ಯಾವುದೇ ವಯಸ್ಸಿನವರನ್ನು ಕಾಡಬಹುದಾದ ದೀರ್ಘಕಾಲೀನ ರೋಗಗಳಲ್ಲಿ ಅಸ್ತಮಾ ಸಹ ಒಂದು. ಶ್ವಾಸಕೋಶದಲ್ಲಿನ ಗಾಳಿ ಕೊಳವೆಗಳು ಮತ್ತದರ ಕೋಶಗಳು ಊದಿಕೊಂಡು ಉಸಿರಾಟಕ್ಕೆ ತೊಂದರೆಯಾಗುವ ಅವಸ್ಥೆಯಿದು. ಇದರಿಂದಾಗಿ ಉಬ್ಬಸ, ಉಸಿರಾಟದ ತೊಂದರೆ, ಎದೆ ಬಿಗಿಯುವುದು, ನೆಗಡಿ, ಕೆಮ್ಮು, ವಿಪರೀತ ಕಫ, ಅಲರ್ಜಿ ಇತ್ಯಾದಿ ಸಮಸ್ಯೆಗಳು ಕಾಡಿಸುತ್ತವೆ. ಹಗಲಿನಲ್ಲಿ ಕಡಿಮೆ ಇದ್ದು ರಾತ್ರಿ ಸಮಯದಲ್ಲಿ ಈ ಸಮಸ್ಯೆಯ ತೀವ್ರತೆ ಹೆಚ್ಚಬಹುದು. ಈ ರೋಗದ ಬಗ್ಗೆ ಜಾಗೃತಿ ಹೆಚ್ಚಿಸುವ ಉದ್ದೇಶದಿಂದ ಮೇ ತಿಂಗಳ ಮೊದಲ ಮಂಗಳವಾರವನ್ನು (ಈ ಬಾರಿ ಮೇ 7ರಂದು) ವಿಶ್ವ ಅಸ್ತಮಾ ಜಾಗೃತಿ ದಿನವನ್ನಾಗಿ (World Asthma Day) ಆಚರಿಸಲಾಗುತ್ತದೆ.

ಜಾಗತಿಕವಾಗಿ ವಾಯು ಮಾಲಿನ್ಯ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ವಿಶ್ವದೆಲ್ಲೆಡೆ ಅಸ್ತಮಾ ಚಿಕಿತ್ಸೆಯನ್ನು ಉತ್ತಮಗೊಳಿಸುವುದು ಈ ಜಾಗೃತಿ ದಿನದ ಉದ್ದೇಶಗಳಲ್ಲಿ ಒಂದು. ಈ ವರ್ಷ ಮೇ 7ರಂದು ಆಚರಿಸಲಾಗುವ ಈ ದಿನಂದು, ಶ್ವಾಸನಾಳಗಳಿಗೆ ತೀವ್ರ ತೊಂದರೆ ನೀಡುವ ಈ ರೋಗದಿಂದ ನರಳುತ್ತಿರುವವರಿಗೆ ಕಾಳಜಿ, ಚಿಕಿತ್ಸೆ ಮತ್ತು ನೆರವು ನೀಡುವ ಬಗ್ಗೆ ಎಲ್ಲೆಡೆ ಅರಿವು ಮೂಡಿಸುವುದು ಮಹತ್ವದ್ದೆನಿಸಿದೆ. ಈ ವರ್ಷದ ಘೋಷವಾಕ್ಯ- “ಅಸ್ತಮಾ ಕುರಿತ ಅರಿವು ಸಬಲಗೊಳಿಸುತ್ತದೆ” ಮೊದಲ ಬಾರಿಗೆ 1993ರಲ್ಲಿ ವಿಶ್ವ ಅಸ್ತಮಾ ದಿನವನ್ನು ಘೋಷಿಸುವ ಸಂದರ್ಭದಲ್ಲಿ 35 ದೇಶಗಳು ಭಾಗವಹಿಸಿದ್ದವು. ಸಾಮಾನ್ಯವಾಗಿ ಅಸ್ತಮಾ ಕಾಡುವುದು ಚಳಿಗಾಲದಲ್ಲಿ ಹೆಚ್ಚು. ಹಾಗೆಂದು ವರ್ಷದ ಉಳಿದ ದಿನಗಳಲ್ಲಿ ತೊಂದರೆ ಕೊಡಬಾರದೆಂದೇನೂ ಇಲ್ಲ. ಮಳೆಗಾಲದಲ್ಲಿ ಮೋಡ ಕವಿದ ಸ್ಥಿತಿ ಇದ್ದಾಗ ಉಸಿರಾಡುವುದು ಕಷ್ಟವಾಗಬಹುದು. ಬೇಸಿಗೆಯಲ್ಲಿ ಶುಷ್ಕತೆ ಹೆಚ್ಚಾದಾಗ ವಾತಾರವಣದಲ್ಲಿ ಧೂಳಿನ ಕಣಗಳು ತೀವ್ರವಾಗಿ, ಅಸ್ತಮಾ ತೊಂದರೆ ಕೊಡುವ ಸಾಧ್ಯತೆಯಿದೆ. ಒಬ್ಬರಿಂದೊಬ್ಬರಿಗೆ ಹರಡದೆ ಇರುವ ರೋಗಗಳ ಪೈಕಿ ತೀವ್ರವಾಗಿ ಬಾಧಿಸುವ ರೋಗಗಳಲ್ಲಿ ಅಸ್ತಮಾ ಸಹ ಒಂದು. ವಿಶ್ವದಲ್ಲಿ 260 ದಶಲಕ್ಷ ಮಂದಿ ಈ ತೊಂದರೆಯಿಂದ ಬಳಲುತ್ತಿದ್ದಾರೆ. ಪ್ರತಿ ವರ್ಷ 4.5 ಲಕ್ಷ ಮಂದಿ ಈ ಸಮಸ್ಯೆಯಿಂದ ಸಾವಿಗೀಡಾಗುತ್ತಿದ್ದಾರೆ. ಇವುಗಳಲ್ಲಿ ಹೆಚ್ಚಿನ ಪ್ರಕರಣಗಳಲ್ಲಿ ಸಾವನ್ನು ತಡೆಯುವ ಸಾಧ್ಯತೆ ಇರುತ್ತದೆ. ಸರಿಯಾದ ಸಮಯಕ್ಕೆ ಚಿಕಿತ್ಸೆ, ಸರಿಯಾದ ಪ್ರಮಾಣದಲ್ಲಿ ಸ್ಟೆರಾಯ್ಡ್‌ ಇನ್‌ಹೇಲರ್‌ಗಳ ಬಳಕೆ, ಶ್ವಾಸಕೋಶಗಳ ಆರೋಗ್ಯದ ದೇಖರೇಖಿ- ಇಂಥ ಹಲವು ವಿಷಯಗಳಲ್ಲಿ ಅಗತ್ಯ ಪ್ರಮಾಣದಲ್ಲಿ ಕಾಳಜಿ ವಹಿಸದಿರುವುದು ಇದಕ್ಕೆ ಕಾರಣವಾಗುತ್ತದೆ.

ಇದನ್ನೂ ಓದಿ: No Diet Day 2024: ಇಂದು ಡಯೆಟ್‌ ರಹಿತ ದಿನ ಆಚರಿಸುವುದೇಕೆ?

ರಾತ್ರಿ ಹೆಚ್ಚಬಹುದು

ಕೆಲವರಿಗೆ ಹಗಲಿಗೆ ಈ ತೊಂದರೆ ಕಡಿಮೆ ಇದ್ದು, ರಾತ್ರಿಗೆ ತೀವ್ರಗೊಳ್ಳಬಹುದು. ಹೀಗಾಗುವುದಕ್ಕೂ ಹಲವಾರು ಕಾರಣಗಳಿವೆ. ಒಂದು ಕಾರಣವೆಂದರೆ, ದೇಹದ ಸರ್ಕೇಡಿಯನ್‌ ಲಯ. ಅಂದರೆ ಹಗಲು ಕಳೆದು ರಾತ್ರಿ ಆವರಿಸುತ್ತಿದ್ದಂತೆ ದೇಹದ ನೈಸರ್ಗಿಕ ಗಡಿಯಾರವೂ ಬದಲಾಗುತ್ತದೆ. ಹೀಗೆ ಬದಲಾಗುವ ಸರ್ಕೇಡಿಯನ್‌ ಲಯದಿಂದಾಗಿ ಶ್ವಾಸನಾಳಗಳಲ್ಲಿ ಉರಿಯೂತ ಹೆಚ್ಚಬಹುದು. ಇನ್ನೊಂದು ಕಾರಣವೆಂದರೆ, ಮಲಗುವ ಭಂಗಿ. ನೆಲಕ್ಕೆ ಸಮಾಂನಾಂತರವಾಗಿ ಮಲಗಿದಾಗ ಶ್ವಾನನಾಳಗಳಲ್ಲಿ ಕಫ ಕಟ್ಟುವುದು ಹೆಚ್ಚುತ್ತದೆ. ಹಾಗಾಗಿ ಪೂರ್ಣ ಮಲಗುವ ಬದಲು ಹಿಂದೆ ಮಲಗಿದಂಥ ಭಂಗಿಯಲ್ಲಿ ಉಸಿರಾಟ ಕೊಂಚ ಸರಾಗವಾಗುತ್ತದೆ.

ಇನ್ನಷ್ಟು ಕಾರಣಗಳು

ಹುಳಿತೇಗಿನ ಸಮಸ್ಯೆಯಿದ್ದರೆ ಉಸಿರಾಟದ ತೊಂದರೆಯೂ ಕಾಣಬಹುದು. ಅದರಲ್ಲೂ ಜಿಇಆರ್‌ಡಿ (GERD) ನಂಥ ಕಿರಿಕಿರಿಗಳಿದ್ದರೆ ರಾತ್ರಿಯಲ್ಲಿ ಅಸ್ತಮಾ ತೊಂದರೆ ಕೊಡುವುದು ಸ್ವಲ್ಪ ಹೆಚ್ಚೆ. ಜೊತೆಗೆ, ಮನೆಯ ಒಳ-ಹೊರಗಿನ ವಾತಾವರಣ ಆದಷ್ಟು ಶುಚಿಯಾಗಿ ಇರುವಂತೆ ನೋಡಿಕೊಳ್ಳಿ. ಇದರಿಂದ ಅಲರ್ಜಿಯ ಪ್ರಮಾಣವನ್ನು ಗಣನೀಯವಾಗಿ ತಗ್ಗಿಸಬಹುದು. ಹೊಗೆ, ಧೂಳು, ಫಂಗಸ್, ಪರಾಗಗಳು ಇತ್ಯಾದಿಗಳು ಆದಷ್ಟು ದೂರವೇ ಇದ್ದಾರೆ ಕ್ಷೇಮ. ಹಾಸಿಗೆ ಬಟ್ಟೆಗಳನ್ನು ಆಗಾಗ ಬದಲಿಸಿ. ಅಲರ್ಜಿ ತರುವಂಥ ಆಹಾರಗಳನ್ನು ಮುಟ್ಟದಿರುವುದು ಕ್ಷೇಮ. ಸೋಂಕುಗಳಿಂದ ದೂರ ಇರುವುದಕ್ಕೆ ಶಕ್ತಿಯುತ ಆಹಾರ ಸೇವನೆ ಅಗತ್ಯ. ಇಡೀ ದೇಹದ ಆರೋಗ್ಯ, ಅದರಲ್ಲೂ ಶ್ವಾಸಕೋಶಗಳು ಚೆನ್ನಾಗಿರಬೇಕೆಂದರೆ, ನಿಯಮಿತವಾದ ವ್ಯಾಯಾಮ ಬೇಕು. ಯಾವುದೇ ಕಾಲದಲ್ಲೂ ಅಸ್ತಮಾ ಕಾಣಿಸಿಕೊಳ್ಳಬಹುದು. ಹಾಗಾಗಿ ಅಗತ್ಯ ಔಷಧಗಳನ್ನು ತಪ್ಪದೆ ಇರಿಸಿಕೊಳ್ಳಬೇಕು. ಇನ್ಹೇಲರ್ ಮುಂತಾದವುಗಳನ್ನು ತಂಪಾದ ಸ್ಥಳದಲ್ಲಿ ಇರಿಸುವುದು ಅಗತ್ಯ. ಕಾಲಕಾಲಕ್ಕೆ ಪೀಕ್ ಪ್ಲೊ ಮೀಟರ್ ನಿಂದ ಶ್ವಾಸಕೋಶದ ಸ್ಥಿತಿಗತಿಯ ಬಗ್ಗೆ ತಪಾಸಣೆ ಮಾಡಿಕೊಳ್ಳಿ. ಈ ರೋಗದ ನಿಯಂತ್ರಣಕ್ಕೆ ಸಾಕಷ್ಟು ಮುನ್ನೆಚ್ಚರಿಕೆ ವಹಿಸುವುದು ಮತ್ತು ಉರಿಯೂತದ ಕಾರಣ ಅರ್ಥ ಮಾಡಿಕೊಳ್ಳುವುದು ಮಹತ್ವದ್ದು.

ಬಹಳಷ್ಟು ಮಂದಿಯ ಬಾಯಿಯಲ್ಲಿ ಈಗ ಬರುವ ಮಾತು ಒಂದೇ: ಏನು ಸೆಖೆಯಪ್ಪಾ ಈ ಬಾರಿ! ಸೂರ್ಯ ಉದಯಿಸಿದ ಕೆಲವೇ ಗಂಟೆಗಳಲ್ಲಿ ಧಗಧಗಿಸಿ ಉರಿದು ಈ ಬಾರಿಯ ಬಿಸಿಲನ್ನು ಇನ್ನಷ್ಟು ತೀವ್ರಗೊಳಿಸಿದ್ದು ಸುಳ್ಳಲ್ಲ. ಬೆಂಗಳೂರಿಗರೂ ಕೂಡ ಈ ಬಾರಿಯ ಸೆಖೆಯಿಂದ ತತ್ತರಿಸಿ ಹೋಗಿದ್ದಾರೆ. ಹೊರಗೆ ಕಾಲಿಟ್ಟರೆ ಸಾಕು, ಸ್ನಾನ ಮಾಡಿದಂತೆ ಬೆವರಿನಿಂದಲೇ ತೊಯ್ದು ಹೋಗುವ ಮಂದಿ ಬಿಸಿಲನ್ನು ನೋಡಿ ಉಸ್ಸಪ್ಪ ಎನ್ನುತ್ತಿದ್ದಾರೆ. ಇಂತಹ ಬಿಸಿಲಿನ ವಿರುದ್ಧ ನಮ್ಮ ದೇಹವನ್ನು ಶಕ್ತವನ್ನಾಗಿ ಮಾಡಲು, ದೇಹವನ್ನು ತಂಪಾಗಿರಿಸಲು ಸೂಕ್ತ ಆಹಾರ (summer food tips) ಸೇವನೆಯೂ ಕೂಡ ಮುಖ್ಯ. ಹಾಗೆ ನೋಡಿದರೆ ನಾವು ಸಾಂಪ್ರದಾಯಿಕ ಶೈಲಿಯತ್ತ ಮುಖ ಮಾಡಿದರೆ ನಮ್ಮ ಪೂರ್ವಜರು, ಹಿರಿಯರು, ಋತುಮಾನಕ್ಕೆ ಅನುಗುಣವಾಗಿ ಆಹಾರವನ್ನು ತೆಗೆದುಕೊಳ್ಳುವ ಬಗೆಯನ್ನು ನಮಗೆ ದಾಟಿಸಿದ್ದಾರೆ. ಆದರೆ ಬಹಳಷ್ಟು ಬಾರಿ ಅವರ ಅಂತಹ ಸಂದೇಶವನ್ನು ನಾವು ನಿರಾಕರಿಸಿ ನಮ್ಮದೇ ಹಾದಿಯಲ್ಲಿ ಸಾಗಿದ್ದೂ ಕೂಡ ಇಂತಹ ಸಮಸ್ಯೆಗಳಿಗೆ ಕಾರಣವೇನೋ ಅನ್ನಬಹುದು. ನಾವು ಎಸಿ ಸ್ವಿಚ್‌ ಆನ್‌ ಮಾಡಿ ದೇಹವನ್ನು ಹೊರಗಿನಿಂದ ತಂಪಾಗಿಸಬಹುದು ನಿಜವೇ ಆಗಿದ್ದರೂ, ಒಳಗಿನಿಂದ ದೇಹವನ್ನು ತಂಪಾಗಿರಿಸಲು ಕೆಲವು ಆಹಾರ ಸೇವನೆಯ ಮೊರೆ ಹೋಗಲೇಬೇಕು. ಬನ್ನಿ, ಯಾವೆಲ್ಲ ಸರಳ ಆಹಾರಕ್ರಮ ನಮ್ಮ ದೇಹವನ್ನು ತಂಪಾಗಿರಿಸುತ್ತದೆ ಎಂಬುದನ್ನು ನೋಡೋಣ. ಈ ಆಹಾರ ಸೇವನೆಯಿಂದ ಬೇಸಿಗೆಯಲ್ಲಿ ನೀವು ಅಸಿಡಿಟಿ, ತಲೆಸುತ್ತು, ನಿತ್ರಾಣ, ನಿದ್ರಾಹೀನತೆ, ಹಸಿವಿನ ಕೊರತೆಯಂತ ಸಮಸ್ಯೆಗಳ ವಿರುದ್ಧ ಹೋರಾಡಿ ಫಲವನ್ನೂ ಕಾಣಬಹುದು.

ಸ್ಥಳೀಯ ಹಣ್ಣುಗಳು

ಬೆಳಗ್ಗಿನ ತಿಂಡಿಯ ನಂತರ ಮಧ್ಯಾಹ್ನದೂಟದ ಮೊದಲು ಏನಾದರೂ ಸ್ನ್ಯಾಕ್ಸ್‌ ತಿನ್ನುವ ಅಭ್ಯಾಸ ನಿಮಗಿದೆ ಎಂದಾದಲ್ಲಿ ಬೇಸಿಗೆಯಲ್ಲಿ ನಿಮ್ಮ ಸ್ಥಳೀಯ ಹಣ್ಣುಗಳನ್ನು ತಿನ್ನಲು ಮರೆಯಬೇಡಿ. ಸ್ಥಳೀಯವಾಗಿ ಸಿಗುವ, ಬೇಸಿಗೆಯಲ್ಲಿ ಮಾತ್ರ ಲಭ್ಯವಿರುವ ಹಣ್ಣುಗಳನ್ನು ಹೊಟ್ಟೆಗಿಳಿಸಿದರೆ ನಿಮ್ಮ ದೇಹ ತಂಪಾಗುತ್ತದೆ. ಬಿಸಿಲಿನಲ್ಲಿ ಓಡಾಡಿದರೂ ದೇಹಕ್ಕೆ ಶಕ್ತಿ ಸಾಮರ್ಥ್ಯ ಬರುತ್ತದೆ. ನಿತ್ರಾಣಗೊಳ್ಳುವ, ತಲೆಸುತ್ತಿ ಬವಳಿ ಬೀಳುವಂಥ ಸಮಸ್ಯೆಗಳು ನಿಮ್ಮನ್ನು ಕಾಡದು. ಉದಾಹರಣೆಗೆ, ತಾಳೆಹಣ್ಣು ಅಥವಾ ತಾಟಿನಿಂಗು, ಕಲ್ಲಂಗಡಿ ಹಣ್ಣು, ಖರ್‌ಬೂಜ, ಸೌತೆಕಾಯಿ ಇತ್ಯಾದಿಗಳ ಸೇವನೆ ಚೈತನ್ಯ ನೀಡುತ್ತದೆ. ಯಾವುದೇ ರಸಭರಿತವಾಗಿರುವ ಹಣ್ಣು ನೀವು ತಿನ್ನಬಹುದು. ಇವು ನಿಮ್ಮ ದೇಹವನ್ನು ಅಷ್ಟೇ ಅಲ್ಲ, ಮನಸ್ಸನ್ನೂ ತಂಪಾಗಿಯೇ ಇರಿಸುತ್ತದೆ. ಯಾವಾಗಲೂ ತಾಜಾ ಆಗಿರಿಸಲು ಸಹಾಯ ಮಾಡುತ್ತದೆ.

ಮೊಸರನ್ನ

ಬಹಳಷ್ಟು ಮಂದಿ ಬೇಸಿಗೆಯಲ್ಲಿ ಹಸಿವನ್ನೇ ಕಳೆದುಕೊಳ್ಳುತ್ತಾರೆ. ಏನಾದರೂ ಕುಡಿದರೆ ಸಾಕು, ತಿನ್ನುವ ಮನಸ್ಸಾಗುವುದೇ ಇಲ್ಲ ಎನ್ನುತ್ತಾರೆ. ಬೇಸಿಗೆಯ ಬಿಸಿಲಿಗೆ ಇದು ಸಹಜ ಕೂಡಾ. ಆದರೆ, ಇಂತಹ ಸಂದರ್ಭ ಬೇಸಿಗೆಯಲ್ಲಿ ನಿಮಗೆ ಒಳ್ಳೆಯದನ್ನೇ ಬಯಸುವ ಅತ್ಯುತ್ತಮ ಮಧ್ಯಾಹ್ನದೂಟ ಎಂದರೆ ಅದು ಮೊಸರನ್ನ. ಮೊಸರನ್ನಕ್ಕೆ ಒಂದಿಷ್ಟು ಉಪ್ಪಿನಕಾಯಿ, ಹಪ್ಪಳ ಸೇರಿಸಿಕೊಂಡು ತಿಂದರೆ ಸ್ವರ್ಗಸುಖ. ಇದಲ್ಲವಾದರೆ ಗಂಜಿ ಉಪ್ಪಿನಕಾಯಿಯ ಊಟವಾದರೂ ಸರಿ, ಒಡನೆಯೇ ದೇಹಕ್ಕೆ ಶಕ್ತಿ ಚೈತನ್ಯವನ್ನು ನೀಡುತ್ತದೆ. ಹೊಟ್ಟೆಯನ್ನು ತಂಪಾಗಿರಿಸುತ್ತದೆ. ಮೊಸರನ್ನ ಒಳ್ಳೆಯ ಪ್ರೊಬಯಾಟಿಕ್‌ ಕೂಡಾ ಆಗಿರುವುದರಿಂದ ಇದು ಉತ್ತಮ ಅನುಭವ ನೀಡುತ್ತದೆ. ಹೊಟ್ಟೆಗೆ ಆರಾಮದಾಯಕ ಆಹಾರದ ಅನುಭವ ನೀಡುತ್ತದೆ.

ಇದನ್ನೂ ಓದಿ: Summer Health Tips: ಬಿಸಿಲ ಬೇಗೆ ತಣಿಸಿಕೊಳ್ಳಲು ಬೇಕು ನೆಲ್ಲಿಕಾಯಿ!

ಗುಲ್ಕಂಡ್‌ ನೀರು

ಬೇಸಿಗೆಯಲ್ಲಿ ಅಸಿಡಿಟಿ, ಹೊಟ್ಟೆಯಲ್ಲಿ ಬೆಂಕಿ ಬಿದ್ದಂತೆ ಉರಿ ಇತ್ಯಾದಿ ಸಮಸ್ಯೆಗಳು ಕಾಣಿಸುತ್ತಿದ್ದರೆ ಹಾಗೂ ನಿಮ್ಮ ನಿದ್ರೆಯ ಗುಣಮಟ್ಟ, ಕಣ್ಣು ಊದಿದಂತಾಗುವುದು, ಕೈಕಾಲು ಜೋಮು ಹಿಡಿದಂತಾಗುವುದು, ಅಲ್ಲಲ್ಲಿ ನೋವು, ಉರಿಯೂತ ಇತ್ಯಾದಿ ಸಮಸ್ಯೆಗಳಿಗೆ ಪರಿಹಾರ ಬೇಕೆಂದರೆ ಒಂದು ಚಮಚ ಗುಲ್ಕಂಡ್‌ ಅನ್ನು ನೀರಿನಲ್ಲಿ ಬೆರೆಸಿ ಮಲಗುವ ಮುನ್ನ ಕುಡಿಯಿರಿ. ಈ ಗುಲಾಬಿಯ ದಳದ ಡ್ರಿಂಕ್‌ ನಿಮ್ಮ ಈ ಸಮಸ್ಯೆಗಳಿಂದ ಬಚಾವು ಮಾಡುವುದಷ್ಟೇ ಅಲ್ಲ, ಒಂದು ರಿಲ್ಯಾಕ್ಸ್‌ ಅನುಭವವನ್ನೂ ನೀಡುತ್ತದೆ.

ಜಗತ್ತಿನಲ್ಲಿ ನಿಂಬೆಹಣ್ಣಿನಷ್ಟು ನಿರ್ಲಕ್ಷ್ಯಕ್ಕೊಳಗಾದ ಹಣ್ಣು ಇನ್ನೊಂದಿಲ್ಲವೇನೋ. ವರ್ಷಪೂರ್ತಿ ಬೇಕಾದಗಲೆಲ್ಲ ಸುಲಭವಾಗಿ ಸಿಗುವ ಈ ಹಣ್ಣಿನ ಬಗ್ಗೆ ಅದೇಕೋ ನಮಗೆ ತಾತ್ಸಾರ. ಆದರೆ, ನಿಂಬೆಹಣ್ಣಿನಲ್ಲಿ ನಮ್ಮ ಅಳತೆಗೂ ಮೀರಿದ ಶಕ್ತಿ ಸಾಮರ್ಥ್ಯವಿದೆ. ಅದರಲ್ಲಿರುವ ಪೋಷಕಾಂಶಗಳು, ರೋಗನಿರೋಧಕ ಶಕ್ತಿ ಹಾಗೂ ದೇಹಕ್ಕೆ ಚೈತನ್ಯ ನೀಡುವ ಎಲ್ಲ ಬಗೆಯ ಪೋಷಕಾಂಶಗಳೂ ಕೂಡಾ ನಿತ್ಯವೂ ಬೇಕಾದಂಥದ್ದೇ. ಪ್ರತಿನಿತ್ಯ ನಮ್ಮ ಅಡುಗೆಯಲ್ಲಿ ಒಂದಲ್ಲ ಒಂದು ಬಗೆಯಲ್ಲಿ ನಿಂಬೆಹಣ್ಣನ್ನು ರುಚಿಗಾಗಿ ಬಳಸುವ ನಾವು, ಆರೋಗ್ಯಕ್ಕಾಗಿಯೂ ಬಗೆಬಗೆಯಲ್ಲಿ ಬಳಸುತ್ತೇವೆ. ಸುಸ್ತಾಗಿ ಬಸವಳಿದಾಗ, ಆರೋಗ್ಯ ಕೈಕೊಟ್ಟಾಗ, ಜ್ವರದಿಂದ ಬಳಲಿ ನಿತ್ರಾಣಗೊಂಡು ಮಲಗಿದಾಗ ಒಂದು ಲೋಟ ನಿಂಬೆಹಣ್ಣಿನ ಪಾನಕ ಕುಡಿದರೆ ಸಾಕು, ಎಷ್ಟೋ ಹಾಯೆನಿಸುತ್ತದೆ. ನಮ್ಮ ದೇಹಕ್ಕೆ ನಿಂಬೆಹಣ್ಣಿನ ಪ್ರಯೋಜನ ಬಹಳಷ್ಟಿದೆ. ಆದರೆ, ಇಂಥ ನಿಂಬೆಹಣ್ಣನ್ನು ಖರೀದಿಸುವ ಸಂದರ್ಭ ಎಷ್ಟೋ ಬಾರಿ ನಮಗೆ ಸರಿಯಾದ ನಿಂಬೆಹಣ್ಣನ್ನು ಖರೀದಿಸುವ ಬಗ್ಗೆ ಗೊಂದಲ ಇದ್ದಿದ್ದೇ. ಯಾಕೆಂದರೆ, ಬಹಳಷ್ಟು ಸಾರಿ, ನಿಂಬೆಹಣ್ಣು ಹೊರಗಿನಿಂದ ಹದವಾಗಿ, ಹಣ್ಣಾಗಿ ಕಂಡರೂ, ಒಳಗೆ ಜ್ಯೂಸೇ ಇರುವುದಿಲ್ಲ. ಹಿಂಡಿದರೆ ಜ್ಯೂಸ್‌ ಬರುವುದೇ ಇಲ್ಲ. ಅಷ್ಟಾಗಿ ಅನುಭವ ಇಲ್ಲದ ಹೊಸಬರಿಗಂತೂ, ನಿಂಬೆಹಣ್ಣು ಖರೀದಿಸುವುದು ಒಂದು ಸವಾಲು. ಬನ್ನಿ, ಪರ್ಫೆಕ್ಟ್‌ ಜ್ಯೂಸಿ ನಿಂಬೆಹಣ್ಣಿನ ಖರೀದಿಸುವ ಕುಶಲತೆಯ (Tips To Find The Juiciest Lemon) ಟಿಪ್ಸ್‌ ತಿಳಿಯೋಣ.

ತೂಕವನ್ನು ಗಮನಿಸಿ

ಬಹಳ ಸುಲಭವಾದ ಐಡಿಯಾ ಎಂದರೆ ತೂಕವನ್ನು ಗಮನಿಸುವುದು. ಸಾಮಾನ್ಯವಾಗಿ ಜ್ಯೂಸಿಯಾಗಿರುವ ನಿಂಬೆಹಣ್ಣು ಯಾವಾಗಲೂ ಹೆಚ್ಚು ತೂಕವನ್ನು ಹೊಂದಿರುತ್ತದೆ. ಹೆಚ್ಚು ನಿಂಬೆಹಣ್ಣು ಸಿಗುತ್ತದೆ ಎಂಬ ಕಾರಣಕ್ಕೆ ಕಡಿಮೆ ತೂಕದ ನಿಂಬೆಹಣ್ಣನ್ನು ಆರಿಸಬೇಡಿ. ಅವುಗಳು ಹೊರಗಿನಿಂದ ಚಂದವೇ ಕಂಡರೂ, ಹಿಂಡಿದಾಗ ಒಳಗೆ ನೀರೇ ಇರುವುದಿಲ್ಲ. ಒಂದೇ ಬಗೆಯ ಸಾಮಾನ್ಯ ಗಾತ್ರದ ತೂಕ ಹೆಚ್ಚಿರುವ ನಿಂಬೆಯಲ್ಲಿ ಧಾರಾಳವಾಗಿ ಜ್ಯೂಸ್‌ ಇರುತ್ತದೆ.

ಮೆದುವಾಗಿದೆಯಾ ನೋಡಿ

ನಿಂಬೆಹಣ್ಣಿನ ಅಂದಾಜು ತೂಕ ಕೈಯಲ್ಲಿ ಹಿಡಿದು ಗಮನಿಸಿದ ಮೇಲೆ ಅದನ್ನು ಮೆಲ್ಲನೆ ಒತ್ತಿ ನೋಡಿ. ಜೋರಾಗಿ ಅಲ್ಲ. ಅದು ಮೆದುವಾಗಿದೆ ಅನಿಸಿದರೆ ಖಂಡಿತವಾಗಿಯೂ ಅದರೊಳಗೆ ಹೆಚ್ಚು ಜ್ಯೂಸ್‌ ಇದೆ ಎಂದು ಅರ್ಥ. ಮೆದುವಾಗಿ ಇರುವ ನಿಂಬೆಹಣ್ಣುಗಳಲ್ಲಿ ಹೆಚ್ಚು ಜ್ಯೂಸ್‌ ಇದೆ. ಆದರೆ ಹೀಗೆ ಪರೀಕ್ಷಿಸಲು ಜೋರಾಗಿ ಒತ್ತಿ ನಿಂಬೆಹಣ್ಣನ್ನೇ ಹಾಳು ಮಾಡಬೇಡಿ.

ನಿಂಬೆಹಣ್ಣಿನ ಸಿಪ್ಪೆಯನ್ನು ಗಮನಿಸಿ

ಸಿಪ್ಪೆಯ ಮೇಲ್ಮೈ ಏರುತಗ್ಗುಗಳಿದ್ದು ದೊರಗಾಗಿದ್ದರೆ ಅದರಲ್ಲಿ ಜ್ಯೂಸ್‌ ಹೆಚ್ಚಿರಲಾರದು. ನಯವಾದ, ಒಂದೇ ಬಗೆಯಲ್ಲಿ ಸಿಪ್ಪೆ ಇದೆ ಎಂದಾದಲ್ಲಿ ಅದರಲ್ಲಿ ಜ್ಯೂಸ್‌ ಬೇಕಾದಷ್ಟಿದೆ ಎಂದು ಅರ್ಥ. ಹಾಗಾಗಿ ನಯವಾದ ಸಿಪ್ಪೆಯಿರುವ ನಿಂಬೆಹಣ್ಣನ್ನೇ ಹಿಂಡಲು ಆಯ್ಕೆ ಮಾಡಿ.

ನಿಂಬೆಹಣ್ಣಿನ ಬಣ್ಣ ಗಮನಿಸಿ

ಅದು ಹಳದಿ ಬಣ್ಣಕ್ಕೆ ತಿರುಗಿ ಗಾಢ ಬಣ್ಣದಲ್ಲಿದ್ದರೆ ಅದು ಹಿಂಡಲು ಸೂಕ್ತ. ಅದು ಸರಿಯಾಗಿ ಹಣ್ಣಾಗಿದೆ ಹಾಗೂ ಹಿಂಡಿದರೆ ಹೆಚ್ಚು ಜ್ಯೂಸ್‌ ಸಿಗಬಹುದು ಎಂದು ಅರ್ಥ. ಇನ್ನೂ ಹಸಿರು ಬಣ್ಣದಲ್ಲಿರುವ ನಿಂಬೆ ಹಿಂಡಲು ತಯಾರಾಗಿಲ್ಲ ಎಂದೇ ಅರ್ಥ.

ಇದನ್ನೂ ಓದಿ: Pain Relievers: ಸೈಡ್‌ ಎಫೆಕ್ಟ್‌ ಇಲ್ಲದ ಪ್ರಕೃತಿದತ್ತ ನೋವು ನಿವಾರಕಗಳಿವು

ಪ್ಯಾಚ್‌ಗಳಿದ್ದರೆ ಬಿಡಿ

ನಿಂಬೆಹಣ್ಣಿನಲ್ಲಿ ಅಲ್ಲಲ್ಲಿ ಕಂದು ಬಣ್ಣದ ಚುಕ್ಕೆಗಳು ಅಥವಾ ಪ್ಯಾಚ್‌ಗಳು ಕಂಡು ಬಂದರೆ ಅದು ಹಾಳಾಗುತ್ತಿದೆ ಎಂದರ್ಥ. ಅಂಥ ನಿಂಬೆಹಣ್ಣನ್ನು ಖರೀದಿಸಬೇಡಿ. ಇಂತಹ ನಿಂಬೆಹಣ್ಣನ್ನು ಹಿಂಡಿದರೆ ಜ್ಯೂಸ್‌ ಸಿಗುತ್ತದೆಯಾದರೂ, ಅದರ ಜ್ಯೂಸ್‌ನ ವಾಸನೆ ಬದಲಾಗಿರುತ್ತದೆ ಹಾಗೂ ಸ್ವಲ್ಪ ಕಹಿ ರುಚಿಯಾಗಿರುತ್ತದೆ.
ನಿಂಬೆಹಣ್ಣಿನ ಉಪಯೋಗವನ್ನು ಅದರ ಪೋಷಕ ತತ್ವವನ್ನು ಸದಾ ನಿಮ್ಮ ನಿತ್ಯಾಹಾರದಲ್ಲಿ ಬಳಸುವ ಮೂಲಕ ಅದರ ನಿಜವಾದ ಆರೋಗ್ಯದ ಲಾಭಗಳನ್ನು ಪಡೆಯಿರಿ.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸಮ್ಮರ್‌ ಸೀಸನ್‌ನ ಹಾಲಿಡೇಗೆ (Summer Holiday Fashion) ಮ್ಯಾಚ್‌ ಆಗುವಂತಹ ನಾನಾ ಬಗೆಯ ಹಾಲಿಡೇ ಫ್ಯಾಷನ್‌ವೇರ್‌ಗಳು ಮಾರುಕಟ್ಟೆಗೆ ಈಗಾಗಲೇ ಲಗ್ಗೆ ಇಟ್ಟಿದ್ದು, ಟ್ರಾವೆಲ್‌ ಪ್ರಿಯರನ್ನು ಸೆಳೆದಿವೆ. ಯೂನಿಸೆಕ್ಸ್‌ ಡಿಸೈನ್‌ನ ಶಾರ್ಟ್ಸ್, ಪ್ಯಾಂಟ್ಸ್, ಟೀ ಶರ್ಟ್ಸ್, ಹುಡುಗಿಯರ ಸ್ಲಿಟ್‌ ಸ್ಕರ್ಟ್ಸ್, ಗಿಡ್ಡನಾದ ಪಲ್ಹಾಜೊ ಪ್ಯಾಂಟ್ಸ್‌, ಸ್ಲಿವ್‌ಲೆಸ್‌ ಟಾಪ್‌-ಕುರ್ತಾ , ಕ್ರಾಪ್‌ ಟಾಪ್ಸ್, ಹುಡಗ-ಹುಡುಗಿಯರು ಧರಿಸಬಹುದಾದ ಗಿಂಗ್ನಂ ಸ್ಟೈಲ್‌ನ ಬರ್ಮುಡಾ, ಸ್ಲಿವ್‌ಲೆಸ್‌ ಬನಿಯನ್‌ ಶೈಲಿಯ ಟೀ ಶರ್ಟ್ಸ್, ಗೋವಾ ಸ್ಟೈಲ್‌ ಶಾರ್ಟ್ಸ್‌ಗಳು ಬಿಡುಗಡೆಯಾಗಿ, ಬೇಡಿಕೆ ಹೆಚ್ಚಿಸಿಕೊಂಡಿವೆ. ಎಥ್ನಿಕ್‌ ಸ್ಟೈಲ್‌ನ ಉಡುಪುಗಳಿಗಿಂತ ಕ್ಯಾಶುವಲ್‌ ಔಟ್‌ಫಿಟ್‌ಗಳಿಗೆ ಮಾನ್ಯತೆ ಹೆಚ್ಚಾಗಿದೆ.

ಲಾಂಗ್‌ ಹಾಲಿಡೇ ಫ್ಯಾಷನ್‌ ವೇರ್ಸ್

ಇನ್ನು ಲಾಂಗ್‌ ಹಾಲಿಡೇಸ್‌ ಟೂರ್‌ಗೆ ಹೋಗುವುದಾದಲ್ಲಿಆದಷ್ಟೂ ಲೈಟ್‌ವೇಟ್‌ ಉಡುಪುಗಳನ್ನು ಆಯ್ಕೆ ಮಾಡಿ. ಟೂರ್‌ ಸ್ಪಾಟ್‌ಗಳಲ್ಲಿ ಸಮ್ಮರ್‌ ಸೀಸನ್‌ಗೆ ಹೊಂದುವಂತಹ ಉಡುಪುಗಳು ದೊರಕುತ್ತವೆ. ಅಲ್ಲಿಯೂ ಕೊಳ್ಳಬಹುದು. ಹುಡುಗಿಯರು ಹೆಚ್ಚು ಪ್ರಿಪೇರ್‌ ಆಗಬೇಕಾಗುತ್ತದೆ. ಆದರೆ, ಹುಡುಗರ ವಿಷಯದಲ್ಲಿ ಹಾಗಿಲ್ಲ, ಹೋದೆಡೆಯೇ ಒಂದೆರೆಡು ಟೀ ಶರ್ಟ್ಸ್ ಹಾಗೂ ಬರ್ಮುಡಾ ಕೊಂಡರಾಯಿತು, ಹೆಚ್ಚು ತೆಲೆ ಬಿಸಿಯಿಲ್ಲ ಎನ್ನುತ್ತಾರೆ ಫ್ಯಾಷನಿಸ್ಟಾ ರಾಜ್‌.

ಪಿಕ್‌ನಿಕ್‌ ಹಾಲಿಡೇ ವೇರ್ಸ್

ಇದೀಗ ಟ್ರೆಂಡಿಯಾಗಿರುವ ಬಣ್ಣ ಬಣ್ಣದ ರೆಸಾರ್ಟ್‌ವೇರ್‌ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಆದರೆ, ಹುಡುಗಿಯರು ಉದ್ದುದ್ದದ ಲಾಂಗ್‌ ಸ್ಕರ್ಟ್ಸ್ ಆವಾಯ್ಡ್‌ ಮಾಡಿ. ಫುಲ್‌ ಸ್ಲೀವ್‌ ಬೇಡ. ಲೇಯರ್‌ ಲುಕ್‌ಗೆ ಬೈ ಹೇಳಿ. ಬೇಸಿಗೆಯಲ್ಲಿ ಬ್ರೈಟ್‌ ಹಾಗೂ ಪಾಸ್ಟೆಲ್‌ ಕಲರ್ಸ್‌ ಆಯ್ಕೆ ಮಾಡಿ. ವಾಟರ್‌ ಫಾಲ್ ಅಥವಾ ಅಮ್ಯೂಸ್‌ಮೆಂಟ್‌ ಸ್ಪಾಟ್‌ಗಳಿಗೆ ಆದಷ್ಟೂ ಮೈಗೆ ಅಂಟದಂತಹ ವಾಟರ್‌ ಪ್ರೂಫ್‌ ಶಾಟ್ರ್ಸ್, ಟೈಟ್ಸ್ ಹಾಗೂ ಟೀ ಶಟ್ರ್ಸ್ ಆಯ್ಕೆ ಮಾಡಿ. ಕೇಪ್ರೀಸ್‌, ಕ್ಯೂಲೆಟ್ಸ್‌ ಕೂಡ ಬೆಸ್ಟ್‌.

ಫ್ರೆಶ್‌ ಕಲರ್ಸ್ ಡ್ರೆಸ್‌ಗೆ ಆದ್ಯತೆ ನೀಡಿ

ಹಾಲಿಡೇಗೆ ಹೋಗುವಾಗ ಆದಷ್ಟೂ ಮನಸ್ಸಿಗೆ ಉಲ್ಲಾಸ ನೀಡುವಂತಹ ಕಲರ್‌ ಉಡುಪುಗಳ ಆಯ್ಕೆ ಮಾಡಿ. ಯಾವುದೇ ಕಾರಣಕ್ಕೂ ಬ್ಲಾಕ್‌, ಕಾಫಿ ಕಲರ್‌, ಡೀಪ್‌ ಬ್ಲ್ಯೂ ವರ್ಣದ ಉಡುಪುಗಳು ಬೇಡ. ಇವು ಬಿಸಿಲ ಶಾಖವನ್ನು ಹೀರುತ್ತವೆ. ನಿತ್ರಾಣಗೊಳಿಸುತ್ತವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಫ್ಲೋರಲ್‌ ಹಾಗೂ ಗಿಂಗ್ನಂ ಔಟ್‌ಫಿಟ್‌ಗಳು ಫ್ರೆಶ್‌ ಫೀಲಿಂಗ್‌ ನೀಡುತ್ತವೆ.

ಕಂಫರ್ಟಬಲ್‌ ಫುಟ್‌ವೇರ್‌ ಆಯ್ಕೆ

ಹಿಲ್‌ ಸ್ಟೇಷನ್‌ ಅಥವಾ ಹೆಚ್ಚು ನಡೆಯುವಂತಹ ಜಾಗಗಳಿಗೆ ಹೋಗುತ್ತಿರುವುರಾದರೇ ಶೋ ಪ್ರಿಫರ್‌ ಮಾಡಿ. ಹೈ ಹೀಲ್ಸ್ ಆವಾಯ್ಡ್‌ ಮಾಡಿ. ಆದಷ್ಟೂ ಫ್ಲಿಪ್‌ ಫ್ಲಾಪ್‌ನಂತಹ ಆರಾಮ ಎನಿಸುವ ಹೊಸ ಬಗೆಯ ಫುಟ್‌ವೇರ್‌ಗೆ ಸೈ ಎನ್ನಿ.

ಇದನ್ನೂ ಓದಿ: Torn Jeans Styling Tips: ಟೊರ್ನ್‌ ಜೀನ್ಸ್‌ ಪ್ಯಾಂಟ್‌ ಪ್ರಿಯರು ನೆನಪಿನಲ್ಲಿಟ್ಟುಕೊಳ್ಳಬೇಕಾದ 5 ಪ್ರಮುಖ ಸಂಗತಿಗಳು

ಹಾಲಿಡೇ ಎಂಜಾಯ್‌ ಮಾಡಲು ಹೀಗೆ ಮಾಡಿ

• ಔಟ್‌ಫಿಟ್‌ಗೆ ಹೆಚ್ಚು ಆಕ್ಸೆಸರೀಸ್‌ ಧರಿಸುವುದು ಬೇಡ.
• ಹಾಲಿ ಡೇ ಔಟ್‌ಫಿಟ್‌ ಸೀಸನ್‌ಗೆ ತಕ್ಕಂತಿರಲಿ.
• ಬೆಲೆಬಾಳುವ ಜ್ಯುವೆಲರಿ ಧರಿಸಬೇಡಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)