Travel Tips: ಹಿಮದೂರುಗಳಲ್ಲಿ ಬದುಕಿನಲ್ಲೊಮ್ಮೆ ಮಾಡಲೇಬೇಕಾದ ಸಾಹಸ ಕ್ರೀಡೆಗಳಿವು! - Vistara News

ಪ್ರವಾಸ

Travel Tips: ಹಿಮದೂರುಗಳಲ್ಲಿ ಬದುಕಿನಲ್ಲೊಮ್ಮೆ ಮಾಡಲೇಬೇಕಾದ ಸಾಹಸ ಕ್ರೀಡೆಗಳಿವು!

ಬೇಸಗೆಯಲ್ಲೂ ಒಂದಷ್ಟು ದಿನ ಚಳಿಗಾಲದ ಸುಖವನ್ನು ಅನುಭವಿಸಬೇಕೆಂದರೆ ನೀವು ಅಂಥ ಜಾಗಗಳನ್ನು ಹುಡುಕಿ ಹೋಗಬೇಕು. ವಿಶೇಷ ಎಂದರೆ, ಸಾಹಸೀ ಪ್ರವೃತ್ತಿಯ ಮಂದಿಗೆ ಇಂಥ ಹಿಮಾಚ್ಛಾದಿತ ಜಾಗಗಳಲ್ಲಿ ಮಜವಾಗಿ ಕಳೆಯಲು ಬೇಕಾದಷ್ಟು ಹಿಮದಾಟಗಳು, ಸಾಹಸಕ್ರೀಡೆಗಳೂ ಲಭ್ಯವಿವೆ. ಜೀವನದಲ್ಲೊಮ್ಮೆ ಹಿಮದೂರಿಗೆ ಹೋದಾಗ ಮಾಡಲೇಬೇಕಾದ ಹಿಮಸಾಹಸ ಕ್ರೀಡೆಗಳು ಇಲ್ಲಿವೆ.

VISTARANEWS.COM


on

skiing
ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ
Koo

ನಮಗೆಲ್ಲ ಚಳಿಗಾಲ ಮುಗಿದು ಇನ್ನೇನು ರಣರಣ ಬಿಸಿಲು ಶುರುವಾಗಲು ತಡವೇನೂ ಇಲ್ಲ. ಹಾಗೆಂದ ಮಾತ್ರಕ್ಕೆ ಚಳಿಯೂರುಗಳಿಲ್ಲಿನ್ನೂ ಚಳಿ ಕಡಿಮೆಯಾಗಿದೆ ಅಂದುಕೊಂಡಿರಾ? ಖಂಡಿತ ಇಲ್ಲ. ಹಿಮ ಸುರಿವ ಊರುಗಳಲ್ಲಿನ್ನೂ ಸುರಿದ ಹಿಮ ಕರಗಿಲ್ಲ. ಇನ್ನೂ ಎತ್ತರದ ಪ್ರದೇಶಗಳಿಗೆ ಹೋದಂತೆ ಸುರಿವ ಹಿಮವೂ ಸಿಗಬಹುದು. ಬೇಸಗೆಯಲ್ಲೂ ಒಂದಷ್ಟು ದಿನ ಚಳಿಗಾಲದ ಸುಖವನ್ನು ಅನುಭವಿಸಬೇಕೆಂದರೆ ನೀವು ಅಂಥ ಜಾಗಗಳನ್ನು ಹುಡುಕಿ ಹೋಗಬೇಕು. ವಿಶೇಷ ಎಂದರೆ, ಸಾಹಸೀ ಪ್ರವೃತ್ತಿಯ ಮಂದಿಗೆ ಇಂಥ ಹಿಮಾಚ್ಛಾದಿತ ಜಾಗಗಳಲ್ಲಿ ಮಜವಾಗಿ ಕಳೆಯಲು ಬೇಕಾದಷ್ಟು ಹಿಮದಾಟಗಳು, ಸಾಹಸಕ್ರೀಡೆಗಳೂ ಲಭ್ಯವಿವೆ. ಜೀವನದಲ್ಲೊಮ್ಮೆ ಹಿಮದೂರಿಗೆ ಹೋದಾಗ ಮಾಡಲೇಬೇಕಾದ ಹಿಮಸಾಹಸ ಕ್ರೀಡೆಗಳು ಇಲ್ಲಿವೆ.

೧. ಸ್ಕೀಯಿಂಗ್‌: ಭಾರತದ ಔಲಿ, ಗುಲ್ಮಾರ್ಗ್‌, ಮನಾಲಿ, ಪೆಹೆಲ್ಗಾಂ, ಶಿಮ್ಲಾದಂತಹ ಜಾಗಗಳಲ್ಲಿ ಸ್ಕೀಯಿಂಗ್‌ ಮಾಡಬಹುದು. ಹಿಮದಲ್ಲಿ ಜಾರುವ ಕ್ರೀಡೆಯಾದ ಇದಕ್ಕೆ ಕೊಂಚ ತರಬೇತಿಯ ಅಗತ್ಯವಿರುತ್ತದೆ. ಔಲಿ, ಗುಲ್ಮಾರ್ಗ್‌ನಂತಹ ಜಾಗಗಳಲ್ಲಿ ಇವುಗಳಿಗೆ ಸರಿಯಾದ ತರಬೇತಿ ನೀಡಬಲ್ಲ ಕೋರ್ಸುಗಳೂ, ತರಬೇತಿ ಗೈಡುಗಳೂ ಇದ್ದಾರೆ. ಕೇವಲ ಮಜಾಕ್ಕಾಗಿ ಮಾಡುವುದಾರೆ ಕೇವಲ ಒಂದರ್ಧ ಗಂಟೆ ಕಲಿತು, ಸಾಮಾಗ್ರಿಗಳನ್ನು ಬಾಡಿಗೆಗೆ ಪಡೆದು ಟ್ರೈ ನೋಡುವ ಅವಕಾಶವೂ ಇದೆ. ಆದರೆ, ವೃತ್ತಿಪರವಾಗಿ, ತಾಸುಗಟ್ಟಲೆ ಹಿಮದಲ್ಲಿ ಜಾರಲು ಸಾಕಷ್ಟು ಅಭ್ಯಾಸವೂ ತರಬೇತಿಯೂ ಅಗತ್ಯವಿದೆ.

ice trekking

೨. ಚಾರಣ: ಹಿಮದಲ್ಲಿ ಚಾರಣ ಸಾಮಾನ್ಯ ಚಾರಣಕ್ಕಿಂತ ಭಿನ್ನ. ನೋಡಲು ಹೂವಿನ ಹಾಸಿಗೆಯಂತೆ ಕಂಡರೂ ಹಿಮಪರ್ವತಗಳಲ್ಲಿ ಚಾರಣ ಕಷ್ಟ. ಜಾರುವ ಹಿಮದಲ್ಲಿ ಜಾರದಂತೆ ಬ್ಯಾಲೆನ್ಸ್‌ ಮಾಡಿಕೊಂಡು ಕ್ಲಿಷ್ಟಕರ ಮಾರ್ಗಗಳಲ್ಲಿ ಏರುತ್ತಾ ಸಾಗುವುದು, ಥರಗುಟ್ಟುವ ಚಳಿಯಲ್ಲಿ ಟೆಂಟ್‌ಗಳಲ್ಲಿ ರಾತ್ರಿ ಕಳೆಯುವುದು ಸಾಮಾನ್ಯ ವಿಷಯವೇನಲ್ಲ. ಆದರೆ, ಚಾರಣವನ್ನು ಇಷ್ಟಪಡುವ ಮಂದಿ ಹಿಮದಲ್ಲಿನ ಚಾರಣದ ಅನುಭವ ಪಡೆಯದಿದ್ದರೆ ಬದುಕಿನ್ಲ್ಲಿ ಒಂದು ಒಳ್ಳೆಯ ಅನುಭವ ಮಿಸ್‌ ಮಾಡಿದಂತೆ. ಕ್ವಾರಿ ಪಾಸ್‌, ಕೇದಾರಕಂಠ ಚಾರಣ, ಖಾಲಿಯಾ ಟಾಪ್‌ ಚಾರಣ, ಬ್ರಹ್ಮತಾಲ್‌ ಚಾರಣ ಸೇರಿದಂತೆ ಹಲವಾರು ಹಿಮ ಚಾರಣಗಳನ್ನು ಮಾಡಬಹುದು. ಇದರಲ್ಲಿ ಅನುಭವ ಇರುವ ಮಂದಿಗೆ ಇನ್ನೂ ಕ್ಲಿಷ್ಟಕರ ಹಿಮಚಾರಣಗಳಾದ ಚಾದರ್‌ ಫ್ರೋಜನ್‌ ಲೇಕ್‌ ಚಾರಣ, ನಂದಾದೇವಿ ಚಾರಣ, ಝಂಸ್ಕಾರ್‌ ಚಾರಣ ಮತ್ತಿತರ ಹಲವು ಚಾರಣಗಳನ್ನು ಮಾಡಬಹುದು.

ice skating

೩. ಐಸ್‌ ಸ್ಕೇಟಿಂಗ್‌: ಸ್ಕೇಟಿಂಗ್‌ ರಿಂಕ್‌ಗಳಲ್ಲಿ ನೆಲದ ಮೇಲೆ ಟ್ರ್ಯಾಕ್‌ಗಳಲ್ಲಿ ಮಕ್ಕಳಿಂದ ಹಿಡಿದು ದೊಡ್ಡ್ವರವರೆಗೆ ಸ್ಕೇಟಿಂಗ್‌ ಮಾಡುವುದನ್ನು ನೀವು ನೋಡಿರಬಹದು. ಆದರೆ ಗಟ್ಟಿಯಾದ ಹಿಮದ ನೆಲದ ಮೇಲೆ ಸ್ಕೇಟಿಂಗ್‌ ಮಾಡಿದ್ದೀರಾ? ಇಲ್ಲವೆಂದಾದಲ್ಲಿ ಅದನ್ನೂ ಮಾಡಲು ಇಂಥ ಜಾಗಗಳಲ್ಲಿ ಆಸ್ಪದವಿದೆ.

ice sledging

೪. ಐಸ್‌ ಸ್ಲೆಡ್ಜಿಂಗ್‌: ಸ್ಲೆಡ್ಜಿಂಗ್‌ ಯಾರೂ ಕೂಡಾ ಮಾಡಬಹುದಾದ ಅತ್ಯಂತ ಮಜಾ ಕೊಡುವ ಉಲ್ಲಾಸ ತುಂಬುವ, ನಮ್ಮನ್ನು ಮತ್ತೆ ಬಾಲ್ಯಕಾಲಕ್ಕೆ ಕರೆದೊಯ್ಯುವ ಎಲ್ಲ ಶಕ್ತಿಯನ್ನೂ ಹೊಂದಿದೆ. ಹಿಮದೂರುಗಳಲ್ಲಿ ಜಾರುವ ಮಣೆಗಳಂತಹ ಮರದ ಬೋರ್ಡುಗಳಲ್ಲಿ ಕೂತು ಳಿಜಾರಿನಲ್ಲಿ ಜಾರುತ್ತಾ ಸಾಗುವುದು ಯಾರಿಗೆ ತಾನೇ ಖುಷಿಕೊಡಲಿಕ್ಕಿಲ್ಲ ಹೇಳಿ. ಇದಕ್ಕಾಗಿ, ಔಲಿ, ಗುಲ್ಮಾರ್ಗ್‌ನಂತಹ ಜಾಗಗಳಲ್ಲಿ ಸ್ಲೆಡ್ಜಿಂಗ್‌ ಅವಕಾಶವಿದ್ದು, ಅಲ್ಲಿ ಬಾಡಿಗೆಗೆ ಪಡೆದು ತರಬೇತುದಾರರ ಜೊತೆ ಜಾರುತ್ತಾ ಹಿಮಕಣಿವೆಗಳನ್ನೂ, ಹಿಮಪರ್ವತಗಳನ್ನೂ ಕಣ್ತುಂಬಬಹುದು.

snow boarding

೫. ಸ್ನೋಬೋರ್ಡಿಂಗ್‌: ಸ್ನೋಬೋರ್ಡಿಂಗ್‌ ಇತ್ತೀಚೆಗೆ ಭಾರತದಲ್ಲಿ ಜನಪ್ರಿಯವಾಗುತ್ತಿರುವ ಹಿಮದ ಸಾಹಸಕ್ರೀಡೆ. ಇದರಲ್ಲಿ ಫೈರ್‌ನ ಗ್ಲಾಸ್‌ಬೋರ್ಡನ್ನು ಕಾಲಿಗೆ ಸಿಕ್ಕಿಸಿ, ವಿಶೇಷವಾದ ಶೂಗಳ ಸಹಾಯದಿಂದ ಹಿಮದ ಇಳಿಜಾರಿನಲ್ಲಿ ಜಾರುತ್ತಾ ಸಾಗುವುದು. ಇಲ್ಲಿ ಸ್ಕೀಯಿಂಗ್‌ನ ಬೇಕಾಗುವ ಹಾಗೆ ವಿಶೇಷ ಇಳಿಜಾರೇ ಇರಬೇಕಾಗಿಲ್ಲ. ಎಂತಹ ಇಳಿಜಾರಿನಲ್ಲೂ ಜಾರಿಕೊಂಡು ಸಾಗಬಹುದು. ಇದು ನೋಡಲು ಸರಳ ಸುಲಭವಾಗಿ ಕಂಡರೂ ಕೊಂಚ ತರಬೇತಿ ಹಾಗೂ ಅಭ್ಯಾಸ ಇದಕ್ಕೆ ಬೇಕಾಗುತ್ತದೆ. ಒಮ್ಮೆ ಕಲಿತರೆ ಬಹಳ ಮಜಾ ಪಡೆಯಬಹುದಾದ ಕ್ರೀಡೆಯಿದು.

ಇದನ್ನೂ ಓದಿ: Travel Tips | ನೀವು ಅಲೆಮಾರಿಗಳೇ? ಹೊಸ ಬಗೆಯ ಪ್ರವಾಸಕ್ಕೆ 5 ಅಣಿಮುತ್ತುಗಳು!

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App
Continue Reading
Click to comment

Leave a Reply

Your email address will not be published. Required fields are marked *

ಪ್ರವಾಸ

Travel Time: ಸಮುದ್ರದಲ್ಲೇ ಜೀವನ; ಹೊಸ ಬಗೆಯ ಅಲೆಮಾರಿ ಪ್ರವಾಸಿ ದಂಪತಿ ಇವರು!

ಈ ಜೋಡಿ ಸಮುದ್ರದಲ್ಲೇ ಜೀವಿಸುವ ಹೊಸ ಅಪರೂಪದ (Travel Time) ಆಯ್ಕೆಯನ್ನೇ ತನ್ನ ಜೀವನವನ್ನಾಗಿ ಮಾಡಿಕೊಂಡು, ಪ್ರವಾಸದ ಸಾಧ್ಯತೆಗಳನ್ನು ಇನ್ನೂ ವಿಸ್ತರಿಸಿದೆ. ಈ ಕುರಿತ ಕುತೂಹಲಕಾರಿ ವರದಿ ಇದು.

VISTARANEWS.COM


on

Monica Brzoska and her husband, Jorell Conley
Koo

ಎಲ್ಲರಂತೆ ಬೆಳಗ್ಗೆ ಎದ್ದು ಒಂಬತ್ತಕ್ಕೆ ಕಚೇರಿಗೆ ಹೋಗಿ ರಾತ್ರಿ ಮನೆಗೆ ಬರುವ ಏಕತಾನತೆಯ (Travel Time) ವೃತ್ತಿಯಿಂದ ಬೇಸತ್ತು ಇತ್ತೀಚೆಗೆ ಯುವಜನತೆ, ಬೇರೆಯೇ ಮಾದರಿಯ ವೃತ್ತಿಗಳತ್ತ ಹೊರಳುವುದನ್ನು ನೀವು ಕೇಳಿರಬಹುದು. ತಮ್ಮ ಇಷ್ಟ, ಆಸಕ್ತಿಗಳನ್ನೇ ವೃತ್ತಿಯನ್ನಾಗಿ, ಅಥವಾ ಆಸಕ್ತಿಯ ಜೊತೆಜೊತೆಗೇ ವೃತ್ತಿಯನ್ನು ಕೊಂಡೊಯ್ಯಬಲ್ಲ ಆಯ್ಕೆಗಳನ್ನು ಇತ್ತೀಚೆಗೆ ಅನೇಕರು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಊರೂರು ಸುತ್ತುತ್ತಾ, ಜೊತೆಗೆ ಕೆಲಸ ಮಾಡುತ್ತಾ, ಒಂದು ನಿರ್ದಿಷ್ಟ ಸ್ಥಳಕ್ಕೆ ಅಂಟಿಕೊಳ್ಳದೇ, ಅಲೆಮಾರಿತನವನ್ನೇ ಜೀವನವನ್ನಾಗಿ ಆಯ್ಕೆ ಮಾಡಿ ಖುಷಿಯಿಂದ ಇರುವ ಕತೆಗಳು ಇಂದು ಸಾಮಾನ್ಯ. ಆದರೆ, ಇಲ್ಲೊಂದು ಇನ್ನೂ ಆಸಕ್ತಿಕರ ಕತೆ ಇದೆ. ಈ ಜೋಡಿ, ಸಮುದ್ರದಲ್ಲೇ ಜೀವಿಸುವ ಹೊಸ ಅಪರೂಪದ ಆಯ್ಕೆಯನ್ನೇ ತನ್ನ ಜೀವನವನ್ನಾಗಿ ಮಾಡಿಕೊಂಡು, ಪ್ರವಾಸದ ಸಾಧ್ಯತೆಗಳನ್ನು ಇನ್ನೂ ವಿಸ್ತರಿಸಿದೆ.

Travel Time

ಹೊಸ ಜೀವನಶೈಲಿ

ಅಮೆರಿಕದ ಮೋನಿಕಾ ಬ್ರೋಸ್ಕಾ ಹಾಗೂ ಆಕೆಯ ಪತಿ ಜೋರೆಲ್‌ ಕೋನ್‌ಲೇ ಎಂಬ ಜೋಡಿ, ಈ ಬಗೆಯ ಹೊಸ ಜೀವನಶೈಲಿಯನ್ನು ರೂಢಿಸಿಕೊಂಡಿದ್ದಾರೆ. ಇವರು ತಮ್ಮ ಏಕತಾನತೆಯ ಉದ್ಯೋಗವನ್ನು ಬಿಟ್ಟು ಸಮುದ್ರವನ್ನೇ ಮನೆಯನ್ನಾಗಿಸಿದ್ದಾರೆ. ಕ್ರೂಸ್‌ ಹಡಗಿನಲ್ಲೇ ತಮ್ಮ ಜೀವನ ನಿರ್ವಹಿಸುತ್ತಿದ್ದು ತಮ್ಮ ಕನಸನ್ನು ನನಸಾಗಿಸಿಕೊಂಡಿದ್ದಾರೆ.

ಐಷಾರಾಮಿ ಜೀವನ

ಇವರಿಬ್ಬರ ಜೀವನಶೈಲಿ ಬಹಳ ಐಷಾರಾಮಿ. ಪ್ರತಿದಿನವೂ ಹಡಗಿನಲ್ಲೇ ಈಜುಕೊಳದ ಬಳಿ ಆರಾಮವಾಗಿ ಕೂತು, ಈಜುತ್ತಾ, ಸ್ಪಾ ಮತ್ತಿತರ ಸೌಲಭ್ಯಗಳನ್ನು ಪಡೆಯುತ್ತಾರೆ! ಅಷ್ಟೇ ಅಲ್ಲ, ಹಲವು ತಿಂಗಳುಗಳಿಂದ ಈಕೆ ಕಿಚನ್‌ಗೆ ಹೋಗಿಲ್ಲವಂತೆ. ದಿನವೂ ಎದ್ದು ತನ್ನ ಮನೆಯಂತೆ ಇಲ್ಲಿ ಕಿಚನ್‌ಗೆ ಹೋಗಿ ಅಡುಗೆ ಮಾಡುವ ಕೆಲಸವಿಲ್ಲ. ಕ್ರೂಸ್‌ನ ಶೇಫ್‌ಗಳು ಅಡುಗೆ ಮಾಡಿ ಬಡಿಸುವಾಗ ಆ ಚಿಂತೆ ಯಾಕೆ ಎನ್ನುತ್ತಾರೆ ಮೋನಿಕಾ. ಬಟ್ಟೆ ತೊಳೆಯುವುದು, ಪಾತ್ರೆ ತೊಳೆಯುವುದು ಸೇರಿದಂತೆ, ಯಾವೊಂದು ಕೆಲಸವೂ ಇಲ್ಲದೆ, ದಿನ ಕಳೆಯುತ್ತಿದ್ದಾರೆ.

ಅಡುಗೆ ಕಾರ್ಯ

ಪ್ರತಿದಿನ ಅಡುಗೆ ಮಾಡಿ ಬಡಿಸುತ್ತಾರೆ, ಹಡಗಿನ ಕೆಲಸದ ಮಂದಿ ನನ್ನ ಬೆಡ್‌ನ ಬಟ್ಟೆಗಳನ್ನು ನಿತ್ಯವೂ ಬದಲಿಸಿಕೊಡುತ್ತಾರೆ. ಕ್ಯಾಬಿನ್‌ ಸ್ವಚ್ಛಗೊಳಿಸುತ್ತಾರೆ. ಅಡುಗೆಯೂ ಅವರೇ ಮಾಡಿ ಬಡಿಸುತ್ತಾರೆ, ಪಾತ್ರೆ ತೊಳೆಯುವುದು, ಬಟ್ಟೆ ಒಗೆಯುವುದು ಇತ್ಯಾದಿ ಕೆಲಸಗಳೂ ಇಲ್ಲ ಎಂದು ಹೇಳುವ ಈಕೆ, ಇದೊಂದು ಬಗೆಯ ವಿಚಿತ್ರ ಸ್ವಾತಂತ್ರ್ಯ ನೀಡುತ್ತಿದೆ. ಆದರೆ, ಹೊರ ಜಗತ್ತಿಗೆ ಐಷಾರಾಮಿಯಾಗಿ ಕಾಣುವ ಈ ಬಗೆಯ ಬದುಕಿನಲ್ಲೂ ಸಮಸ್ಯೆಗಳು, ಸವಾಲುಗಳು ಸಾಕಷ್ಟಿವೆ ಎನ್ನುತ್ತಾರೆ. ಕುಟುಂಬದಿಂದ ದೂರ ಇರುವಾಗ, ಆಗಾಗ ಕುಟುಂಬದ ನೆನಪು ಕಾಡುತ್ತದೆ. ಇವೆಲ್ಲ ಇದ್ದಾಗ್ಯೂ ಈ ಜೀವನದಲ್ಲಿ ಒಂದು ಬಗೆಯ ಖುಷಿಯಿದೆ ಎನ್ನುತ್ತಾರೆ ಅವರು.

ಹೇಗೆ ಸಾಧ್ಯ?

ಹಾಗಾದರೆ, ಇವೆಲ್ಲ ಸಾಧ್ಯವಾಗುವುದು ಹೇಗೆ? ಇಂತಹ ಜೀವನಕ್ಕೆ ದುಡ್ಡು ಹೇಗೆ ಎಂದರೆ, ಈ ಮೊದಲು ಟೀಚರ್‌ ಆಗಿ ಕೆಲಸ ಮಾಡಿ ಅದಕ್ಕೆ ವಿದಾಯ ಹೇಳಿ ಬಂದಿರುವ ಮೋನಿಕಾ ಹೇಳುತ್ತಾರೆ, ವಾರ್ಷಿಕವಾಗಿ ಹೀಗೆ ಕ್ರೂಸ್‌ನಲ್ಲಿರುವ ನಮ್ಮ ಜೀವನಶೈಲಿಗೆ ನಮಗೆ ಸುಮಾರು 10,000 ಡಾಲರ್‌ಗಳು ಖರ್ಚಾಗುತ್ತವೆ. ಕ್ರೂಸ್‌ನಿಂದ ಸಾಕಷ್ಟು ಡಿಸ್ಕೌಂಟ್‌ ಕೂಡ ಸಿಕ್ಕಿರುವುದರಿಂದ ವರ್ಕೌಟ್‌ ಆಗುತ್ತಿದೆ ಎನ್ನುತ್ತಾರೆ.

ಕೋವಿಡ್‌ ವೇಳೆ ಉಳಿತಾಯ

ಕೋವಿಡ್‌ ಸಮಯದಲ್ಲಿ ಕೆಲಸ ಮಾಡಿ ಉಳಿತಾಯ ಮಾಡಿದ ಹಣದಲ್ಲಿ ನಾವಿಬ್ಬರೂ ಎಂಟು ತಿಂಗಳ ಕ್ರೂಸ್‌ ಅನ್ನು ಬುಕ್‌ ಮಾಡಿದೆವು. ಇದ್ದುದರಲ್ಲಿ ಅತ್ಯಂತ ಕಡಿಮೆ ದರದ ಕ್ರೂಸ್‌ ಕ್ಯಾಬಿನ್‌ ಅನ್ನು ನಾವು ಆಯ್ಕೆ ಮಾಡಿಕೊಂಡೆವು. ಇದಕ್ಕೆ 9,989 ಡಾಲರ್‌ ನೀಡಿದ್ದೆವು ಎನ್ನುತ್ತಾರೆ.
ಅಷ್ಟೇ ಅಲ್ಲ, ಇವರ ಸ್ವಂತ ಮನೆಯನ್ನು ಬಾಡಿಗೆಗೆ ಕೊಟ್ಟು ಬಂದಿರುವ ಇವರು, ಹಡಗಿನಲ್ಲಿ ದಿನ ಕಳೆಯುವ ಮೂಲಕ ತಮ್ಮ ಕನಸನ್ನು ನನಸಾಗಿಸಿಕೊಳ್ಳುತ್ತಿದ್ದಾರೆ. ನಿತ್ಯವೂ ಅದ್ಭುತ ಜಾಗಗಳಿಗೆ ಪಯಣಿಸುತ್ತಾ, ಪ್ರವಾಸದ ಸುಖ, ಸಾಹಸ, ಇತ್ಯಾದಿಗಳೆಲ್ಲವನ್ನೂ ಅನುಭವಿಸುತ್ತಿದ್ದು, ಜೀವನದಲ್ಲಿ ಇಂತಹ ಅನುಭವಗಳು ಬೇಕು ಎನ್ನುತ್ತಾರೆ.

Continue Reading

ದಕ್ಷಿಣ ಕನ್ನಡ

Pilikula Zoo : ಪಿಲಿಕುಳ ಜೈವಿಕ ಉದ್ಯಾನವನದಿಂದ ತಪ್ಪಿಸಿಕೊಂಡ ಬೃಹತ್ ಕಾಳಿಂಗ‌ ಸರ್ಪ!

Mangaluru Pilikula Zoo: ಪಿಲಿಕುಳ ಜೈವಿಕ ಉದ್ಯಾನವನದಲ್ಲಿದ್ದ ಬೃಹತ್ ಕಾಳಿಂಗ‌ ಸರ್ಪವೊಂದು (King Cobra) ತಪ್ಪಿಸಿಕೊಂಡು ರಸ್ತೆ ದಾಟಿ ವಿಜ್ಞಾನ ಕೇಂದ್ರ ದತ್ತ ಸಾಗಿದ ಘಟನೆ ನಡೆದಿದೆ.

VISTARANEWS.COM


on

By

Pilikula Biological Park Cobra
Koo

ಮಂಗಳೂರು: ಮಂಗಳೂರಿನ ಪಿಲಿಕುಳ ಶಿವರಾಮ ಕಾರಂತ ಜೈವಿಕ ಉದ್ಯಾನವನದಿಂದ (Pilikula Zoo) ಬೃಹತ್ ಕಾಳಿಂಗ‌ ಸರ್ಪವೊಂದು (King Cobra) ತಪ್ಪಿಸಿಕೊಂಡಿದೆ. ಜೈವಿಕ ಉದ್ಯಾನವನದ ಟಿಕೆಟ್ ಕೌಂಟರ್ ಬಳಿ ಬಂದ ಕಾಳಿಂಗ‌ ಸರ್ಪವು ರಸ್ತೆ ದಾಟಿ ವಿಜ್ಞಾನ ಕೇಂದ್ರ ದತ್ತ ಸಾಗಿದೆ.

ಟಿಕೆಟ್‌ ಕೌಂಟರ್‌ ಬಳಿ ಬಂದ ಕಾಳಿಂಗ‌ ಸರ್ಪವನ್ನು ಕಂಡೊಡನೆ ಸಿಬ್ಬಂದಿ ಹಾಗೂ ಪ್ರವಾಸಕ್ಕೆ ಬಂದಿದ್ದ ಜನರು ಹೌಹಾರಿದರು. ಅಧಿಕಾರಿಗಳ ನಿರ್ಲಕ್ಷದಿಂದಲೇ ಕಾಳಿಂಗ ಸರ್ಪ ತಪ್ಪಿಸಿಕೊಂಡಿದೆ ಎಂಬ ಆರೋಪಗಳಿವೆ. ಸದ್ಯ ಕಾಳಿಂಗ‌ ಸರ್ಪ ಹಿಡಿಯಲು ಅಧಿಕಾರಿಗಳು ಮುಂದಾಗಿದ್ದಾರೆ.

ಇದನ್ನೂ ಓದಿ: Elephant Attack : ತೋಟಕ್ಕೆ ಹೋದ ಕಾರ್ಮಿಕನನ್ನು ಅಟ್ಟಾಡಿಸಿ ಕೊಂದ ಒಂಟಿ ಸಲಗ

ಕಾಳಿಂಗ ಸರ್ಪ ಸಂತಾನೋತ್ಪತ್ತಿಗೆ ಸೂಕ್ತ ವಾತಾವರಣ

ದೇಶದ ಪ್ರಮುಖ ಮೃಗಾಲಯಗಳಲ್ಲಿ ಒಂದಾಗಿರುವ ಪಿಲಿಕುಳ ಜೈವಿಕ ಉದ್ಯಾನವನವು 2004ರಲ್ಲಿ ಉದ್ಘಾಟನೆಗೊಂಡಿತ್ತು. ಪಿಲಿಕುಳ ಮೃಗಾಲಯ ಸೇರಿ ಪಿಲಿಕುಳದ ಜೈವಿಕ ಉದ್ಯಾನ, ಲೇಕ್‌ ಗಾರ್ಡನ್‌, ಸಂಸ್ಕೃತಿ ಗ್ರಾಮ ಹಾಗೂ ಗುತ್ತು ಮನೆ ಎಲ್ಲವೂ ಪ್ರವಾಸಿಗರ ಗಮನ ಸೆಳೆದಿದೆ.

ಪ್ರಾಣಿಗಳ ವಂಶಾಭಿವೃದ್ಧಿಯಲ್ಲಿ ದೇಶದ 17 ಮೃಗಾಲಯಗಳಲ್ಲಿ ಪಿಲಿಕುಳ ಮೃಗಾಲಯವು ಮೊದಲ ಸ್ಥಾನದಲ್ಲಿದೆ. ಪಿಲಿಕುಳ ಜೈವಿಕ‌ ಉದ್ಯಾನವನದಲ್ಲಿ 120ಕ್ಕೂ ಹೆಚ್ಚು ವಿವಿಧ ಪ್ರಾಣಿ-ಪಕ್ಷಿಗಳಿವೆ. ಇದರಲ್ಲಿ 40 ಪ್ರಾಣಿಪಕ್ಷಿಗಳು ಅಳಿವಿನಂಚಿನಲ್ಲಿರುವ ಜೀವಿಗಳಾಗಿವೆ. ಇತರ ಮೃಗಾಲಯಗಳಿಗೆ ಹೋಲಿಸಿದರೆ ಇಲ್ಲಿ ಹುಲಿ, ಚಿರತೆ, ಕಾಳಿಂಗ ಸರ್ಪಗಳ ಸಂತಾನಾಭಿವೃದ್ಧಿ ಹೆಚ್ಚಿನ ಸಂಖ್ಯೆಯಲ್ಲಿ ಆಗುತ್ತಿದೆ. ಅದರಲ್ಲಿಯೂ ಕಾಳಿಂಗ ಸರ್ಪದ ಸಂತಾನೋತ್ಪತ್ತಿ ಇಲ್ಲಿ ಮಾತ್ರ ಆಗುತ್ತಿದೆ. ಕಾಳಿಂಗ ಸರ್ಪವನ್ನು ವೈಜ್ಞಾನಿಕವಾಗಿ ಸಂತಾನೋತ್ಪತ್ತಿ ಮಾಡುತ್ತಿದ್ದು, ಈಗಾಗಲೇ 180 ಮರಿಗಳಾಗಿದೆ. ಹೆಚ್ಚುವರಿ ಕಾಳಿಂಗ ಮರಿಗಳನ್ನು ಕಾಡಿಗೆ ಬಿಡಲಾಗಿದೆ. ಸಂತಾನಾಭಿವೃದ್ಧಿ ಹೆಚ್ಚಲು ಪಿಲಿಕುಳದಲ್ಲಿರುವ ವಾತವರಣ, ಆರೈಕೆ ಮುಖ್ಯವಾಗಿದೆ. ಇಲ್ಲಿ ಅವುಗಳಿಗೆ ಕಾಡಿನಲ್ಲಿ ಇರುವ ವಾತವರಣ ನಿರ್ಮಾಣ ಮಾಡಲಾಗಿದೆ.

ಇತ್ತೀಚೆಗೆ ಅಳಿವಿನಂಚಿನಲ್ಲಿರುವ ತೋಳಗಳು ಪಿಲಿಕುಳ ಉದ್ಯಾನವನಕ್ಕೆ ಸೇರ್ಪಡೆಯಾಗಿತ್ತು. ಪ್ರಾಣಿ ವಿನಮಯ ಯೋಜನೆ ಮೂಲಕ ಆಂಧ್ರದ ವಿಶಾಖಪಟ್ಟಣದ ಮೃಗಾಲಯದಿಂದ ತರಿಸಲಾಗಿತ್ತು. ಹೊಸ ಜಗತ್ತಿನ ಮಂಗಗಳೆಂದು ಕರೆಯುವ ನಾಲ್ಕು ಜತೆ ಅಳಿಲು ಮಂಗವು ಇಲ್ಲಿವೆ. ಮಧ್ಯ ಹಾಗೂ ದಕ್ಷಿಣ ಅಮೆರಿಕಾದಲ್ಲಿ ಕಂಡು ಬರುವ ಚಿಕ್ಕ ಜಾತಿಯ ಮಂಗಗಳಾಗಿವೆ.

ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ

Continue Reading

ಪ್ರವಾಸ

Summer Travel Tips: ಬೇಸಿಗೆ ರಜೆಯಲ್ಲಿ ವಿದೇಶ ಪ್ರವಾಸ ಮಾಡಬೇಕೇ? ಇಲ್ಲಿವೆ ನೋಡಿ ಪರ್ಫೆಕ್ಟ್‌ ತಾಣಗಳು!

ಶಾಂತವಾದ, ತಂಪಾದ ವಿದೇಶೀ (Summer Travel Tips) ನೆಲದಲ್ಲೊಂದಿಷ್ಟು ದಿನ ಸುತ್ತು ಹಾಕಿ ಬರುವ ಆಸಕ್ತಿಯಿರುವ ಮಂದಿಗೆ ಟಾಪ್‌ ಐದು ಜಾಗಗಳು ಇಲ್ಲಿವೆ.

VISTARANEWS.COM


on

Summer Travel
Koo

ಬೇಸಿಗೆ ಬಂದಾಕ್ಷಣ (Summer Travel Tips) ಪ್ರವಾಸಗಳ ಸುಗ್ಗಿ. ಬೇಸಿಗೆಯಲ್ಲಿ ಬಿಸಿಲ ಝಳವನ್ನು ತಪ್ಪಿಸಿ, ನಿತ್ಯದ ಅದೇ ಜಂಜಾಟವನ್ನು ಮರೆತು ಒಂದಿಷ್ಟು ದಿನ ಎಲ್ಲಾದರೂ ಹೋಗಿ ಬರೋಣ ಎಂದು ಎಲ್ಲರಿಗೂ ಅನಿಸುವುದುಂಟು. ಮಕ್ಕಳು ಮರಿಗಳಿರುವ ಹೆತ್ತವರಿಗೆ ಬೇಸಿಗೆ ರಜೆಯಲ್ಲಿ ಎಲ್ಲಾದರೂ ಹೋಗಿ ಬರುವ ತವಕ. ಹೀಗೆ ಬಹುತೇಕ ಎಲ್ಲರೂ ಪ್ರವಾಸ ಬಯಸುವ ಕಾಲ ಎಂದರೆ ಅದು ಬೇಸಿಗೆ ಕಾಲ. ಇಂಥ ಬೇಸಿಗೆಯಲ್ಲಿ ವಿದೇಶೀ ಪ್ರವಾಸವೂ ಕೂಡ ಸಾಕಷ್ಟು ಮಂದಿಯ ಕನಸು. ಶಾಂತವಾದ, ತಂಪಾದ ವಿದೇಶೀ ನೆಲದಲ್ಲೊಂದಿಷ್ಟು ದಿನ ಸುತ್ತು ಹಾಕಿ ಬರುವ ಆಸಕ್ತಿಯಿರುವ ಮಂದಿಗೆ ಟಾಪ್‌ ಐದು ಜಾಗಗಳು ಇಲ್ಲಿವೆ. ಇವೆಲ್ಲವೂ ಬೇಸಿಗೆಯಲ್ಲಿ ಹೋಗಿ ಬರಬಹುದಾದ ಪರ್ಫೆಕ್ಟ್‌ ತಾಣಗಳು.

Zermatt, Switzerland

ಝರ್ಮಾಟ್‌, ಸ್ವಿಜರ್‌ಲ್ಯಾಂಡ್

ಝರ್ಮಾಟ್‌ ಎಂಬ ಪುಟ್ಟ ಪಟ್ಟಣ ಸ್ವಿಜರ್‌ಲ್ಯಾಂಡಿನ ಆಲ್ಫ್ಸ್‌ ಪರ್ವತ ಶ್ರೇಣಿಗಳ ಮಧ್ಯದಲ್ಲಿದೆ. ಹಾಗಾಗಿಯೇ ಈ ಪಟ್ಟಣ ಸ್ಕೀಯಿಂಗ್‌, ಚಾರಣ, ಕೇಬಲ್‌ ಕಾರ್‌ ಪಯಣ ಸೇರಿದಂತೆ ಹಲವು ಸಾಹಸಮಯ ಚಟುವಟಿಕೆಗಳಿಗೆ ಪ್ರಸಿದ್ಧ ತಾಣ. ಮನಮೋಹಕ ಹುಲ್ಲುಗಾವಲು, ಹಿಮಪರ್ವತ ಸಾಲು, ಪಟ್ಟಣದ ಜೀವನಕ್ರಮ, ಸುಮ್ಮನೆ ನಡೆಯಲು ಬೇಕಾದಷ್ಟು ಜಾಗ ಎಲ್ಲವೂ ಈ ಪಟ್ಟಣವನ್ನು ಪ್ರವಾಸಿಗರ ಕನಸಿನ ತಾಣವನ್ನಾಗಿಸಿದೆ. ಜೂನ್‌ ತಿಂಗಳಿಂದ ಸೆಪ್ಟೆಂಬರ್‌ ಇಲ್ಲಿಗೆ ಭೇಟಿ ಕೊಡಲು ಪ್ರಶಸ್ತ ಸಮಯ. ಝೂರಿಚ್‌ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಅಥವಾ ಜಿನೀವಾ ವಿಮಾನ ನಿಲ್ದಾಣದಿಂದ ಇಲ್ಲಿಗೆ ರೈಲಿನಲ್ಲಿ ಹೋಗಬಹುದು. ವೆಚ್ಚ (ಉಳಿದುಕೊಳ್ಳಲು ಹಾಗೂ ಊಟೋಪಚಾರ): ಸುಮಾರು 1.8 ಲಕ್ಷ ರೂಪಾಯಿಗಳು (ಒಂದು ವಾರದ ಪ್ರವಾಸಕ್ಕೆ)

Bali, Indonesia

ಬಾಲಿ, ಇಂಡೋನೇಷ್ಯಾ

ಹನಿಮೂನಿಗರ ಸ್ವರ್ಗ ಎಂದೇ ಪ್ರಸಿದ್ಧವಾಗಿರುವ ಬಾಲಿ ಬೇಸಿಗೆಯಲ್ಲಿ ಪಯಣಿಸಬಹುದಾದ ಅತ್ಯಂತ ಸುಂದರ ತಾಣ. ಇಂಡೋನೇಷ್ಯಾದ ಪ್ರಕೃತಿ ಸೌಂದರ್ಯ, ದೇವಾಲಯಗಳು, ಸಾಂಸ್ಕೃತಿ ಉತ್ಸವಗಳು ಎಲ್ಲವೂ ಪ್ರವಾಸಿಗರ ಕಣ್ಣಿಗೆ ಹಬ್ಬ. ಸಾವಿರಾರು ಮಂದಿ ಇಲ್ಲಿನ ಸ್ಪಾ ಟ್ರೀಟ್‌ಮೆಂಟ್‌ಗಳಿಗಾಗಿಯೂ ಬರುತ್ತಾರೆ. ಬಾಲಿ ಸಫಾರಿ, ಮರೈನ್‌ ಪಾರ್ಕ್‌ ಭೇಟಿ, ಬಗೆಬಗೆಯ ಜಲಕ್ರೀಡೆಗಳು ಇಲ್ಲಿನ ಪ್ರವಾಸದ ಪ್ರಮುಖ ಆಕರ್ಷಣೆಗಳು. ಮೇ ತಿಂಗಳಿಂದ ಜುಲೈವರೆಗೆ ಇಲ್ಲಿಗೆ ಭೇಟಿ ಕೊಡಲು ಸಕಾಲ. ಏಳು ದಿನದ ಪ್ರವಾಸದಲ್ಲಿ ಉಳಿದುಕೊಳ್ಳಲು ಹಾಗೂ ಊಟೋಪಚಾರಕ್ಕಾಗಿ ಒಬ್ಬರಿಗೆ ಸುಮಾರು ಕನಿಷ್ಟ 35,000 ರೂಪಾಯಿಗಳು ಖರ್ಚಾಗಬಹುದು.

Pokhara, Nepal

ಪೊಖಾರಾ, ನೇಪಾಳ

ನೇಪಾಳದ ಅದ್ಭುತ ಸೌಂದರ್ಯದ ಊರುಗಳಲ್ಲಿ ಪೊಖಾರಾ ಕೂಡಾ ಒಂದು. ಇಲ್ಲಿಂದ ಕಾಣುವ ಹಿಮಾಲಯದ ಸೌಂದರ್ಯವನ್ನು ಕಣ್ತುಂಬಿಕೊಳ್ಳಲು, ಬೌದ್ಧಸ್ತೂಪಗಳು, ದೇವಾಲಯಗಳು ಹೀಗೆ ನೇಪಾಳದ ಸಂಸ್ಕೃತಿಯನ್ನು ಕಾಣಲು ಪೊಖಾರಾ ಉತ್ತಮ ಜಾಗ. ಇಲ್ಲಿನ ಪ್ಯೂ ಸರೋವರದಲ್ಲಿ ಬೋಟಿಂಗ್, ಮಚುಪುಚರೇ ಶಿಖರ ದರ್ಶನ, ಝಿಪ್‌ ಲೈನಿಂಗ್‌, ಹಿಮಾಲಯದಲ್ಲಿ ಚಾರಣ, ಬಂಜೀ ಜಂಪಿಂಗ್ ಇತ್ಯಾದಿಗಳನ್ನೂ ಸಮಯವಿದ್ದರೆ ಮಾಡಬಹುದು. ಏಪ್ರಿಲ್‌ನಿಂದ ಜೂನ್‌ ತಿಂಗಳಲ್ಲಿ ಇಲ್ಲಿಗೆ ಭೇಟಿ ಕೊಡಬಹುದು.‌ ಒಬ್ಬರಿಗೆ ಏಳು ದಿನದ ಪ್ರವಾಸದಲ್ಲಿ ಉಳಿದುಕೊಳ್ಳಲು ಹಾಗೂ ಊಟೋಪಚಾರಕ್ಕಾಗಿ ಸುಮಾರು ಕನಿಷ್ಠ 10,000 ರೂಪಾಯಿಗಳು ಖರ್ಚಾಗಬಹುದು.

Hamburg, Germany

ಹ್ಯಾಂಬರ್ಗ್‌, ಜರ್ಮನಿ

ಜರ್ಮನಿಯ ಹ್ಯಾಂಬರ್ಗ್‌ ನಗರ ಪ್ರಸಿದ್ಧ ಬೇಸಿಗೆಯ ಪ್ರವಾಸೀ ತಾಣಗಳ ಪೈಕಿ ಒಂದಾಗಿದೆ. 19ನೇ ಶತಮಾನದಲ್ಲಿ ನಿರ್ಮಾಣವಾದ ಈ ನಗರದ ವಾಸ್ತುಶಿಲ್ಪ, ಬೀದಿಗಳು, ಸಂಸ್ಕೃತಿ ಎಲ್ಲವೂ ಕೂಡಾ ಹೊಸ ಪರಿಚಯವನ್ನೇ ಮಾಡಿಸುತ್ತದೆ. ಮುಖ್ಯವಾಗಿ ಇಲ್ಲಿನ ಬೀಯರ್‌ಗಳು, ಅವುಗಳನ್ನು ತಯಾರು ಮಾಡುವ ಮನೆಗಳು, ಉದ್ಯಮ ಎಲ್ಲವೂ ನೋಡಬೇಕಾದಂಥದ್ದೇ. ಏಳು ದಿನದ ಪ್ರವಾಸದಲ್ಲಿ ಉಳಿದುಕೊಳ್ಳಲು ಹಾಗೂ ಊಟೋಪಚಾರಕ್ಕಾಗಿ ಒಬ್ಬರಿಗೆ ಸುಮಾರು ಕನಿಷ್ಠ 52,000 ರೂಪಾಯಿಗಳು ಖರ್ಚಾಗಬಹುದು.

Whistler, Canada

ವಿಸ್ಲರ್‌, ಕೆನಡಾ

ಸಮುದ್ರ ತೀರದ ಈ ಪಟ್ಟಣ ಪ್ರಕೃತಿ ಸೌಂದರ್ಯವನ್ನು ಇಷ್ಟಪಡುವ ಮಂದಿಗೆ ಹೇಳಿ ಮಾಡಿಸಿದ ಪಟ್ಟಣ. ಬೆಟ್ಟಗುಡ್ಡಗಳಲ್ಲಿ ಚಾರಣ, ವನ್ಯಧಾಮಗಳಲ್ಲಿ ಸಫಾರಿ, ಕಲೆ ಸಂಸ್ಕೃತಿಗಳ ಪರಿಚಯ ಇತ್ಯಾದಿಗಳನ್ನು ನೋಡಿ ಅನುಭವಿಸಲು ಇಷ್ಟವಿರುವ ಮಂದಿ ಈ ಊರನ್ನು ತುಂಬಾ ಇಷ್ಟಪಡಬಹುದು. ಜೂನ್‌ನಿಂದ ಆಗಸ್ಟ್‌ ತಿಂಗಳ ಸಮಯ ಇಲ್ಲಿಗೆ ಭೇಟಿ ಕೊಡಲು ಅತ್ಯಂತ ಪ್ರಶಸ್ತ. ಒಂದು ಶಿಖರದಿಂದ ಇನ್ನೊಂದಕ್ಕೆ ಇರುವ ಗೊಂಡೋಲಾ ರೈಡ್‌, ಆರ್ಟ್‌ ಮ್ಯೂಸಿಯಂಗಳು, ಪುರಾತನ ಕಟ್ಟ್ಡಗಳ ಸೌಂದರ್ಯವನ್ನು ವೀಕ್ಷಿಸುತ್ತಾ ಇಲ್ಲಿ ಸಮಯ ಕಳೆಯಬಹುದು. ಏಳು ದಿನದ ಪ್ರವಾಸದಲ್ಲಿ ಉಳಿದುಕೊಳ್ಳಲು ಹಾಗೂ ಊಟೋಪಚಾರಕ್ಕಾಗಿ ಒಬ್ಬರಿಗೆ ಸುಮಾರು ಕನಿಷ್ಠ 60,000 ರೂಪಾಯಿಗಳು ಖರ್ಚಾಗಬಹುದು.

Continue Reading

ಪ್ರಮುಖ ಸುದ್ದಿ

Insurance Claim : ಕಾರಿಗೆ ಆಫ್ಟರ್ ಮಾರ್ಕೆಟ್​ ಆಕ್ಸೆಸರಿ ಹಾಕಿಸುತ್ತೀರಾ? ಗಾಡಿಗೇನಾದರೂ ಆದರೆ ಇನ್ಶುರೆನ್ಸ್​​ ಸಿಗುವುದಿಲ್ಲ!

Insurance Claim : ಕಾರುಗಳಿಗೆ ಆಫ್ಟರ್ ಮಾರ್ಕೆಟ್ ಆಕ್ಸೆಸರಿಗಳನ್ನು ಹಾಕಿ ತೊಂದರೆ ಆದರೆ ಅದಕ್ಕೆ ಉತ್ಪಾದಕರು ಹಾಗೂ ವಿಮಾ ಕಂಪನಿ ಹೊಣೆಗಾರಿಕೆ ವಹಿಸುವುದಿಲ್ಲ.

VISTARANEWS.COM


on

Thar Jeep
Koo

ಬೆಂಗಳೂರು: ಭಾರತದಲ್ಲಿ ವಾಹನಗಳಿಗೆ ಬೆಂಕಿ ಬೀಳುವ ಘಟನೆಗಳ ಸಾಮಾನ್ಯವಾಗುತ್ತಿವೆ. ಅದಕ್ಕೆ ನಾನಾ ಕಾರಣಗಳಿವೆ. ಎಲೆಕ್ಟ್ರಿಕ್ ವಾಹನಗಳಿಗೆ ಬೆಂಕಿ ಹೊತ್ತಿಕೊಂಡ ವರದಿಗಳನ್ನು ನಾವು ಹೆಚ್ಚಾಗಿ ನೋಡುವುದಾದರೂ ಪೆಟ್ರೋಲ್​ ವಾಹನಗಳೂ ಬೆಂಕಿಗೆ ಆಹುತಿಯಾದ ಸಾಕಷ್ಟು ಪ್ರಕರಣಗಳಿವೆ. ಬೆಂಕಿ ಬಿದ್ದಾಗ ಸಾಮಾನ್ಯವಾಗಿ ವಿಮಾ ಕಂಪನಿಗಳು ಅದಕ್ಕೆ ಪರಿಹಾರ ನೀಡುತ್ತವೆ. ಆದರೆ, ಹರಿಯಾಣದಲ್ಲಿ ವ್ಯತಿರಿಕ್ತ ಪ್ರಕರಣವೊಂದು ನಡೆದಿದೆ. ಅಲ್ಲಿ ಕೆಲವೇ ತಿಂಗಳುಗಳ ಹಳೆಯದಾದ ಮಹೀಂದ್ರಾ ಥಾರ್ ಬೆಂಕಿಗೆ ಆಹುತಿಯಾಗಿದೆ. ಅಚ್ಚರಿಯೆಂದರೆ ವಿಮಾ ಕಂಪನಿ (Insurance Claim) ಮತ್ತು ತಯಾರಕರು ಅವನ ನಷ್ಟಕ್ಕೆ ಪರಿಹಾರ ಒದಗಿಸಿಲ್ಲ. ಅದಕ್ಕೆ ಕಾರಣವೇನು ಗೊತ್ತೇ? ಅನಧಿಕೃತವಾಗಿ ಕಾರಿಗೆ ಆಕ್ಸೆಸರಿ ಅಳವಡಿಸಿರುವುದು.

ಘಟನೆಯನ್ನು ಪ್ರತೀಕ್ ಸಿಂಗ್ ಎಂಬುವರು ತಮ್ಮ ಯೂಟ್ಯೂಬ್ ಚಾನೆಲ್​ನಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ ಮಾಲೀಕರು 2023ರ ಡಿಸೆಂಬರ್​​ನಲ್ಲಿ ಮಹೀಂದ್ರಾ ಥಾರ್​ ಕಾರನ್ನು ಖರೀದಿಸಿದ್ದಾರೆ ಎಂದು ಹೇಳಲಾಗಿದೆ. ಕಾರನ್ನು ಸುಮಾರು 700 ಕಿ.ಮೀ ಓಡಿಸಿದ್ದರು ಮತ್ತು ಅದನ್ನು ಮೊದಲ ಸರ್ವಿಸ್​​ಗಾಗಿ ಶೋರೂಮ್​ಗೆ ಇಟ್ಟಿದ್ದರು. ಕಾರನ್ನು ಬಿಡುವಾಗ, 50-60 ಕಿ.ಮೀ.ಗಿಂತ ಹೆಚ್ಚು ದೂರ ಓಡಿಸಿದ ನಂತರ ಕಾರನ್ನು ನಿಲ್ಲಿಸಿದಾಗಲೆಲ್ಲಾ ಕ್ಯಾಬಿನ್ ಒಳಗೆ ಸುಟ್ಟ ವಾಸನೆ ಬರುತ್ತಿದೆ ಎಂದು ಸಿಬ್ಬಂದಿಗೆ ತಿಳಿಸಿದ್ದರು.

ಸರ್ವಿಸ್​ನಿಂದ ಕಾರನ್ನು ವಾಪಸ್​​ ತೆಗೆದುಕೊಳ್ಳಲು ಹಿಂತಿರುಗಿದಾಗ, ಅಲ್ಲಿನ ಸಿಬ್ಬಂದಿ ಸಮಸ್ಯೆಯನ್ನು ಪರಿಹರಿಸಲಾಗಿದೆ ಚಿಂತಿಸಬೇಕಾಗಿಲ್ಲ ಎಂದು ಹೇಳಿದ್ದರು. ಅಲ್ಲದೆ, ಸುಟ್ಟ ವಾಸನೆ ಹೊಸ ಕಾರುಗಳಲ್ಲಿ ಸಾಮಾನ್ಯ ಎಂದೂ ನಂಬಿಸಿದ್ದರು. ಮಾಲೀಕರು ತಂತ್ರಜ್ಞರ ಮಾತನ್ನು ನಂಬಿ ಕಾರು ವಾಪಸ್​ ತೆಗೆದುಕೊಂಡು ಹೋಗಿದ್ದರು.

ಕೆಲವು ದಿನಗಳ ಬಳಿಕ ಮಾಲೀಕರು ತಮ್ಮ ಕುಟುಂಬದೊಂದಿಗೆ ತಮ್ಮ ಮನೆಯಿಂದ 200 ಕಿ.ಮೀ ದೂರದಲ್ಲಿ ನಡೆದ ಮದುವೆಯಲ್ಲಿ ಭಾಗವಹಿಸಲು ಹೋಗಿದ್ದರು. ಅಲ್ಲಿ ಕಾರು ಪಾರ್ಕ್ ಮಾಡುವಾಗ ಕಾರಿನೊಳಗೆ ಸುಟ್ಟ ವಾಸನೆ ಜೋರಾಗಿತ್ತು. ಸರ್ವಿಸ್​ ಸಿಬ್ಬಂದಿ ಮಾತು ಕೇಳಿ ವಾಸನೆಯನ್ನು ನಿರ್ಲಕ್ಷಿಸಿ ಹೊರಟಿದ್ದರು. ಅವರು ಹೊರಬಂದ ಕೆಲವು ನಿಮಿಷಗಳ ನಂತರ ಥಾರ್ ಗೆ ಬೆಂಕಿ ಹೊತ್ತಿಕೊಂಡು ಸಂಪೂರ್ಣವಾಗಿ ಭಸ್ಮವಾಗಿತ್ತು.

ಇದನ್ನೂ ಓದಿ : Tata Motors : ಸನಂದ್ ಘಟಕದಲ್ಲಿ 10 ಲಕ್ಷ ಕಾರು ಉತ್ಪಾದಿಸಿದ ಟಾಟಾ ಮೋಟಾರ್ಸ್

ಸ್ಥಳೀಯರು ಬೆಂಕಿ ನಂದಿಸಲು ಪ್ರಯತ್ನಿಸಿದರೂ ಪ್ರಯೋಜನವಾಗಲಿಲ್ಲ. ಅಗ್ನಿಶಾಮಕ ದಳ ಸ್ಥಳಕ್ಕೆ ತಲುಪುವಷ್ಟರಲ್ಲಿ ಕಾರು ಸಂಪೂರ್ಣವಾಗಿ ಸುಟ್ಟು ಕರಕಲಾಗಿತ್ತು. ಮಾಲೀಕರು ಘಟನೆಯ ಬಗ್ಗೆ ವಿಮೆ ಮತ್ತು ಡೀಲರ್ ಇಬ್ಬರಿಗೂ ಮಾಹಿತಿ ನೀಡಿದ್ದರು. ವಿಮಾ ಕಂಪನಿಯು ತನಿಖೆ ನಡೆಸಲು ಕಾರ್ಯನಿರ್ವಾಹಕರನ್ನು ಕಳುಹಿಸಿತು ಮತ್ತು ಉತ್ಪಾದನಾ ದೋಷದಿಂದಾಗಿ ಕಾರಿಗೆ ಬೆಂಕಿ ಹೊತ್ತಿಕೊಂಡಿದ್ದರಿಂದ ಡೀಲರ್ ಜೊತೆ ಹೋಗಿ ಮಾತನಾಡಬೇಕೆಂದು ಮಾಲೀಕರಿಗೆ ತಿಳಿಸಿತು. ಅಂತೆಯೇ ಅವರು ಶೋರೂಮ್​ಗೆ ಮಾಹಿತಿ ನೀಡಿದ್ದರು. ಈ ವೇಳೆ ಅವರಿಗೆ ಆಘಾತ ಎದುರಾಯಿತು.

ಕುತ್ತು ತಂದ ರಿಯರ್​ ಕ್ಯಾಮೆರಾ

ಈ ಕಾರಿನಲ್ಲಿ ಆಫ್ಟರ್ ಮಾರ್ಕೆಟ್ ರಿಯರ್ ಪಾರ್ಕಿಂಗ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ ಎಂದು ಶೋ ರೂಮ್ ಸಿಬ್ಬಂದಿ ಹೇಳಿದ್ದಾರೆ. ಕಾರಿನಲ್ಲಿ ಬಾಹ್ಯ ಫಿಟ್ಮೆಂಟ್ ಕಂಡುಬಂದಿದ್ದರಿಂದ ಕ್ಲೈಮ್ ಅನ್ನು ತಿರಸ್ಕರಿಸಿದ್ದಾರೆ. ಈ ಮೂಲಕ ವಿಮೆ ಹಾಗೂ ಮಹೀಂದ್ರಾ ಕಂಪನಿ ಎರಡೂ ಸಮಸ್ಯೆಯಿಂದ ನುಣಚಿಕೊಂಡಿದೆ. ಆದರೆ, ಕ್ಯಾಮೆರಾವನ್ನು ಅಳವಡಿಸಿರುವುದು ಡೀಲರ್​ಶಿಪ್​ ಕಡೆಯಿಂದ ಎಂಬುದಾಗಿ ಥಾರ್ ಮಾಲೀಕರು ಹೇಳಿಕೊಂಡಿದ್ದಾರೆ. ಅಲ್ಲದೆ ಸೋಶಿಯಲ್​ ಮೀಡಿಯಾಗಳಲ್ಲಿ ಬೆಂಕಿ ಬಿದ್ದ ಸುದ್ದಿಯಾದ ಬಳಿಕ ಅವರು ಬಾಹ್ಯ ದೋಷದಿಂದ ಘಟನೆ ಸಂಭವಿಸಿದೆ ಎಂದು ವರದಿ ನೀಡಿದೆ.

ತಯಾರಕರು ಮತ್ತು ವಿಮಾ ಕಂಪನಿ ಎರಡೂ ಅವನಿಗೆ ಯಾವುದೇ ಪರಿಹಾರವನ್ನು ನೀಡುತ್ತಿಲ್ಲ. ಹೀಗಾಗಿ ಕಾರಿ ಮಾಲೀಕರಲ್ಲಿ ಈಗ ಸುಟ್ಟ ಕಾರು ಹೊರತುಪಡಿಸಿ ಬೇರೇನೂ ಇಲ್ಲ. ಮಾಲೀಕರು ಅಸ್ತಿತ್ವದಲ್ಲಿಲ್ಲದ ಕಾರಿಗೆ ಇಎಂಐ ಪಾವತಿ ಮಾಡಬೇಕಾಗುತ್ತದೆ.

ತಯಾರಕರು ಶೀಘ್ರದಲ್ಲೇ ಪರಿಹಾರದೊಂದಿಗೆ ಬರುತ್ತಾರೆ ಮತ್ತು ಈ ಸಮಸ್ಯೆಯನ್ನು ಪರಿಹರಿಸುತ್ತಾರೆ ಎಂದು ನಾವು ನಿಜವಾಗಿಯೂ ಭಾವಿಸುತ್ತೇವೆ. ಸುಟ್ಟ ವಾಸನೆ ಬಗ್ಗೆ ಹೇಳಿದಾಗ ಸರ್ವಿಸ್ ಸ್ಟೇಷನ್​ ಸಿಬ್ಬಂದಿ ಪ್ರತಿಕ್ರಿಯಿಸಿರಲಿಲ್ಲ. ಅವರು ಕೆಲಸ ಮಾಡಿದ್ದರೆ ಸಮಸ್ಯೆ ಆಗುತ್ತಿಲ್ಲ ಎಂದು ಕಾರಿನ ಮಾಲೀಕರು ಹೇಳಿದ್ದಾರೆ.

Continue Reading
Advertisement
Lok Sabha Election 2024
ಕರ್ನಾಟಕ4 mins ago

Lok Sabha Election 2024: ಅನುಮಾನ ಬೇಡ, ಮೋದಿ ಮತ್ತೊಮ್ಮೆ ಪ್ರಧಾನಿಯಾಗ್ತಾರೆ: ಸಾಹಿತಿ ಎಸ್.ಎಲ್. ಭೈರಪ್ಪ

Summer Nail Colours Trend
ಫ್ಯಾಷನ್26 mins ago

Summer Nail Colours Trend: ಸಮ್ಮರ್‌ ಸೀಸನ್‌ನಲ್ಲಿ ಬದಲಾಯ್ತು ನೇಲ್‌ ಕಲರ್ಸ್‌ ಟ್ರೆಂಡ್‌

Lok Sabha Election 2024 and BJP files complaint with Election Commission against Yathindra for calling Amit Shah a rowdy and also CM Siddaramaiah in this Photo
Lok Sabha Election 202431 mins ago

Lok Sabha Election 2024: ಅಮಿತ್‌ ಶಾ ರೌಡಿ ಎಂದಿದ್ದ ಯತೀಂದ್ರ ವಿರುದ್ಧ ಚುನಾವಣಾ ಆಯೋಗಕ್ಕೆ ಬಿಜೆಪಿ ದೂರು

Board Exam
ಬೆಂಗಳೂರು35 mins ago

Board Exams: ಬೋರ್ಡ್‌ ಎಕ್ಸಾಂ ವ್ಯಾಲ್ಯುವೇಶನ್‌; 3 ದಿನದ ಗಡುವು ಆದೇಶ ವಾಪಸ್‌

income Tax - how to save tax
ಪ್ರಮುಖ ಸುದ್ದಿ46 mins ago

Income Tax : ತೆರಿಗೆ ಉಳಿತಾಯ ಮಾಡಲು ಇನ್ನೆರಡೇ ದಿನ ಅವಕಾಶ, ಏನೇನು ಮಾಡಬಹುದು ಇನ್ನು?

Utthana Essay Competition 2023
ಕರ್ನಾಟಕ1 hour ago

Utthana Essay Competition 2023: ಉತ್ಥಾನ ರಾಜ್ಯ ಮಟ್ಟದ ಪ್ರಬಂಧ ಸ್ಪರ್ಧೆಯಲ್ಲಿ ಬೆಂಗಳೂರಿನ ಕಾವ್ಯಜೋಗಿ ಪ್ರಥಮ

Lok Sabha Election 2024 R Ashok attack on Yathindra Siddaramaiah for he says Amit Shah is Rowdy and goonda
Lok Sabha Election 20241 hour ago

Lok Sabha Election 2024: ಸಿದ್ದರಾಮಯ್ಯ ಗೂಂಡಾ ಗುರು; ಯತೀಂದ್ರ ಜೈಲಿಗೆ ಹೋಗ್ತಾರೆ: ಆರ್.‌ ಅಶೋಕ್‌ ಕೆಂಡ

Kodagu University
ಕೊಡಗು1 hour ago

Kodagu University : ಉದ್ಯೋಗ ಸೃಷ್ಟಿ ಜತೆಗೆ ಗುಣಮಟ್ಟದ ಶಿಕ್ಷಣಕ್ಕೆ ಒತ್ತು: ಪ್ರೊ.ಅಶೋಕ್ ಸಂಗಪ್ಪ

Alia Bhatt wore diamond jewellery
ಸಿನಿಮಾ1 hour ago

Alia Bhatt: ಲಂಡನ್‌ ʻಹೋಪ್ ಗಾಲಾʼದಲ್ಲಿ ಆಲಿಯಾ ಭಟ್‌ ಧರಿಸಿದ ವಜ್ರದ ನೆಕ್ಲೇಸ್ ಬೆಲೆ ಎಷ್ಟು?

Heat Stroke
ಆರೋಗ್ಯ1 hour ago

Heat Stroke: ನೀರು ಕುಡಿದು ತಂಪಾಗಿರಿ, ಹೀಟ್‌ ಸ್ಟ್ರೋಕ್‌ ತಪ್ಪಿಸಿಕೊಳ್ಳಿ

Sharmitha Gowda in bikini
ಕಿರುತೆರೆ6 months ago

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials
ಕಿರುತೆರೆ6 months ago

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Bigg Boss- Saregamapa 20 average TRP
ಕಿರುತೆರೆ5 months ago

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

galipata neetu
ಕಿರುತೆರೆ4 months ago

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials
ಕಿರುತೆರೆ6 months ago

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials
ಕಿರುತೆರೆ6 months ago

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Bigg Boss' dominates TRP; Sita Rama fell to the sixth position
ಕಿರುತೆರೆ5 months ago

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

geetha serial Dhanush gowda engagement
ಕಿರುತೆರೆ3 months ago

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

varun
ಕಿರುತೆರೆ4 months ago

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials
ಕಿರುತೆರೆ7 months ago

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Dina Bhavishya
ಭವಿಷ್ಯ13 hours ago

Dina Bhavishya : ಗೌಪ್ಯ ವಿಷಯಗಳು ಬಹಿರಂಗವಾಗದಿರಲಿ; ಈ ರಾಶಿಯವರು ಎಚ್ಚರಿಕೆ ವಹಿಸಿ

Lok Sabha Election 2024 DK Brothers hold roadshow in Ramanagara and DK Suresh file nomination
Lok Sabha Election 20241 day ago

Lok Sabha Election 2024: ರಾಮನಗರದಲ್ಲಿ ಡಿಕೆ ಬ್ರದರ್ಸ್‌ ಶಕ್ತಿ ಪ್ರದರ್ಶನ, ರೋಡ್‌ ಶೋ ಮಾಡಿ ನಾಮಪತ್ರ ಸಲ್ಲಿಸಿದ ಡಿಕೆಸು

Lok Sabha Election 2024 personal prestige will not be allowed DK Shivakumar warns Kolar leaders
Lok Sabha Election 20241 day ago

Lok Sabha Election 2024: ಯಾರ ವೈಯಕ್ತಿಕ ಪ್ರತಿಷ್ಠೆಗೂ ಅವಕಾಶ ನೀಡಲ್ಲ; ಕೋಲಾರ ನಾಯಕರಿಗೆ ಡಿಕೆಶಿ ಖಡಕ್‌ ಎಚ್ಚರಿಕೆ

dina bhavishya read your daily horoscope predictions for March 28 2024
ಭವಿಷ್ಯ2 days ago

Dina Bhavishya : ಇಂದು ಈ ರಾಶಿಯವರಿಗೆ ಒತ್ತಡ ಹೆಚ್ಚು; ಜಾಗ್ರತೆ ವಹಿಸುವುದು ಉತ್ತಮ!

R Ashok Pressmeet and attack on CM Siddaramaiah Congress Government
Lok Sabha Election 20242 days ago

Lok Sabha Election 2024: ಬೈ ಬೈ ಬೆಂಗಳೂರು ಎನ್ನುತ್ತಿರುವ ಜನ; ಸರ್ಕಾರದ ವಿರುದ್ಧ ಹರಿಹಾಯ್ದ ಆರ್.‌ ಅಶೋಕ್

Tejaswini Gowda resigns from BJP Council Impact on BJP
Lok Sabha Election 20242 days ago

Tejaswini Gowda: ಬಿಜೆಪಿ ಪರಿಷತ್‌ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟ ತೇಜಸ್ವಿನಿ ಗೌಡ! ಬಿಜೆಪಿಗೆ ಎಫೆಕ್ಟ್?

Lok Sabha Election 2024 Gokarna priest shalls to make DK Shivakumar CM Whats wrong says Shivakumar
Lok Sabha Election 20242 days ago

Lok Sabha Election 2024: ಡಿಕೆಶಿ ಸಿಎಂ ಆಗಲಿ ಎಂದು ಗೋಕರ್ಣ ಅರ್ಚಕರಿಂದ ಸಂಕಲ್ಪ; ತಪ್ಪೇನು ಎಂದ ಶಿವಕುಮಾರ್

Dina Bhavishya
ಭವಿಷ್ಯ3 days ago

Dina Bhavishya : ಉತ್ಸಾಹದಲ್ಲಿ ಆಶ್ವಾಸನೆ ಕೊಟ್ಟು ಅಪಾಯದ ಸುಳಿಗೆ ಸಿಲುಕಬೇಡಿ

BBMP marshals harass street vendors in Jayanagar
ಬೆಂಗಳೂರು3 days ago

BBMP Marshals : ಜಯನಗರದ ಬೀದಿಯಲ್ಲಿ ಬ್ಯಾಗ್‌ ಮಾರುತ್ತಿದ್ದ ವೃದ್ಧನ ಮೇಲೆ ದರ್ಪ ಮೆರೆದ ಮಾರ್ಷಲ್ಸ್‌

Dina Bhavishya
ಭವಿಷ್ಯ4 days ago

Dina Bhavishya : ಆಪ್ತರ ವರ್ತನೆಯು ಈ ರಾಶಿಯವರ ಮನಸ್ಸಿಗೆ ನೋವು ತರಲಿದೆ

ಟ್ರೆಂಡಿಂಗ್‌