-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕೃಷ್ಣ ಜನ್ಮಾಷ್ಟಮಿ (Krishna Janmashtami Fancy Dress Tips) ಹಿನ್ನೆಲೆಯಲ್ಲಿ, ರಾಜ್ಯದೆಲ್ಲೆಡೆ ಮಕ್ಕಳ ಫ್ಯಾನ್ಸಿ ಡ್ರೆಸ್ ಕಾಂಪಿಟೇಷನ್‌ ಶುರುವಾಗಿದೆ. ಗೋಕುಲಾಷ್ಟಮಿಯ ದಿನ ಹಾಗೂ ಹಬ್ಬದ ಹಿಂದೆ-ಮುಂದೆ ನಡೆಯುವ ಈ ಸ್ಪರ್ಧೆಗಳಲ್ಲಿ, ಹಾಲುಗಲ್ಲದ ಕಂದಮ್ಮಗಳಿಂದ ಹಿಡಿದು ಟೀನೇಜ್‌ ಮಕ್ಕಳವರೆಗೂ ಲೆಕ್ಕವಿಲ್ಲದಷ್ಟು ಮಕ್ಕಳು ಭಾಗವಹಿಸುತ್ತಾರೆ. ಇವರನ್ನು ಅಲಂಕರಿಸುವ ಜವಾಬ್ದಾರಿ ಹೊತ್ತ ಪ್ರತಿ ಪೋಷಕರು ತಮ್ಮ ಮಕ್ಕಳು ಮುದ್ದು ಕೃಷ್ಣನಂತೆ ಕಾಣಿಸಲು ಬಯಸುತ್ತಾರೆ. ಅಂತಹವರಿಗೆಂದೇ ಕಿಡ್ಸ್ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಸಲಹೆ ನೀಡಿದ್ದಾರೆ.

ಮೊದಲಿಗೆ ಪ್ಲಾನಿಂಗ್‌ ಮಾಡಿ

ಮೊದಲಿಗೆ ನಿಮ್ಮ ಮಗ/ಮಗಳಿಗೆ ಯಾವ ಬಗೆಯ ಕೃಷ್ಣನ ಡ್ರೆಸ್ ಹಾಕಲು ಬಯಸುವಿರಿ! ಎಂಬುದನ್ನು ನಿರ್ಧರಿಸಿ. ಕೃಷ್ಣನ ಉಡುಪು, ಆಕ್ಸೆಸರೀಸ್‌ ಯಾವುದು ನಿಮ್ಮ ಮಗುವಿಗೆ ಬೆಸ್ಟ್ ಎಂಬುದನ್ನು ಮೊದಲೇ ಡಿಸೈಡ್‌ ಮಾಡಿ.

ಥೀಮ್‌ಗೆ ತಕ್ಕಂತೆ ಕೃಷ್ಣನಂತೆ ಸಿಂಗರಿಸಿ

ಕೆಲವೊಂದು ಫ್ಯಾನ್ಸಿ ಡ್ರೆಸ್ ಕಾನ್ಸೆಪ್ಟ್ಗಳಲ್ಲಿ ಥೀಮ್‌ ಅಥವಾ ಕಾನ್ಸೆಪ್ಟ್ ನೀಡಿರುತ್ತಾರೆ. ಅಲ್ಲದೇ ಮಕ್ಕಳಿಗೆ ವಯಸ್ಸಿನ ಮಿತಿಯೂ ಇರುತ್ತದೆ. ಮೊದಲೇ ಆ ಬಗ್ಗೆ ತಿಳಿದುಕೊಂಡು ಅಲಂಕರಿಸಿ.

ಮಕ್ಕಳ ವಯಸ್ಸಿಗೆ ಅನುಗುಣವಾಗಿ ಡ್ರೆಸ್ ಮಾಡಿ

ಮಕ್ಕಳ ವಯಸ್ಸಿಗೆ ಅನುಗುಣವಾಗಿ ಯಾವ ಬಗೆಯ ಕೃಷ್ಣನ ಡ್ರೆಸ್‌ ಹಾಕಬಹುದು ಎಂಬುದನ್ನು ಯೋಚಿಸಿ. ನಿಮ್ಮ ಮಗು ಮುದ್ದು ಮುದ್ದಾಗಿದ್ದಲ್ಲಿ, ಬೆಣ್ಣೆ ಕೃಷ್ಣ, ತರ್ಲೆಯಾಗಿದ್ದಲ್ಲಿ ತುಂಟ ಕೃಷ್ಣ, ಎತ್ತರವಾಗಿದ್ದಲ್ಲಿ ಬೆಣ್ಣೆ ಮಡಕೆ ಹೊಡೆಯುವ ಕೃಷ್ಣ ಹೀಗೆ ಮಕ್ಕಳ ಬಾಡಿ ಟೈಪ್‌ ನೋಡಿಕೊಂಡು ನಿರ್ಧರಿಸಿ.

ಕೃಷ್ಣನ ಆಕ್ಸೆಸರೀಸ್‌ ಮುಖ್ಯ

ಕೃಷ್ಣನ ಫ್ಯಾನ್ಸಿ ಡ್ರೆಸ್‌ ಮಾಡುವಾಗ ಅತಿ ಮುಖ್ಯವಾದುದು ಗೋಪಾಲಕನ ನವಿಲುಗರಿ, ಕೊಳಲು, ಮುತ್ತಿನ ಹಾರಗಳು, ಕೀರೀಟ ಹಾಗೂ ಶಲ್ಯ ಹೊಂದಿದ ಸಿಲ್ಕ್‌ನ ಧೋತಿ. ಇವುಗಳನ್ನು ಧರಿಸಲೇಬೇಕು. ಆಗಿದ್ದಾಗ ಮಾತ್ರ ಘನಶ್ಯಾಮನಂತೆ ಕಾಣಲು ಸಾಧ್ಯ.

ಕೃಷ್ಣನ ಔಟ್‌ಫಿಟ್ಸ್ ಬಾಡಿಗೆಗೆ ಲಭ್ಯ

ಸಾಕಷ್ಟು ಫ್ಯಾನ್ಸಿ ಡ್ರೆಸ್‌ ದೊರೆಯುವ ಸ್ಥಳದಲ್ಲಿ ಆಯಾ ವಯಸ್ಸಿಗೆ ತಕ್ಕಂತೆ ನಾನಾ ಬಗೆಯ ಕೃಷ್ಣನ ಫ್ಯಾನ್ಸಿ ಡ್ರೆಸ್‌ಗಳು ದಿನದ ಲೆಕ್ಕದಲ್ಲಿ ಬಾಡಿಗೆಗೆ ದೊರೆಯುತ್ತವೆ. ಕಂಪ್ಲೀಟ್‌ ಪ್ಯಾಕೇಜ್‌ ರೂಪದಲ್ಲಿ ಉಡುಪಿನಿಂದಿಡಿದು ಆಕ್ಸೆಸರೀಸ್‌ಗಳು ಲಭ್ಯ. ಇವುಗಳ ಸದುಪಯೋಗಪಡಿಸಿಕೊಳ್ಳಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕೃಷ್ಣಜನ್ಮಾಷ್ಟಮಿ (Krishna janmastami) ಸಮೀಪಿಸುತ್ತಿದೆ. ಆಗಲೇ ಎಲ್ಲೆಡೆ ಕೃಷ್ಣನ ನಾನಾ ಅವತಾರಗಳ ಫೋಟೋಶೂಟ್‌ ಮಾಡಿಸುವವರ ಸಂಖ್ಯೆ ಹೆಚ್ಚಾಗಿದೆ. ಪರಿಣಾಮ, ಎಲ್ಲೆಡೆ ಕೃಷ್ಣಜನ್ಮಾಷ್ಟಮಿ ಥೀಮ್‌ ಫೋಟೋಶೂಟ್‌ ಟ್ರೆಂಡಿಯಾಗಿದೆ.

ಕೃಷ್ಣನ ಅವತಾರಕ್ಕೂ ಫೋಟೋಶೂಟ್‌ :

“ಪ್ರತಿ ಮನೆಯಲ್ಲೂ ಮಕ್ಕಳಿಗೆ ಒಮ್ಮೆಯಾದರೂ ಸರಿಯೇ! ಕೃಷ್ಣ ಅಥವಾ ರಾಧೆಯ ಅವತಾರವನ್ನು ಹಾಕಿಸಿರುತ್ತಾರೆ. ಫೋಟೋ ತೆಗೆಸಿ ಸಂತಸ ಪಟ್ಟಿರುತ್ತಾರೆ. ಬಾಲ ಕೃಷ್ಣನಿಂದಿಡಿದು ರಾಧಾ-ಕೃಷ್ಣನಂತೆ ಫೋಟೋಶೂಟ್‌ ಮಾಡಿಸುವುದು ಹೆಚ್ಚಾಗಿದೆ. ಈ ಕಾನ್ಸೆಪ್ಟ್ ಇದೀಗ ಮತ್ತಷ್ಟು ಬೆಳವಣಿಗೆ ಕಂಡಿದೆ. ಚಿಣ್ಣರಿಗೆ ಮಾತ್ರವಲ್ಲ, ಇದೀಗ ಟೀನೇಜ್‌ ಹುಡುಗ-ಹುಡುಗಿಯರು ಕೂಡ ರಾಧಾ-ಕೃಷ್ಣರ ಫೋಟೋಶೂಟ್‌ ಮಾಡಿಸಲಾರಂಭಿಸಿದ್ದಾರೆ.

ಇದಕ್ಕೆ ಪೂರಕ ಎಂಬಂತೆ, ಪೌರಾಣಿಕ ಹಿನ್ನೆಲೆಯ ಫೋಟೋಶೂಟ್‌ ಮಾಡುವ ಫೋಟೋಗ್ರಾಫರ್ಸ್ ಕೂಡ ಸುಲಭವಾಗಿ ದೊರೆಯುತ್ತಿದ್ದಾರೆ. ಪ್ರಿ ಹಾಗೂ ವೆಡ್ಡಿಂಗ್‌ ಶೂಟ್‌ ಮಾಡುವವರು ಒಂದು ಹೆಜ್ಜೆ ಮುಂದೆ ಹೋಗಿ, ಈ ಕಾನ್ಸೆಪ್ಟ್ಗಳಿಗೂ ಫೋಟೋಶೂಟ್‌ ಮಾಡಿಕೊಡುತ್ತಿದ್ದಾರೆ. ಹಾಗಾಗಿ ಕೃಷ್ಣಜನ್ಮಾಷ್ಟಮಿಯ ಫೋಟೋಶೂಟ್‌ ಇತ್ತೀಚೆಗೆ ಹೆಚ್ಚಾಗಿದೆ ಎನ್ನುತ್ತಾರೆ ಫೋಟೋಗ್ರಾಫರ್‌ .

ಜನ್ಮಾಷ್ಟಮಿ ಫೋಟೋಶೂಟ್‌ ಪ್ಯಾಕೇಜ್‌ :

ಪ್ರತಿ ವರ್ಷವೂ ಕೃಷ್ಣನ ಫೋಟೋಶೂಟ್‌ಗಾಗಿಯೇ ಸಾಕಷ್ಟು ಸ್ಟುಡಿಯೋಗಳು ಪ್ಯಾಕೇಜ್‌ ರೀತಿಯಲ್ಲಿ ಸೌಲಭ್ಯಗಳನ್ನು ನೀಡುತ್ತವೆ. ಅಲ್ಲದೇ ಕೃಷ್ಣನ ಅಲಂಕಾರಕ್ಕೆ ಬೇಕಾಗಿರುವ ಎಲ್ಲಾ ಬಗೆಯ ಅಲಂಕಾರಿಕ ಸಾಮಗ್ರಿಗಳನ್ನು ಒದಗಿಸುತ್ತವೆ. ಅಷ್ಟೇಕೆ? ಈ ಪ್ಯಾಕೇಜ್‌ನಲ್ಲಿ ಫೋಟೋಗ್ರಾಫರ್‌ನಿಂದಿಡಿದು, ಬಾಡಿಗೆಗೆ ಫೋಟೋ ಕ್ಲಿಕ್ಕಿಸುವ ಸ್ಥಳ ಅಂದರೇ, ಸ್ಟಾಟ್‌ ಸೇರಿದಂತೆ ಎಲ್ಲವನ್ನೂ ಪ್ಯಾಕೇಜ್‌ಗೆ ತಕ್ಕಂತೆ ಒದಗಿಸುತ್ತವೆ. ಹಣ ನೀಡಿದರಾಯಿತಷ್ಟೇ! ಎನ್ನುತ್ತಾರೆ ಬಾಲಕೃಷ್ಣನ ಫೋಟೋಶೂಟ್‌ ಮಾಡಿಸಿದ ಪೋಷಕರಾದ ಕಿರಣ್‌ ಹಾಗೂ ಲಕ್ಷ್ಮಿ.

ಕೃಷ್ಣ ಜನ್ಮಾಷ್ಟಮಿ ಫೋಟೋಶೂಟ್‌ಗೆ 4 ಐಡಿಯಾ :

· ಆನ್‌ಲೈನ್‌ನಲ್ಲೂ ಸಾಕಷ್ಟು ಫೋಟೋ ಸ್ಟುಡಿಯೋಗಳು ಬಜೆಟ್‌ ಫ್ರೆಂಡ್ಲಿ ಜನ್ಮಾಷ್ಟಮಿ ಫೋಟೋಶೂಟ್‌ ಪ್ಯಾಕೇಜ್‌ ನೀಡುತ್ತವೆ ಉಪಯೋಗಿಸಿಕೊಳ್ಳಿ.
· ಆಯಾ ವಯಸ್ಸಿಗೆ ತಕ್ಕಂತೆ ಥೀಮ್‌ ಆಯ್ಕೆ ಮಾಡಿ, ಸ್ಟೈಲಿಂಗ್‌ ಮಾಡಿ.
· ಫೋಟೋ ಕಾಂಪಿಟೇಷನ್‌ಗೆ ಕಳುಹಿಸುವುದಾದಲ್ಲಿ, ಪ್ರೊಫೆಷನಲ್‌ ಫೋಟೋಗ್ರಾಫಿ ಮಾಡಿಸಿ.
· ನೀವೇ ಖುದ್ದು ಫೋಟೋಶೂಟ್‌ ಮಾಡುವುದಾದಲ್ಲಿ ಬಾಡಿಗೆಗೆ
ಔಟ್‌ಫಿಟ್ಸ್ ಪಡೆದು ಮಾಡಿ. ಖರ್ಚು ಕಡಿಮೆಯಾಗುವುದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕ್ವಿರ್ಕಿ ಲೆಗ್ಗಿಂಗ್ಸ್ ಜೆನ್‌ ಜಿ ಫ್ಯಾಷನ್‌ಗೆ ಎಂಟ್ರಿ ನೀಡಿದೆ. ಹೌದು, ಈ ಮೊದಲು ಸೀದಾ ಸಾದಾ ಹಾಗೂ ಸಿಂಪಲ್‌ ಪ್ರಿಂಟ್ಸ್‌ನಲ್ಲಿ ಮಾತ್ರ ಲಭ್ಯವಿದ್ದ ಲೆಗ್ಗಿಂಗ್ಸ್ ಇದೀಗ ಕ್ವಿರ್ಕಿ ಡಿಸೈನ್‌ನಲ್ಲಿ ಎಂಟ್ರಿ ನೀಡಿವೆ. ಡಿಫರೆಂಟ್‌ ವೈಬ್ರೆಂಟ್‌ ಪ್ರಿಂಟ್ಸ್ ನಿಂದಾಗಿ ಈ ಜನರೇಷನ್‌ನ ಬಿಂದಾಸ್‌ ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ. ಇನ್ನು, ಇದಕ್ಕೆ ಪೂರಕ ಎಂಬಂತೆ, ಇತ್ತೀಚೆಗೆ ನಟಿ ಅನನ್ಯಾ ಪಾಂಡೇ ಧರಿಸಿದ ಕ್ವಿರ್ಕಿ ಪ್ಯಾಂಟ್‌ ಕೂಡ ಸಖತ್‌ ಹಂಗಾಮ ಎಬ್ಬಿಸಿತ್ತು. ಅವರು ಧರಿಸಿ ಇನ್ನೂ ವಾರವಾಗಿಲ್ಲ! ಆಗಲೇ ಈ ಲೆಗ್ಗಿಂಗ್ಸ್ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಅಂದಹಾಗೆ, ಮಲ್ಟಿ ಕಲರ್‌ ಶೇಡ್ ಹೊಂದಿರುವ ಈ ಕ್ವಿರ್ಕಿ ಲೆಗ್ಗಿಂಗ್ಸ್ ವಿಶೇಷತೆಯೇನು ಗೊತ್ತೇ! ಹುಡುಗಿಯರು ಇವನ್ನು ಪಾರ್ಟಿವೇರ್‌ಗಳಾಗಿಯೂ ಬಳಸಬಹುದು. ಕ್ಯಾಶುವಲ್‌ ಲುಕ್‌ಗೂ ಧರಿಸಬಹುದು ಎನ್ನುತ್ತಾರೆ ಡಿಸೈನರ್ಸ್.

ಟ್ರೆಂಡ್‌ನಲ್ಲಿರುವ ಕ್ವಿರ್ಕಿ ಪ್ಯಾಂಟ್‌ಗಳಿವು

ವೈಬ್ರೆಂಟ್‌ ಶೇಡ್‌ನವು, ಅಬ್‌ಸ್ಟ್ರಾಕ್ಟ್ ಪ್ರಿಂಟ್ಸ್‌ನವು, ಕ್ಯಾರೆಕ್ಟರ್‌ ಪ್ರಿಂಟ್ಸ್, ಹಾರ್ಟ್ ಶೇಪ್‌ ಹೀಗೆ ನಾನಾ ಬಗೆಯ ಮಲ್ಟಿ ಶೇಡ್‌ನ ಕ್ವಿರ್ಕಿ ಲೆಗ್ಗಿಂಗ್ಸ್ ಇದೀಗ ಟ್ರೆಂಡ್‌ನಲ್ಲಿವೆ. ಅದರಲ್ಲಿ, ಇದೀಗ ಹಾರ್ಟ್ ಶೇಪ್‌ ಲೆಗ್ಗಿಂಗ್ಸ್ ಆನ್‌ಲೈನ್‌ನಲ್ಲಿ ಹೆಚ್ಚು ಪಾಪುಲರ್‌ ಆಗಿವೆ. ಇದೀಗ ಚಾಲ್ತಿಯಲ್ಲಿರುವ ಕ್ವಿರ್ಕಿ ಲೆಗ್ಗಿಂಗ್ಸ್‌‌ನಲ್ಲಿ ಜಿಪ್‌ ಹಾಗೂ ಬೆಲ್ಟ್‌ ಕೂಡ ಸೇರಿದೆ.

ಆನ್‌ಲೈನ್‌ನಲ್ಲಿ ಕ್ವಿರ್ಕಿ ಲೆಗ್ಗಿಂಗ್ಸ್ ಹಂಗಾಮ

ಆನ್‌ಲೈನ್‌ ಶಾಪ್‌ಗಳಲ್ಲಿ ಲೆಕ್ಕವಿಲ್ಲದಷ್ಟು ಬಗೆಯ ವೈಬ್ರೆಂಟ್‌ ಪಾರ್ಟಿವೇರ್‌ ಕ್ವಿರ್ಕಿ ಲೆಗ್ಗಿಂಗ್ಸ್ ಈಗಾಗಲೇ ಹಂಗಾಮ ಎಬ್ಬಿಸಿವೆ. ಈ ಫ್ಯಾಷನ್‌ ಕ್ರೇಝ್‌ ಇದೀಗ ಯಾವ ಮಟ್ಟಿಗೆ ಕಡಿಮೆ ಸಮಯದಲ್ಲಿ ಟ್ರೆಂಡ್‌ ಲಿಸ್ಟ್ಗೆ ಸೇರಿದೆ ಎಂದರೇ, ಕಾಲೇಜು ಹುಡುಗಿಯರು ಈಗಾಗಲೇ ತಮ್ಮ ವಾರ್ಡ್ರೋಬ್‌ ಲಿಸ್ಟ್‌‌ಗೆ ಸೇರಿಸಿಕೊಳ್ಳಲಾರಂಭಿಸಿದ್ದಾರಂತೆ.

ಬ್ಲ್ಯಾಕ್‌ ಕಲರ್‌ ಮಿಶ್ರಿತ ವೈಬ್ರೆಂಟ್‌ ಲೆಗ್ಗಿಂಗ್ಸ್ ಗೆ ಬೇಡಿಕೆ

ಮಲ್ಟಿ ಶೇಡ್‌ ಲೆಗ್ಗಿಂಗ್ಸ್‌‌ನಲ್ಲಿ ಇದೀಗ ಬ್ಲ್ಯಾಕ್‌ ಮಿಕ್ಸ್ ಇರುವ ಪ್ರಿಂಟೆಡ್‌ ಕ್ವಿರ್ಕ್‌ ಲೆಗ್ಗಿಂಗ್ಸ್‌ಗೆ ಬೇಡಿಕೆ ಹೆಚ್ಚಾಗಿದೆಯಂತೆ. ಕಾರಣ, ಇವು ಎಲ್ಲಾ ಟಾಪ್‌ಗಳಿಗೂ ಮ್ಯಾಚ್‌ ಆಗುತ್ತವೆ. ಅಲ್ಲದೇ, ವಿಧ ವಿಧವಾಗಿ ಧರಿಸಬಹುದೆಂಬ ಕಾನ್ಸೆಪ್ಟ್ ಹೊಂದಿರುವುದು ಎನ್ನುತ್ತಾರೆ ಸ್ಟೈಲಿಸ್ಟ್ ರಾಜ್‌.

ಇದನ್ನೂ ಓದಿ: Monsoon Fashion: ಟೀನೇಜ್‌ ಹುಡುಗಿಯರ ಮಾನ್ಸೂನ್‌ ಸ್ಟೈಲಿಂಗ್‌‌‌ಗೆ ಸಾಥ್‌ ನೀಡುತ್ತಿರುವ 3 ಫ್ಯಾಷನ್‌ ವೇರ್ಸ್

ನಿಮಗೆ ಗೊತ್ತೇ!

ನಾನಾ ಬ್ರಾಂಡ್‌ಗಳಲ್ಲಿ ಲಭ್ಯವಿರುವ ಈ ಕ್ವಿರ್ಕಿ ಲೆಗ್ಗಿಂಗ್ಸ್ ಸ್ಟ್ರೀಟ್‌ ಶಾಪ್‌ಗಳಲ್ಲಿ ಕೇವಲ 500 ರೂ.ಗಳಿಂದ 600 ರೂ.ಗಳಿಗೆ ದೊರೆಯುತ್ತವೆ. ದೊಡ್ಡ ಬ್ರಾಂಡ್‌ನಲ್ಲಾದಲ್ಲಿ 10 ಸಾವಿರ ರೂ.ಗಳಿಂದ 90 ಸಾವಿರ ರೂ.ಗಳವರೆಗೂ ಇವುಗಳ ಬೆಲೆ ಇದೆಯಂತೆ, ಎಂದರೇ ನಂಬುತ್ತೀರಾ! ನಂಬಲೇಬೇಕು. ಬಾಲಿವುಡ್‌ ನಟಿಯರು ಧರಿಸುವುದೇ ಇದಕ್ಕೆ ಸಾಕ್ಷಿ ಎನ್ನುತ್ತಾರೆ ಡಿಸೈನರ್ಸ್.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಳೆಗಾಲದಲ್ಲಿ (Monsoon Fashion) ಟೀನೇಜ್‌ ಹುಡುಗಿಯರ ಸ್ಟೈಲಿಂಗ್‌ ಬದಲಾಗಿದೆ. ಡಿಫರೆಂಟ್‌ ಲುಕ್‌ಗಳ ಪ್ರಯೋಗಾತ್ಮಕ ಸ್ಟೈಲಿಂಗ್‌ಗೆ 3 ಶೈಲಿಯ ಮಾನ್ಸೂನ್‌ ಫ್ಯಾಷನ್‌ವೇರ್‌ಗಳು ಸಾಥ್‌ ನೀಡುತ್ತಿವೆ. “ಈ ಜನರೇಷನ್‌ನ ಟೀನೇಜ್‌ ಹುಡುಗಿಯರ ಫ್ಯಾಷನ್‌ ಕಂಪ್ಲೀಟ್‌ ಡಿಫರೆಂಟ್‌. ಪ್ರತಿಯೊಂದರಲ್ಲೂ ನಯಾ ಲುಕ್‌ ಎದ್ದು ಕಾಣಿಸುತ್ತದೆ. ಮೊದಲೇ ಯಂಗ್‌ ಆಗಿರುವ ಇವರನ್ನು ಮತ್ತಷ್ಟು ಫಂಕಿಯಾಗಿ ಬಿಂಬಿಸುತ್ತವೆ. ಇನ್ನು ಮಾನ್ಸೂನ್‌ ಸೀಸನ್‌ಗೆ ತಕ್ಕಂತೆ ನಾನಾ ಫ್ಯಾಷನ್‌ವೇರ್‌ಗಳು ಆಗಮಿಸಿದ್ದರೂ, ಪ್ರಯೋಗಾತ್ಮಕ ಸ್ಟೈಲಿಂಗ್‌ಗೆ ಇದೀಗ ಹೆಚ್ಚು ಮಾನ್ಯತೆ ದೊರಕಿದೆ. ಹುಡುಗಿರಲ್ಲಿ ಒಬ್ಬೊಬ್ಬರದ್ದು ಒಂದೊಂದು ಬಗೆಯ ಸ್ಟೈಲಿಂಗ್‌! ಆಯಾ ಔಟ್‌ಫಿಟ್‌ಗೆ ತಕ್ಕಂತೆ ಕೊಂಚ ಬದಲಾವಣೆ ಕಾಣಬಹುದಷ್ಟೇ!” ಎನ್ನುತ್ತಾರೆ ಸ್ಟೈಲಿಸ್ಟ್ ಜಯ್‌ ಹಾಗೂ ರಾಣಾ. ಅವರ ಪ್ರಕಾರ, ಪ್ರತಿ ಹುಡುಗಿಯ ಫ್ಯಾಷನ್‌ ಅವರ ಪ್ರತಿ ದಿನಚರಿಯ ಮೇಲೆ ಹಾಗೂ ಅವರ ಪರಿಸರದ ಮೇಲೆ ನಿರ್ಧರಿತವಾಗಿರುತ್ತದೆ ಎನ್ನುತ್ತಾರೆ. ಸದ್ಯ ಟೀನೇಜ್‌ ಹುಡುಗಿಯರ ಕ್ರೇಝಿ ಲಿಸ್ಟ್‌ನಲ್ಲಿರುವ 3 ಫ್ಯಾಷನ್‌ವೇರ್‌ಗಳ ಬಗ್ಗೆ ತಿಳಿಸಿದ್ದಾರೆ.

ಕಲರ್‌ಫುಲ್‌ ಫಂಕಿ ಲೇಯರ್‌ ಲುಕ್‌

ಈ ಫ್ಯಾಷನ್‌ ಈ ಜನರೇಷನ್‌ನ ಟೀನೇಜ್‌ ಹುಡುಗಿಯರ ವ್ಯಕ್ತಿತ್ವ ಹಾಗೂ ಅವರ ಪ್ರತಿನಿತ್ಯದ ಪರಿಸರಕ್ಕೆ ತಕ್ಕಂತೆ ಹಾಗೂ ಅಭಿರುಚಿಗೆ ತಕ್ಕಂತೆ ಬದಲಾಗುತ್ತಿದೆ. ಉದಾಹರಣೆಗೆ., ಪ್ಯಾಂಟ್‌ ಪ್ರಿಂಟ್ಸ್‌ನದ್ದಾದಲ್ಲಿ, ಇದಕ್ಕೆ ಧರಿಸುವ ಟಾಪ್‌ ಒಂದು ಬಣ್ಣದ್ದು, ಇನ್ನು ಅದರ ಮೇಲೆ ಧರಿಸುವ ಕಾರ್ಡಿಗಾನ್‌, ಜಾಕೆಟ್‌ ಅಥವಾ ಕೇಪ್‌ ಮತ್ತೊಂದು ವರ್ಣದ್ದು. ಹೀಗೆ ಒಂದಕ್ಕೊಂದು ಯಾವುದು ಮ್ಯಾಚ್‌ ಆಗುವುದಿಲ್ಲ! ಬದಲಿಗೆ ಎಲ್ಲವೂ ಮಿಸ್‌ ಮ್ಯಾಚ್‌ ಆಗಿ ಎದ್ದು ಕಾಣುತ್ತವೆ. ಇವು ಈ ಬಾರಿ ಟೀನೇಜ್‌ ಹುಡುಗಿಯರ ಫಂಕಿ ಲುಕ್‌ಗೆ ಸಾಥ್‌ ನೀಡಿವೆ.

ಫುಲ್‌ ಸ್ಲೀವ್‌ ಕಟೌಟ್‌ ಕ್ರಾಪ್‌ ಟಾಪ್‌ ಸ್ಟೈಲಿಂಗ್‌

ಪ್ಯಾಂಟ್‌ಗೆ ಸೊಂಟ ಕಾಣಿಸುವಂತಹ ಕ್ರಾಪ್‌ ಟಾಪ್‌, ಅಲ್ಲಲ್ಲಿ ಕಟೌಟ್‌ ಆದ ಫುಲ್‌ ಸ್ಲೀವ್‌ ಟಾಪ್‌, ಹೆಸರಿಗೆ ಮಾತ್ರ ಈ ಔಟ್‌ಫಿಟ್‌ ಫುಲ್‌ ಸ್ಲೀವ್‌. ಈ ಟಾಪ್‌ ಈ ಮಾನ್ಸೂನ್‌ ಸೀಸನ್‌ನಲ್ಲಿ ಟೀನೇಜ್‌ ಹುಡುಗಿಯರ ಸ್ಟೈಲಿಂಗ್‌ಗೆ ಸಾಥ್‌ ನೀಡುತ್ತಿದೆ.

ಇದನ್ನೂ ಓದಿ: Star Saree Fashion: ಪ್ರಯೋಗಾತ್ಮಕ ರೆಟ್ರೋ ಫ್ಯಾಷನ್‌‌‌ಗೆ ಸೇರಿದೆ ನಟಿ ಕಂಗನಾರ ಚೆಕ್ಸ್ ಶರ್ಟ್ ಬ್ಲೌಸ್‌ ಸೀರೆ!

ಬಿಲೋ ವೇಸ್ಟ್ ಟೊರ್ನ್‌ ಪ್ಯಾಂಟ್‌ ಸ್ಟೈಲಿಂಗ್‌

ಇದುವರೆಗೂ ಹೈ ವೇಸ್ಟ್ ಫ್ಯಾಷನ್‌ನಲ್ಲಿದ್ದ ಟೋರ್ನ್‌ ಪ್ಯಾಂಟ್‌ ಇದೀಗ ಸೊಂಟದ ಕೆಳಗೆ ಕೂರುವಂತಹ ಡಿಸೈನ್‌ನಲ್ಲಿ ಈ ಮಾನ್ಸೂನ್‌ ಫ್ಯಾಷನ್‌ಗೆ ಎಂಟ್ರಿ ನೀಡಿವೆ. ಟೀನೇಜ್‌ ಹುಡುಗಿಯರ ಬಿಂದಾಸ್‌ ಸ್ಟೈಲಿಂಗ್‌ಗೆ ಸಾಥ್‌ ನೀಡುತ್ತಿವೆ. ಪ್ರಯೋಗಾತ್ಮಕ ಸ್ಟೈಲಿಂಗ್‌ನಲ್ಲಿ ಮಿಕ್ಸ್ ಮ್ಯಾಚ್‌ ಆಗುತ್ತಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)