-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸದಾ ಟ್ರೆಡಿಷನಲ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದ ನಟಿ ಚೈತ್ರಾ ಆಚಾರ್‌ (Chaitra Achar), ಈ ಬಿರು ಬಿಸಿಲಿನಲ್ಲಿ, ಪಾರದರ್ಶಕ ನಿಟ್‌ವೇರ್‌ ಧರಿಸಿ ಬಿಂದಾಸ್‌ ಆಗಿ ಕಾಣಿಸಿಕೊಂಡು, ನೋಡುಗರ ಹುಬ್ಬೇರಿಸಿದ್ದಾರೆ.

ಪ್ರಯೋಗಾತ್ಮಕ ಹಾಟ್‌ ಲುಕ್‌

“ಬಿಸಿಲು ಕಾಲದಲ್ಲಿ ತಾರೆಯರು ನಾನಾ ಬಗೆಯ ಸಮ್ಮರ್‌ವೇರ್‌ ಧರಿಸುವುದು ಸಾಮಾನ್ಯ. ಇದರೊಂದಿಗೆ ಟ್ರೆಂಡ್‌ ಸೆಟ್‌ ಮಾಡುವುದರೊಂದಿಗೆ ಸೀಸನ್‌ಗೆ ತಕ್ಕಂತೆ ಕಾಣಿಸಿಕೊಳ್ಳುತ್ತಾರೆ. ಇನ್ನು ಕೆಲವು ನಟಿಯರು, ಒಂದು ಹೆಜ್ಜೆ ಮುಂದೆ ಇಡುತ್ತಾರೆ. ಸೀಸನ್‌ನಲ್ಲಿ ಟ್ರೆಂಡಿಯಾಗಿರದ ಉಡುಪುಗಳನ್ನು ಚಿತ್ರ-ವಿಚಿತ್ರವಾಗಿ ಧರಿಸಿ, ನೋಡುಗರನ್ನು ಸೆಳೆಯುತ್ತಾರೆ. ಇದಕ್ಕೆ ಸೋಷಿಯಲ್‌ ಮೀಡಿಯಾ ಕೂಡ ಸಾಥ್‌ ನೀಡುತ್ತದೆ. ಈ ನಿಟ್ಟಿನಲ್ಲಿ ಇದೀಗ ಸ್ಯಾಂಡಲ್‌ವುಡ್‌ ನಟಿ ಚೈತ್ರಾ ಆಚಾರ್‌ ಸರದಿ. ಮೊದಲಿನಿಂದಲೂ ಬಹುತೇಕ ಟ್ರೆಡಿಷನಲ್‌ ಹಾಗೂ ಕೂಲ್‌ ಔಟ್‌ಫಿಟ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಅವರು, ಇದ್ದಕ್ಕಿಂದ್ದಂತೆ ಪಾರದರ್ಶಕ ನಿಟ್ಟೆಡ್‌ವೇರ್‌ ಧರಿಸಿದ್ದಾರೆ. ಎಲ್ಲದಕ್ಕಿಂತ ಹುಬ್ಬೇರಿಸುವ ವಿಚಾರವೆಂದರೇ, ಅವರು ಈ ನಿಟ್ಟೇಡ್‌ವೇರ್‌ನೊಳಗೆ ಧರಿಸಿರುವ ಇನ್ನರ್‌ವೇರ್ಸ್‌ ಹೈ ಲೈಟಾಗಿರುವುದು. ಇದು ಬೇಕಂತಲೇ ಮಾಡಿರುವ ಸ್ಟೈಲಿಂಗ್‌. ಸಮ್ಮರ್‌ ಸ್ಟೈಲಿಂಗ್‌ ಎನ್ನಲು ಸಾಧ್ಯವಿಲ್ಲ! ಯಾಕೆಂದರೇ, ಅವರು ಧರಿಸಿರುವ ಟ್ರಾನ್ಸಪರೆಂಟ್‌ ಫುಲ್‌ಓವರ್ನಂತಹ ನಿಟ್ಟೆಡ್‌ವೇರ್‌ ಈ ಸೀಸನ್‌ನ ಔಟ್‌ಫಿಟ್‌ ಅಲ್ಲವೇ ಅಲ್ಲ. ಹಾಗಾಗಿ ಇದೊಂದು ಪ್ರಯೋಗಾತ್ಮಕ ಸ್ಟೈಲಿಂಗ್‌” ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರಾದ ವಿದ್ಯಾ. ಅವರ ಪ್ರಕಾರ, ಇದೊಂದು ಮಿಕ್ಸ್‌ ಮ್ಯಾಚ್‌ ಇಂಡಿಪೆಂಟೆಂಡ್‌ ಸ್ಟೈಲಿಂಗ್‌. ಇದಕ್ಕಾಗಿ ಏನೂ ವೆಚ್ಚ ಮಾಡದೇ ಬಿಂಬಿಸಿಕೊಂಡಿರುವ ಲುಕ್‌ ಎನ್ನುತ್ತಾರೆ.

ಏನಿದು ನಿಟ್ಟೆಡ್‌ವೇರ್‌ ಮೆಶ್‌ ಲುಕ್‌

ಮೆಶ್‌ ಲುಕ್‌ ಎಂದರೇ, ಪಾರದರ್ಶಕ ಉಡುಪಿನ ಲುಕ್‌. ಇದು ಯಾವುದೇ ಜಾಲರಿಯಂತಹ ಉಡುಪು ಧರಿಸಿದಾಗ ಹೇಳಲಾಗುತ್ತದೆ. ಅದು ಕೀ ಹೋಲ್‌, ಲೇಸ್‌ ಕಟೌಟ್‌ ಸೇರಿದಂತೆ ಜಾಲರಿಯಂತಹ ಯಾವುದೇ ಉಡುಪಾಗಬಹುದು. ನಿಟ್ಟೆಡ್ವೇರ್‌ ಎಂದಾಗ ಎಲ್ಲರಿಗೂ ತೋಚುವುದು ಚಳಿಗಾಲದಲ್ಲಿ ಧರಿಸುವ ಪುಲ್‌ಓವರ್‌ನಂತ ಸ್ವೆಟರ್ಗಳು. ಉಡುಪಿನ ಮೇಲೆ ಧರಿಸುವ ಉಲ್ಲನ್‌ನಿಂದ ಸಿದ್ಧಪಡಿಸಲಾದ ತೆಳುವಾದ ಮೇಲುಡುಗೆಗಳಿವು. ಇದೀಗ ಇದನ್ನೇ ನಟಿ ಚೈತ್ರಾ ಆಚಾರ್‌ ತಮ್ಮ ಸ್ಟೈಲಿಂಗ್‌ನಲ್ಲಿ ಸೇರಿಸಿಕೊಂಡು, ಇನ್ನರ್‌ವೇರ್‌ ಮೇಲೆ ಧರಿಸಿ, ಹಾಟ್‌ ಲುಕ್‌ಗೆ ನಾಂದಿ ಹಾಡಿದ್ದಾರೆ.

ಯಾರಿದು ಚೈತ್ರಾ ಆಚಾರ್‌

ಮಾಹಿರಾ ಚಿತ್ರದ ಮೂಲಕ ನಟನೆಗೆ ಕಾಲಿಟ್ಟ ಚೈತ್ರಾ ಆಚಾರ್‌, ಸಪ್ತ ಸಾಗರಾದಾಚೆ, ಬ್ಲಿಂಕ್‌, ಉತ್ತರಾಕಾಂಡ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದ್ದು, ಇವರು ಗಾಯಕಿ ಕೂಡ.

ಚೈತ್ರಾ ಹಾಟ್‌ ಲುಕ್‌

ಸದಾ ಒಂದಲ್ಲ ಒಂದು ಲುಕ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಚೈತ್ರಾ ಆಚಾರ್‌ರ ಈ ಹೊಸ ಪ್ರಯೋಗಾತ್ಮಕ ಹಾಟ್‌ ಲುಕ್‌, ಪ್ರಯೋಗಾತ್ಮಕ ಬಿಂದಾಸ್‌ ಸ್ಟೈಲಿಂಗ್‌ಗೆ ಸೇರಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Saree Fashion: ಸೀರೆಯ ಹೊಸ ಟ್ರೆಂಡ್‌ ಬಗ್ಗೆ ರ‍್ಯಾಪರ್‌ ಇಶಾನಿಯ ವ್ಯಾಖ್ಯಾನ ಇದು!

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕನ್ನಡ ರ‍್ಯಾಪರ್‌, ಬಿಗ್‌ ಬಾಸ್‌ ಕಂಟೆಸ್ಟಂಟ್‌ ಇಶಾನಿ ವಿಭಿನ್ನ ಡಿಸೈನರ್‌ ರಫಲ್‌ ಸೀರೆಯಲ್ಲಿ (Saree Fashion) ಆಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿರುವ ಈ ಶೈಲಿಯ ಸೀರೆ ಯುವತಿಯರನ್ನು ಮಾತ್ರವಲ್ಲ, ಎಲ್ಲಾ ವರ್ಗದ ಮಹಿಳೆಯರನ್ನು ಕೂಡ ಸೆಳೆದಿದೆ.

ಇಶಾನಿ ನೆವಿ ಬ್ಲ್ಯೂ ರಫಲ್‌ ಸೀರೆ ಪ್ರೇಮ

ಬಿಗ್‌ಬಾಸ್‌ 10ರಲ್ಲಿ ಪಾಲ್ಗೊಂಡಿದ್ದ ಇಶಾನಿ, ತಮ್ಮ ಕನ್ನಡ ರ‍್ಯಾಪರ್‌ ಹಾಡುಗಳ ಮೂಲಕ ನಾಡಿಗೆ ಚಿರಪರಿಚಿತರು. ಇದರೊಂದಿಗೆ ಇದೀಗ ಮತ್ತೊಂದು ಕಾಮಿಡಿ ರಿಯಾಲಿಟಿ ಶೋ ಮೂಲಕ ತೆರೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಕನ್ನಡ ಭಾಷೆಯನ್ನು ಡಿಫರೆಂಟಾಗಿ ಮಾತನಾಡುವ ಇವರು, ತಮ್ಮ ಕ್ರಿಯೇಟಿವ್‌ ಕನ್ನಡ ಹಾಡುಗಳ ಆಲ್ಬಂ ಮೂಲಕ ಆಗಾಗ್ಗೆ ಅಭಿಮಾನಿಗಳನ್ನು ಸೆಳೆಯುತ್ತಿರುತ್ತಾರೆ. ಇವುಗಳೆಲ್ಲದರ ಮಧ್ಯೆ ನಾನಾ ಫೋಟೋಶೂಟ್‌ಗಳ ಮೂಲಕ ಕಾಣಿಸಿಕೊಳ್ಳುತ್ತಿರುತ್ತಾರೆ. ಇದಕ್ಕೆ ಪೂರಕ ಎಂಬಂತೆ, ಇದೀಗ ವಿಭಿನ್ನ ಡಿಸೈನರ್‌ವೇರ್‌ ನೆವಿ ಬ್ಲ್ಯೂ ಶೇಡ್‌ನ ಈ ರಫಲ್‌ ಸೀರೆಯಲ್ಲಿ ಮಿಂಚಿದ್ದಾರೆ. ಇಶಾನಿ ಉಟ್ಟಿರುವ ಈ ನೀಲಿ ಸೀರೆ, ರಫಲ್‌ ಸೀರೆಯಾಗಿದ್ದು, ಅದಕ್ಕೆ ಅವರು ಧರಿಸಿರುವ ಸ್ಟೋನ್‌ನಿಂದ ಸಿಂಗಾರಗೊಂಡಿರುವ ಡಿಸೈನರ್‌ ಸ್ಲಿವ್‌ಲೆಸ್‌ ಬ್ಲೌಸ್‌ ಅವರನ್ನು ಮತ್ತಷ್ಟು ಮನಮೋಹಕವಾಗಿ ಬಿಂಬಿಸಿದೆ. ಒಟ್ಟಿನಲ್ಲಿ, ಇಶಾನಿಯ ಈ ಸೀರೆಯಲ್ಲಿನ ಲುಕ್‌ ಸೀರೆ ಪ್ರಿಯರನ್ನು ಬರಸೆಳೆದಿದೆ ಎನ್ನಬಹುದು.

ಇಶಾನಿ ಸೀರೆ ಫ್ಯಾಷನ್‌ ಟಾಕ್‌

“ನನಗಂತೂ ಈ ರಫಲ್‌ ಸೀರೆ ಉಟ್ಟಾಗ ಉಲ್ಲಾಸ ಹೆಚ್ಚಾಯಿತು. ಸಾಮಾನ್ಯ ಸೀರೆಗಿಂತ ವಿಭಿನ್ನವಾಗಿ ಕಾಣಿಸಿಕೊಳ್ಳಲು ಸಾಧ್ಯವಾಯಿತು. ಇನ್ನು ಈ ಸೀರೆಗೆ ನಾನು ಧರಿಸಿರುವ ಡಿಸಿಲ್ವರ್‌ ಜ್ಯುವೆಲರಿಗಳು ಹಾಗೂ ದಿವ್ಯಾ ನಾಗರಾಜ್‌ರ ಮೇಕಪ್‌ ಮತ್ತು ಹೇರ್‌ಸ್ಟೈಲ್‌ ಮನಮೋಹಕ ಟಚ್‌ ನೀಡಿವೆ. ಒಟ್ಟಾರೆ, ಈ ಸೀರೆ ಲುಕ್‌ ಎಲ್ಲರನ್ನೂ ಸೆಳೆಯುವಲ್ಲಿ ಯಶಸ್ವಿಯಾಗಿದೆ” ಎನ್ನುವ ಇಶಾನಿಗೆ ಈ ಸೀರೆಯ ಸ್ಟೈಲಿಂಗ್‌ ಬಹಳ ಇಷ್ಟವಾಗಿದೆಯಂತೆ.

ಸೆಲೆಬ್ರೆಟಿ ಡಿಸೈನರ್‌ ಅಶ್ವಿನಿ ಡಿಸೈನರ್‌ ಸೀರೆ

ಇನ್ನು, ಸೆಲೆಬ್ರೆಟಿ ಡಿಸೈನರ್‌ ಅಶ್ವಿನಿ, ಇಶಾನಿಯ ಈ ಡಿಸೈನರ್‌ ಸೀರೆ ಡಿಸೈನ್‌ ಮಾಡಿದ್ದು, ಅವರಿಗೊಪ್ಪುವ ಸ್ಟೈಲಿಂಗ್‌ಗೆ ತಕ್ಕಂತೆ ರೂಪಿಸಿದ್ದಾರೆ. ಅಂದಹಾಗೆ, ಇದು ಸಿಂಪಲ್‌ ಆಗಿ ಧರಿಸುವ ರೆಡಿ ರಫಲ್‌ ಸೀರೆಯಾಗಿದೆ. ಉಡುವ ಅಥವಾ ಡ್ರೇಪಿಂಗ್‌ನ ತಲೆ ಬಿಸಿಯಿಲ್ಲ! ಈ ಸಿಂಪಲ್‌ ಸೀರೆಗೆ ಆಕರ್ಷಕವಾದ ಬ್ಲೌಸ್‌ ಮ್ಯಾಚ್‌ ಮಾಡಲಾಗಿದೆ. ಸ್ಟೋನ್‌ಗಳಿಂದ ಸಿಂಗಾರಗೊಂಡಿರುವ ಈ ಹ್ಯಾಂಡ್‌ವರ್ಕ್‌ ಇರುವಂತಹ ಶೋಲ್ಡರ್‌ಲೆಸ್‌ ಡಿಸೈನರ್‌ ಬ್ಲೌಸ್‌ ಇಂಡೋ-ವೆಸ್ಟರ್ನ್‌ ಲುಕ್‌ ನೀಡಿದೆ. “ಇಶಾನಿಗೆ ಡಿಸೈನ್‌ ಮಾಡಲಾದ ಈ ಡಿಸೈನರ್‌ ರಫಲ್‌ ಸೀರೆ ಯೂನಿಕ್‌ ಸ್ಟೈಲ್‌ ಲುಕ್‌ ನೀಡಿದ್ದು, ಅವರ ಇಂಡೋ-ವೆಸ್ಟರ್ನ್‌ ಲುಕ್‌ಗೆ ಸಾಥ್‌ ನೀಡಿದೆ” ಎನ್ನುತ್ತಾರೆ ಸೆಲೆಬ್ರೆಟಿ ಡಿಸೈನರ್‌ ಅಶ್ವಿನಿ.

ರಫಲ್‌ ಸೀರೆಯ ಹೈಲೈಟ್ಸ್‌

• ಸೀಸನ್‌ಗೆ ತಕ್ಕಂತಿರುವ ಈ ಸೀರೆ ಆಕರ್ಷಕ ಲುಕ್‌ ನೀಡುತ್ತದೆ.
• ಹೆಚ್ಚು ಜ್ಯುವೆಲರಿ ಧರಿಸುವ ಅಗತ್ಯವಿರುವುದಿಲ್ಲ.
• ಇಂಡೋ-ವೆಸ್ಟರ್ನ್‌ ಲುಕ್‌ ನೀಡುವುದು ಗ್ಯಾರಂಟಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Actress Summer Fashion: ಬಾಲಿವುಡ್‌ನವರನ್ನು ಮೀರಿಸಿದ ನಟಿ ಶಿಲ್ಪಾ ಮಂಜುನಾಥ್‌ ಪೂಲ್‌ಸೈಡ್‌ ಹಾಟ್‌ ಲುಕ್‌!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮದುಮಗಳ ಐ ಮೇಕಪ್‌ (Wedding Eye Makeup Tips) ಮದುವೆಯಲ್ಲಿ ಎಲ್ಲರ ಗಮನ ಸೆಳೆಯುವಂತಿರಬೇಕು. ಅದನ್ನು ಬಿಟ್ಟು ಇಡೀ ಲುಕ್ಕನ್ನು ಓವರ್‌ಟೇಕ್‌ ಮಾಡಬಾರದು. ನೋಡುಗರಿಗೆ ಆಭಾಸ ಎಂದೆನಿಸುವಂತಿರಬಾರದು. ಎಲ್ಲದಕ್ಕಿಂತ ಹೆಚ್ಚಾಗಿ ಪಾರ್ಟಿ ಲುಕ್‌ ನೀಡಬಾರದು ಎನ್ನುತ್ತಾರೆ ಮೇಕಪ್‌ ಎಕ್ಸ್ಪರ್ಟ್ಸ್‌ ಮಂಗಲಾ. “ಮದುವೆಯಲ್ಲಿ ಮೇಕಪ್‌ಗಾಗಿ ಸಾಕಷ್ಟು ಹೆಣ್ಣು ಮಕ್ಕಳು ಹಣ ಸುರಿಯುತ್ತಾರೆ. ಬ್ಯೂಟಿ ಎಕ್ಸ್‌ಫರ್ಟ್ಸ್‌ ಕೂಡ ಯಾವುದೋ ವಿಡಿಯೋ ಹಾಗೂ ಫೋಟೋಗಳನ್ನು ತೋರಿಸಿ ಈ ರೀತಿಯ ಮೇಕಪ್‌ ಮಾಡುತ್ತೇವೆ ಎಂದು ಹೇಳಿ, ಅದು ನಿಮಗೆ ಹೊಂದುತ್ತದೆ ಎಂದು ಒಪ್ಪಿಸಿ, ಕೆಲವೊಮ್ಮೆ ಕೊನೆಗೆ ಮದುವೆಯ ದಿನ ಬದಲಿಸುತ್ತಾರೆ. ಇದು ಮದುಮಗಳ ಇಡೀ ಲುಕ್ಕನ್ನು ಹಾಳು ಮಾಡಬಹುದು. ಅಲ್ಲದೇ ಮದುವೆಯ ಮೇಕಪ್‌ ಬದಲು ಇತರೇ ಲುಕ್‌ ನೀಡಬಹುದು. ಅದಕ್ಕಾಗಿ ಮದುವೆಯಾಗುವ ಪ್ರತಿ ಹೆಣ್ಣುಮಕ್ಕಳು ಒಂದಿಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ಅಗತ್ಯ. ಮೊದಲೇ ಬ್ಯೂಟಿ ಎಕ್ಸ್‌ಫರ್ಟ್ಸ್‌ಗಳ ಬಳಿ ಮಾತನಾಡಿಕೊಂಡು ಡಿಸೈಡ್‌ ಮಾಡುವುದು, ಟ್ರಯಲ್‌ ಮಾಡಿ ನೋಡುವುದು ಉತ್ತಮ” ಎನ್ನುತ್ತಾರೆ ಸೌಂದರ್ಯ ಪರಿಣಿತರು.

ಸೀರೆ/ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವಂತಿರಲಿ

ಮದು ಮಗಳು ಧರಿಸುವ ಲೆಹೆಂಗಾ, ಗೌನ್‌ ಅಥವಾ ಮಹೂರ್ತದ ಸೀರೆಗೆ ಮದುಮಗಳ ಐ ಮೇಕಪ್‌ ಮ್ಯಾಚ್‌ ಆಗುವಂತಿರಬೇಕು. ಹಾಗೆಂದು ಅಭಾಸ ಹುಟ್ಟಿಸುವಂತಹ ಶೇಡ್‌ಗಳ ಬಳಕೆ ಬೇಡ. ತೀರಾ ಡಿಟ್ಟು ಡಿಟ್‌ ಮ್ಯಾಚಿಂಗ್‌ ಮಾಡುವುದೂ ಕೂಡ ಬೇಡ. ನೋಡಲು ವಿಚಿತ್ರವಾಗಿ ಕಾಣಿಸಬಹುದು. ತಿಳಿಯಾದ ಶೇಡ್ಸ್‌ ಆಕರ್ಷಕವಾಗಿ ಕಾಣಿಸುವುದು.

ಐ ಮೇಕಪ್‌ ಹಿತ ಮಿತವಾಗಿರಲಿ

ಮದುಮಗಳ ಐ ಮೇಕಪ್‌ ನೋಡಲು ಹಿತ ಮಿತವಾಗಿರಬೇಕು. ಯಾಕೆಂದರೇ, ಹೆಚ್ಚಾದರೂ ಅದು ಪಾರ್ಟಿ ಲುಕ್‌ ನೀಡಬಹುದು. ಕಡಿಮೆಯಾದರೂ ಪರವಾಗಿಲ್ಲ. ಆದಷ್ಟೂ ನೋಡುಗರಿಗೆ ಹಿತವೆನಿಸುವ ಶೇಡ್‌ಗಳ ಬಳಕೆ ಮಾಡಲು ಬ್ಯೂಟಿ ಎಕ್ಸ್‌ಫರ್ಟ್ಸ್‌ಗೆ ತಿಳಿಸಿ. ಲೈಟ್‌ ಶೇಡ್‌ಗಳ ಬಳಕೆ ಉತ್ತಮ. ಕಂಗಳ ಸೌಂದಯ ಕುಂದಿಸುವಂತಹ ಡಾರ್ಕ್‌ ಶೇಡ್‌ ಬಳಕೆ ಬೇಡ, ಉದಾಹರಣೆಗೆ ಬ್ಲ್ಯೂ, ಹಸಿರು, ಪಿಂಕ್‌ ಹೀಗೆ ಇವುಗಳ ಬಳಕೆ ಹೆಚ್ಚಾಗದಿರಲಿ. ಇನ್ನು, ಕಾಜಲ್‌, ಐ ಲೈನರ್‌ ತೆಳುವಾಗಿ ಹಚ್ಚುವುದು ಉತ್ತಮ.

ಸ್ಮಡ್ಜ್‌ ಪ್ರೂಫ್‌ ಐ ಮೇಕಪ್‌ಗೆ ಆದ್ಯತೆ

ಮದುವೆಯಲ್ಲಿ ಮದು ಮಗಳು ಆದಷ್ಟೂ ಸ್ಮಡ್ಜ್‌ ಫ್ರೂಫ್‌ ಐ ಮೇಕಪ್‌ಗೆ ಆದ್ಯತೆ ನೀಡುವುದು ಉತ್ತಮ. ಅದರಲ್ಲೂ ಮಹೂರ್ತದ ನಂತರ ತವರು ಮನೆಯವರ ವಿದಾಯದ ಸಮಯದಲ್ಲಿ ಕಣ್ಣಿರು ಹಾಕಿದಾಗ, ಕಣ್ಣಿನ ಮೇಕಪ್‌ ಹರಡಿ ನೋಡಲು ವಿಚಿತ್ರವಾಗಿ ಕಾಣಿಸಬಹುದು. ಹಾಗಾಗಿ ಆ ದಿನ ವಾಟರ್‌ ಪ್ರೂಫ್‌ ಮತ್ತು ಸ್ಮಡ್ಜ್‌ ಫ್ರೂಫ್‌ ಐ ಮೇಕಪ್‌ಗೆ ಪ್ರಾಮುಖ್ಯತೆ ನೀಡುವುದು ಬೆಸ್ಟ್.‌

ಕಂಗಳು ಅರಳಿದಂತಹ ಲುಕ್‌

ಯಾವುದೇ ಕಾರಣಕ್ಕೂ ಕಂಗಳು ಚಿಕ್ಕದಾಗಿ ಕಾಣಿಸುವಂತಹ ಐ ಮೇಕಪ್‌ ಬೇಡ. ಯಾಕೆಂದರೇ, ಇದು ಇಡೀ ಮುಖದ ಲುಕ್‌ ಬದಲಿಸುತ್ತದೆ. ಹಾಗಾಗಿ ಆದಷ್ಟೂ ಕಣ್ಣುಗಳ ಅಗಲವಾಗಿ ಕಾಣಿಸುವಂತಹ ಮೇಕಪ್‌ಗೆ ಸೈ ಎನ್ನಿ. ಮುಖದ ಮೇಕಪ್‌ಗೆ ಹೊಂದುವಂತಿರಲಿ.

ಲೆನ್ಸ್‌ ಹಾಕಿದ ಐ ಮೇಕಪ್‌

ಕೆಲವು ಹೆಣ್ಣುಮಕ್ಕಳು ಡಿಫರೆಂಟ್‌ ಲುಕ್‌ ಹಾಗೂ ಸೆಲೆಬ್ರೆಟಿ ಲುಕ್‌ಗಾಗಿ ಐ ಬಾಲ್‌ ಬಣ್ಣ ಬದಲಿಸಲು ಲೆನ್ಸ್‌ ಹಾಕುತ್ತಾರೆ. ಕೆಲವೊಮ್ಮೆ ಇದು ಹೊಂದುವುದಿಲ್ಲ. ಇಂತಹವರು ಆದಷ್ಟೂ ಮೊದಲೇ ಪ್ರಯೋಗಾತ್ಮಕವಾಗಿ ಈ ಮೇಕಪ್‌ ಮಾಡಿ ನೋಡಿ. ಮುಖಕ್ಕೆ ಮ್ಯಾಚ್‌ ಆದರೆ ಮಾತ್ರ ಮುಂದುವರೆಯಿರಿ. ಲೆನ್ಸ್‌ ತೆಗೆಯುವಾಗ, ಹಾಕುವಾಗ ಸಾವಧಾನವಿರಲಿ. ಇಲ್ಲವಾದಲ್ಲಿ, ಕಣ್ಣು ಕೆಂಪಾಗಾಗಬಹುದು.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Actress Summer Fashion: ಬಾಲಿವುಡ್‌ನವರನ್ನು ಮೀರಿಸಿದ ನಟಿ ಶಿಲ್ಪಾ ಮಂಜುನಾಥ್‌ ಪೂಲ್‌ಸೈಡ್‌ ಹಾಟ್‌ ಲುಕ್‌!

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನಟಿ ಶಿಲ್ಪಾ ಮಂಜುನಾಥ್‌ ಹಾಟ್‌ ಲುಕ್‌ನಲ್ಲಿ (Actress Summer Fashion) ಬಿಂದಾಸ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಬೇಸಿಗೆಯ ಬಿಸಿಲಿನಲ್ಲಿ ಪೂಲ್‌ ಸೈಡ್‌ನಲ್ಲಿ ಕಾಣಿಸಿಕೊಂಡಿರುವ ಶಿಲ್ಪಾ, ವೈಟ್‌ ಸ್ಟ್ರಾಪ್‌ ಮಿನಿ ಕ್ರಾಪ್‌ ಟಾಪ್‌, ಜೀನ್ಸ್‌ ಶಾರ್ಟ್ಸ್‌ ಹಾಗೂ ಇದರ ಮೇಲೊಂದು ಶೀರ್‌ ಶಿಫಾನ್‌ ಪ್ರಿಂಟೆಡ್‌ ಟ್ರಾಪಿಕಲ್‌ ವಿನ್ಯಾಸದ ತೆಳುವಾದ ಜಾಕೆಟ್‌ನಲ್ಲಿ ಬಿಂದಾಸ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಮಾಡೆಲ್‌/ನಟಿ ಶಿಲ್ಪಾ ಬಿಂದಾಸ್‌ ಲುಕ್‌

ಮಾಡೆಲ್‌ ಕಮ್‌ ನಟಿ ಶಿಲ್ಪಾ ಆಗಾಗ ಒಂದಲ್ಲ ಒಂದು ಲುಕ್‌ನಲ್ಲಿ ಕಾಣಿಸಿಕೊಳ್ಳುತ್ತಲೇ ಇರುತ್ತಾರೆ. ಇವರು ಕನ್ನಡದ ಹುಡುಗಿ ಮಾತ್ರವಲ್ಲ, ಮಾಜಿ ಮಿಸ್‌ ಕರ್ನಾಟಕ ಕೂಡ. ಕನ್ನಡ ಸಿನಿಮಾಗಳ ಮೂಲಕ ನಟನೆಗೆ ಕಾಲಿಟ್ಟ ಶಿಲ್ಪಾ, ತದನಂತರ ತಮಿಳು, ತೆಲುಗು ಸೇರಿದಂತೆ ಇತರೇ ಭಾಷೆಗಳಲ್ಲಿ ನಟಿಸಲಾರಂಭಿಸಿದರು. ಇದೀಗ ಸಾಕಷ್ಟು ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸಾಕಷ್ಟು ಜಾಹೀರಾತುಗಳಲ್ಲೂ ಕಾಣಿಸಿಕೊಂಡಿದ್ದಾರೆ. ಈ ಮಧ್ಯೆ ಸೋಷಿಯಲ್‌ ಮೀಡಿಯಾದಲ್ಲೂ ಸಾಕಷ್ಟು ಫ್ಯಾನ್‌ ಫಾಲೋವಿಂಗ್‌ ಹೊಂದಿರುವ ಇವರು, ಆಗಾಗ್ಗೆ ಸಾಕಷ್ಟು ಫೋಟೋಶೂಟ್‌ಗಳ ಮೂಲಕ ಅಭಿಮಾನಿಗಳನ್ನು ಸೆಳೆಯುತ್ತಿರುತ್ತಾರೆ. ಇದರೊಂದಿಗೆ ಸೀಸನ್‌ಗೆ ತಕ್ಕಂತೆ ಸ್ಟೈಲಿಂಗ್‌ ಮೂಲಕ ಕಾಣಿಸಿಕೊಳ್ಳುತ್ತಿರುತ್ತಾರೆ. ಇದೇ ರೀತಿ ಇದೀಗ ಬಾಲಿವುಡ್‌ಗರನ್ನು ಹೋಲುವಂತಹ ಈ ಸೀಸನ್‌ನ ಹಾಟ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಶಿಲ್ಪಾ ತಮ್ಮ ಈ ಬಿಂದಾಸ್‌ ಔಟ್‌ಫಿಟ್‌ಗೆ ತಕ್ಕಂತೆ ಸನ್‌ಗ್ಲಾಸ್‌, ಕೈಗಳಿಗೆ ಫಂಕಿ ಬ್ರೇಸ್‌ಲೇಟ್ಸ್‌, ಪಾದಕ್ಕೆ ಫ್ಲಿಪ್‌ ಫ್ಲಾಪ್‌, ಆಂಕಲ್‌ ಸೈನ್‌, ಧರಿಸಿ, ಈ ಲುಕ್ಕನ್ನು ಹೈಲೈಟ್‌ ಮಾಡಿದ್ದಾರೆ. ಪೂಲ್‌ಸೈಟ್‌ನಲ್ಲಿ ಇವರ ಔಟ್‌ಲುಕ್‌ ಸಖತ್ತಾಗಿ ಮ್ಯಾಚ್‌ ಆಗಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.

ಅಲ್ಟ್ರಾ ಮಾಡರ್ನ್‌ ಹುಡುಗಿಯರ ಪೂಲ್‌ಸೈಡ್‌ ಲುಕ್‌

ಶಿಲ್ಪಾ ಕಾಣಿಸಿಕೊಂಡಿರುವ ಈ ಪೂಲ್‌ಸೈಡ್‌ ಪಾರ್ಟಿಯ ಬಿಂದಾಸ್‌ ಲುಕ್‌ ಎಂದು ಕೂಡ ಕರೆಯಬಹುದು. ಹಾಗೆಂದು ಇದು ನೈಟ್‌ ಪಾರ್ಟಿಯದ್ದಲ್ಲ! ಮಧ್ಯಾಹ್ನದ ಸಮಯದಲ್ಲಿ ನಡೆಯುವ ಬ್ರಂಚ್‌ ಅಥವಾ ಲಂಚ್‌ ಪಾರ್ಟಿಯ ಬಿಂದಾಸ್‌ ಲುಕ್‌ ಇದು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಇನ್‌ಡೋರ್‌ ಪಾರ್ಟಿಗಳಲ್ಲಿ ಈ ಔಟ್‌ಫಿಟ್‌ ಸಾಮಾನ್ಯ ಎನ್ನುತ್ತಾರೆ ಅವರು.

ಬಾಲಿವುಡ್‌ನವರ ಫೆವರೇಟ್‌ ಲುಕ್‌

ಇನ್ನು, ಬಿಸಿಲು ಕಾಲದಲ್ಲಿ ಸೆಕೆ ಹೆಚ್ಚು, ಹಾಗಾಗಿ, ಈ ಲುಕ್‌ ಬಾಲಿವುಡ್‌ಗರ ಫೇವರೇಟ್‌ ಲುಕ್‌ ಎಂದರೂ ತಪ್ಪಲ್ಲ! ದಿನದ ಮಧ್ಯೆ ನಡೆಯುವ ಪಾರ್ಟಿ ಲುಕ್‌ಗಾಗಿ ಈ ಸ್ಟೈಲಿಂಗ್‌ನಲ್ಲಿ ಬಾಲಿವುಡ್‌ ತಾರೆಯರು ಆಗಾಗ್ಗೆ ಕಾಣಿಸಿಕೊಳ್ಳುತ್ತಲೇ ಇರುತ್ತಾರೆ. ಉದಾಹರಣೆಗೆ., ದಿಶಾ ಪಟಾನಿ, ಅನನ್ಯಾ, ಜಾನ್ಹವಿ, ಅಹನಾ, ಸುಹಾನಾ, ನೋರಾ, ಖುಷಿ ಕಪೂರ್‌ ಸೇರಿದಂತೆ ನಾನಾ ನಟಿಯರು ಈ ಲುಕ್‌ನ ದಾಸರು. ಈ ಲುಕ್‌ ಬಾಡಿ ಮಾಸ್‌ ಇಂಡೆಕ್ಸ್‌ ಹೈಲೈಟ್‌ ಮಾಡುವುದರೊಂದಿಗೆ, ಹಾಟ್‌ ಲುಕ್‌ ನೀಡುತ್ತದೆ. ಜೊತೆಗೆ ನೋಡುಗರನ್ನು ಸೆಳೆಯುತ್ತದೆ ಎನ್ನುತ್ತಾರೆ ಸ್ಟೈಲಿಂಗ್‌ ಎಕ್ಸ್‌ಫರ್ಟ್ಸ್‌.‌ ಬಹಳಷ್ಟು ಬಾರಿ ಈ ನಟಿಯರ ಡೈಲಿ ಲುಕ್‌ ಕೂಡ ಇದಾಗಿರುತ್ತದೆ. ಆದರೆ, ಇಲ್ಲಿನ ಸ್ಥಳೀಯ ನಟಿಯರು ಹಾಗೂ ಮಾಡೆಲ್‌ಗಳು ಮಾತ್ರ, ಈ ಬಗ್ಗೆ ಸಖತ್‌ ಕಾನ್ಶಿಯಸ್‌! ತಮ್ಮ ಔಟಿಂಗ್‌ ಹಾಗೂ ವೀಕೆಂಡ್‌ ಮತ್ತು ಪಾರ್ಟಿಗಳಲ್ಲಿ ಕಾಣಿಸಿಕೊಳ್ಳುವಾಗ ಮಾತ್ರ ಈ ಲುಕ್‌ಗೆ ಮೊರೆ ಹೋಗುತ್ತಾರೆ. ಅದು ಇನ್‌ಡೋರ್‌ ಪಾರ್ಟಿಗಳಲ್ಲಿ ಮಾತ್ರ ಹೀಗೆಲ್ಲಾ ಕಾಣಿಸಿಕೊಳ್ಳುತ್ತಾರೆ. ಪಬ್ಲಿಕ್‌ನಲ್ಲಿ ಈ ಲುಕ್‌ನಲ್ಲಿ ಕಾಣಿಸಿಕೊಳ್ಳಲು ಹಿಂಜರಿಯುತ್ತಾರೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Season Hairstyle: ವೆಸ್ಟರ್ನ್‌ ಲುಕ್‌ಗೆ ಎಂಟ್ರಿ ಕೊಟ್ಟ ಟ್ರೆಡಿಷನಲ್‌ ಲುಕ್‌ನ ಎರಡು ಜಡೆಯ 3 ರೂಪ ಹೇಗಿದೆ ನೋಡಿ!