಳಿ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ.

    ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ

    Continue Reading

    ದೇಶ

    PhonePay: ಫೋನ್‌ಪೇ ಸ್ವದೇಶಿ ಆ್ಯಪ್‌ಸ್ಟೋರ್ ‘ಇಂಡಸ್’ ಲಾಂಚ್; ಗೂಗಲ್‌ ಪ್ಲೇ ಸ್ಟೋರ್‌ಗೆ ಪಂಚ್!

    PhonePay: ನಾಲ್ಕು ತಿಂಗಳ ಹಿಂದೆಯಷ್ಟೇ ಫೋನ್‌ಪೇ ಆ್ಯಪ್‌ ಡೆವಲಪರ್ಸ್‌ಗೆ ತಮ್ಮ ಆ್ಯಪ್‌ ಪಬ್ಲಿಷ್ ಮಾಡಲು ಫೋನ್‌ಪೇ ಆಹ್ವಾನ ನೀಡಿತ್ತು. ಇದೀಗ ಇಂಡಸ್ ಪ್ಲೇ ಸ್ಟೋರ್ ಲಾಂಚ್ ಮಾಡಿದೆ.

    VISTARANEWS.COM


    on

    Indus App Store launched by Walmart-owned PhonePe
    Koo

    ನವದೆಹಲಿ: ವಾಲ್‌ಮಾರ್ಟ್ (Walmart) ಒಡೆತನದ ಫೋನ್‌ಪೇ (PhonePay) ಸ್ವದೇಶಿ ಆಂಡ್ರಾಯ್ಡ್ ಅಪ್ಲಿಕೇಷನ್ ಸ್ಟೋರ್, ಭಾರೀ ನಿರೀಕ್ಷೆಯ ‘ಇಂಡಸ್’ ಆ್ಯಪ್ ಸ್ಟೋರ್‌‌ಗೆ (Indus Appstore) ಬುಧವಾರ ಚಾಲನೆ ನೀಡಲಾಗಿದೆ. ಜಗತ್ತಿನಲ್ಲೇ ಎರಡನೇ ಅತಿದೊಡ್ಡ ಸ್ಮಾರ್ಟ್‌ಫೋನ್ ಉಪಭೋಗಿ ರಾಷ್ಟ್ರವಾಗಿರುವ ಭಾರತವು ತನ್ನದೇ ಆದ ಸ್ವದೇಶಿ ಆ್ಯಪ್‌ ಸ್ಟೋರ್ ಮೂಲಕ ಗೂಗಲ್‌ನ ಪ್ಲೇ ಸ್ಟೋರ್‌ಗೆ (Google Play Store) ಪೈಪೋಟಿ ನೀಡಲು ಸಜ್ಜಾಗಿದೆ.

    ಡಿಜಿಟಲ್ ಪೇಮೆಂಟ್ಸ್ ಕಂಪನಿಯಾಗಿರುವ ಫೋನ್‌ಪೇ ನಾಲ್ಕು ತಿಂಗಳ ಹಿಂದೆ ಆಂಡ್ರಾಯ್ಡ್ ಡೆವಲಪರ್ಸ್‌‌ಗೆ ಬಾಗಿಲು ತೆರೆದಿತ್ತು. ತಮ್ಮ ವೇದಿಕೆಯಲ್ಲಿ ಆ್ಯಪ್‌ಗಳನ್ನು ಪಬ್ಲಿಷ್ ಮಾಡಲು ಆಹ್ವಾನಿಸಿತ್ತು. ಇದಾದ ನಾಲ್ಕು ತಿಂಗಳ ಬಳಿಕ ಇಂಡಸ್ ಆ್ಯಪ್ ಸ್ಟೋರ್‌ಗೆ ಚಾಲನೆ ನೀಡಿದೆ.

    ಫೋನ್‌ಪೇ ತನ್ನ ಇಂಡಸ್ ಆ್ಯಪ್‌ ಸ್ಟೋರ್ ಮೂಲಕ ಭಾರತದಲ್ಲಿ ಭಾರೀ ವೇಗದಲ್ಲಿ ಬೆಳವಣಿಗೆ ಕಾಣುತ್ತಿರುವ ಆ್ಯಪ್ ಆರ್ಥಿಕತೆಯನ್ನು ತನ್ನ ಕಡೆಗೆ ವಾಲಿಸಿಕೊಳ್ಳುವ ಪ್ರಯತ್ನವನ್ನು ಮಾಡುತ್ತಿದೆ. ಆ್ಯಪ್ ಇಂಟೆಲಿಜೆನ್ಸ್ ಸಂಸ್ಥೆಯ data.ai ಪ್ರಕಾರ, 2021ರಲ್ಲಿ 954 ಶತಕೋಟಿ ಗಂಟೆಗಳಿಂದ 2023 ರಲ್ಲಿ ಭಾರತೀಯರು ಸುಮಾರು 1.19 ಟ್ರಿಲಿಯನ್ ಗಂಟೆಗಳನ್ನು ಮೊಬೈಲ್ ಅಪ್ಲಿಕೇಶನ್‌ಗಳಲ್ಲಿ ಕಳೆದಿದ್ದಾರೆ. ಅಪ್ಲಿಕೇಶನ್ ಡೌನ್‌ಲೋಡ್‌ಗಳ ವಿಷಯದಲ್ಲಿ ದೇಶವು ವಿಶ್ವದ ಅತಿದೊಡ್ಡ ಮಾರುಕಟ್ಟೆಯಾಗಿದೆ.

    ಮೊದಲಿನ ಪ್ಲೇ ಸ್ಟೋರ್‌ ನೀತಿಗಳು ಮತ್ತು ಶುಲ್ಕಗಳ ಕುರಿತು ಗೂಗಲ್ ಮತ್ತು ದೇಶದ ಕೆಲವು ಉನ್ನತ ಸ್ಟಾರ್ಟ್‌ಅಪ್‌ಗಳು ಮತ್ತು ಇಂಟರ್ನೆಟ್ ಸಂಸ್ಥೆಗಳ ನಡುವೆ ನಡೆಯುತ್ತಿರುವ ಬಿಕ್ಕಟ್ಟಿನ ನಡುವೆಯೇ ಈ ಸ್ವದೇಶಿ ಇಂಡಸ್‌ ಆ್ಯಪ್ ಸ್ಟೋರ್‌‌ಗೆ ಚಾಲನೆಯಾಗಿದೆ.

    ಇಂಡಸ್ ಆ್ಯಪ್ ಸ್ಟೋರ್ ಸದ್ಯಕ್ಕೆ ಪ್ರಸ್ತುತ ಕಂಪನಿಯ ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ, ಗ್ರಾಹಕರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬಹುದು. ಇಮೇಲ್ ಖಾತೆಗಳಿಲ್ಲದೆ ಗ್ರಾಹಕರನ್ನು ಆಕರ್ಷಿಸಲು ಇದು ಮೊಬೈಲ್ ಸಂಖ್ಯೆ ಆಧಾರಿತ ಲಾಗಿನ್ ವ್ಯವಸ್ಥೆಯನ್ನು ಸಹ ನೀಡುತ್ತದೆ.

    ಫೋನ್‌ಪೇ ನವೆಂಬರ್ 2023ರ ಹೊತ್ತಿಗೆ ಅಪ್ಲಿಕೇಶನ್ ಸ್ಟೋರ್ ಅನ್ನು ತಮ್ಮ ಸಾಧನಗಳಲ್ಲಿ ಸಂಯೋಜಿಸಲು ನೋಕಿಯಾ ಮತ್ತು ಲಾವಾನಂಥ ಒಇಒಗಳೊಂದಿಗೆ (ಮೂಲ ಉಪಕರಣ ತಯಾರಕರು) ಪಾಲುದಾರಿಕೆಯನ್ನು ಹೊಂದಿದೆ. ಗ್ರಾಹಕರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಅಪ್ಲಿಕೇಶನ್‌ಗಳನ್ನು ಸೈಡ್‌ಲೋಡ್ ಮಾಡುವಲ್ಲಿ ತೊಡಗಿರುವ ಘರ್ಷಣೆಯಿಂದಾಗಿ ಗ್ರಾಹಕರಲ್ಲಿ ಅಳವಡಿಕೆಯನ್ನು ಹೆಚ್ಚಿಸಲು ಇಂಡಸ್ ಆಪ್ ಸ್ಟೋರ್‌ಗೆ ಹೆಚ್ಚಿನ ಒಇಎಂಗಳೊಂದಿಗಿನ ಸ್ಟ್ರೈಕಿಂಗ್ ಪಾಲುದಾರಿಕೆಗಳು ಪ್ರಮುಖವಾಗಿವೆ.

    ಈ ಸುದ್ದಿಯನ್ನೂ ಓದಿ: Google Search: ಗೂಗಲ್‌ ಸರ್ಚ್:‌ 25 ವರ್ಷಗಳಲ್ಲಿ ಜನ ಹುಡುಕಿದ್ದೇನು?

    Continue Reading
    Advertisement
    D. hiremath foundation
    ಉತ್ತರ ಕನ್ನಡ5 mins ago

    Arun Yogiraj : ರಾಮಲಲ್ಲಾ ವಿಗ್ರಹ ಕೆತ್ತಿದ ಅರುಣ್​ ಯೋಗಿರಾಜ್​ಗೆ ‘ಅಭಿನವ ಅಮರ ಶಿಲ್ಪಿ’ ಪುರಸ್ಕಾರ

    For Registration Movie Telugu Dubbing Rights sold for huge amount
    ಸಿನಿಮಾ12 mins ago

    For Registration Movie: ರಿಲೀಸ್‌ಗೂ ಮೊದ್ಲೇ ’ಫಾರ್ ರಿಜಿಸ್ಟ್ರೇಷನ್’ಗೆ ಡಿಮ್ಯಾಂಡ್! ತೆಲುಗಿಗೂ ಹೊರಟ ಪೃಥ್ವಿ-ಮಿಲನಾ

    Uttara Kannada ZP CEO eshwar Kandu visited Dayanilaya specially abled School in Kumta
    ಉತ್ತರ ಕನ್ನಡ20 mins ago

    Uttara Kannada News: ಸಾಧಿಸುವ ಛಲವಿದ್ದರೆ ಸಾಧನೆಯ ಹಾದಿ ಕಷ್ಟವಲ್ಲ: ಜಿ.ಪಂ ಸಿಇಒ ಈಶ್ವರ ಕಾಂದೂ

    Chakravarthi sulibele spoke in Namo Bharat programme at Kudligi
    ವಿಜಯನಗರ22 mins ago

    Vijayanagara News: ಸರ್ವ ಶ್ರೇಷ್ಠ ಭಾರತಕ್ಕಾಗಿ ಮತ್ತೊಮ್ಮೆ ನರೇಂದ್ರ ಮೋದಿ ಪ್ರಧಾನಿಯಾಗಬೇಕು: ಚಕ್ರವರ್ತಿ ಸೂಲಿಬೆಲೆ

    DY Chandrachud
    ಪ್ರಮುಖ ಸುದ್ದಿ32 mins ago

    C J Chandrachud : ಯೋಗ, ಸಸ್ಯಾಹಾರ; ಒತ್ತಡ ನಿವಾರಣೆ ತಂತ್ರ ವಿವರಿಸಿದ ಸುಪ್ರಿಂ ಕೋರ್ಟ್​​ ಮುಖ್ಯ​ ನ್ಯಾಯಮೂರ್ತಿ

    Belagavi Airport recorded the lowest minimum temperature and Dry weather likely to prevail
    ಮಳೆ38 mins ago

    Karnataka Weather : ಬೆಂಗಳೂರಲ್ಲಿ ಸೂರ್ಯ ಮರೆಯಾದರೂ ಏರಲಿದೆ ತಾಪಮಾನ

    Kannada Name Board Shivaraj Tangadagi
    ಬೆಂಗಳೂರು39 mins ago

    Kannada Name Board : ಕನ್ನಡ ನಾಮಫಲಕ ನಿಯಮ ಜಾರಿ ಆಗ್ಲೇಬೇಕು; ಸಚಿವ ತಂಗಡಗಿ ಆದೇಶ

    Karnataka Budget Session 2024 BBMP passes Property Tax Amendment Bill 50 percent reduction in penalty
    ಕರ್ನಾಟಕ40 mins ago

    Karnataka Budget Session 2024: ಬಿಬಿಎಂಪಿ ಆಸ್ತಿ ತೆರಿಗೆ ತಿದ್ದುಪಡಿ ವಿಧೇಯಕ ಅಂಗೀಕಾರ; ದಂಡದ ಪ್ರಮಾಣ ಶೇ.50 ಕಡಿತ

    Maharashtra has marathi signboard act but it Opposing Kannada Signboard Policy
    ಕರ್ನಾಟಕ51 mins ago

    ನಾಮಫಲಕ ವಿಚಾರದಲ್ಲಿ ಕರ್ನಾಟಕಕ್ಕೆ ಬುದ್ಧಿ ಹೇಳುವ ಮಹಾರಾಷ್ಟ್ರದಲ್ಲಿ ಯಾವ ನಿಯಮ ಇದೆ ನೋಡಿ!

    Karnataka Budget Session 2024 E khata mandatory for property registration in cities
    ರಾಜಕೀಯ1 hour ago

    Karnataka Budget Session 2024: ಇನ್ಮುಂದೆ ನಗರಗಳ ಆಸ್ತಿ ನೋಂದಣಿಗೆ ಇ-ಖಾತೆ ಕಡ್ಡಾಯ

    Sharmitha Gowda in bikini
    ಕಿರುತೆರೆ5 months ago

    Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

    Kannada Serials
    ಕಿರುತೆರೆ4 months ago

    Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

    Bigg Boss- Saregamapa 20 average TRP
    ಕಿರುತೆರೆ4 months ago

    Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

    galipata neetu
    ಕಿರುತೆರೆ3 months ago

    Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

    Kannada Serials
    ಕಿರುತೆರೆ5 months ago

    Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

    Kannada Serials
    ಕಿರುತೆರೆ5 months ago

    Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

    Bigg Boss' dominates TRP; Sita Rama fell to the sixth position
    ಕಿರುತೆರೆ4 months ago

    Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

    geetha serial Dhanush gowda engagement
    ಕಿರುತೆರೆ2 months ago

    Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

    varun
    ಕಿರುತೆರೆ3 months ago

    Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

    Kannada Serials
    ಕಿರುತೆರೆ5 months ago

    Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

    Catton Candy contain cancer Will there be a ban in Karnataka
    ಬೆಂಗಳೂರು2 hours ago

    cotton candy Ban : ಕರ್ನಾಟಕದಲ್ಲಿ ಬ್ಯಾನ್‌ ಆಗುತ್ತಾ ಬಾಂಬೆ ಮಿಠಾಯಿ; ಕ್ಯಾನ್ಸರ್​​ ಕಾರಕ ವಿಷ ಪತ್ತೆ!

    Swarnavalli Mutt appoints successor ceremony
    ಕರ್ನಾಟಕ6 hours ago

    Swarnavalli Mutt: ಸ್ವರ್ಣವಲ್ಲೀ ಶ್ರೀಗಳ ಶಿಷ್ಯ ಸ್ವೀಕಾರ ಸಂಪನ್ನ; ಇಲ್ಲಿದೆ ಲೈವ್‌ ವಿಡಿಯೊ

    read your daily horoscope predictions for february 21 2024
    ಭವಿಷ್ಯ2 days ago

    Dina Bhavishya : ಈ ರಾಶಿಯವರಿಗೆ ಸಂಗಾತಿಯ ವರ್ತನೆಯು ಕೋಪ, ಮುಜುಗರವನ್ನುಂಟು ಮಾಡುತ್ತೆ!

    read your daily horoscope predictions for february 20 2024
    ಭವಿಷ್ಯ3 days ago

    Dina Bhavishya : ಈ ದಿನ ಆತುರದಲ್ಲಿ ಈ ರಾಶಿಯವರು ಯಾವ ತೀರ್ಮಾನವನ್ನು ಮಾಡ್ಬೇಡಿ!

    read your daily horoscope predictions for february 19 2024
    ಭವಿಷ್ಯ4 days ago

    Dina Bhavishya : ನಿಮ್ಮನ್ನು ದ್ವೇಷಿಸುವವರೇ ಸ್ನೇಹಿತರಾಗಿ ಬದಲಾಗುತ್ತಾರೆ

    read your daily horoscope predictions for february 18 2024
    ಭವಿಷ್ಯ5 days ago

    Dina Bhavishya : ಈ ರಾಶಿಯವರು ಇಂದು ನೀರಿನಂತೆ ಹಣವನ್ನು ಖರ್ಚು ಮಾಡ್ತಾರೆ

    Challenging Darsha
    ಪ್ರಮುಖ ಸುದ್ದಿ5 days ago

    Actor Darshan : ಚಾಲೆಂಜಿಂಗ್ ಸ್ಟಾರ್​ ದರ್ಶನ್​ ‘ಬೆಳ್ಳಿ ಪರ್ವ’ ಕಾರ್ಯಕ್ರಮದ ಲೈವ್​ ಇಲ್ಲಿ ವೀಕ್ಷಿಸಿ

    Children lock up their mother for property
    ಕರ್ನಾಟಕ5 days ago

    Inhuman Behaviour : ಆಸ್ತಿಗಾಗಿ ಹೆತ್ತ ತಾಯಿಯನ್ನೇ ಗೃಹ ಬಂಧನದಲ್ಲಿಟ್ಟರು ಮಕ್ಕಳು!

    read your daily horoscope predictions for february 17 2024
    ಭವಿಷ್ಯ6 days ago

    Dina Bhavishya : ಈ ರಾಶಿಯವರು ಸೀಕ್ರೆಟ್‌ ವಿಷ್ಯವನ್ನು ರಿವೀಲ್‌ ಮಾಡಿದ್ರೆ ಅಪಾಯ ಗ್ಯಾರಂಟಿ!

    Karnataka Budget Session 2024 siddaramaiah use cinema Lines
    ಸಿನಿಮಾ6 days ago

    Karnataka Budget Session 2024: ಡಾಲಿ ಧನಂಜಯ್‌ ಬರೆದ ಸಾಲುಗಳು ಬಜೆಟ್‌ನಲ್ಲಿ ಹೈಲೈಟ್‌!

    ಟ್ರೆಂಡಿಂಗ್‌