ನವದೆಹಲಿ: ಷೇರು ಮಾರುಕಟ್ಟೆಯ ಬಿಗ್‌ ಬುಲ್‌ (Big Bull) ಎಂದೇ ಖ್ಯಾತಿಯಾಗಿದ್ದ ರಾಕೇಶ್‌ ಜುಂಜುನ್‌ವಾಲಾ (Rakesh Jhunjhunwala) ಅವರು ಕೆಲವು ದಿನಗಳ ಹಿಂದಷ್ಟೇ ನಿಧನರಾದರೂ, ಹೂಡಿಕೆ ಕುರಿತು ಅವರು ನೀಡಿದ ಸಲಹೆ, ಷೇರು ಮಾರುಕಟ್ಟೆ ಕುರಿತು ಮಾಡಿದ ವಿಶ್ಲೇಷಣೆ ಸೇರಿ ವಿವಿಧ ವಿಷಯಗಳ ಕುರಿತು ಈಗಲೂ ಚರ್ಚೆಯಾಗುತ್ತಿದೆ. ಇದರ ಬೆನ್ನಲ್ಲೇ ಜುಂಜುನ್‌ವಾಲಾ ಅವರು ಆರೋಗ್ಯದ ಬಗ್ಗೆ ನೀಡಿದ ಸಲಹೆಯನ್ನು ಮಹೀಂದ್ರಾ ಗ್ರೂಪ್‌ ಚೇರ್ಮನ್‌ ಆನಂದ್‌ ಮಹೀಂದ್ರಾ (Anand Mahindra) ಅವರು ಕೊಂಡಾಡಿದ್ದಾರೆ.

ರಾಕೇಶ್‌ ಜುಂಜುನ್‌ವಾಲಾ ಅವರು ಕೆಲ ವರ್ಷಗಳ ಹಿಂದೆ ನೀಡಿದ್ದ ಸಲಹೆಯ ಪೋಸ್ಟ್‌ ಈಗ ಶೇರ್‌ ಆಗುತ್ತಿದೆ. ಅದನ್ನು ಆನಂದ್‌ ಮಹೀಂದ್ರಾ ಕೂಡ ಹಂಚಿಕೊಂಡಿದ್ದಾರೆ. “ಈ ಪೋಸ್ಟ್‌ ಹೆಚ್ಚು ಶೇರ್‌ ಆಗುತ್ತಿದೆ. ಜುಂಜುನ್‌ವಾಲಾ ಅವರು ತಮ್ಮ ಕೊನೆಯ ದಿನಗಳಲ್ಲಿ ನೀಡಿದ ಸಲಹೆಯು ಉಪಯುಕ್ತವಾಗಿದ್ದು, ಸಹಸ್ರಾರು ಕೋಟಿ ರೂಪಾಯಿಯಷ್ಟು ಮೌಲ್ಯದ್ದು” ಎಂದು ಆನಂದ್‌ ಹೇಳಿದ್ದಾರೆ.

“ನನ್ನ ಕೆಟ್ಟ ಹೂಡಿಕೆ ಎಂದರೆ ಅದು ಆರೋಗ್ಯ. ಆದರೆ, ಬೇರೆಯವರು ಆರೋಗ್ಯದ ಮೇಲೆ ಹೆಚ್ಚು ಹೂಡಿಕೆ ಮಾಡುವಂತೆ ಸಲಹೆ ನೀಡುತ್ತೇನೆ” ಎಂಬುದಾಗಿ ಜುಂಜುನ್‌ವಾಲಾ ಹೇಳಿದ್ದರು. ಆರೋಗ್ಯ ಕಾಪಾಡಿಕೊಳ್ಳುವುದು ಮುಖ್ಯ ಎಂಬುದು ಅವರ ಸಲಹೆಯ ಆಶಯವಾಗಿತ್ತು. ಸಾವಿರಾರು ಕೋಟಿ ರೂ. ಒಡೆಯರಾಗಿದ್ದರೂ ಅವರಿಗೆ ತಮ್ಮ ಆರೋಗ್ಯದ ಕುರಿತು ಅಸಮಾಧಾನ ಇತ್ತು.

ಇದನ್ನೂ ಓದಿ | Viral Video | ಅದೆಂಥ ಜೀವನೋತ್ಸಾಹಿಯಾಗಿದ್ದರು ರಾಕೇಶ್​ ಜುಂಜುನ್​ವಾಲಾ; ಅದ್ಭುತ ಡ್ಯಾನ್ಸ್ ಇಲ್ಲಿದೆ

ಮುಂಬೈ: ಷೇರು ಮಾರುಕಟ್ಟೆಯ ಬಿಗ್​ ಬುಲ್​, ಖ್ಯಾತ ಹೂಡಿಕೆದಾರ ರಾಕೇಶ್​ ಜುಂಜುನ್​ವಾಲಾ (Rakesh Jhunjhunwala) ಇಂದು ಮುಂಜಾನೆ ಸಾವನ್ನಪ್ಪಿದ್ದಾರೆ. ಬಹುಕಾಲದಿಂದಲೂ ಅವರು ಡಯಾಬಿಟಿಸ್​​ನಿಂದ ಬಳಲುತ್ತಿದ್ದರು ಎಂದಷ್ಟೇ ಗೊತ್ತಾಗಿತ್ತು. ಆದರೆ ಅದರ ತೀವ್ರತೆ ಎಷ್ಟಿತ್ತು? ಏನೆಲ್ಲ ಆರೋಗ್ಯ ಸಮಸ್ಯೆಯಿತ್ತು ಎಂಬುದು ಸ್ಪಷ್ಟವಾಗಿರಲಿಲ್ಲ. ಇದೀಗ ಜುಂಜುನ್​ವಾಲಾಗೆ ಚಿಕಿತ್ಸೆ ನೀಡುತ್ತಿದ್ದ, ಬ್ರೀಚ್​ ಕ್ಯಾಂಡಿ ಆಸ್ಪತ್ರೆಯ ಡಾ. ಪ್ರತೀತ್ ಸಮದಾನಿ ಹೇಳಿಕೆ ನೀಡಿದ್ದಾರೆ. ರಾಕೇಶ್ ಜುಂಜುನ್​ವಾಲಾ ಮೃತಪಟ್ಟ ನಂತರ ಮೊದಲ ಬಾರಿಗೆ ಆ ಆಸ್ಪತ್ರೆಯಿಂದ ಪ್ರಕಟಣೆ ಬಿಡುಗಡೆಯಾಗಿದೆ.

‘ರಾಕೇಶ್​ ಜುಂಜುನ್​ವಾಲಾ ಮೃತಪಟ್ಟಿದ್ದು ಹೃದಯ ಸ್ತಂಭನದಿಂದಲೇ ಹೌದು. ಆದರೆ ಅವರು ದೀರ್ಘಕಾಲದಿಂದಲೂ ಅನಾರೋಗ್ಯಕ್ಕೀಡಾಗಿದ್ದರು. ಅವರಿಗೆ ಮೂತ್ರಪಿಂಡಗಳು ಸರಿಯಾಗಿ ಕೆಲಸ ಮಾಡುತ್ತಿರಲಿಲ್ಲ. ತುಂಬ ಕಾಲದಿಂದಲೂ ನಿಯಮಿತವಾಗಿ ಡಯಾಲಿಸಿಸ್​​ಗೆ ಒಳಗಾಗುತ್ತಿದ್ದರು. ಡಯಾಬಿಟಿಸ್​ ಗಂಭೀರ ಸ್ವರೂಪದಲ್ಲಿಯೇ ಇತ್ತು. ಇತ್ತೀಚೆಗೆ ಹೃದಯ ಸಮಸ್ಯೆ ಶುರುವಾಗಿ, ಆ್ಯಂಜಿಯೋಪ್ಲಾಸ್ಟಿಗೆ ಒಳಗಾಗಿದ್ದರು’ ಎಂದು ಡಾ. ಪ್ರತೀತ್​ ತಿಳಿಸಿದ್ದಾರೆ.

ಭಾರತದ ವಾರೆನ್​ ಬಫೆಟ್​ ಎಂದೇ ಖ್ಯಾತರಾಗಿದ್ದ ರಾಕೇಶ್ ಜುಂಜುನ್​ವಾಲಾ ಹುಟ್ಟಿದ್ದು 1960ರ ಜುಲೈ 5ರಂದು. ಮುಂಬೈನಲ್ಲಿಯೇ ಬೆಳೆದರು. 1985ರಲ್ಲಿ ಸೈಡನ್​ಹ್ಯಾಮ್​ ಕಾಲೇಜಿನಲ್ಲಿ ಪದವಿ ಪಡೆದ ಬಳಿಕ ಇನ್​​ಸ್ಟಿಟ್ಯೂಟ್​ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾಕ್ಕೆ ಸೇರ್ಪಡೆಯಾದರು. ಬಳಿಕ, ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆದಾರರಾಗಿದ್ದ ರೇಖಾ ಅವರನ್ನು ಮದುವೆಯಾದರು. ಇತ್ತೀಚೆಗೆಷ್ಟೇ ಹೊಸದಾಗಿ ವಿಮಾನಯಾನ ಕ್ಷೇತ್ರಕ್ಕೆ ಕಾಲಿಟ್ಟು, ಆಕಾಸ ಏರ್​ಲೈನ್​ ಪ್ರಾರಂಭ ಮಾಡಿದ್ದರು.

ಇದನ್ನೂ ಓದಿ: Rakesh Jhunjhunwala | ಸಾರಥಿಯ ನಿರ್ಗಮನಕ್ಕೆ ಆಕಾಸ ಏರ್‌ ಕಂಬನಿ, ಏರ್‌ಲೈನ್ಸ್‌ ಭವಿಷ್ಯವೇನು?

ಮುಂಬಯಿ: ಬಿಲಿಯನೇರ್‌ ಹೂಡಿಕೆದಾರ ರಾಕೇಶ್‌ ಜುಂಜುನ್‌ವಾಲಾ (Rakesh Jhunjhunwala) ಅವರ ನಿಧನದ ಬಳಿಕ, ಕೇವಲ ಒಂದು ವಾರದ ಹಿಂದೆಯಷ್ಟೇ ಅವರು ಆರಂಭಿಸಿರುವ ಆಕಾಸ ಏರ್‌ನ ಭವಿಷ್ಯವೇನಾಗಲಿದೆ ಎಂಬ ಪ್ರಶ್ನೆ ಹಲವರನ್ನು ಕಾಡುತ್ತಿದೆ.

“ರಾಕೇಶ್‌ ಜುಂಜುನ್‌ವಾಲಾ ಅವರ ಅಕಾಲಿಕ ನಿಧನಕ್ಕೆ ನಾವು ತೀವ್ರ ಶೋಕತಪ್ತರಾಗಿದ್ದೇವೆ. ಜುಂಜುನ್‌ವಾಲಾ ಅವರ ಕುಟುಂಬ ವರ್ಗ ಹಾಗೂ ಬಂಧು ಬಳಗ, ಸ್ನೇಹಿತರ ದುಃಖದಲ್ಲಿ ಏರ್‌ಲೈನ್‌ ಕೂಡ ಭಾಗಿಯಾಗಿದೆ. ಜುಂಜುನ್‌ ವಾಲಾ ಅವರ ಆತ್ಮಕ್ಕೆ ಶಾಂತಿ ಕೋರುತ್ತಿದ್ದೇವೆ. ಆಕಾಸ ಏರ್‌ ಬಗ್ಗೆ ಜುಂಜುನ್‌ ವಾಲಾ ಅತೀವ ವಿಶ್ವಾಸ ಮತ್ತು ನಂಬಿಕೆ ಇಟ್ಟಿದ್ದರು. ವಿಶ್ವದರ್ಜೆಯ ವಿಮಾನವನ್ನು ನಿರ್ಮಿಸುವುದು ಅವರ ಕನಸಾಗಿತ್ತು. ಪ್ರತಿಯೊಬ್ಬ ಭಾರತೀಯ, ಕಂಪನಿಯ ಉದ್ಯೋಗಿ ಮತ್ತು ಗ್ರಾಹಕರು ಚೆನ್ನಾಗಿರಬೇಕು ಎಂದು ಅವರು ಸದಾ ಬಯಸುತ್ತಿದ್ದರು. ಅದಮ್ಯ ಸ್ಫೂರ್ತಿಯ ಸೆಲೆಯಾಗಿದ್ದರು. ಆಕಾಸ್‌ ಏರ್‌ ಜುಂಜುನ್‌ ವಾಲಾ ಅವರ ಆದರ್ಶ, ಮೌಲ್ಯಗಳನ್ನು ಎತ್ತಿ ಹಿಡಿಯಲಿದೆʼʼ ಎಂದು ಆಕಾಸ ಏರ್‌ ಟ್ವೀಟ್‌ ಮಾಡಿದೆ.

ರಾಕೇಶ್‌ ಜುಂಜುನ್‌ವಾಲಾ ಅವರು ಸ್ಮಾರ್ಟ್‌ ಹೂಡಿಕೆದಾರರಾಗಿದ್ದರು. ರಾಜಕೀಯವಾಗಿಯೂ ಪ್ರಮುಖರೊಡನೆ ಸಂಪರ್ಕವನ್ನು ಹೊಂದಿದ್ದರು. ಅವರು ಪ್ರತಿಯೊಂದು ಹೂಡಿಕೆಯನ್ನೂ ಅಚ್ಚುಕಟ್ಟಾಗಿ, ಸಾಕಷ್ಟು ಯೋಚಿಸಿಯೇ ಮಾಡುತ್ತಿದ್ದರು. ಇದೇ ರೀತಿ ಆಕಾಸ ಏರ್‌ನಲ್ಲೂ ಹೂಡಿಕೆ ಮಾಡಿರಬಹುದು. ಆಕಾಸ ಏರ್‌ಗೆ ಉತ್ತಮ ರೀತಿಯಲ್ಲಿ ಹಣಕಾಸು ವ್ಯವಸ್ಥೆ ನಡೆದಿದೆ. ಹೀಗಾಗಿ ಏರ್‌ಲೈನ್‌ ತನ್ನ ಹಾರಾಟ ಮತ್ತು ಸೇವೆಯನ್ನು ಮುಂದುವರಿಸುತ್ತದೆ. ಹೀಗಿದ್ದರೂ ರಾಕೇಶ್‌ ಜುಂಜುನ್‌ ವಾಲಾ ಅವರ ವೃತ್ತಿಪರತೆ, ಕಾರ್ಪೊರೇಟ್‌ ವ್ಯವಹಾರಗಳ ಕುರಿತ ಅವರ ಜ್ಞಾನ, ಅನುಭವದ ಪ್ರಯೋಜನಗಳು ಸಂಸ್ಥೆಗೆ ಮಿಸ್‌ ಆಗಬಹುದು ಎನ್ನುತ್ತಾರೆ ವೈಮಾನಿಕ ಕ್ಷೇತ್ರದ ತಜ್ಞರಾದ ದಿವೇಶ್‌ ಅಗ್ರವಾಲ್.‌

ಆಕಾಸ ಏರ್‌ ಈಗಾಗಲೇ ಸುಸಜ್ಜಿತ ಹಾಗೂ ವೃತ್ತಿಪರ ತಂಡ, ಆಡಳಿತ ಮಂಡಳಿಯೊಂದಿಗೆ ತನ್ನ ಸೇವೆಯನ್ನು ಆರಂಭಿಸಿದೆ. ಸಿಇಒ ಆಗಿ ಜೆಟ್‌ ಏರ್‌ವೇಸ್‌ನ ಮಾಜಿ ಸಿಇಒ ವಿನಯ್‌ ದುಬೆ ಅವರಿದ್ದಾರೆ. ಅವರು ಸಹ ಸಂಸ್ಥಾಪಕರೂ ಆಗಿದ್ದಾರೆ.

“ರಾಕೇಶ್‌ ಜುಂಜುನ್‌ವಾಲಾ ಅವರ ನಿಧನ ಅಕಾಲಿಕವಾಗಿದೆ. ಆಕಾಸ ಏರ್‌ನ ಭವಿಷ್ಯದ ಪ್ಲಾನ್‌ ಎಂಬುದು ಬಹಿರಂಗವಾಗಿಲ್ಲ. ಜುಂಜುನ್‌ವಾಲಾ ಅವರ ತಿಳುವಳಿಕೆ, ಮಾರ್ಗದರ್ಶನ ಇನ್ನು ಮುಂದೆ ಆಕಾಸ್‌ ಏರ್‌ಗೆ ಸಿಗದಿರಬಹುದು. ಆದರೆ ಏರ್‌ಲೈನ್‌ ತನ್ನ ಪ್ಲಾನ್‌ ಪ್ರಕಾರ ಮುಂದುವರಿಯುವ ಸಾಧ್ಯತೆಯೇ ಹೆಚ್ಚುʼʼ ಎನ್ನುತ್ತಾರೆ ದಿವೇಶ್‌ ಅಗ್ರವಾಲ್.‌

ಮುಂಬೈ: ಭಾರತೀಯ ಷೇರು ಮಾರುಕಟ್ಟೆಯ ದಿಗ್ಗಜ ಹೂಡಿಕೆದಾರ ರಾಕೇಶ್‌ ಜುಂಜುನ್‌ವಾಲಾ (Rakesh Jhunjhunwala) ಅವರ ಅಂತ್ಯಕ್ರಿಯೆ ಸಂಜೆ ೫.೩೦ಕ್ಕೆ ಮುಂಬೈನ ಮಲಬಾರ್‌ ಹಿಲ್ಸ್‌ನಲ್ಲಿ ನಡೆಯಲಿದೆ. ಬಂಗಾಂಗ ಸ್ಮಶಾನದಲ್ಲಿ ಅಂತಿಮ ವಿಧಿವಿಧಾನಗಳನ್ನು ನೆರವೇರಿಸಿದ ಬಳಿಕ ಅಂತ್ಯಕ್ರಿಯೆ ನಡೆಸಲಾಗುತ್ತದೆ.

ಮಲಬಾರ್‌ ಹಿಲ್ಸ್‌ನಲ್ಲಿರುವ ಜುಂಜುನ್‌ವಾಲಾ ಅವರ ನಿವಾಸದಲ್ಲಿ ಅಂತಿಮ ದರ್ಶನಕ್ಕೆ ಅವಕಾಶ ಮಾಡಲಾಗಿದ್ದು, ಗಣ್ಯಾತಿಗಣ್ಯರು ಅಂತಿಮ ದರ್ಶನ ಪಡೆದಿದ್ದಾರೆ. ಸಾರ್ವಜನಿಕರಿಗೂ ಶ್ರದ್ಧಾಂಜಲಿ ಸಲ್ಲಿಸಲು ಅವಕಾಶ ನೀಡಲಾಗಿದೆ. ಸಾರ್ವಜನಿಕರು, ಗಣ್ಯರು ಅಂತಿಮ ದರ್ಶನ ಪಡೆದ ಬಳಿಕ ಅಂತ್ಯಸಂಸ್ಕಾರ ನಡೆಯಲಿದೆ.

ರಾಕೇಶ್‌ ಜುಂಜುನ್‌ವಾಲಾ ಅವರ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸೇರಿ ನೂರಾರು ಗಣ್ಯರು ಸಂತಾಪ ಸೂಚಿಸಿದ್ದಾರೆ. ಅದರಲ್ಲೂ, ಇತ್ತೀಚೆಗಷ್ಟೇ ಕಾರ್ಯಾರಂಭ ಮಾಡಿದ, ಬಿಗ್‌ ಬುಲ್‌ ಒಡೆತನದ ಆಕಾಸ ವಿಮಾನಯಾನ ಸಂಸ್ಥೆಯ ಸಿಬ್ಬಂದಿಯು ಭಾವನಾತ್ಮಕ ಸಂದೇಶದ ಮೂಲಕ ಅಂತಿಮ ನಮನ ಸಲ್ಲಿಸಿದ್ದಾರೆ.

ಇದನ್ನೂ ಓದಿ | Viral Video | ಅದೆಂಥ ಜೀವನೋತ್ಸಾಹಿಯಾಗಿದ್ದರು ರಾಕೇಶ್​ ಜುಂಜುನ್​ವಾಲಾ; ಅದ್ಭುತ ಡ್ಯಾನ್ಸ್ ಇಲ್ಲಿದೆ